नवनीतकृष्णस्तवः Navanita Krishna Stava

सञ्चिन्तयामि गुरुवायुपुरेश, नादब्रह्मात्मिकां मुरलिकामुपसन्दधानम् ।प्रेमात्मकं च नवनीतमुदावहन्तंयोगद्वयीसुखसमन्वयिमन्दहासम् ॥ १॥

sañcintayāmi guruvāyupureśa, nādabrahmātmikāṃ muralikāmupasandadhānam |premātmakaṃ ca navanītamudāvahantaṃyogadvayīsukhasamanvayimandahāsam || 1||

पिच्छाञ्चलाञचितमणीमुकुटाभिरामंलोलालकान्तलळिताळिकसन्निवेशम् ।चिल्लीलतामृदुविलासविशेषसम्यंकारुण्यवर्षिनयनान्तमुपाश्रये त्वाम् ॥ २॥

picchāñcalāñacitamaṇīmukuṭābhirāmaṃlolālakāntalaḷitāḷikasanniveśam |cillīlatāmṛduvilāsaviśeṣasamyaṃkāruṇyavarṣinayanāntamupāśraye tvām || 2||

रक्ताधरप्रसृतसुन्दरमन्दहासंगण्डस्थलप्रतिफलन्मणिकुण्डलाढ्यम् ।ईषत्स्फुरद्दर्शनमुग्धमुखारविन्दंत्वामाश्रये सुमधुरं नवनीतकृष्णम् ॥ ३॥

raktādharaprasṛtasundaramandahāsaṃgaṇḍasthalapratiphalanmaṇikuṇḍalāḍhyam |īṣatsphuraddarśanamugdhamukhāravindaṃtvāmāśraye sumadhuraṃ navanītakṛṣṇam || 3||

त्वां द्वीपिदिव्यनखभूषणचारुवत्संवंशीविराजितविमोहनवामहस्तम् ।हैय्यङ्गवीनभृतदक्षिणपाणिपद्मंभक्तप्रिये पारभजे नवनीतकृष्णम् ॥ ४॥

tvāṃ dvīpidivyanakhabhūṣaṇacāruvatsaṃvaṃśīvirājitavimohanavāmahastam |haiyyaṅgavīnabhṛtadakṣiṇapāṇipadmaṃbhaktapriye pārabhaje navanītakṛṣṇam || 4||

उद्दीप्तकान्तिविलसन्मणिकिङ्किणीकम् ।पीताम्बरावृतमिदं भवदीयमध्यम् ।चित्ते चकास्तु भगवन् नवनीलरत्नस्तम्भाभमृरुयुगलं च हरे नमस्ते ॥ ५॥

uddīptakāntivilasanmaṇikiṅkiṇīkam |pītāmbarāvṛtamidaṃ bhavadīyamadhyam |citte cakāstu bhagavan navanīlaratnastambhābhamṛruyugalaṃ ca hare namaste || 5||

जानुद्वयं सुमधुराकृतिरम्यरम्यंवृत्तानुपूर्वललिते तव जङ्घिके च ।मञ्जीरमञ्जुलतमं प्रपदं मुनीन्द्रवृन्दर्चितं च चरणं हृदि भावयेऽहम् ॥ ६॥

jānudvayaṃ sumadhurākṛtiramyaramyaṃvṛttānupūrvalalite tava jaṅghike ca |mañjīramañjulatamaṃ prapadaṃ munīndravṛndarcitaṃ ca caraṇaṃ hṛdi bhāvaye'ham || 6||

मज्जीविताब्धिमथनेन भवत्प्रसादाल्लब्धं विभो सुमधुरं नवनीतमल्पम् ।त्वत्प्रेमरूपममृतं परिकल्पयामिनैवेद्यकं, मयि कुचेलसख, प्रसीद! ॥ ७॥

majjīvitābdhimathanena bhavatprasādāllabdhaṃ vibho sumadhuraṃ navanītamalpam |tvatpremarūpamamṛtaṃ parikalpayāminaivedyakaṃ, mayi kucelasakha, prasīda! || 7||

श्रीमारुतालयपते, नवनीतकृष्ण,त्वामेव सत्यशिवसुन्दररूपमेकम् ।योगीन्द्रवन्दितविशुद्धपदारविन्दंतापत्रयैकशमनं शरणं प्रपद्ये ॥ ८॥

śrīmārutālayapate, navanītakṛṣṇa,tvāmeva satyaśivasundararūpamekam |yogīndravanditaviśuddhapadāravindaṃtāpatrayaikaśamanaṃ śaraṇaṃ prapadye || 8||

इति श्रीवासुदेवन् एलयथेन विरचितः नवनीतकृष्णस्तवः सम्पूर्णः ।

iti śrīvāsudevan elayathena viracitaḥ navanītakṛṣṇastavaḥ sampūrṇaḥ |