कृष्णलहरीस्तोत्रम् Shri Krishnalaharistotram

वासुदेवानन्दसरस्वतीकृतम्कदा वृन्दारण्ये विपुलयमुनातीरपुलिनेचरन्तं गोविन्दं हलधरसुदामादिसहितम् ।अहो कृष्ण स्वामिन् मधुरमुरलीमोहन विभोप्रसीदेति क्रोशन्निमिषमिव नेष्यामि दिवसान् ॥ १॥

vāsudevānandasarasvatīkṛtamkadā vṛndāraṇye vipulayamunātīrapulinecarantaṃ govindaṃ haladharasudāmādisahitam |aho kṛṣṇa svāmin madhuramuralīmohana vibhoprasīdeti krośannimiṣamiva neṣyāmi divasān || 1||

कदा कालिन्दीयैर्हरिचरणमुद्राङ्किततटैःस्मरन्गोपीनाथं कमलनयनं सस्मितमुखम् ।अहो पूर्णानन्दाम्बुजवदन भक्तैकललनप्रसीदेति क्रोशन्निमिषमिव नेष्यामि दिवसान् ॥ २॥

kadā kālindīyairharicaraṇamudrāṅkitataṭaiḥsmarangopīnāthaṃ kamalanayanaṃ sasmitamukham |aho pūrṇānandāmbujavadana bhaktaikalalanaprasīdeti krośannimiṣamiva neṣyāmi divasān || 2||

कदाचित्खेलन्तं व्रजपरिसरे गोपतनयैःकुतश्चित्सम्प्राप्तं किमपि लसितं गोपललनम् ।अये राधे किं वा हरसि रसिके कञ्चुकयुगंप्रसीदेति क्रोशन्निमिषमिव नेष्यामि दिवसान् ॥ ३॥

kadācitkhelantaṃ vrajaparisare gopatanayaiḥkutaścitsamprāptaṃ kimapi lasitaṃ gopalalanam |aye rādhe kiṃ vā harasi rasike kañcukayugaṃprasīdeti krośannimiṣamiva neṣyāmi divasān || 3||

कदाचिद्गोपीनां हसितचकितस्निग्धनयनंस्थितं गोपीवृन्दे नटमिव नटन्तं सुललितम् ।सुराधीशैः सर्वैः स्तुतपदमिदं श्रीहरिमितिप्रसीदेति क्रोशन्निमिषमिव नेष्यामि दिवसान् ॥ ४॥

kadācidgopīnāṃ hasitacakitasnigdhanayanaṃsthitaṃ gopīvṛnde naṭamiva naṭantaṃ sulalitam |surādhīśaiḥ sarvaiḥ stutapadamidaṃ śrīharimitiprasīdeti krośannimiṣamiva neṣyāmi divasān || 4||

कदाचित्सच्छायाश्रितमभिमहान्तं यदुपतिंसमाधिस्वच्छायाञ्चल इव विलोलैकमकरम् ।अये भक्तोदाराम्बुजवदन नन्दस्य तनयप्रसीदेति क्रोशन्निमिषमिव नेष्यामि दिवसान् ॥ ५॥

kadācitsacchāyāśritamabhimahāntaṃ yadupatiṃsamādhisvacchāyāñcala iva vilolaikamakaram |aye bhaktodārāmbujavadana nandasya tanayaprasīdeti krośannimiṣamiva neṣyāmi divasān || 5||

कदाचित्कालिन्द्यास्तटतरुकदम्बे स्थितममुंस्मयन्तं साकूतं हृतवसनगोपीसुतपदम् ।अहो शक्रानन्दाम्बुजवदन गोवर्धनधरप्रसीदेति क्रोशन्निमिषमिव नेष्यामि दिवसान् ॥ ६॥

kadācitkālindyāstaṭatarukadambe sthitamamuṃsmayantaṃ sākūtaṃ hṛtavasanagopīsutapadam |aho śakrānandāmbujavadana govardhanadharaprasīdeti krośannimiṣamiva neṣyāmi divasān || 6||

कदाचित्कान्तारे विजयसखमिष्टं नृपसुतंवदन्तं पार्थेति नृपसुत सखे बन्धुरिति च ।भ्रमन्तं विश्रान्तं श्रितमुरलिमास्यं हरिममीप्रसीदेति क्रोशन्निमिषमिव नेष्यामि दिवसान् ॥ ७॥

kadācitkāntāre vijayasakhamiṣṭaṃ nṛpasutaṃvadantaṃ pārtheti nṛpasuta sakhe bandhuriti ca |bhramantaṃ viśrāntaṃ śritamuralimāsyaṃ harimamīprasīdeti krośannimiṣamiva neṣyāmi divasān || 7||

कदा द्रक्ष्ये पूर्णं पुरुषममलं पङ्कजदृशंअहो विष्णो योगिन् रसिकमुरलीमोहन विभो ।दयां कर्तुं दीने परमकरुणाब्धे समुचितंप्रसीदेति क्रोशन्निमिषमिव नेष्यामि दिवसान् ॥ ८॥

kadā drakṣye pūrṇaṃ puruṣamamalaṃ paṅkajadṛśaṃaho viṣṇo yogin rasikamuralīmohana vibho |dayāṃ kartuṃ dīne paramakaruṇābdhe samucitaṃprasīdeti krośannimiṣamiva neṣyāmi divasān || 8||

इति वासुदेवानन्दसरस्वतीकृतम् श्रीकृष्णलहरीस्तोत्रं सम्पूर्णम् ।

iti vāsudevānandasarasvatīkṛtam śrīkṛṣṇalaharīstotraṃ sampūrṇam |