गौराङ्गाष्टोत्तरशतनामस्तोत्रम् Shri Gauranga Ashtottarashatanamastotram

नमस्कृत्य प्रवक्ष्यामि देवदेवं जगद्गुरुम् ।नाम्नामष्टोत्तरशतं चैतन्यस्य महात्मनाः ॥ १॥

namaskṛtya pravakṣyāmi devadevaṃ jagadgurum |nāmnāmaṣṭottaraśataṃ caitanyasya mahātmanāḥ || 1||

विश्वम्भरो जितक्रोधो मायामानुषविग्रहः ।अमायी मायिनां श्रेष्ठो वरदेशो द्विजोत्तमः ॥ २॥

viśvambharo jitakrodho māyāmānuṣavigrahaḥ |amāyī māyināṃ śreṣṭho varadeśo dvijottamaḥ || 2||

जगन्नाथप्रियसुतः पितृभक्तो महामनाः ।लक्ष्मीकान्तः शचीपुत्रः प्रेमदो भक्तवत्सलः ॥ ३॥

jagannāthapriyasutaḥ pitṛbhakto mahāmanāḥ |lakṣmīkāntaḥ śacīputraḥ premado bhaktavatsalaḥ || 3||

द्विजप्रियो द्विजवरो वैष्णवप्राणनायकः ।द्विजातिपूजकः शान्तः श्रीवासप्रिय ईश्वरः ॥ ४॥

dvijapriyo dvijavaro vaiṣṇavaprāṇanāyakaḥ |dvijātipūjakaḥ śāntaḥ śrīvāsapriya īśvaraḥ || 4||

तप्तकाञ्चनगौराङ्गः सिंहग्रीवो महाभुजः ।पीतवासा रक्तपट्टः षड्भुजोऽथ चतुर्भुजः ॥ ५॥

taptakāñcanagaurāṅgaḥ siṃhagrīvo mahābhujaḥ |pītavāsā raktapaṭṭaḥ ṣaḍbhujo'tha caturbhujaḥ || 5||

द्विभुजश्च गदापाणिः चक्री पद्मधरोऽमलः ।पाञ्चजन्यधरः शार्ङ्गी वेणुपाणिः सुरोत्तमः ॥ ६॥

dvibhujaśca gadāpāṇiḥ cakrī padmadharo'malaḥ |pāñcajanyadharaḥ śārṅgī veṇupāṇiḥ surottamaḥ || 6||

कमलाक्षेश्वरः प्रीतो गोपलीलाधरो युवा ।नीलरत्नधरो रुप्यहारी कौस्तुभभूषणः ॥ ७॥

kamalākṣeśvaraḥ prīto gopalīlādharo yuvā |nīlaratnadharo rupyahārī kaustubhabhūṣaṇaḥ || 7||

श्रीवत्सलाञ्छनो भास्वान् मणिधृक्कञ्जलोचनः ।ताटङ्कनीलश्रीः रुद्र लीलाकारी गुरुप्रियाः ॥ ८॥

śrīvatsalāñchano bhāsvān maṇidhṛkkañjalocanaḥ |tāṭaṅkanīlaśrīḥ rudra līlākārī gurupriyāḥ || 8||

स्वनामगुणवक्ता च नामोपदेशदायकः ।आचाण्डालप्रियाः शुद्धः सर्वप्राणिहिते रतः ॥ ९॥

svanāmaguṇavaktā ca nāmopadeśadāyakaḥ |ācāṇḍālapriyāḥ śuddhaḥ sarvaprāṇihite rataḥ || 9||

विश्वरूपानुजः सन्ध्यावतारः शीतलाशयः ।निःसीमकरुणो गुप्त आत्मभक्तिप्रवर्तकः ॥ १०॥

viśvarūpānujaḥ sandhyāvatāraḥ śītalāśayaḥ |niḥsīmakaruṇo gupta ātmabhaktipravartakaḥ || 10||

महानन्दो नटो नृत्यगीतनामप्रियः कविः ।आर्तिप्रियः शुचिः शुद्धो भावदो भगवत्प्रियाः ॥ ११॥

mahānando naṭo nṛtyagītanāmapriyaḥ kaviḥ |ārtipriyaḥ śuciḥ śuddho bhāvado bhagavatpriyāḥ || 11||

इन्द्रादिसर्वलोकेशवन्दितश्रीपदाम्बुजः ।न्यासिचूडामणिः कृष्णः संन्यासाश्रमपावनः ॥ १२॥

indrādisarvalokeśavanditaśrīpadāmbujaḥ |nyāsicūḍāmaṇiḥ kṛṣṇaḥ saṃnyāsāśramapāvanaḥ || 12||

चैतन्यः कृष्णचैतन्यो दण्डधृङ्न्यस्तदण्डकः ।अवधूतप्रियो नित्यानन्दषड्भुजदर्शकः ॥ १३॥

caitanyaḥ kṛṣṇacaitanyo daṇḍadhṛṅnyastadaṇḍakaḥ |avadhūtapriyo nityānandaṣaḍbhujadarśakaḥ || 13||

मुकुन्दसिद्धिदो दीनो वासुदेवामृतप्रदः ।गदाधरप्राणनाथ आर्तिहा शरणप्रदः ॥ १४॥

mukundasiddhido dīno vāsudevāmṛtapradaḥ |gadādharaprāṇanātha ārtihā śaraṇapradaḥ || 14||

अकिञ्चनप्रियः प्राणो गुणग्राही जितेन्द्रियः ।अदोषदर्शी सुमुखो मधुरः प्रियदर्शनः ॥ १५॥

akiñcanapriyaḥ prāṇo guṇagrāhī jitendriyaḥ |adoṣadarśī sumukho madhuraḥ priyadarśanaḥ || 15||

प्रतापरुद्रसन्त्राता रामानन्दप्रियो गुरुः ।अनन्तगुणसम्पन्नः सर्वतीर्थैकपावनः ॥ १६॥

pratāparudrasantrātā rāmānandapriyo guruḥ |anantaguṇasampannaḥ sarvatīrthaikapāvanaḥ || 16||

वैकुण्ठनाथो लोकेशो भक्ताभिमतरूपधृक् ।नारायणो महायोगी ज्ञानभक्तिप्रदः प्रभुः ॥ १७॥

vaikuṇṭhanātho lokeśo bhaktābhimatarūpadhṛk |nārāyaṇo mahāyogī jñānabhaktipradaḥ prabhuḥ || 17||

पीयूषवचनः पृथ्वी पावनः सत्यवाक्सहः ।ओडदेशजनानन्दी सन्दोहामृतरूपधृक् ॥ १८॥

pīyūṣavacanaḥ pṛthvī pāvanaḥ satyavāksahaḥ |oḍadeśajanānandī sandohāmṛtarūpadhṛk || 18||

यः पठेत्प्रातरुत्थाय चैतन्यस्य महात्मनः ।श्रद्धया परयोपेतः स्तोत्रं सर्वाघनाशनम् ।प्रेमभक्तिर्हरौ तस्य जायते नात्र संशयः ॥ १९॥

yaḥ paṭhetprātarutthāya caitanyasya mahātmanaḥ |śraddhayā parayopetaḥ stotraṃ sarvāghanāśanam |premabhaktirharau tasya jāyate nātra saṃśayaḥ || 19||

असाध्यरोगयुक्तोऽपि मुच्यते रोगसङ्कटात् ।सर्वापराधयुक्तोऽपि सोऽपराधात्प्रमुच्यते ॥ २०॥

asādhyarogayukto'pi mucyate rogasaṅkaṭāt |sarvāparādhayukto'pi so'parādhātpramucyate || 20||

फाल्गुनीपौर्णमास्यां तु चैतन्यजन्मवासरे ।श्रद्धया परया भक्त्या महास्तोत्रं जपन्पुरः ।यद्यत् प्रकुरुते कामं तत्तदेवाचिराल्लभेत् ॥ २१॥

phālgunīpaurṇamāsyāṃ tu caitanyajanmavāsare |śraddhayā parayā bhaktyā mahāstotraṃ japanpuraḥ |yadyat prakurute kāmaṃ tattadevācirāllabhet || 21||

अपुत्रो वैष्णवं पुत्रं लभते नात्र संशयः ।अन्ते चैतन्यदेवस्य स्मृतिर्भवति शाश्वती ॥ २२॥

aputro vaiṣṇavaṃ putraṃ labhate nātra saṃśayaḥ |ante caitanyadevasya smṛtirbhavati śāśvatī || 22||

इति सार्वभौम भट्टाचार्यविरचितंश्रीगौराङ्गाष्टोत्तरशतनामस्तोत्रं सम्पूर्णम् ।

iti sārvabhauma bhaṭṭācāryaviracitaṃśrīgaurāṅgāṣṭottaraśatanāmastotraṃ sampūrṇam |