व्रजनवयुवराजाष्टकम् Shri Vrajanavayuvarajashtakam

श्रीव्रजनवयुवराजाय नमः ।मुदिरमदमुदारं मर्दयन्नङ्गकान्त्यावसनरुचिनिरस्ताम्भोजकिञ्जल्कशोभः ।तरुणिमतरणीक्षाविक्लवद्बाल्यचन्द्रोव्रजनवयुवराजः काङ्क्षितं मे कृपीष्ट ॥ १॥

śrīvrajanavayuvarājāya namaḥ |mudiramadamudāraṃ mardayannaṅgakāntyāvasanarucinirastāmbhojakiñjalkaśobhaḥ |taruṇimataraṇīkṣāviklavadbālyacandrovrajanavayuvarājaḥ kāṅkṣitaṃ me kṛpīṣṭa || 1||

पितुरनिशमगण्यप्राणनिर्मन्थनीयःकलिततनुरिवाद्धा मातृवात्सल्यपुञ्जः ।अनुगुणगुरुगोष्ठीदृष्टिपीयूषवर्तिर्व्रजनवयुवराजः काङ्क्षितं मे कृपीष्ट ॥ २॥

pituraniśamagaṇyaprāṇanirmanthanīyaḥkalitatanurivāddhā mātṛvātsalyapuñjaḥ |anuguṇagurugoṣṭhīdṛṣṭipīyūṣavartirvrajanavayuvarājaḥ kāṅkṣitaṃ me kṛpīṣṭa || 2||

अखिलजगति जाग्रन्मुग्धवैदग्ध्यचर्याप्रथमगुरुरुदग्रस्थामविश्रामसौधः ।अनुपमगुणराजीरञ्जिताशेषबन्धुर्व्रजनवयुवराजः काङ्क्षितं मे कृपीष्ट ॥ ३॥

akhilajagati jāgranmugdhavaidagdhyacaryāprathamagururudagrasthāmaviśrāmasaudhaḥ |anupamaguṇarājīrañjitāśeṣabandhurvrajanavayuvarājaḥ kāṅkṣitaṃ me kṛpīṣṭa || 3||

अपि मदनपरार्धैर्दुष्करं विक्रियोर्मिंयुवतिषु निदधानो भ्रूधनुर्धूननेन ।प्रियसहचरवर्गप्राणमीनाम्बुराशिर्व्रजनवयुवराजः काङ्क्षितं मे कृपीष्ट ॥ ४॥

api madanaparārdhairduṣkaraṃ vikriyormiṃyuvatiṣu nidadhāno bhrūdhanurdhūnanena |priyasahacaravargaprāṇamīnāmburāśirvrajanavayuvarājaḥ kāṅkṣitaṃ me kṛpīṣṭa || 4||

नयनशृणिम्विनोदक्षोभितानङ्गनागोन्मथितगहनराधाचित्तकासारगर्भः ।प्रणयरसमरन्दास्वादलीलाषडङ्घ्रिर्व्रजनवयुवराजः काङ्क्षितं मे कृपीष्ट ॥ ५॥

nayanaśṛṇimvinodakṣobhitānaṅganāgonmathitagahanarādhācittakāsāragarbhaḥ |praṇayarasamarandāsvādalīlāṣaḍaṅghrirvrajanavayuvarājaḥ kāṅkṣitaṃ me kṛpīṣṭa || 5||

अनुपदमुदयन्त्या राधिकासङ्गसिद्।ह्ध्यास्थगितपृथुरथाङ्गद्वन्द्वरागानुबन्धः ।मधुरिममधुधाराधोरणीनामुदन्वान्व्रजनवयुवराजः काङ्क्षितं मे कृपीष्ट ॥ ६॥

anupadamudayantyā rādhikāsaṅgasid|hdhyāsthagitapṛthurathāṅgadvandvarāgānubandhaḥ |madhurimamadhudhārādhoraṇīnāmudanvānvrajanavayuvarājaḥ kāṅkṣitaṃ me kṛpīṣṭa || 6||

अलघुकुटिलराधादृष्टिवारीनिरुद्धत्रिजगदपरतन्त्रोद्दामचेतोगजेन्द्रः ।सुखमुखरविशाखानर्मणा स्मेरवक्त्रोव्रजनवयुवराजः काङ्क्षितं मे कृपीष्ट ॥ ७॥

alaghukuṭilarādhādṛṣṭivārīniruddhatrijagadaparatantroddāmacetogajendraḥ |sukhamukharaviśākhānarmaṇā smeravaktrovrajanavayuvarājaḥ kāṅkṣitaṃ me kṛpīṣṭa || 7||

त्वयि रहसि मिलन्त्यां सम्भ्रमन्यासभुग्नाप्य्उषसि सखि तवालीमेखला पश्य भाति ।इति विवृतरहस्यैर्ह्रेपयन्न् एव राधांव्रजनवयुवराजः काङ्क्षितं मे कृपीष्ट ॥ ८॥

tvayi rahasi milantyāṃ sambhramanyāsabhugnāpyuṣasi sakhi tavālīmekhalā paśya bhāti |iti vivṛtarahasyairhrepayann eva rādhāṃvrajanavayuvarājaḥ kāṅkṣitaṃ me kṛpīṣṭa || 8||

व्रजनवयुवराजस्याष्टकं तुष्टबुद्धिःकलितवरविलासं यः प्रयत्नादधिते ।परिजनगणनायां नाम तस्यानुरज्यन्विलिखति किल् वृन्दारण्यराज्ञीरसज्ञः ॥ ९॥

vrajanavayuvarājasyāṣṭakaṃ tuṣṭabuddhiḥkalitavaravilāsaṃ yaḥ prayatnādadhite |parijanagaṇanāyāṃ nāma tasyānurajyanvilikhati kil vṛndāraṇyarājñīrasajñaḥ || 9||

इति श्रीरूपगोस्वामिविरचितस्तवमालायां श्रीव्रजनवयुवराजाष्टकं समाप्तम् ।

iti śrīrūpagosvāmiviracitastavamālāyāṃ śrīvrajanavayuvarājāṣṭakaṃ samāptam |