लक्ष्मीस्तोत्रम् सम्पदालक्ष्मीस्तोत्रम् च Shri Lakshmistotram Indrarachitam

श्रीसम्पदालक्ष्मीस्तोत्रम्(ब्रह्मवैवर्त्ते इन्द्रप्रोक्तं देवीभागवते च पुरन्दरप्रोक्तम्)श्रीगणेशाय नमः ।ध्यानम्सहस्रदलपद्मस्थकर्णिकावासिनीं पराम् ।शरत्पार्वणकोटीन्दुप्रभामुष्टिकरां पराम् ॥ १॥

śrīsampadālakṣmīstotram(brahmavaivartte indraproktaṃ devībhāgavate ca purandaraproktam)śrīgaṇeśāya namaḥ |dhyānamsahasradalapadmasthakarṇikāvāsinīṃ parām |śaratpārvaṇakoṭīnduprabhāmuṣṭikarāṃ parām || 1||

स्वतेजसा प्रज्वलन्तीं सुखदृश्यां मनोहराम् ।प्रतप्तकाञ्चननिभशोभां मूर्तिमतीं सतीम् ॥ २॥

svatejasā prajvalantīṃ sukhadṛśyāṃ manoharām |prataptakāñcananibhaśobhāṃ mūrtimatīṃ satīm || 2||

रत्नभूषणभूषाढ्यां शोभितां पीतवाससा ।ईषद्धास्यप्रसन्नास्यां शश्वत्सुस्थिरयौवनाम् ।सर्वसम्पत्प्रदात्रीं च महालक्ष्मीं भजे शुभाम् ॥ ३॥

ratnabhūṣaṇabhūṣāḍhyāṃ śobhitāṃ pītavāsasā |īṣaddhāsyaprasannāsyāṃ śaśvatsusthirayauvanām |sarvasampatpradātrīṃ ca mahālakṣmīṃ bhaje śubhām || 3||

इन्द्र उवाचॐ नमः कमलवासिन्यै नारायण्यै नमो नमः ।कृष्णप्रियायै सारायै पद्मायै च नमो नमः ॥ १॥

indra uvācaoṃ namaḥ kamalavāsinyai nārāyaṇyai namo namaḥ |kṛṣṇapriyāyai sārāyai padmāyai ca namo namaḥ || 1||

पद्मपत्रेक्षणायै च पद्मास्यायै नमो नमः ।पद्मासनायै पद्मिन्यै वैष्णव्यै च नमो नमः ॥ २॥

padmapatrekṣaṇāyai ca padmāsyāyai namo namaḥ |padmāsanāyai padminyai vaiṣṇavyai ca namo namaḥ || 2||

सर्वसम्पत्स्वरूपायै सर्वदात्र्यै नमो नमः ।सुखदायै मोक्षदायै सिद्धिदायै नमो नमः ॥ ३॥

sarvasampatsvarūpāyai sarvadātryai namo namaḥ |sukhadāyai mokṣadāyai siddhidāyai namo namaḥ || 3||

हरिभक्तिप्रदात्र्यै च हर्षदात्र्यै नमो नमः ।कृष्णवक्षःस्थितायै च कृष्णेशायै नमो नमः ॥ ४॥

haribhaktipradātryai ca harṣadātryai namo namaḥ |kṛṣṇavakṣaḥsthitāyai ca kṛṣṇeśāyai namo namaḥ || 4||

कृष्णशोभास्वरूपायै रत्नपद्मे च शोभने ।सम्पत्यधिष्ठातृदेव्यै महादेव्यै नमो नमः ॥ ५॥

kṛṣṇaśobhāsvarūpāyai ratnapadme ca śobhane |sampatyadhiṣṭhātṛdevyai mahādevyai namo namaḥ || 5||

शन्याधिष्ठादेव्यै च शस्यायै च नमो नमः ।नमो बुद्धिस्वरूपायै बुद्धिदायै नमो नमः ॥ ६॥

śanyādhiṣṭhādevyai ca śasyāyai ca namo namaḥ |namo buddhisvarūpāyai buddhidāyai namo namaḥ || 6||

वैकुण्ठे या महालक्ष्मीर्लक्ष्मीः क्षीरोदसागरे ।स्वर्गलक्ष्मीरिन्द्रगेहे राजलक्ष्मीर्नपालये ॥ ७॥

vaikuṇṭhe yā mahālakṣmīrlakṣmīḥ kṣīrodasāgare |svargalakṣmīrindragehe rājalakṣmīrnapālaye || 7||

गृहलक्ष्मीश्च गृहिणां गेहे च गृहदेवता ।सुरभि सा गवां माता दक्षिणा यज्ञकामनी ॥ ८॥

gṛhalakṣmīśca gṛhiṇāṃ gehe ca gṛhadevatā |surabhi sā gavāṃ mātā dakṣiṇā yajñakāmanī || 8||

अदितिर्देवमाता त्वं कमला कमलालये ।स्वाहा त्वं च हविर्दाने कव्यदाने स्वधा स्मृता ॥ ९॥

aditirdevamātā tvaṃ kamalā kamalālaye |svāhā tvaṃ ca havirdāne kavyadāne svadhā smṛtā || 9||

त्वं हि विष्णुस्वरूपा च सर्वाधारा वसुन्धरा ।शुद्धसत्त्वस्वरूपा त्वं नारायणपरायाणा ॥ १०॥

tvaṃ hi viṣṇusvarūpā ca sarvādhārā vasundharā |śuddhasattvasvarūpā tvaṃ nārāyaṇaparāyāṇā || 10||

क्रोधहिंसावर्जिता च वरदा च शुभानना ।परमार्थप्रदा त्वं च हरिदास्यप्रदा परा ॥ ११॥

krodhahiṃsāvarjitā ca varadā ca śubhānanā |paramārthapradā tvaṃ ca haridāsyapradā parā || 11||

यया विना जगत् सर्वे भस्मीभूतमसारकम् ।जीवन्मृतं च विश्वं च शवतुल्यं यया विना ॥ १२॥

yayā vinā jagat sarve bhasmībhūtamasārakam |jīvanmṛtaṃ ca viśvaṃ ca śavatulyaṃ yayā vinā || 12||

सर्वेषां च परा त्वं हि सर्वबान्धवरूपिणी ।यया विना न सम्भाप्यो बाध्ववैर्बान्धवः सदा ॥ १३॥

sarveṣāṃ ca parā tvaṃ hi sarvabāndhavarūpiṇī |yayā vinā na sambhāpyo bādhvavairbāndhavaḥ sadā || 13||

त्वया हीनो बन्धुहीनस्वत्वया युक्तः सबान्धवः ।धर्मार्थकाममोक्षाणां त्वं च कारणरूपिणी ॥ १४॥

tvayā hīno bandhuhīnasvatvayā yuktaḥ sabāndhavaḥ |dharmārthakāmamokṣāṇāṃ tvaṃ ca kāraṇarūpiṇī || 14||

यथा माता स्तनान्धानां शिशूनां शैशवे सदा ।तथा त्वं सर्वदा माता सर्वेषां सर्वरूपताः ॥ १५॥

yathā mātā stanāndhānāṃ śiśūnāṃ śaiśave sadā |tathā tvaṃ sarvadā mātā sarveṣāṃ sarvarūpatāḥ || 15||

मातृहीन स्ननान्धस्तु स चेज्जीवति दैवतः ।त्वया हीनो जनःकोऽपि न जीवत्येव निश्चितम् ॥ १६॥

mātṛhīna snanāndhastu sa cejjīvati daivataḥ |tvayā hīno janaḥko'pi na jīvatyeva niścitam || 16||

सुप्रसन्नस्वरूपा त्वं मां प्रसन्ना भवाम्बिके ।वैरिग्रस्तं च विषयं देहि मह्मं सनातनि ॥ १७॥

suprasannasvarūpā tvaṃ māṃ prasannā bhavāmbike |vairigrastaṃ ca viṣayaṃ dehi mahmaṃ sanātani || 17||

वयं यावत् त्वया हीना बन्धुहीनश्च भिक्षुकाः ।सर्वसम्पद्विहीनाश्च तावदेव हरिप्रिये ॥ १८॥

vayaṃ yāvat tvayā hīnā bandhuhīnaśca bhikṣukāḥ |sarvasampadvihīnāśca tāvadeva haripriye || 18||

राज्यं देहि श्रियं देहि बलं देहि सुरेश्वरि ।कीर्ति देहि धनं देहि यशो मह्मं च देहि वै ॥ १९॥

rājyaṃ dehi śriyaṃ dehi balaṃ dehi sureśvari |kīrti dehi dhanaṃ dehi yaśo mahmaṃ ca dehi vai || 19||

कामं देहि मतिं देहि भोगान देहि हरिप्रिये ।ज्ञानं देहि च धर्मे च सर्वसौभाग्यमीप्सितम् ॥ २०॥

kāmaṃ dehi matiṃ dehi bhogāna dehi haripriye |jñānaṃ dehi ca dharme ca sarvasaubhāgyamīpsitam || 20||

प्रभावां च प्रतापं च सर्वाधिकारमेव च ।जयं पराक्रमं युद्धे परमैश्वर्यमैव च ॥ २१॥

prabhāvāṃ ca pratāpaṃ ca sarvādhikārameva ca |jayaṃ parākramaṃ yuddhe paramaiśvaryamaiva ca || 21||

इत्युक्त्वा च महेन्द्रश्च सर्वैः सुरगणैः सह ।प्रणमाम साश्रुनेत्रो मूर्ध्ना चैव पुनः पुनः ॥ २२॥

ityuktvā ca mahendraśca sarvaiḥ suragaṇaiḥ saha |praṇamāma sāśrunetro mūrdhnā caiva punaḥ punaḥ || 22||

ब्रह्मा च शङ्करश्चैव शेषो धर्मश्च केशवः ।सर्वेचक्रुः परिहारं सुरार्थे च पुनः पुनः ॥ २३॥

brahmā ca śaṅkaraścaiva śeṣo dharmaśca keśavaḥ |sarvecakruḥ parihāraṃ surārthe ca punaḥ punaḥ || 23||

देवेभ्यश्च वरं दत्वा पुष्पमालां मनोहराम् ।केशवाय ददा लक्ष्मीः सन्तुष्टा सुरसंसदि ॥ २४॥

devebhyaśca varaṃ datvā puṣpamālāṃ manoharām |keśavāya dadā lakṣmīḥ santuṣṭā surasaṃsadi || 24||

ययुर्देवाश्च सन्तुष्टाः स्वं स्वं स्थानञ्च नारद ।देवी ययौ हरेः स्थानं हृष्टा क्षीरोदशायिनः ॥ २५॥ (हरेः क्रोडं)

yayurdevāśca santuṣṭāḥ svaṃ svaṃ sthānañca nārada |devī yayau hareḥ sthānaṃ hṛṣṭā kṣīrodaśāyinaḥ || 25|| (hareḥ kroḍaṃ)

ययतुश्चैय स्वगृहं ब्रह्मेशानौ च नारद ।दत्त्वा शुभाशिषं तौ च देवेभ्यः प्रीतिपूर्वकम् ॥ २६॥

yayatuścaiya svagṛhaṃ brahmeśānau ca nārada |dattvā śubhāśiṣaṃ tau ca devebhyaḥ prītipūrvakam || 26||

इदं स्तोत्रं महापुण्यं त्रिसन्ध्यं यः पठेन्नरः । (च पठेन्नरः)कुबेरतुल्यः स भवेत् राजराजेश्वरो महान् ॥ २७॥

idaṃ stotraṃ mahāpuṇyaṃ trisandhyaṃ yaḥ paṭhennaraḥ | (ca paṭhennaraḥ)kuberatulyaḥ sa bhavet rājarājeśvaro mahān || 27||

सिद्धस्तोत्रं यदि पठेत् सोऽपि कल्पतरूर्नरः ।पञ्चलक्षजपेनैव स्तोत्रसिद्धिर्भवेन्नृणाम् ॥ २८॥

siddhastotraṃ yadi paṭhet so'pi kalpatarūrnaraḥ |pañcalakṣajapenaiva stotrasiddhirbhavennṛṇām || 28||

सिद्धस्तोत्रं यदि पठेन्मासमेकं च संयतः ।महासुखी च राजेन्द्रो भविष्यति न संशयः ॥ २९॥

siddhastotraṃ yadi paṭhenmāsamekaṃ ca saṃyataḥ |mahāsukhī ca rājendro bhaviṣyati na saṃśayaḥ || 29||

इति श्रीब्रह्मवैवर्त्ते महापुराणे द्वितीये प्रकृतिखण्डे नारदनारायणसंवादेलक्ष्मीपूजनविधाननामैकोनचत्वारिंशत्तमोऽध्याये लक्ष्मीउपाख्यानेइन्द्रकृतं लक्ष्मीस्तोत्रं सम्पूर्णम् । २(प्रकृति खण्ड)\।३९\।५२७२देवीभागवतपुराणे नवमस्कन्धे अध्याय ४२क़ुइते अ बित्।

iti śrībrahmavaivartte mahāpurāṇe dvitīye prakṛtikhaṇḍe nāradanārāyaṇasaṃvādelakṣmīpūjanavidhānanāmaikonacatvāriṃśattamo'dhyāye lakṣmīupākhyāneindrakṛtaṃ lakṣmīstotraṃ sampūrṇam | 2(prakṛti khaṇḍa)\|39\|5272devībhāgavatapurāṇe navamaskandhe adhyāya 42क़uite a bit|