भवमङ्गलाष्टकम् Shribhavamangalashtakam

श्रीरङ्गं करिशैलमञ्जनगिरीं शेषाद्रिसिंहाचलंश्रीकूर्मं पुरुषोत्तमं च बदरीनारायणं नैमिषम् ।श्रीमद्वारवतीप्रयागमथुरायोध्यागयापुष्करंशालग्रामगिरिं निषेव्य रमते रामानुजोऽयं मुनिः ॥ १॥

śrīraṅgaṃ kariśailamañjanagirīṃ śeṣādrisiṃhācalaṃśrīkūrmaṃ puruṣottamaṃ ca badarīnārāyaṇaṃ naimiṣam |śrīmadvāravatīprayāgamathurāyodhyāgayāpuṣkaraṃśālagrāmagiriṃ niṣevya ramate rāmānujo'yaṃ muniḥ || 1||

सर्वेषां कृतिनां चरन्ति गुरवः कैङ्कर्यनिष्ठा हरेःश्रीरामानुजयोगिनायकमणिः श्रीपादपद्मालयाः ।भोग्याष्टाक्षरमन्त्ररत्नचरमश्लोकानुसन्धायिनोवन्द्या भागवतोत्तमाः प्रतिदिनङ्कुर्वन्तु नो मङ्गलम् ॥ २॥

sarveṣāṃ kṛtināṃ caranti guravaḥ kaiṅkaryaniṣṭhā hareḥśrīrāmānujayogināyakamaṇiḥ śrīpādapadmālayāḥ |bhogyāṣṭākṣaramantraratnacaramaślokānusandhāyinovandyā bhāgavatottamāḥ pratidinaṅkurvantu no maṅgalam || 2||

स श्रीमान्परमःपुमानथ चतुर्व्यूहावतारस्ततोजाता व्यूहपरम्पराः सुरचिताः श्रीकेशवाद्याः पराः ।एकाम्भोनिधिशेषभोगशयनन्यग्रोधपत्राश्रयक्षीरोदन्वदनन्ततल्पसुखदाः कुर्वन्तु नो मङ्गलम् ॥ ३॥

sa śrīmānparamaḥpumānatha caturvyūhāvatārastatojātā vyūhaparamparāḥ suracitāḥ śrīkeśavādyāḥ parāḥ |ekāmbhonidhiśeṣabhogaśayananyagrodhapatrāśrayakṣīrodanvadanantatalpasukhadāḥ kurvantu no maṅgalam || 3||

श्रीरामानुजयोगिपूर्णयमुनावास्तव्यमालाधराःनाथः कारितनूजसैन्यपरमाः श्रीमांश्च नारायणः ।चण्डाद्याः कुमुदादयः परिजना नित्याश्च मुक्ताश्च येश्रीवैकुण्ठनिवासिनोऽमरवराः कुर्वन्तु नो मङ्गलम् ॥ ४॥

śrīrāmānujayogipūrṇayamunāvāstavyamālādharāḥnāthaḥ kāritanūjasainyaparamāḥ śrīmāṃśca nārāyaṇaḥ |caṇḍādyāḥ kumudādayaḥ parijanā nityāśca muktāśca yeśrīvaikuṇṭhanivāsino'maravarāḥ kurvantu no maṅgalam || 4||

मत्स्यःकूर्मवराहमानवहरिः श्रीवामनोभार्गवःश्रीरामोबलदेवदेवकिसुतौकल्की दशैते क्रमात् ।अन्तर्याम्यथ योगिनां हृदयगोप्यर्च्चावताराः शुभाःश्रीरङ्गादिसमस्तधामनिलयाः कुर्वन्तु नो मङ्गलम् ॥ ५॥

matsyaḥkūrmavarāhamānavahariḥ śrīvāmanobhārgavaḥśrīrāmobaladevadevakisutaukalkī daśaite kramāt |antaryāmyatha yogināṃ hṛdayagopyarccāvatārāḥ śubhāḥśrīraṅgādisamastadhāmanilayāḥ kurvantu no maṅgalam || 5||

श्रीभूमिर्विमलादयो नवसुधापद्माधृताः शक्तयोवेदा वेदवती धरापि च महालक्ष्मी सुकेशालया ।देवी भार्गवभामिनी जनकजा सा रेवती रुक्मिणीवेदाद्याःप्रभयान्विता दश रमाः कुर्वन्तु नो मङ्गलम् ॥ ६॥

śrībhūmirvimalādayo navasudhāpadmādhṛtāḥ śaktayovedā vedavatī dharāpi ca mahālakṣmī sukeśālayā |devī bhārgavabhāminī janakajā sā revatī rukmiṇīvedādyāḥprabhayānvitā daśa ramāḥ kurvantu no maṅgalam || 6||

शत्रुध्वंसि सुदर्शनं सुखकरं श्रीपाञ्चजन्यस्सदाबाणाः शार्ङ्गममहर्षजनकं कौमौदकी नन्दकः ।सत्पद्मं मुसलं हलं च परशुर्दिव्यायुधानि प्रभोःसेनाधीशखगेशभोगिपतयः कुर्वन्तु नो मङ्गलम् ॥ ७॥

śatrudhvaṃsi sudarśanaṃ sukhakaraṃ śrīpāñcajanyassadābāṇāḥ śārṅgamamaharṣajanakaṃ kaumaudakī nandakaḥ |satpadmaṃ musalaṃ halaṃ ca paraśurdivyāyudhāni prabhoḥsenādhīśakhageśabhogipatayaḥ kurvantu no maṅgalam || 7||

हंसो धर्मनिदर्शनो हरिमुखो यज्ञश्च धन्वन्तरिःपाथोऽजोमिथुनोदितोहरिरलङ्कारः पृथिव्याः पृथुः ।आद्यो वेदमुखश्च जन्मनिलयो नारायणो वै विराट्श्वेतद्वीपनिवासिजीवहृदयः कुर्वन्तु नो मङ्गलम् ॥ ८॥

haṃso dharmanidarśano harimukho yajñaśca dhanvantariḥpātho'jomithunoditohariralaṅkāraḥ pṛthivyāḥ pṛthuḥ |ādyo vedamukhaśca janmanilayo nārāyaṇo vai virāṭśvetadvīpanivāsijīvahṛdayaḥ kurvantu no maṅgalam || 8||

विष्वक्सेनमुनिर्ह्यनन्तमुनयः श्रीसम्प्रदायादिमायेऽन्ये भूतभविष्यदृश्यसमये श्रीरङ्गभूभूषणाः ।ये वै भागवताः सुखा दशगणा भृत्या नरा वानराःश्वेतद्वीपनिवासिनो नरवराःकुर्वन्तु नो मङ्गलम् ॥ ९॥

viṣvaksenamunirhyanantamunayaḥ śrīsampradāyādimāye'nye bhūtabhaviṣyadṛśyasamaye śrīraṅgabhūbhūṣaṇāḥ |ye vai bhāgavatāḥ sukhā daśagaṇā bhṛtyā narā vānarāḥśvetadvīpanivāsino naravarāḥkurvantu no maṅgalam || 9||

इत्युक्तं भवमङ्गलाष्टकमिदं सुश्लोकसङ्कीर्तनंश्रीमद्भागवतप्रसादजनकं श्रीवेङ्कटेशेन यत् ।भक्ता ये प्रपठन्ति शुद्धमनसः प्रोत्फुल्लहृत्पङ्कजास्तेषांवाञ्छितमङ्गलम्प्रकुरुते भक्तिप्रियो माधवः ॥ १०॥

ityuktaṃ bhavamaṅgalāṣṭakamidaṃ suślokasaṅkīrtanaṃśrīmadbhāgavataprasādajanakaṃ śrīveṅkaṭeśena yat |bhaktā ye prapaṭhanti śuddhamanasaḥ protphullahṛtpaṅkajāsteṣāṃvāñchitamaṅgalamprakurute bhaktipriyo mādhavaḥ || 10||

इति श्रीभवमङ्गलाष्टकं सम्पूर्णम् ॥

iti śrībhavamaṅgalāṣṭakaṃ sampūrṇam ||