कृष्णस्तुतिः १ Krishnastutih (2)
kṛṣṇastutiḥ 1
Krishnastutih (2) (कृष्णस्तुतिः १): a hymn of praise (stuti) to Kṛṣṇa, by vAdirAjayati. 10 verses in Sanskrit with Devanagari and IAST.
- Stotra
- Stuti
- Kṛṣṇa
- Stuti
कृष्णस्तुतिः १
1 / 10
यदि दिशसि नयनपटुतां तर्हि भवच्चरणकमलसेवायै ।आयास्यामि दयाळो कृष्ण न चेत् पूजयामि कथमन्धः ॥ १॥
yadi diśasi nayanapaṭutāṃ tarhi bhavaccaraṇakamalasevāyai |āyāsyāmi dayāḷo kṛṣṇa na cet pūjayāmi kathamandhaḥ || 1||
सम्भावितस्य पुंसो मरणादतिरिच्यते किला कीर्तिः ।इति गीतासु हि गीतं भवता भवतापतिमिर रवे ॥ २॥
sambhāvitasya puṃso maraṇādatiricyate kilā kīrtiḥ |iti gītāsu hi gītaṃ bhavatā bhavatāpatimira rave || 2||
नानापराधशतकं हीने यद्यस्ति कृष्ण मयि मत्ते ।दीनानामुद्धार्त्रा क्षन्तव्यं तत् क्षमावता भवता ॥ ३॥
nānāparādhaśatakaṃ hīne yadyasti kṛṣṇa mayi matte |dīnānāmuddhārtrā kṣantavyaṃ tat kṣamāvatā bhavatā || 3||
कुन्तलसन्ततिलसितं चूडात्रयशोभिमौलिभागमहम् ।शतपत्रपत्रनेत्रं शशिवदनं प्रतिदिनं दिदृक्षामि ॥ ४॥
kuntalasantatilasitaṃ cūḍātrayaśobhimaulibhāgamaham |śatapatrapatranetraṃ śaśivadanaṃ pratidinaṃ didṛkṣāmi || 4||
कुण्डलमण्डितगण्डं कम्बुग्रीवं मनोरमोरस्कम् ।दण्डं दाम च दधतं पाण्डवसखमर्च्यमर्चयामि कदा ॥ ५॥
kuṇḍalamaṇḍitagaṇḍaṃ kambugrīvaṃ manoramoraskam |daṇḍaṃ dāma ca dadhataṃ pāṇḍavasakhamarcyamarcayāmi kadā || 5||
रम्यतमोदरजघनं कम्रोरुं वृत्तजानुयुगजङ्घम् ।रक्ताब्जसदृशपादं हस्ताभ्यां त्वार्चयामि सदय कदा ॥ ६॥
ramyatamodarajaghanaṃ kamroruṃ vṛttajānuyugajaṅgham |raktābjasadṛśapādaṃ hastābhyāṃ tvārcayāmi sadaya kadā || 6||
दोषातिदूर शुभगुणराशिं दासीकृताखिलानिमिषम् ।भूषणभूषितगात्रं नेत्राभ्यां चित्रचरित वीक्षे त्वाम् ॥ ७॥
doṣātidūra śubhaguṇarāśiṃ dāsīkṛtākhilānimiṣam |bhūṣaṇabhūṣitagātraṃ netrābhyāṃ citracarita vīkṣe tvām || 7||
मध्वप्रतिष्ठितं त्वां विध्वस्ताशेषकुजनकुलम् ।मूर्ध्ना प्रणम्य याचे तद्विरचय यद्धितं ममाद्य हरे ॥ ८॥
madhvapratiṣṭhitaṃ tvāṃ vidhvastāśeṣakujanakulam |mūrdhnā praṇamya yāce tadviracaya yaddhitaṃ mamādya hare || 8||
स्तुतिमितिपुण्यकथन ते प्रथितकृते वादिराजयतिरकृत ।सततं पठतां हि सतामतिविशदां देहि कृष्ण विततमतिम् ॥ ९॥
stutimitipuṇyakathana te prathitakṛte vādirājayatirakṛta |satataṃ paṭhatāṃ hi satāmativiśadāṃ dehi kṛṣṇa vitatamatim || 9||
इति श्रीमद्वादिराजपूज्यचरणविरचितं कृष्णस्तुतिः सम्पूर्णम् ।भारतीरमणमुख्यप्राणान्तर्गत श्रीकृष्णार्पणमस्तु ।
iti śrīmadvādirājapūjyacaraṇaviracitaṃ kṛṣṇastutiḥ sampūrṇam |bhāratīramaṇamukhyaprāṇāntargata śrīkṛṣṇārpaṇamastu |
॥ इति कृष्णस्तुतिः १ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Krishnastutih (2)?
Krishnastutih (2) has 10 verses on this page, each shown with its number, Devanagari text and transliteration, and meaning where available.
Can I read Krishnastutih (2) in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Krishnastutih (2)?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Krishnastutih (2)?
vAdirAjayati.
