धर्मनन्दनस्तोत्रम् Shri Dharmanandana Stotram

(हरिगीत छन्द)सितसान्द्रसद्वसनालिनं वरमाल्यमञ्जुलमालिनंचलितालिनं पृथुमालिनं नवपुष्पभूषणशालिनम् ।वृषपालिनं श्रितलालिनं जपमालिकापरिचालिनंप्रणमामि धर्मसुतं हरिं शुभकारिसद्गुणमालिनम् ॥ १॥

(harigīta chanda)sitasāndrasadvasanālinaṃ varamālyamañjulamālinaṃcalitālinaṃ pṛthumālinaṃ navapuṣpabhūṣaṇaśālinam |vṛṣapālinaṃ śritalālinaṃ japamālikāparicālinaṃpraṇamāmi dharmasutaṃ hariṃ śubhakārisadguṇamālinam || 1||

मलजालभृत्कलिकण्डनं जनमित्रसज्जनमण्डनंस्मरतण्डनं मदभण्डनं कृतदुष्टमानवदण्डनम् ।जितचण्डनं स्मयकण्डनं कृतभूरिदुर्मतखण्डनंप्रणमामि धर्मसुतं हरिं शुभकारिसद्गुणमालिनम् ॥ २॥

malajālabhṛtkalikaṇḍanaṃ janamitrasajjanamaṇḍanaṃsmarataṇḍanaṃ madabhaṇḍanaṃ kṛtaduṣṭamānavadaṇḍanam |jitacaṇḍanaṃ smayakaṇḍanaṃ kṛtabhūridurmatakhaṇḍanaṃpraṇamāmi dharmasutaṃ hariṃ śubhakārisadguṇamālinam || 2||

वृषवैरिदर्पविदारिणं श्रितजातसंसृतिहारिणंअवतारणं शुभकारिणं मणिहेमभूषणधारिणम् ।जनभन्दनं मुनिवन्दनं परिचर्चितोत्तमचन्दनंप्रणमामि धर्मसुतं हरिं शुभकारिसद्गुणमालिनम् ॥ ३॥

vṛṣavairidarpavidāriṇaṃ śritajātasaṃsṛtihāriṇaṃavatāraṇaṃ śubhakāriṇaṃ maṇihemabhūṣaṇadhāriṇam |janabhandanaṃ munivandanaṃ paricarcitottamacandanaṃpraṇamāmi dharmasutaṃ hariṃ śubhakārisadguṇamālinam || 3||

जितदोषणं श्रिततोषणं कृतधर्मवंशविपोषणंक्षतरोषणं श्रुतजोषणं निजभक्तमानसपोषणम् ।जनबोधनं मतिशोधनं प्रियनम्रशान्ततपोधनंप्रणमामि धर्मसुतं हरिं शुभकारिसद्गुणमालिनम् ॥ ४॥

jitadoṣaṇaṃ śritatoṣaṇaṃ kṛtadharmavaṃśavipoṣaṇaṃkṣataroṣaṇaṃ śrutajoṣaṇaṃ nijabhaktamānasapoṣaṇam |janabodhanaṃ matiśodhanaṃ priyanamraśāntatapodhanaṃpraṇamāmi dharmasutaṃ hariṃ śubhakārisadguṇamālinam || 4||

हृतभक्तिमज्जनवासनं शतकोटिभास्करभासनंजनशासनं गरुडासनं स्वनुरक्तभक्तसभासनम् ।हृतशोचनं घनरोचनं कृतबद्धजीवविमोचनंप्रणमामि धर्मसुतं हरिं शुभकारिसद्गुणमालिनम् ॥ ५॥

hṛtabhaktimajjanavāsanaṃ śatakoṭibhāskarabhāsanaṃjanaśāsanaṃ garuḍāsanaṃ svanuraktabhaktasabhāsanam |hṛtaśocanaṃ ghanarocanaṃ kṛtabaddhajīvavimocanaṃpraṇamāmi dharmasutaṃ hariṃ śubhakārisadguṇamālinam || 5||

भुवनोद्भवादिविधायिनं भवहारिसद्गुणनायिनंअनपायिनिं सुखदायिनं हितकारिसज्जनयायिनम् ।जनपावनं स्वजनावनं शुभधर्मभक्तिविभावनंप्रणमामि धर्मसुतं हरिं शुभकारिसद्गुणमालिनम् ॥ ६॥

bhuvanodbhavādividhāyinaṃ bhavahārisadguṇanāyinaṃanapāyiniṃ sukhadāyinaṃ hitakārisajjanayāyinam |janapāvanaṃ svajanāvanaṃ śubhadharmabhaktivibhāvanaṃpraṇamāmi dharmasutaṃ hariṃ śubhakārisadguṇamālinam || 6||

निजभक्तपद्मविकाशिनं दुरतिक्रमार्तिविनाशिनंस्वविलासिनं मतिदाशिनं प्रियदम्भहीननिराशिनम् ।क्षतखेदनं शुभवेदनं यमदूतभीतिविभेदनंप्रणमामि धर्मसुतं हरिं शुभकारिसद्गुणमालिनम् ॥ ७॥

nijabhaktapadmavikāśinaṃ duratikramārtivināśinaṃsvavilāsinaṃ matidāśinaṃ priyadambhahīnanirāśinam |kṣatakhedanaṃ śubhavedanaṃ yamadūtabhītivibhedanaṃpraṇamāmi dharmasutaṃ hariṃ śubhakārisadguṇamālinam || 7||

असुरांशदेशिकगञ्जनं श्रितवृन्दमानसमञ्जनंनिजरञ्जनं भवभञ्जनं गुणनीरराशिनिरञ्जनम् ।मुनिमाननं प्रियकाननं नवपद्मचन्द्रवराननंप्रणमामि धर्मसुतं हरिं शुभकारिसद्गुणमालिनम् ॥ ८॥

asurāṃśadeśikagañjanaṃ śritavṛndamānasamañjanaṃnijarañjanaṃ bhavabhañjanaṃ guṇanīrarāśinirañjanam |munimānanaṃ priyakānanaṃ navapadmacandravarānanaṃpraṇamāmi dharmasutaṃ hariṃ śubhakārisadguṇamālinam || 8||

नृपदेवमुक्तसभाजितं श्रुतिशास्त्रवेदिसभाजितंसकलाजितं सुजनाजितं गुणभाजिवाजिनिराजितम् ।श्रितनोदनं मुनिमोदनं दलितक्षमाखिलतोदनंप्रणमामि धर्मसुतं हरिं शुभकारिसद्गुणमालिनम् ॥ ९॥

nṛpadevamuktasabhājitaṃ śrutiśāstravedisabhājitaṃsakalājitaṃ sujanājitaṃ guṇabhājivājinirājitam |śritanodanaṃ munimodanaṃ dalitakṣamākhilatodanaṃpraṇamāmi dharmasutaṃ hariṃ śubhakārisadguṇamālinam || 9||

श्री अचिन्त्यानन्दब्रह्मचारीविरचितं श्रीधर्मनन्दनस्तोत्रं सम्पूर्णम् ।

śrī acintyānandabrahmacārīviracitaṃ śrīdharmanandanastotraṃ sampūrṇam |