लक्ष्मीस्तोत्रम् (लोपामुद्राप्रोक्तम् लक्ष्मीनारायणीयसंहितान्तर्गतम्) Shri Lakshmistotra By Lopamudra

॥ पूर्व पीठिका ॥लोपामुद्रा श्रियाः पादौ धृत्वाननाम सादरम् ।ववन्दे स्तवनं चक्रे तव लक्ष्मि सदा सती ॥ १॥

|| pūrva pīṭhikā ||lopāmudrā śriyāḥ pādau dhṛtvānanāma sādaram |vavande stavanaṃ cakre tava lakṣmi sadā satī || 1||

श्रुणु तत् स्तवनं येन स्तावकाः स्युर्धनाश्रयाः ।नैकसम्पत् समायुक्ताः त्वया प्रसन्नयेक्षिताः ॥ २॥

śruṇu tat stavanaṃ yena stāvakāḥ syurdhanāśrayāḥ |naikasampat samāyuktāḥ tvayā prasannayekṣitāḥ || 2||

॥ मूलपाठ श्रीलोपामुद्रा उवाच ॥मातर्नमामि कमले पद्मायतसुलोचने ।श्रीविष्णुहृत्कमलस्थे विश्वमातर्नमोऽस्तु ते ॥ १॥

|| mūlapāṭha śrīlopāmudrā uvāca ||mātarnamāmi kamale padmāyatasulocane |śrīviṣṇuhṛtkamalasthe viśvamātarnamo'stu te || 1||

क्षीरसागरसत्पुत्रि पद्मगर्भाभसुन्दरि ।लक्ष्मि प्रसीद सततं विश्वमातर्नमोऽस्तु ते ॥ २॥

kṣīrasāgarasatputri padmagarbhābhasundari |lakṣmi prasīda satataṃ viśvamātarnamo'stu te || 2||

महेन्द्रसदने त्वं श्रीः रुक्मिणि कृष्णभामिनि ।चन्द्रे ज्योत्स्ना प्रभा सूर्ये विश्वमातर्नमोऽस्तु ते ॥ ३॥

mahendrasadane tvaṃ śrīḥ rukmiṇi kṛṣṇabhāmini |candre jyotsnā prabhā sūrye viśvamātarnamo'stu te || 3||

स्मितानने जगध्दात्रि शरण्ये सुखवर्द्धिनि ।जातवेदसि दहने विश्वमातर्नमोऽस्तु ते ॥ ४॥

smitānane jagadhdātri śaraṇye sukhavarddhini |jātavedasi dahane viśvamātarnamo'stu te || 4||

ब्रह्माणि त्वं सर्जनाऽसि विष्णौ त्वं पोषिका सदा ।शिवौ संहारिका शक्तिः विश्वमातर्नमोऽस्तु ते ॥ ५॥

brahmāṇi tvaṃ sarjanā'si viṣṇau tvaṃ poṣikā sadā |śivau saṃhārikā śaktiḥ viśvamātarnamo'stu te || 5||

त्वया शूरागुणीविज्ञा धन्यामान्याकुलीनका ।कलाशीलकलापाढ्यै विश्वमातर्नमोऽस्तु ते ॥ ६॥

tvayā śūrāguṇīvijñā dhanyāmānyākulīnakā |kalāśīlakalāpāḍhyai viśvamātarnamo'stu te || 6||

त्वया गजस्तुरङ्गश्च स्त्रैणस्तृर्णं सरः सदः ।देवो गृहं कणः श्रेष्ठा विश्वमातर्नमोऽस्तु ते ॥ ७॥

tvayā gajasturaṅgaśca straiṇastṛrṇaṃ saraḥ sadaḥ |devo gṛhaṃ kaṇaḥ śreṣṭhā viśvamātarnamo'stu te || 7||

त्वया पक्षीपशुः शय्या रत्नं पृथ्वी नरो वधूः ।श्रेष्ठा शुध्दा महालक्ष्मि विश्वमातर्नमोऽस्तु ते ॥ ८॥

tvayā pakṣīpaśuḥ śayyā ratnaṃ pṛthvī naro vadhūḥ |śreṣṭhā śudhdā mahālakṣmi viśvamātarnamo'stu te || 8||

लक्ष्मि श्री कमले पद्मे रमे पद्मोद्।ह्भवे सति ।अब्धिजे विष्णुपत्नि त्वं प्रसीद सततं प्रिये ॥ ९॥

lakṣmi śrī kamale padme rame padmod|hbhave sati |abdhije viṣṇupatni tvaṃ prasīda satataṃ priye || 9||

॥ फल श्रुतिः ॥इति स्तुता प्रसन्ना च श्रीरुवाच पतिव्रताम् ।लोपामुद्रे मुने जाने वां यत हृत्तापकारणम् ॥ १॥

|| phala śrutiḥ ||iti stutā prasannā ca śrīruvāca pativratām |lopāmudre mune jāne vāṃ yata hṛttāpakāraṇam || 1||

सुचेतनं दुनोत्येव काशीविश्लेषजोऽनलः ।युवां वाराणसीं प्राप्य सिध्दिं प्रप्यस्थ ईप्सिताम् ॥ २॥

sucetanaṃ dunotyeva kāśīviśleṣajo'nalaḥ |yuvāṃ vārāṇasīṃ prāpya sidhdiṃ prapyastha īpsitām || 2||

ये पठिष्यन्ति मत्स्तोत्रं तापदारिद्र्यनाशकम् ।इष्टसम्पत्प्रदं तेषां जयसन्ततिकारकम् ॥ ३॥

ye paṭhiṣyanti matstotraṃ tāpadāridryanāśakam |iṣṭasampatpradaṃ teṣāṃ jayasantatikārakam || 3||

मम सान्निध्यदं बालग्रहादिव्यधिनाशनम् ।भविष्यति मम सारुप्यादिप्रमोक्षणं तथा ॥ ४॥

mama sānnidhyadaṃ bālagrahādivyadhināśanam |bhaviṣyati mama sārupyādipramokṣaṇaṃ tathā || 4||

॥ श्रीलक्ष्मीनरायणसंहितायां श्रीलोपामुद्राकृत श्रीलक्ष्मीस्तोत्रम् ॥

|| śrīlakṣmīnarāyaṇasaṃhitāyāṃ śrīlopāmudrākṛta śrīlakṣmīstotram ||