पञ्चपद्यानि Panchapadyani

श्रीकृष्णरसविक्षिस्तमानसा रतिवर्जिताः ।अनिर्वृता लोकवेदे ते मुख्याः श्रवणोत्सकाः ॥ १॥

śrīkṛṣṇarasavikṣistamānasā rativarjitāḥ |anirvṛtā lokavede te mukhyāḥ śravaṇotsakāḥ || 1||

विक्लिन्नमनसो ये तु भगवत्स्मृतिविह्वलाः ।अर्थैकनिष्ठास्ते चापि मध्यमाः श्रवणोत्सुकाः ॥ २॥

viklinnamanaso ye tu bhagavatsmṛtivihvalāḥ |arthaikaniṣṭhāste cāpi madhyamāḥ śravaṇotsukāḥ || 2||

निःसन्दिग्धं कृष्णतत्त्वं सर्वभावेन ये विदुः ।ते त्वावेशात्तु विकला निरोधाद्वा न चान्यथा ॥ ३॥

niḥsandigdhaṃ kṛṣṇatattvaṃ sarvabhāvena ye viduḥ |te tvāveśāttu vikalā nirodhādvā na cānyathā || 3||

पूर्णभावेन पूर्णार्थाः कदाचिन्न तु सर्वदा ।अन्यासक्तास्तु ये केचिदधमाः परिकीर्तिताः ॥ ४॥

pūrṇabhāvena pūrṇārthāḥ kadācinna tu sarvadā |anyāsaktāstu ye kecidadhamāḥ parikīrtitāḥ || 4||

अनन्यमनसो मर्त्या उत्तमाः श्रवणादिषु ।देशकालद्रव्यकर्तृमन्त्रकर्मप्रकारतः ॥ ५॥

ananyamanaso martyā uttamāḥ śravaṇādiṣu |deśakāladravyakartṛmantrakarmaprakārataḥ || 5||

इति श्रीवल्लभाचार्यविरचितानि पञ्चपद्यानि समाप्तानि ।

iti śrīvallabhācāryaviracitāni pañcapadyāni samāptāni |