गोविन्दाष्टकम् Shrigovindashtakam

सत्यं ज्ञानमनन्तं नित्यमनाकाशं परमाकाशंगोष्ठप्राङ्गणरिङ्खणलोलमनायासं परमायासम् ।मायाकल्पितनानाकारमनाकारं भुवनाकारंक्ष्मामानाथमनाथं प्रणमत गोविन्दं परमानन्दम् ॥ १॥

satyaṃ jñānamanantaṃ nityamanākāśaṃ paramākāśaṃgoṣṭhaprāṅgaṇariṅkhaṇalolamanāyāsaṃ paramāyāsam |māyākalpitanānākāramanākāraṃ bhuvanākāraṃkṣmāmānāthamanāthaṃ praṇamata govindaṃ paramānandam || 1||

मृत्स्नामत्सीहेति यशोदाताडनशैशव सन्त्रासंव्यादितवक्त्रालोकितलोकालोकचतुर्दशलोकालिम् ।लोकत्रयपुरमूलस्तम्भं लोकालोकमनालोकंलोकेशं परमेशं प्रणमत गोविन्दं परमानन्दम् ॥ २॥

mṛtsnāmatsīheti yaśodātāḍanaśaiśava santrāsaṃvyāditavaktrālokitalokālokacaturdaśalokālim |lokatrayapuramūlastambhaṃ lokālokamanālokaṃlokeśaṃ parameśaṃ praṇamata govindaṃ paramānandam || 2||

त्रैविष्टपरिपुवीरघ्नं क्षितिभारघ्नं भवरोगघ्नंकैवल्यं नवनीताहारमनाहारं भुवनाहारम् ।वैमल्यस्फुटचेतोवृत्तिविशेषाभासमनाभासंशैवं केवलशान्तं प्रणमत गोविन्दं परमानन्दम् ॥ ३॥

traiviṣṭaparipuvīraghnaṃ kṣitibhāraghnaṃ bhavarogaghnaṃkaivalyaṃ navanītāhāramanāhāraṃ bhuvanāhāram |vaimalyasphuṭacetovṛttiviśeṣābhāsamanābhāsaṃśaivaṃ kevalaśāntaṃ praṇamata govindaṃ paramānandam || 3||

गोपालं प्रभुलीलाविग्रहगोपालं कुलगोपालंगोपीखेलनगोवर्धनधृतिलीलालालितगोपालम् ।गोभिर्निगदितगोविन्दस्फुटनामानं बहुनामानंगोपीगोचरपथिकं प्रणमत गोविन्दं परमानन्दम् ॥ ४॥

gopālaṃ prabhulīlāvigrahagopālaṃ kulagopālaṃgopīkhelanagovardhanadhṛtilīlālālitagopālam |gobhirnigaditagovindasphuṭanāmānaṃ bahunāmānaṃgopīgocarapathikaṃ praṇamata govindaṃ paramānandam || 4||

गोपीमण्डलगोष्ठीभेदं भेदावस्थमभेदाभं (गोष्टी)शश्वद्।ह्गोखुरनिर्धूतोद्गतधूलीधूसरसौभाग्यम् ।श्रद्धाभक्तिगृहीतानन्दमचिन्त्यं चिन्तितसद्भावंचिन्तामणिमहिमानं प्रणमत गोविन्दं परमानन्दम् ॥ ५॥

gopīmaṇḍalagoṣṭhībhedaṃ bhedāvasthamabhedābhaṃ (goṣṭī)śaśvad|hgokhuranirdhūtodgatadhūlīdhūsarasaubhāgyam |śraddhābhaktigṛhītānandamacintyaṃ cintitasadbhāvaṃcintāmaṇimahimānaṃ praṇamata govindaṃ paramānandam || 5||

स्नानव्याकुलयोशिद्।ह्वस्त्रमुपादायागमुपारूढंव्यादित्सन्तीरथ दिग्वस्त्रा ह्युपुदातुमुपाकर्षन्तम् ।निर्धूतद्वयशोकविमोहं बुद्धं बुद्धेरन्तस्थंसत्तामात्रशरीरं प्रणमत गोविन्दं परमानन्दम् ॥ ६॥

snānavyākulayośid|hvastramupādāyāgamupārūḍhaṃvyāditsantīratha digvastrā hyupudātumupākarṣantam |nirdhūtadvayaśokavimohaṃ buddhaṃ buddherantasthaṃsattāmātraśarīraṃ praṇamata govindaṃ paramānandam || 6||

कान्तं कारणकारणमादिमनादिं कालमनाभासंकालिन्दीगतकालियशिरसि मुहुर्नृत्यन्तं नृत्यन्तम् ।कालं कालकलातीतं कलिताशेषं कलिदोषघ्नंकालत्रयगतिहेतुं प्रणमत गोविन्दं परमानन्दम् ॥ ७॥

kāntaṃ kāraṇakāraṇamādimanādiṃ kālamanābhāsaṃkālindīgatakāliyaśirasi muhurnṛtyantaṃ nṛtyantam |kālaṃ kālakalātītaṃ kalitāśeṣaṃ kalidoṣaghnaṃkālatrayagatihetuṃ praṇamata govindaṃ paramānandam || 7||

वृन्दावनभुवि वृन्दारकगणवृन्दाराध्यं वन्देऽहंकुन्दाभामलमन्दस्मेरसुधानन्दं सुहृदानन्दम् ।वन्द्याशेषमहामुनिमानसवन्द्यानन्दपदद्वन्द्वंवन्द्याशेषगुणाब्धिं प्रणमत गोविन्दं परमानन्दम् ॥ ८॥

vṛndāvanabhuvi vṛndārakagaṇavṛndārādhyaṃ vande'haṃkundābhāmalamandasmerasudhānandaṃ suhṛdānandam |vandyāśeṣamahāmunimānasavandyānandapadadvandvaṃvandyāśeṣaguṇābdhiṃ praṇamata govindaṃ paramānandam || 8||

गोविन्दाष्टकमेतदधीते गोविन्दार्पितचेता योगोविन्दाच्युत माधव विष्णो गोकुलनायक कृष्णेति ।गोविन्दाङ्घ्रिसरोजध्यानसुधाजलधौतसमस्ताघोगोविन्दं परमानन्दामृतमन्तःस्थं स तमभ्येति ॥॥ इति श्रीमच्छङ्कराचार्यविरचितं श्रीगोविन्दाष्टकं सम्पूर्णम् ॥

govindāṣṭakametadadhīte govindārpitacetā yogovindācyuta mādhava viṣṇo gokulanāyaka kṛṣṇeti |govindāṅghrisarojadhyānasudhājaladhautasamastāghogovindaṃ paramānandāmṛtamantaḥsthaṃ sa tamabhyeti |||| iti śrīmacchaṅkarācāryaviracitaṃ śrīgovindāṣṭakaṃ sampūrṇam ||