गोवर्धनाष्टकम् १ Shri Govardhanashtakam 1

प्रथमं श्रीगोवर्धनाष्टकंनमः श्रीगोवर्धनाय ।गोविन्दास्योत्तंसित वंशीक्वणितोद्यल्लास्योत्कण्ठामत्तमयूरव्रजवीत ।राधाकुण्डोत्तुङ्गतरङ्गाङ्कुरिताङ्गप्रत्याशां मे त्वं कुरु गोवर्धन पूर्णाम् ॥ १॥

prathamaṃ śrīgovardhanāṣṭakaṃnamaḥ śrīgovardhanāya |govindāsyottaṃsita vaṃśīkvaṇitodyallāsyotkaṇṭhāmattamayūravrajavīta |rādhākuṇḍottuṅgataraṅgāṅkuritāṅgapratyāśāṃ me tvaṃ kuru govardhana pūrṇām || 1||

यस्योत्कर्षाद् विस्मितधीभिर्व्रजदेवीवृन्दैर्वर्षं वणितमास्ते हरिदास्यम् ।चित्रैर्युञ्जन स द्युतिपुञ्जैरखिलाशांप्रत्याशां मे त्वं कुरु गोवर्धन पूर्णाम् ॥ २॥

yasyotkarṣād vismitadhībhirvrajadevīvṛndairvarṣaṃ vaṇitamāste haridāsyam |citrairyuñjana sa dyutipuñjairakhilāśāṃpratyāśāṃ me tvaṃ kuru govardhana pūrṇām || 2||

विन्दद्भिर्यो मन्दिरतां कन्दरवृन्दैःकन्दैश्चेन्दोर्बन्धुभिरानन्दयतीशम् ।वैदूर्याभैर्निर्झरतोयैरपि सोऽयंप्रत्याशां मे त्वं कुरु गोवर्धन पूर्णाम् ॥ ३॥

vindadbhiryo mandiratāṃ kandaravṛndaiḥkandaiścendorbandhubhirānandayatīśam |vaidūryābhairnirjharatoyairapi so'yaṃpratyāśāṃ me tvaṃ kuru govardhana pūrṇām || 3||

शश्वद्विश्वालङ्करणालङ्कृतिमेध्यैःप्रेम्णा धौतैर्धातुभिरुद्दीपितसानो ।नित्याक्रन्दत्कन्दर वेणुध्वनिहर्षात्प्रत्याशां मे त्वं कुरु गोवर्धन पूर्णाम् ॥ ४॥

śaśvadviśvālaṅkaraṇālaṅkṛtimedhyaiḥpremṇā dhautairdhātubhiruddīpitasāno |nityākrandatkandara veṇudhvaniharṣātpratyāśāṃ me tvaṃ kuru govardhana pūrṇām || 4||

प्राज्या राजिर्यस्य विराजत्युपलानांकृष्णेनासौ सन्ततमध्यासितमध्या ।सोऽयं बन्धुर्बन्धुरधर्मा सुरभाणांप्रत्याशां मे त्वं कुरु गोवर्धन पूर्णाम् ॥ ५॥

prājyā rājiryasya virājatyupalānāṃkṛṣṇenāsau santatamadhyāsitamadhyā |so'yaṃ bandhurbandhuradharmā surabhāṇāṃpratyāśāṃ me tvaṃ kuru govardhana pūrṇām || 5||

निर्धुन्वानः संहृतिहेतुं घनवृन्दंजित्वा जभारातिमसम्भावितबाधम् ।स्वानां वैरं यः किल निर्यापितवान् सःप्रत्याशां मे त्वं कुरु गोवर्धन पूर्णाम् ॥ ६॥

nirdhunvānaḥ saṃhṛtihetuṃ ghanavṛndaṃjitvā jabhārātimasambhāvitabādham |svānāṃ vairaṃ yaḥ kila niryāpitavān saḥpratyāśāṃ me tvaṃ kuru govardhana pūrṇām || 6||

बिभ्राणो यः श्रीभुजदण्डोपरिभर्तुश्छत्रीभावं नाम यथार्थं स्वमकार्षीत् ।कृष्णोपज्ञं यस्य मखस्तिष्ठति सोऽयंप्रत्याशां मे त्वं कुरु गोवर्धन पूर्णाम् ॥ ७॥

bibhrāṇo yaḥ śrībhujadaṇḍoparibhartuśchatrībhāvaṃ nāma yathārthaṃ svamakārṣīt |kṛṣṇopajñaṃ yasya makhastiṣṭhati so'yaṃpratyāśāṃ me tvaṃ kuru govardhana pūrṇām || 7||

गान्धर्वायाः केलिकलाबान्धव कुञ्जेक्षुण्णैस्तस्याः कङ्कणहारैः प्रयताङ्ग ।रासक्रीडामण्डितयोपत्यकयाढ्यप्रत्याशां मे त्वं कुरु गोवर्धन पूर्णाम् ॥ ८॥

gāndharvāyāḥ kelikalābāndhava kuñjekṣuṇṇaistasyāḥ kaṅkaṇahāraiḥ prayatāṅga |rāsakrīḍāmaṇḍitayopatyakayāḍhyapratyāśāṃ me tvaṃ kuru govardhana pūrṇām || 8||

अद्रोश्रेणीशेखर पद्याष्टकमेतत्कृष्णाम्भोदप्रेष्ठ पठेद् यस्तव देही ।प्रेमानन्दं तुन्दिलयन् क्षिप्रममन्दंतं हर्षेण स्वीकुरुतां ते हृदयेशः ॥ ९॥

adrośreṇīśekhara padyāṣṭakametatkṛṣṇāmbhodapreṣṭha paṭhed yastava dehī |premānandaṃ tundilayan kṣipramamandaṃtaṃ harṣeṇa svīkurutāṃ te hṛdayeśaḥ || 9||

इति श्रीरूपगोस्वामिविरचितस्तवमालायां मत्तमयूराख्यंप्रथमं श्रीगोवर्धनाष्टकं सम्पूर्णम् ।

iti śrīrūpagosvāmiviracitastavamālāyāṃ mattamayūrākhyaṃprathamaṃ śrīgovardhanāṣṭakaṃ sampūrṇam |