वृषनन्दनाष्टकम् Shri Vrishanandana Ashtakam

(द्रुतविलम्बित वृत्तम्)वदनतर्जितरम्यहिमांशु केकमलकोमलपत्रविलोचने ।मदनमोहनसुन्दरविग्रहेभवहरेऽस्तु मनो वृषनन्दने ॥ १॥

(drutavilambita vṛttam)vadanatarjitaramyahimāṃśu kekamalakomalapatravilocane |madanamohanasundaravigrahebhavahare'stu mano vṛṣanandane || 1||

मुनिसमाजसदासनसंस्थितेपुरटनूपुररम्यपदाम्बुजे ।उदरनाभिवलित्रयराजितेभवहरेऽस्तु मनो वृषनन्दने ॥ २॥

munisamājasadāsanasaṃsthitepuraṭanūpuraramyapadāmbuje |udaranābhivalitrayarājitebhavahare'stu mano vṛṣanandane || 2||

कुसुममालविशालभुजान्तरेमधुरहासविलासमुखाम्बुजे ।रुचिरकेसरचन्दनचर्चितेभवहरेऽस्तु मनो वृषनन्दने ॥ ३॥

kusumamālaviśālabhujāntaremadhurahāsavilāsamukhāmbuje |rucirakesaracandanacarcitebhavahare'stu mano vṛṣanandane || 3||

जघनकाञ्चनभासुरमेखलेललितमौक्तिकहारमनोहरे ।कुटिलमञ्जुलनीलशिरोरुहेभवहरेऽस्तु मनो वृषनन्दने ॥ ४॥

jaghanakāñcanabhāsuramekhalelalitamauktikahāramanohare |kuṭilamañjulanīlaśiroruhebhavahare'stu mano vṛṣanandane || 4||

विशदचन्द्रकरप्रभशेखरेप्रणतपापविनाशदिवाकरे ।धृतवलक्षविशालघनाम्बरेभवहरेऽस्तु मनो वृषनन्दने ॥ ५॥

viśadacandrakaraprabhaśekharepraṇatapāpavināśadivākare |dhṛtavalakṣaviśālaghanāmbarebhavahare'stu mano vṛṣanandane || 5||

क्षपितभक्तमनोभववेदनेकनकभूषणहारिकरद्वये ।अरुणरागशिरःपटशोभितेभवहरेऽस्तु मनो वृषनन्दने ॥ ६॥

kṣapitabhaktamanobhavavedanekanakabhūṣaṇahārikaradvaye |aruṇarāgaśiraḥpaṭaśobhitebhavahare'stu mano vṛṣanandane || 6||

तिलकलक्षणराजितगण्डकेश्रुतिसितेतरबिन्दुमनोहरे ।श्रवणकुण्डलशालिकपोलकेभवहरेऽस्तु मनो वृषनन्दने ॥ ७॥

tilakalakṣaṇarājitagaṇḍakeśrutisitetarabindumanohare |śravaṇakuṇḍalaśālikapolakebhavahare'stu mano vṛṣanandane || 7||

मधुरवाक्यसुधारसपोषकेनिजजनोदितयोगरहस्यके ।वदति संसदि कृष्णनिरूपणंभवहरेऽस्तु मनो वृषनन्दने ॥ ८॥

madhuravākyasudhārasapoṣakenijajanoditayogarahasyake |vadati saṃsadi kṛṣṇanirūpaṇaṃbhavahare'stu mano vṛṣanandane || 8||

श्री अचिन्न्यानन्दब्रह्मचारीविरचितं श्रीवृषनन्दनाष्टकं सम्पूर्णम् ।

śrī acinnyānandabrahmacārīviracitaṃ śrīvṛṣanandanāṣṭakaṃ sampūrṇam |