जगन्नाथदण्डकम् Shrijagannathadandakam

जय जय नारायण अपारभवसागरोत्तारपरायण सनकसनन्दनसनातनप्रभृतियोगिवरविचिन्त्यमानदिव्यतत्त्व स्वमायाविलसिताध्यासपरिणमिताशेषभूततत्त्च त्रितत्त्व त्रिदण्डधरत्रिणाचिकेत त्रिमधुत्रिसुपर्णोपगीयमानदिव्यज्ञान च्छन्दोमयस्वासनसुपर्णप्रिय भक्तप्रिय भक्तजनैकवत्सल स्वमायाजालव्यवहितात्मस्वरूप विश्वरूप विश्वप्रकाश विश्वतोमुख विश्वतोऽक्षिविश्वतःश्रवण विश्वतः पादशिरोग्रीव विश्वहस्तनासारसनात्वक्वेशलोमलिङ्ग सर्वलोकात्मक सर्वलोकसुखावह सर्वलोकोपकारकसर्वलोकनमस्कृत लीलाविलासितकोटिपद्मोद्भवरुद्रेन्द्रमरुदश्विसाध्यसिद्धगणप्रणताशेषसुरासुरत्रिभुवनगुरो न कस्यापि ज्ञानगोचरनमस्ते नमस्ते ।(श्रीस्कन्दपुराणे)इति श्रीजगन्नाथदण्डकं सम्पूर्णम् ।महाविष्णुस्तुतिःब्रह्मर्षय ऊचुःनमस्ते देवदेवानामादिभूत सनातन ।पुरुषाय पुराणाय नमस्ते परमात्मने ॥ १॥

jaya jaya nārāyaṇa apārabhavasāgarottāraparāyaṇa sanakasanandanasanātanaprabhṛtiyogivaravicintyamānadivyatattva svamāyāvilasitādhyāsapariṇamitāśeṣabhūtatattca tritattva tridaṇḍadharatriṇāciketa trimadhutrisuparṇopagīyamānadivyajñāna cchandomayasvāsanasuparṇapriya bhaktapriya bhaktajanaikavatsala svamāyājālavyavahitātmasvarūpa viśvarūpa viśvaprakāśa viśvatomukha viśvato'kṣiviśvataḥśravaṇa viśvataḥ pādaśirogrīva viśvahastanāsārasanātvakveśalomaliṅga sarvalokātmaka sarvalokasukhāvaha sarvalokopakārakasarvalokanamaskṛta līlāvilāsitakoṭipadmodbhavarudrendramarudaśvisādhyasiddhagaṇapraṇatāśeṣasurāsuratribhuvanaguro na kasyāpi jñānagocaranamaste namaste |(śrīskandapurāṇe)iti śrījagannāthadaṇḍakaṃ sampūrṇam |mahāviṣṇustutiḥbrahmarṣaya ūcuḥnamaste devadevānāmādibhūta sanātana |puruṣāya purāṇāya namaste paramātmane || 1||

जरामरणरोगादिविहीनायामलात्मने ।ब्रह्मणां पतये तुभ्यं जगतां पतये नमः ॥ २॥

jarāmaraṇarogādivihīnāyāmalātmane |brahmaṇāṃ pataye tubhyaṃ jagatāṃ pataye namaḥ || 2||

लोकालोकस्वरूरपाय लोकानां पतये नमः ।शङ्खचक्रगदापद्मपाणये विष्णवे नमः ॥ ३॥

lokālokasvarūrapāya lokānāṃ pataye namaḥ |śaṅkhacakragadāpadmapāṇaye viṣṇave namaḥ || 3||

नमो हिरण्यगर्भाय श्रीपते भूपते नमः ।नगः स्वयम्भुवे तुभ्यं सूत्रात्मादिस्वरूपिणे ॥ ४॥

namo hiraṇyagarbhāya śrīpate bhūpate namaḥ |nagaḥ svayambhuve tubhyaṃ sūtrātmādisvarūpiṇe || 4||

विराट्प्रजापतेः साक्षाज्जनकाय नमो नमः ।विश्वतैजसरूपाय प्राज्ञरूपाय ते नमः ॥ ५॥

virāṭprajāpateḥ sākṣājjanakāya namo namaḥ |viśvataijasarūpāya prājñarūpāya te namaḥ || 5||

जाग्रत्स्वप्नस्वरूपाय नमः सुप्त्यात्मने नमः ।अवस्थासाक्षिणे तुभ्यमवस्थावर्जिताच्युत ॥ ६॥

jāgratsvapnasvarūpāya namaḥ suptyātmane namaḥ |avasthāsākṣiṇe tubhyamavasthāvarjitācyuta || 6||

तुरीयाय विशुद्धाय तुर्यातीताय ते नमः ।प्रथमाय समस्तस्य जगतः परमात्मने ॥ ७॥

turīyāya viśuddhāya turyātītāya te namaḥ |prathamāya samastasya jagataḥ paramātmane || 7||

ओङ्कारैकस्वरूपाय शिवाय शिवद प्रभो ।सर्वविज्ञानसम्पन्न नमो विज्ञानदायिने ॥ ८॥

oṅkāraikasvarūpāya śivāya śivada prabho |sarvavijñānasampanna namo vijñānadāyine || 8||

जगतां योनये तुभ्यं वेधसे विश्वरूपिणे ।नित्यशुद्धाय बुद्धाय मुक्ताय सुरवरूपिणे ॥ ९॥

jagatāṃ yonaye tubhyaṃ vedhase viśvarūpiṇe |nityaśuddhāya buddhāya muktāya suravarūpiṇe || 9||

नमो वाचामतीताय मनोऽगम्याय ते नमः ।अप्रमेयाय शान्ताय स्वयम्भानाय साक्षिणे ॥ १०॥

namo vācāmatītāya mano'gamyāya te namaḥ |aprameyāya śāntāya svayambhānāya sākṣiṇe || 10||

नगः पुंसे पुराणाय श्रेयःप्राप्त्येकहेतवे ।आकाशादिप्रपञ्चाय नमस्तद्रूप शङ्कर ॥ ११॥

nagaḥ puṃse purāṇāya śreyaḥprāptyekahetave |ākāśādiprapañcāya namastadrūpa śaṅkara || 11||

मायारूपाय मायायाः सत्ताहेतो जनार्दन ।नमः प्रद्युम्नरूपाय नमः सङ्कर्षणात्मने ॥ १२॥

māyārūpāya māyāyāḥ sattāheto janārdana |namaḥ pradyumnarūpāya namaḥ saṅkarṣaṇātmane || 12||

ममोऽनिरुद्धरूपाय वासुदेवाय ते नमः ।योगाय योगगम्याय योगिनामिष्टसिद्धिद ॥ १३॥

mamo'niruddharūpāya vāsudevāya te namaḥ |yogāya yogagamyāya yogināmiṣṭasiddhida || 13||

नमस्ते मत्स्यरूपाय नमस्ते कूर्मरूपिणे ।नमस्तुभ्यं वराहाय नारसिंहाय ते नमः ॥ १४॥

namaste matsyarūpāya namaste kūrmarūpiṇe |namastubhyaṃ varāhāya nārasiṃhāya te namaḥ || 14||

नमो वामनरूपाय नमो रामत्रयात्मने ।नमः कृष्णाय सर्वज्ञ नमस्ते कल्किरूपिणे ॥ १५॥

namo vāmanarūpāya namo rāmatrayātmane |namaḥ kṛṣṇāya sarvajña namaste kalkirūpiṇe || 15||

कर्मिणां फलरूपाय कर्मरूपाय ते नमः ।कर्मकर्त्रे नमस्तुभ्यं नमस्ते कर्मसाक्षिणे ॥ १६॥

karmiṇāṃ phalarūpāya karmarūpāya te namaḥ |karmakartre namastubhyaṃ namaste karmasākṣiṇe || 16||

नमो विज्ञप्तिरूपाय नमो वेदान्तरूपिणे ।गुपात्रयात्मने तुभ्यं नमो निर्गुणरूपिणे ॥ १७॥

namo vijñaptirūpāya namo vedāntarūpiṇe |gupātrayātmane tubhyaṃ namo nirguṇarūpiṇe || 17||

अद्भुतायामरेशाय शिवप्राप्त्येकहेतवे ।नमो नक्षत्ररूपाय नमस्ते सोमरूपिणे ॥ १८॥

adbhutāyāmareśāya śivaprāptyekahetave |namo nakṣatrarūpāya namaste somarūpiṇe || 18||

नमः सूर्यात्मने तुभ्यं नमो वज्रधराय ते ।नमस्ते पद्मनाभाय नमस्ते शार्ङ्गपाणये ॥ १९॥

namaḥ sūryātmane tubhyaṃ namo vajradharāya te |namaste padmanābhāya namaste śārṅgapāṇaye || 19||

नमस्तुभ्यं विशालाक्ष नमः श्रीधर नायक ।नमः संसारतप्तानां तापनाशैकहेतवे ॥ २०॥

namastubhyaṃ viśālākṣa namaḥ śrīdhara nāyaka |namaḥ saṃsārataptānāṃ tāpanāśaikahetave || 20||

श्रौतस्मार्तैकनिष्ठानामचिरादेव मुक्तिद ।अन्येषामपि सर्वेषां संसारैकप्रदाव्यय ॥ २१॥

śrautasmārtaikaniṣṭhānāmacirādeva muktida |anyeṣāmapi sarveṣāṃ saṃsāraikapradāvyaya || 21||

नमोऽसुरविमर्दाय नमो विद्याधरार्चित ।क्षीरोदशायिने तुभ्यं नमो वैकुण्ठवासिने ।नमो रागाभिभूतानां वैराग्यप्लवदायिने ॥ २२॥

namo'suravimardāya namo vidyādharārcita |kṣīrodaśāyine tubhyaṃ namo vaikuṇṭhavāsine |namo rāgābhibhūtānāṃ vairāgyaplavadāyine || 22||

इति सूतसंहितायां महाविष्णुस्तुतिः समाप्ता ।

iti sūtasaṃhitāyāṃ mahāviṣṇustutiḥ samāptā |