पाण्डुरङ्गाष्टकम् Pandurangashtakam

महायोगपीठे तटे भीमरथ्यावरं पुण्डरीकाय दातुं मुनीन्द्रैः ।समागत्य तिष्ठन्तमानंदकंदंपरब्रह्मलिङ्गं भजे पाण्डुरङ्गम् ॥ १॥तटिद्वाससं नीलमेघावभासंरमामंदिरं सुंदरं चित्प्रकाशम् ।वरं त्विष्टकायां समन्यस्तपादंपरब्रह्मलिङ्गं भजे पाण्डुरङ्गम् ॥ २॥प्रमाणं भवाब्धेरिदं मामकानांनितम्बः कराभ्यां धृतो येन तस्मात् ।विधातुर्वसत्यै धृतो नाभिकोशःपरब्रह्मलिङ्गं भजे पाण्डुरङ्गम् ॥ ३॥स्फुरत्कौस्तुभालङ्कृतं कण्ठदेशेश्रिया जुष्टकेयूरकं श्रीनिवासम् ।शिवं शांतमीड्यं वरं लोकपालंपरब्रह्मलिङ्गं भजे पाण्डुरङ्गम् ॥ ४॥शरच्चंद्रबिंबाननं चारुहासंलसत्कुण्डलाक्रांतगण्डस्थलांतम् ।जपारागबिंबाधरं कञ्जनेत्रंपरब्रह्मलिङ्गं भजे पाण्डुरङ्गम्।ह्॥ ५॥किरीटोज्वलत्सर्वदिक्प्रांतभागंसुरैरर्चितं दिव्यरत्नैरनर्घैः ।त्रिभङ्गाकृतिं बर्हमाल्यावतंसंपरब्रह्मलिङ्गं भजे पाण्डुरङ्गम्।ह्॥ ६॥विभुं वेणुनादं चरंतं दुरंतंस्वयं लीलया गोपवेषं दधानम् ।गवां वृन्दकानन्ददं चारुहासंपरब्रह्मलिङ्गं भजे पाण्डुरङ्गम् ॥ ७॥अजं रुक्मिणीप्राणसञ्जीवनं तंपरं धाम कैवल्यमेकं तुरीयम् ।प्रसन्नं प्रपन्नार्तिहं देवदेवंपरब्रह्मलिङ्गं भजे पाण्डुरङ्गम् ॥ ८॥स्तवं पाण्डुरंगस्य वै पुण्यदं येपठन्त्येकचित्तेन भक्त्या च नित्यम् ।भवांभोनिधिं ते वितीर्त्वान्तकालेहरेरालयं शाश्वतं प्राप्नुवन्ति ॥॥ इति श्रीमत्परमहंसपरिव्राजकाचार्यस्यश्रीगोविन्दभगवत्पूज्यपादशिष्यस्यश्रीमच्छङ्करभगवतः कृतौपाण्डुरङ्गाष्टकं सम्पूर्णम् ॥

mahāyogapīṭhe taṭe bhīmarathyāvaraṃ puṇḍarīkāya dātuṃ munīndraiḥ |samāgatya tiṣṭhantamānaṃdakaṃdaṃparabrahmaliṅgaṃ bhaje pāṇḍuraṅgam || 1||taṭidvāsasaṃ nīlameghāvabhāsaṃramāmaṃdiraṃ suṃdaraṃ citprakāśam |varaṃ tviṣṭakāyāṃ samanyastapādaṃparabrahmaliṅgaṃ bhaje pāṇḍuraṅgam || 2||pramāṇaṃ bhavābdheridaṃ māmakānāṃnitambaḥ karābhyāṃ dhṛto yena tasmāt |vidhāturvasatyai dhṛto nābhikośaḥparabrahmaliṅgaṃ bhaje pāṇḍuraṅgam || 3||sphuratkaustubhālaṅkṛtaṃ kaṇṭhadeśeśriyā juṣṭakeyūrakaṃ śrīnivāsam |śivaṃ śāṃtamīḍyaṃ varaṃ lokapālaṃparabrahmaliṅgaṃ bhaje pāṇḍuraṅgam || 4||śaraccaṃdrabiṃbānanaṃ cāruhāsaṃlasatkuṇḍalākrāṃtagaṇḍasthalāṃtam |japārāgabiṃbādharaṃ kañjanetraṃparabrahmaliṅgaṃ bhaje pāṇḍuraṅgam|h|| 5||kirīṭojvalatsarvadikprāṃtabhāgaṃsurairarcitaṃ divyaratnairanarghaiḥ |tribhaṅgākṛtiṃ barhamālyāvataṃsaṃparabrahmaliṅgaṃ bhaje pāṇḍuraṅgam|h|| 6||vibhuṃ veṇunādaṃ caraṃtaṃ duraṃtaṃsvayaṃ līlayā gopaveṣaṃ dadhānam |gavāṃ vṛndakānandadaṃ cāruhāsaṃparabrahmaliṅgaṃ bhaje pāṇḍuraṅgam || 7||ajaṃ rukmiṇīprāṇasañjīvanaṃ taṃparaṃ dhāma kaivalyamekaṃ turīyam |prasannaṃ prapannārtihaṃ devadevaṃparabrahmaliṅgaṃ bhaje pāṇḍuraṅgam || 8||stavaṃ pāṇḍuraṃgasya vai puṇyadaṃ yepaṭhantyekacittena bhaktyā ca nityam |bhavāṃbhonidhiṃ te vitīrtvāntakāleharerālayaṃ śāśvataṃ prāpnuvanti |||| iti śrīmatparamahaṃsaparivrājakācāryasyaśrīgovindabhagavatpūjyapādaśiṣyasyaśrīmacchaṅkarabhagavataḥ kṛtaupāṇḍuraṅgāṣṭakaṃ sampūrṇam ||