यादवाष्टकम् Shri Yadava Ashtakam

माधवानन्त केशवाच्युत वासुदेव जगत्पते (माधवानन्त व्ययाच्युत))मीन कच्छप नारसिंह श्रीवीरराघव पाहि माम् ।निर्जरार्चित मौनिसन्नुत नीरजाक्ष दयानिधेदेवनायक देहि मे तव पादभक्तिमचञ्चलाम् ॥ १॥

mādhavānanta keśavācyuta vāsudeva jagatpate (mādhavānanta vyayācyuta))mīna kacchapa nārasiṃha śrīvīrarāghava pāhi mām |nirjarārcita maunisannuta nīrajākṣa dayānidhedevanāyaka dehi me tava pādabhaktimacañcalām || 1||

श्रीकरं करुणाकरं मुनिमानसाम्बुजवासिनंपाकशासनसेवितं फणिराजतल्पसुशायिनम् ।शोकमोहविनाशकं सुगुणाकरं शुभदायकंलोकजीवनहेतुकं प्रणमामि यादवकुञ्जरम् ॥ २॥

śrīkaraṃ karuṇākaraṃ munimānasāmbujavāsinaṃpākaśāsanasevitaṃ phaṇirājatalpasuśāyinam |śokamohavināśakaṃ suguṇākaraṃ śubhadāyakaṃlokajīvanahetukaṃ praṇamāmi yādavakuñjaram || 2||

कृष्ण श्रीधर वासवानुज पद्मनाभ नमोऽस्तु ते (कृष्ण माधव)किङ्किणीघननाददिव्यसुपादपद्म नमोऽस्तु ते ।वृष्णिवंशप्रदीप नायक वेदवेद्य नमोऽस्तु ते (सुदीप)विप्रसंस्तुत मेघवर्ण सुपर्णवाह नमोऽस्तु ते ॥ ३॥

kṛṣṇa śrīdhara vāsavānuja padmanābha namo'stu te (kṛṣṇa mādhava)kiṅkiṇīghananādadivyasupādapadma namo'stu te |vṛṣṇivaṃśapradīpa nāyaka vedavedya namo'stu te (sudīpa)viprasaṃstuta meghavarṇa suparṇavāha namo'stu te || 3||

देवकीतनुसम्भवं त्रिगुणात्मकं जगदीश्वरंदिव्यकौस्तुभशोभितं शुभशङ्खचक्रगदाधरम् ।भावुकं पशुपालनं परमात्मकं भयनाशकंदिव्यभागवतस्तुतं प्रणमामि यादवकुञ्जरम् ॥ ४॥

devakītanusambhavaṃ triguṇātmakaṃ jagadīśvaraṃdivyakaustubhaśobhitaṃ śubhaśaṅkhacakragadādharam |bhāvukaṃ paśupālanaṃ paramātmakaṃ bhayanāśakaṃdivyabhāgavatastutaṃ praṇamāmi yādavakuñjaram || 4||

नन्दगोपकुमारकं नवरत्नकुण्डलभूषितंनन्दिताश्रितपोषकं रविकोटिकान्तिसमप्रभम् ।कुन्दकैतकल्लिकादिसुगन्धपुष्पसमर्चितंइन्दुवंशविवर्धनं प्रणमामि यादवकुञ्जरम् ॥ ५॥

nandagopakumārakaṃ navaratnakuṇḍalabhūṣitaṃnanditāśritapoṣakaṃ ravikoṭikāntisamaprabham |kundakaitakallikādisugandhapuṣpasamarcitaṃinduvaṃśavivardhanaṃ praṇamāmi yādavakuñjaram || 5||

क्रूरकंसविमर्दनं मुचुकुन्दमोक्षणदायकंचारुकेलिरसप्रियं शतकोटिमन्मथविग्रहम् ।नीरजासनपूजितं नवनीतदिग्धकलेवरंक्षीरसिन्धुनिवासिनं प्रणमामि यादवकुञ्जरम् ॥ ६॥

krūrakaṃsavimardanaṃ mucukundamokṣaṇadāyakaṃcārukelirasapriyaṃ śatakoṭimanmathavigraham |nīrajāsanapūjitaṃ navanītadigdhakalevaraṃkṣīrasindhunivāsinaṃ praṇamāmi yādavakuñjaram || 6||

पूतनासुविभञ्जनं परिपूर्णचन्द्रनिभाननंचूतपल्लवकोमलाधरमारुताञ्चितवांशिकम् ।गीतनाट्यरसप्रियं सुरगीयमानयशोधरंपीतवाससमव्ययं प्रणमामि यादवकुञ्जरम् ॥ ७॥

pūtanāsuvibhañjanaṃ paripūrṇacandranibhānanaṃcūtapallavakomalādharamārutāñcitavāṃśikam |gītanāṭyarasapriyaṃ suragīyamānayaśodharaṃpītavāsasamavyayaṃ praṇamāmi yādavakuñjaram || 7||

कोपमूर्छितकौरवादिविमर्दनं गुणसागरंगोपिकाकुचकलचुकाहरणादरं कुलदैवतम् ।चापवेदसुपारगं समशास्त्रधर्मविशारदंक्लेशपापविमोचनं प्रणमामि यादवकुञ्जरम् ॥ ८॥

kopamūrchitakauravādivimardanaṃ guṇasāgaraṃgopikākucakalacukāharaṇādaraṃ kuladaivatam |cāpavedasupāragaṃ samaśāstradharmaviśāradaṃkleśapāpavimocanaṃ praṇamāmi yādavakuñjaram || 8||

चन्द्रभानुविलोचनं मणिहारभूषणधारिणंसुन्दरं नवरत्ननूपुरशोभिताङ्घ्रिसरोरुहम् ।मन्दहासविराजितं वरबर्हि पिञ्छवतंसिनंनन्दगोकुलवर्धनं प्रणमामि यादवकुञ्जरम् ॥ ९॥

candrabhānuvilocanaṃ maṇihārabhūṣaṇadhāriṇaṃsundaraṃ navaratnanūpuraśobhitāṅghrisaroruham |mandahāsavirājitaṃ varabarhi piñchavataṃsinaṃnandagokulavardhanaṃ praṇamāmi yādavakuñjaram || 9||

मेरुशैलसमानधैर्यममेयरूपमजार्चितंचारुमन्नवनीतचोरमखण्डरूपमनामयम् ।पारिजातहरं परं बलभद्ररामसहोदरंक्षुद्रकालियभञ्जनं प्रणमामि यादवकुञ्जरम् ॥ १०॥

meruśailasamānadhairyamameyarūpamajārcitaṃcārumannavanītacoramakhaṇḍarūpamanāmayam |pārijātaharaṃ paraṃ balabhadrarāmasahodaraṃkṣudrakāliyabhañjanaṃ praṇamāmi yādavakuñjaram || 10||

शिष्टपालनतत्परं शिवदायकं जगदात्मकंइष्टकामफलप्रदं भक्त (नत) वेङ्कटाचलवन्दितम् ।दुष्टकर्मविनाशकं सर्वदोषरोगनिवारणं (भवदोषरोगनिवारणं)अष्टभूतिप्रदायकं प्रणमामि यादवकुञ्जरम् ॥ ११॥

śiṣṭapālanatatparaṃ śivadāyakaṃ jagadātmakaṃiṣṭakāmaphalapradaṃ bhakta (nata) veṅkaṭācalavanditam |duṣṭakarmavināśakaṃ sarvadoṣaroganivāraṇaṃ (bhavadoṣaroganivāraṇaṃ)aṣṭabhūtipradāyakaṃ praṇamāmi yādavakuñjaram || 11||

कृष्ण कृष्ण नमस्तेऽस्तु त्वयि भक्तिमचञ्चलाम् ।इष्टकामार्थसिद्धिं च देहि मे मधुसूदन ॥ १२॥

kṛṣṇa kṛṣṇa namaste'stu tvayi bhaktimacañcalām |iṣṭakāmārthasiddhiṃ ca dehi me madhusūdana || 12||

यादवाष्टकमिदं पुण्यं यः पठेत् सततं नरः ।सर्वसिद्धिं च सम्प्राप्य श्रीकृष्णपदमाप्नुयात् ॥ १३॥

yādavāṣṭakamidaṃ puṇyaṃ yaḥ paṭhet satataṃ naraḥ |sarvasiddhiṃ ca samprāpya śrīkṛṣṇapadamāpnuyāt || 13||

इति श्रीयादवाष्टकं सम्पूर्णम् ।

iti śrīyādavāṣṭakaṃ sampūrṇam |