युग्मपञ्चश्लोकी Shri Yugma Panchashloki

श्रीकुञ्जमध्ये परिगम्यमाणं वृन्दावने दिव्यधरासुशोभम् ।सखीगणैश्चारु सुसेव्यमानं राधामुकुन्दं प्रणमामि नित्यम् ॥ १॥

śrīkuñjamadhye parigamyamāṇaṃ vṛndāvane divyadharāsuśobham |sakhīgaṇaiścāru susevyamānaṃ rādhāmukundaṃ praṇamāmi nityam || 1||

आनन्दकेन्द्रं व्रजगोपपूज्यं गोवृन्दपृष्ठे मुरलीधरञ्च ।अशेषदेवैः समुपासनीयं राधामुकुन्दं प्रणमामि नित्यम् ॥ २॥

ānandakendraṃ vrajagopapūjyaṃ govṛndapṛṣṭhe muralīdharañca |aśeṣadevaiḥ samupāsanīyaṃ rādhāmukundaṃ praṇamāmi nityam || 2||

मुनीन्द्रवृन्दैरभिवन्दनीयं कदम्बकुञ्जाङ्गणराजमानम् ।पुराणतन्त्रागमचारुवर्ण्यं राधामुकुन्दं प्रणमामि नित्यम् ॥ ३॥

munīndravṛndairabhivandanīyaṃ kadambakuñjāṅgaṇarājamānam |purāṇatantrāgamacāruvarṇyaṃ rādhāmukundaṃ praṇamāmi nityam || 3||

कलिन्दजाकूलविहारशीलमशेषकल्याणगुणैकसिन्धुम् ।वेणुक्वणन्तं व्रजवल्लभञ्च राधामुकुन्दं प्रणमामि नित्यम् ॥ ४॥

kalindajākūlavihāraśīlamaśeṣakalyāṇaguṇaikasindhum |veṇukvaṇantaṃ vrajavallabhañca rādhāmukundaṃ praṇamāmi nityam || 4||

मायूरपिच्छच्छविशोभमानं श्रीरासलीलानरिनृत्यमाणम् ।सखीसमूहैरभिवन्दनीयं राधामुकुन्दं प्रणमामि नित्यम् ॥ ५॥

māyūrapicchacchaviśobhamānaṃ śrīrāsalīlānarinṛtyamāṇam |sakhīsamūhairabhivandanīyaṃ rādhāmukundaṃ praṇamāmi nityam || 5||

श्रीयुग्मपञ्चकश्लोकी श्रीयुग्मभक्तिसम्प्रदा ।राधासर्वेश्वराद्येन शरणान्तेन निर्मिता ॥ ६॥

śrīyugmapañcakaślokī śrīyugmabhaktisampradā |rādhāsarveśvarādyena śaraṇāntena nirmitā || 6||

इति श्रीयुग्मपञ्चश्लोकी समाप्ता ।

iti śrīyugmapañcaślokī samāptā |