नित्यानन्दाष्टोत्तरशतनामस्तोत्रम् Nityananda Ashtottarashatanama Stotram

श्रीमान्नित्यानन्दचन्द्राय नमः ।नित्यानन्दमहं वन्दे कर्णे लम्बितमौक्तिकम् ।चैतन्याग्रजरूपेण पवित्रीकृतभूतलम् ॥ १॥

śrīmānnityānandacandrāya namaḥ |nityānandamahaṃ vande karṇe lambitamauktikam |caitanyāgrajarūpeṇa pavitrīkṛtabhūtalam || 1||

प्रणम्य श्रीजगन्नाथं नित्यानन्दमहाप्रभुम् ।नाम्नामष्टोत्तरशतं प्रवक्ष्यामि मुदाकरम् ॥ २॥

praṇamya śrījagannāthaṃ nityānandamahāprabhum |nāmnāmaṣṭottaraśataṃ pravakṣyāmi mudākaram || 2||

नीलाम्बरधरः श्रीमाल्लाङ्गलीमुसलप्रियः ।सङ्कर्षणश्चन्द्रवर्णो यदूनां कुलमङ्गलः ॥ ३॥

nīlāmbaradharaḥ śrīmāllāṅgalīmusalapriyaḥ |saṅkarṣaṇaścandravarṇo yadūnāṃ kulamaṅgalaḥ || 3||

गोपिकारमणो रामो वृन्दावनकलानिधिः ।कादम्बरीसुधामत्तो गोपगोपीगणावृतः ॥ ४॥

gopikāramaṇo rāmo vṛndāvanakalānidhiḥ |kādambarīsudhāmatto gopagopīgaṇāvṛtaḥ || 4||

गोपीमण्डलमध्यस्थो रासताण्डवपण्डितः ।रमणीरमणः कामी मदघूर्णितलोचनः ॥ ५॥

gopīmaṇḍalamadhyastho rāsatāṇḍavapaṇḍitaḥ |ramaṇīramaṇaḥ kāmī madaghūrṇitalocanaḥ || 5||

रासोत्सवपरिश्रान्तो घर्मनीरावृताननः ।कालिन्दीभेदनोत्साही नीरक्रीडाकुतूहलः ॥ ६॥

rāsotsavapariśrānto gharmanīrāvṛtānanaḥ |kālindībhedanotsāhī nīrakrīḍākutūhalaḥ || 6||

गौराश्रयः शमः शान्तो मायामानुषरूपधृक् ।नित्यानन्दावधूतश्च यज्ञसूत्रधरः सुधीः ॥ ७॥

gaurāśrayaḥ śamaḥ śānto māyāmānuṣarūpadhṛk |nityānandāvadhūtaśca yajñasūtradharaḥ sudhīḥ || 7||

पतितप्राणदः पृथ्वीपावनो भक्तवत्सलः ।प्रेमानन्दमदोन्मत्तः ब्रह्मादीनामगोचरः ॥ ८॥

patitaprāṇadaḥ pṛthvīpāvano bhaktavatsalaḥ |premānandamadonmattaḥ brahmādīnāmagocaraḥ || 8||

वनमालाधरो हारी रोचनादिविभूषितः ।नागेन्द्रशुण्डदोर्दण्डस्वर्णकङ्कणमण्डितः ॥ ९॥

vanamālādharo hārī rocanādivibhūṣitaḥ |nāgendraśuṇḍadordaṇḍasvarṇakaṅkaṇamaṇḍitaḥ || 9||

गौरभक्तिरसोल्लासश्चलच्चञ्चलनूपुरः ।गजेन्द्रगतिलावण्यसम्मोहितजगज्जनः ॥ १०॥

gaurabhaktirasollāsaścalaccañcalanūpuraḥ |gajendragatilāvaṇyasammohitajagajjanaḥ || 10||

सम्वीतशुभलीलाधृग्रोमाञ्चितकलेवरः ।हो हो ध्वनिसुधाशिश्च मुखचन्द्रविराजितः ॥ ११॥

samvītaśubhalīlādhṛgromāñcitakalevaraḥ |ho ho dhvanisudhāśiśca mukhacandravirājitaḥ || 11||

सिन्धूरारुणसुस्निग्धसुबिम्बाधरपल्लवः ।स्वभक्तगणमध्यस्थो रेवतीप्राणनायकः ॥ १२॥

sindhūrāruṇasusnigdhasubimbādharapallavaḥ |svabhaktagaṇamadhyastho revatīprāṇanāyakaḥ || 12||

लौहदण्डधरो शृङ्गी वेणुपाणिः प्रतापवान् ।प्रचण्डकृतहुङ्कारो मत्तः पाषण्डमार्दनः ॥ १३॥

lauhadaṇḍadharo śṛṅgī veṇupāṇiḥ pratāpavān |pracaṇḍakṛtahuṅkāro mattaḥ pāṣaṇḍamārdanaḥ || 13||

सर्वभक्तिमयो देव आश्रमाचारवर्जितः ।गुणातीतो गुणमयो गुणवान् नर्तनप्रियः ॥ १४॥

sarvabhaktimayo deva āśramācāravarjitaḥ |guṇātīto guṇamayo guṇavān nartanapriyaḥ || 14||

त्रिगुणात्मा गुणग्राही सगुणो गुणिनां वरः ।योगी योगविधाता च भक्तियोगप्रदर्शकः ॥ १५॥

triguṇātmā guṇagrāhī saguṇo guṇināṃ varaḥ |yogī yogavidhātā ca bhaktiyogapradarśakaḥ || 15||

सर्वशक्तिप्रकाशाङ्गी महानन्दमयो नटः ।सर्वागममयो धीरो ज्ञानदो मुक्तिदः प्रभुः ॥ १६॥

sarvaśaktiprakāśāṅgī mahānandamayo naṭaḥ |sarvāgamamayo dhīro jñānado muktidaḥ prabhuḥ || 16||

गौडदेशपरित्राता प्रेमानन्दप्रकाशकः ।प्रेमानन्दरसानन्दी राधिकामन्त्रदो विभुः ॥ १७॥

gauḍadeśaparitrātā premānandaprakāśakaḥ |premānandarasānandī rādhikāmantrado vibhuḥ || 17||

सर्वमन्त्रस्वरूपश्च कृष्णपर्यङ्कसुन्दरः ।रसज्ञो रसदाता च रसभोक्ता रसाश्रयः ॥ १८॥

sarvamantrasvarūpaśca kṛṣṇaparyaṅkasundaraḥ |rasajño rasadātā ca rasabhoktā rasāśrayaḥ || 18||

ब्रह्मेशादिमहेन्द्राद्यवन्दितश्रीपदाम्बुजः ।सहस्रमस्तकोपेतो रसातलसुधाकरः ॥ १९॥

brahmeśādimahendrādyavanditaśrīpadāmbujaḥ |sahasramastakopeto rasātalasudhākaraḥ || 19||

क्षीरोदार्णवसम्भूतः कुण्डलैकावतंसकः ।रक्तोपलधरः शुभ्रो नारायणपरायणः ॥ २०॥

kṣīrodārṇavasambhūtaḥ kuṇḍalaikāvataṃsakaḥ |raktopaladharaḥ śubhro nārāyaṇaparāyaṇaḥ || 20||

अपारमहिमानन्तो नृदोषादर्शनः सदा ।दयालुर्दुर्गतित्राता कृतान्तो दुष्टदेहिनाम् ॥ २१॥

apāramahimānanto nṛdoṣādarśanaḥ sadā |dayālurdurgatitrātā kṛtānto duṣṭadehinām || 21||

मञ्जुदाशरथिर्वीरो लक्ष्मणः सर्ववल्लभः ।सदोज्ज्वलो रसानन्दी वृन्दावनरसप्रदः ॥ २२॥

mañjudāśarathirvīro lakṣmaṇaḥ sarvavallabhaḥ |sadojjvalo rasānandī vṛndāvanarasapradaḥ || 22||

पूर्णप्रेमसुधासिन्धुर्नाट्यलीलाविशारदः ।कोटीन्दुवैभवः श्रीमान् जगदाह्लादकारकः ॥ २३॥

pūrṇapremasudhāsindhurnāṭyalīlāviśāradaḥ |koṭīnduvaibhavaḥ śrīmān jagadāhlādakārakaḥ || 23||

गोपालः सर्वपालश्च सर्वगोपावतंसकः ।माघे मासि सिते पक्षे त्रयोदश्यां तिथौ सदा ॥ २४॥

gopālaḥ sarvapālaśca sarvagopāvataṃsakaḥ |māghe māsi site pakṣe trayodaśyāṃ tithau sadā || 24||

उपोषणं पूजनं च श्रीनित्यानन्दवासरे ।यद्यत् सः कुरुते कामं तत्तदेव लभेन्नरः ॥ २५॥

upoṣaṇaṃ pūjanaṃ ca śrīnityānandavāsare |yadyat saḥ kurute kāmaṃ tattadeva labhennaraḥ || 25||

असाध्यरोगयुक्तोऽपि मुच्यते गदभीषणात् ।अपुत्रः साधुपुत्रं च लभते नात्र संशयः ॥ २६॥

asādhyarogayukto'pi mucyate gadabhīṣaṇāt |aputraḥ sādhuputraṃ ca labhate nātra saṃśayaḥ || 26||

नित्यानन्दस्वरूपस्य नाम्नामष्टोत्तरं शतम् ।यः पठेत् प्रातरुत्थाय स लभेद्वाञ्छितं ध्रुवम् ॥ २७॥

nityānandasvarūpasya nāmnāmaṣṭottaraṃ śatam |yaḥ paṭhet prātarutthāya sa labhedvāñchitaṃ dhruvam || 27||

इति सार्वभौम भट्टाचार्यविरचितंनित्यानन्दाष्टोत्तरशतनामस्तोत्रं सम्पूर्णम् ।

iti sārvabhauma bhaṭṭācāryaviracitaṃnityānandāṣṭottaraśatanāmastotraṃ sampūrṇam |