ललितास्तवराजः Lalita Stavarajah from Brahmandamahapurana

देवा ऊचुःजय देवि जगन्मातर्जय देवि परात्परे ।जय कल्याणनिलये जय कामकलात्मिके ॥ ३\।१३\।१॥जयकारि च वामाक्षि जय कामाक्षि सुन्दरि ।जयाखिलसुराराध्ये जय कामेशि मानदे ॥ ३\।१३\।२॥जय ब्रह्ममये देवि ब्रह्मात्मकरसात्मिके ।जय नारायणि परे नन्दिताशेषविष्टपे ॥ ३\।१३\।३॥जय श्रीकण्ठदयिते जय श्रीललितेऽम्बिके ।जय श्रीविजये देवि विजयश्रीसमृद्धिदे ॥ ३\।१३\।४॥जातस्य जायमानस्य इष्टापूर्तस्य हेतवे ।नमस्तस्यै त्रिजगतां पालयित्र्यै परात्परे ॥ ३\।१३\।५॥कलामुहूर्तकाष्ठाहर्मासर्तुशरदात्मने ।नमः सहस्रशीर्षायै सहस्रमुखलोचने ॥ ३\।१३\।६॥नमः सहस्रहस्ताब्जपादपङ्कजशोभिते ।अणोरणुतरे देवि महतोऽपि महीयसि ॥ ३\।१३\।७॥परात्परतरे मातस्तेजस्तेजीयसामपि ।अतलं तु भवेत्पादौ वितलं जानुनी तव ॥ ३\।१३\।८॥रसातलं कटीदेशः कुक्षिस्ते धरणी भवेत् ।हृदयं तु भुवर्लोकः स्वस्ते मुखमुदाहृतम् ॥ ३\।१३\।९॥दृशश्चन्द्रार्कदहना दिशस्ते बाहवोऽम्बिके ।मरुतस्तु तवोच्छ्वासा वाचस्ते श्रुतयोऽखिलाः ॥ ३\।१३\।१०॥क्रीडा ते लोकरचना सखा ते चिन्मयः शिवः ।आहारस्ते सदानन्दो वासस्ते हृदये सताम् ॥ ३\।१३\।११॥दृश्यादृश्यस्वरूपाणि रूपाणि भुवनानि ते ।शिरोरुहा घनास्ते तु तारकाः कुसुमानि ते ॥ ३\।१३\।१२॥धर्माद्या बाहवस्ते स्युरधर्माद्यायुधानि ते ।यमाश्च नियमाश्चैव करपादरुहास्तथा ॥ ३\।१३\।१३॥स्तनौ स्वाहास्वधाऽऽकरौ लोकोज्जीवनकारकौ ।प्राणायामस्तु ते नासा रसना ते सरस्वती ॥ ३\।१३\।१४॥प्रत्याहारस्त्विन्द्रियाणि ध्यानं ते धीस्तु सत्तमा ।मनस्ते धारणाशक्तिर्हृदयं ते समाधिकः ॥ ३\।१३\।१५॥महीरुहास्तेऽङ्गरुहाः प्रभातं वसनं तव ।भूतं भव्यं भविष्यच्च नित्यं च तव विग्रहः ॥ ३\।१३\।१६॥यज्ञरूपा जगद्धात्री विश्वरूपा च पावनी ।आदौ या तु दयाभूता ससर्ज निखिलाः प्रजाः ॥ ३\।१३\।१७॥हृदयस्थापि लोकानामदृश्या मोहनात्मिका ॥ ३\।१३\।१८॥नामरूपविभागं च या करोति स्वलीलया ।तान्यधिष्ठाय तिष्ठन्ती तेष्वसक्तार्थकामदा ।नमस्तस्यै महादेव्यै सर्वशक्त्यै नमोनमः ॥ ३\।१३\।१९॥(या देवी परमाशक्तिः परब्रह्माभिधायिनी ।ब्रह्मानन्दाभिदायिन्यै तस्यै देव्यै नमो नमः ॥)यदाज्ञया प्रवर्तन्ते वह्निसूर्येन्दुमारुताः ।पृथिव्यादीनि भूतानि तस्यै देव्यै नमोनमः ॥ ३\।१३\।२०॥या ससर्जादिधातारं सर्गादावादिभूरिदम् ।दधार स्वयमेवैका तस्यै देव्यै नमोनमः ॥ ३\।१३\।२१॥यथा धृता तु धरणी ययाऽऽकाशममेयया । यया धृतायस्यामुदेति सविता तस्यै देव्यै नमोनमः ॥ ३\।१३\।२२॥(यदन्तरस्थं त्रिदिवं यदाधारोऽन्तरिक्षकः ।यन्मयश्चाखिलो लोकः तस्य देवै नमो नमः ॥)यत्रोदेति जगत्कृत्स्नं यत्र तिष्ठति निर्भरम् ।यत्रान्तमेति काले तु तस्यै देव्यै नमोनमः ॥ ३\।१३\।२३॥नमोनमस्ते रजसे भवायै नमोनमः सात्त्विकसंस्थितायै ।नमोनमस्ते तमसे हरायै नमोनमो निर्गुणतः शिवायै ॥ ३\।१३\।२४॥नमोनमस्ते जगदेकमात्रे नमोनमस्ते जगदेकपित्रे ।नमोनमस्तेऽखिलरूपतन्त्रे नमोनमस्तेऽखिलयन्त्ररूपे ॥ ३\।१३\।२५॥नमोनमो लोकगुरुप्रधाने नमोनमस्तेऽखिलवाग्विभूत्यै ।नमोऽस्तु लक्ष्म्यै जगदेकतुष्ट्यै नमोनमः शाम्भवि सर्वशक्त्यै ॥ ३\।१३\।२६॥अनादिमध्यान्तमपाञ्चभौतिकं ह्यवाङ्मनोगम्यमतर्क्यवैभवम् ।अरूपमद्वन्द्वमदृष्टगोचरं प्रभावमग्र्यं कथमम्ब वर्णये ॥ ३\।१३\।२७॥प्रसीद विश्वेश्वरि विश्ववन्दिते प्रसीद विद्येश्वरि वेदरूपिणि ।प्रसीद मायामयि मन्त्राविग्रहे प्रसीद सर्वेश्वरि सर्वरूपिणि ॥ ३\।१३\।२८॥इति स्तुत्वा महादेवीं देवाः सर्वे सवासवाः ।भूयो भूयो नमस्कृत्य शरणं जग्मुरञ्जसा ॥ ३\।१३\।२९॥ततः प्रसन्ना सा देवी प्रणतं वीक्ष्य वासवम् ।वरेण च्छन्दयामास वरदाखिलदेहिनाम् ॥ ३\।१३\।३०॥इन्द्र उवाचयदि तुष्टासि कल्याणि वरं दैत्येन्द्रपीडिताः ।दुर्धरं जीवितं देहि त्वां गताः शरणार्थिनः ॥ ३\।१३\।३१॥श्रीदेव्युवाचअहमेव विनिर्जित्य भण्डं दैत्यकुलोद्भवम् ।अचिरात्तव दास्यामि त्रैलोक्यं सचराचरम् ॥ ३\।१३\।३२॥निर्भया मुदिताः सन्तु सर्वे देवगणास्तथा ।ये स्तोष्यन्ति च मां भक्त्या स्तवेनानेन मानवाः ॥ ३\।१३\।३३॥भाजनं ते भविष्यन्ति धर्मश्रीयशसां सदा ।विद्याविनयसम्पन्ना नीरोगा दीर्घजीविनः ॥ ३\।१३\।३४॥पुत्रमित्रकलत्राढ्या भवन्तु मदनुग्रहात् ।इति लब्धवरा देवा देवेन्द्रोऽपि महाबलः ॥ ३\।१३\।३५॥आमोदं परमं जग्मुस्तां विलोक्य मुहुर्मुहुः ॥ ३\।१३\।३६॥इति श्रीब्रह्माण्डमहापुराणे उत्तरभागे हयग्रीवागस्त्यसंवादे ललितोपाख्यानेललितास्तवराजो नाम त्रयोदशोऽध्यायः ॥

devā ūcuḥjaya devi jaganmātarjaya devi parātpare |jaya kalyāṇanilaye jaya kāmakalātmike || 3\|13\|1||jayakāri ca vāmākṣi jaya kāmākṣi sundari |jayākhilasurārādhye jaya kāmeśi mānade || 3\|13\|2||jaya brahmamaye devi brahmātmakarasātmike |jaya nārāyaṇi pare nanditāśeṣaviṣṭape || 3\|13\|3||jaya śrīkaṇṭhadayite jaya śrīlalite'mbike |jaya śrīvijaye devi vijayaśrīsamṛddhide || 3\|13\|4||jātasya jāyamānasya iṣṭāpūrtasya hetave |namastasyai trijagatāṃ pālayitryai parātpare || 3\|13\|5||kalāmuhūrtakāṣṭhāharmāsartuśaradātmane |namaḥ sahasraśīrṣāyai sahasramukhalocane || 3\|13\|6||namaḥ sahasrahastābjapādapaṅkajaśobhite |aṇoraṇutare devi mahato'pi mahīyasi || 3\|13\|7||parātparatare mātastejastejīyasāmapi |atalaṃ tu bhavetpādau vitalaṃ jānunī tava || 3\|13\|8||rasātalaṃ kaṭīdeśaḥ kukṣiste dharaṇī bhavet |hṛdayaṃ tu bhuvarlokaḥ svaste mukhamudāhṛtam || 3\|13\|9||dṛśaścandrārkadahanā diśaste bāhavo'mbike |marutastu tavocchvāsā vācaste śrutayo'khilāḥ || 3\|13\|10||krīḍā te lokaracanā sakhā te cinmayaḥ śivaḥ |āhāraste sadānando vāsaste hṛdaye satām || 3\|13\|11||dṛśyādṛśyasvarūpāṇi rūpāṇi bhuvanāni te |śiroruhā ghanāste tu tārakāḥ kusumāni te || 3\|13\|12||dharmādyā bāhavaste syuradharmādyāyudhāni te |yamāśca niyamāścaiva karapādaruhāstathā || 3\|13\|13||stanau svāhāsvadhā''karau lokojjīvanakārakau |prāṇāyāmastu te nāsā rasanā te sarasvatī || 3\|13\|14||pratyāhārastvindriyāṇi dhyānaṃ te dhīstu sattamā |manaste dhāraṇāśaktirhṛdayaṃ te samādhikaḥ || 3\|13\|15||mahīruhāste'ṅgaruhāḥ prabhātaṃ vasanaṃ tava |bhūtaṃ bhavyaṃ bhaviṣyacca nityaṃ ca tava vigrahaḥ || 3\|13\|16||yajñarūpā jagaddhātrī viśvarūpā ca pāvanī |ādau yā tu dayābhūtā sasarja nikhilāḥ prajāḥ || 3\|13\|17||hṛdayasthāpi lokānāmadṛśyā mohanātmikā || 3\|13\|18||nāmarūpavibhāgaṃ ca yā karoti svalīlayā |tānyadhiṣṭhāya tiṣṭhantī teṣvasaktārthakāmadā |namastasyai mahādevyai sarvaśaktyai namonamaḥ || 3\|13\|19||(yā devī paramāśaktiḥ parabrahmābhidhāyinī |brahmānandābhidāyinyai tasyai devyai namo namaḥ ||)yadājñayā pravartante vahnisūryendumārutāḥ |pṛthivyādīni bhūtāni tasyai devyai namonamaḥ || 3\|13\|20||yā sasarjādidhātāraṃ sargādāvādibhūridam |dadhāra svayamevaikā tasyai devyai namonamaḥ || 3\|13\|21||yathā dhṛtā tu dharaṇī yayā''kāśamameyayā | yayā dhṛtāyasyāmudeti savitā tasyai devyai namonamaḥ || 3\|13\|22||(yadantarasthaṃ tridivaṃ yadādhāro'ntarikṣakaḥ |yanmayaścākhilo lokaḥ tasya devai namo namaḥ ||)yatrodeti jagatkṛtsnaṃ yatra tiṣṭhati nirbharam |yatrāntameti kāle tu tasyai devyai namonamaḥ || 3\|13\|23||namonamaste rajase bhavāyai namonamaḥ sāttvikasaṃsthitāyai |namonamaste tamase harāyai namonamo nirguṇataḥ śivāyai || 3\|13\|24||namonamaste jagadekamātre namonamaste jagadekapitre |namonamaste'khilarūpatantre namonamaste'khilayantrarūpe || 3\|13\|25||namonamo lokagurupradhāne namonamaste'khilavāgvibhūtyai |namo'stu lakṣmyai jagadekatuṣṭyai namonamaḥ śāmbhavi sarvaśaktyai || 3\|13\|26||anādimadhyāntamapāñcabhautikaṃ hyavāṅmanogamyamatarkyavaibhavam |arūpamadvandvamadṛṣṭagocaraṃ prabhāvamagryaṃ kathamamba varṇaye || 3\|13\|27||prasīda viśveśvari viśvavandite prasīda vidyeśvari vedarūpiṇi |prasīda māyāmayi mantrāvigrahe prasīda sarveśvari sarvarūpiṇi || 3\|13\|28||iti stutvā mahādevīṃ devāḥ sarve savāsavāḥ |bhūyo bhūyo namaskṛtya śaraṇaṃ jagmurañjasā || 3\|13\|29||tataḥ prasannā sā devī praṇataṃ vīkṣya vāsavam |vareṇa cchandayāmāsa varadākhiladehinām || 3\|13\|30||indra uvācayadi tuṣṭāsi kalyāṇi varaṃ daityendrapīḍitāḥ |durdharaṃ jīvitaṃ dehi tvāṃ gatāḥ śaraṇārthinaḥ || 3\|13\|31||śrīdevyuvācaahameva vinirjitya bhaṇḍaṃ daityakulodbhavam |acirāttava dāsyāmi trailokyaṃ sacarācaram || 3\|13\|32||nirbhayā muditāḥ santu sarve devagaṇāstathā |ye stoṣyanti ca māṃ bhaktyā stavenānena mānavāḥ || 3\|13\|33||bhājanaṃ te bhaviṣyanti dharmaśrīyaśasāṃ sadā |vidyāvinayasampannā nīrogā dīrghajīvinaḥ || 3\|13\|34||putramitrakalatrāḍhyā bhavantu madanugrahāt |iti labdhavarā devā devendro'pi mahābalaḥ || 3\|13\|35||āmodaṃ paramaṃ jagmustāṃ vilokya muhurmuhuḥ || 3\|13\|36||iti śrībrahmāṇḍamahāpurāṇe uttarabhāge hayagrīvāgastyasaṃvāde lalitopākhyānelalitāstavarājo nāma trayodaśo'dhyāyaḥ ||