कुञ्जविहार्यष्टकम् २ Kunjaviharyashtakam 2

द्वितीयं श्रीकुञ्जविहार्यष्टकंनमः कुञ्जविहारिणे ।अविरतरतिबन्धुस्मेरताबन्धुरश्रीःकबलित इव राधापाङ्गभङ्गीतरङ्गैः ।मुदितवदनचन्द्रश्चन्द्रिकापीतधारीमुदिरमधुरकान्तिर्भाति कुञ्जे विहारी ॥ १॥

dvitīyaṃ śrīkuñjavihāryaṣṭakaṃnamaḥ kuñjavihāriṇe |avirataratibandhusmeratābandhuraśrīḥkabalita iva rādhāpāṅgabhaṅgītaraṅgaiḥ |muditavadanacandraścandrikāpītadhārīmudiramadhurakāntirbhāti kuñje vihārī || 1||

ततसुषिरघनानां नादमानद्धभाजांजनयति तरुणीनां मण्डले मण्डितानाम् ।तटभुवि नटराजक्रीडया भानुपुत्र्याःविदधदतुलचारिर्भाति कुञ्जे विहारी ॥ २॥

tatasuṣiraghanānāṃ nādamānaddhabhājāṃjanayati taruṇīnāṃ maṇḍale maṇḍitānām |taṭabhuvi naṭarājakrīḍayā bhānuputryāḥvidadhadatulacārirbhāti kuñje vihārī || 2||

शिखिनिगलितषड्जेकोकिले पञ्चमाढ्येस्वयमपि नववंश्योद्दामयन् ग्राममुख्यम् ।धृतमृगमदगन्धः सुष्ठुगान्धारसंज्ञंत्रिभुवनधृतिहारिर्भाति कुञ्जे विहारी ॥ ३॥

śikhinigalitaṣaḍjekokile pañcamāḍhyesvayamapi navavaṃśyoddāmayan grāmamukhyam |dhṛtamṛgamadagandhaḥ suṣṭhugāndhārasaṃjñaṃtribhuvanadhṛtihārirbhāti kuñje vihārī || 3||

अनुपमकरशाखोपात्तराधाङ्गुलीकोलघु लघु कुसुमानां पर्यटन् वाटिकायाम् ।सरभसमनुगीतश्चित्रकण्ठीभिरुच्चैःव्रजनवयुवतीभिर्भाति कुञ्जे विहारी ॥ ४॥

anupamakaraśākhopāttarādhāṅgulīkolaghu laghu kusumānāṃ paryaṭan vāṭikāyām |sarabhasamanugītaścitrakaṇṭhībhiruccaiḥvrajanavayuvatībhirbhāti kuñje vihārī || 4||

अहिरिपुकृतलास्ये कीचकारब्धवाद्येव्रजगिरितटरङ्गे भृङ्गसङ्गीतभाजि ।विरचितपरिचर्यश्चित्रतौर्यत्रिकोणस्तिमितकरणवृत्तिर्भाति कुञ्जे विहारी ॥ ५॥

ahiripukṛtalāsye kīcakārabdhavādyevrajagiritaṭaraṅge bhṛṅgasaṅgītabhāji |viracitaparicaryaścitratauryatrikoṇastimitakaraṇavṛttirbhāti kuñje vihārī || 5||

दिशि दिशि शुकशारीमण्डलैर्गूढलीलाःप्रकटमनुपठद्भिर्निर्मिताश्चर्यपूरः ।तदतिरहसि वृत्तं प्रेयसीकर्णमूलेस्मितमुखमभिजल्पन् भाति कुञ्जे विहारी ॥ ६॥

diśi diśi śukaśārīmaṇḍalairgūḍhalīlāḥprakaṭamanupaṭhadbhirnirmitāścaryapūraḥ |tadatirahasi vṛttaṃ preyasīkarṇamūlesmitamukhamabhijalpan bhāti kuñje vihārī || 6||

तव चिकुरकदम्बं स्तम्भते प्रेक्ष्य केकीनयनकमललक्ष्मीर्वन्दते कृष्णसारः ।अलिरलमलकान्तं नौति पश्येति राधांसुमधुरमभिशंसन् भाति कुञ्जे विहारी ॥ ७॥

tava cikurakadambaṃ stambhate prekṣya kekīnayanakamalalakṣmīrvandate kṛṣṇasāraḥ |aliralamalakāntaṃ nauti paśyeti rādhāṃsumadhuramabhiśaṃsan bhāti kuñje vihārī || 7||

मदनतरलबाला चक्रवालेन विष्वग्विविधवरकलानां शिक्षया सेव्यमानः ।स्खलितचिकुरवेशे स्कन्धदेशे प्रियायाःप्रथितपृथुलबाहुर्भाति कुञ्जे विहारी ॥ ८॥

madanataralabālā cakravālena viṣvagvividhavarakalānāṃ śikṣayā sevyamānaḥ |skhalitacikuraveśe skandhadeśe priyāyāḥprathitapṛthulabāhurbhāti kuñje vihārī || 8||

इदमनुपमलीलाहारि कुञ्जविहारीस्मरणपदमधीते तुष्टधीरष्टकं यः ।निजगुणवृतया श्रीराधयाराधिऽऽराधितस्तंनयति निजपदाब्जं कुञ्जसद्माधिराजः ॥ ९॥

idamanupamalīlāhāri kuñjavihārīsmaraṇapadamadhīte tuṣṭadhīraṣṭakaṃ yaḥ |nijaguṇavṛtayā śrīrādhayārādhi''rādhitastaṃnayati nijapadābjaṃ kuñjasadmādhirājaḥ || 9||

इति श्रीरूपगोस्वामिविरचितस्तवमालायां श्रीकुञ्जविहार्यष्टकंद्वितीयं सम्पूर्णम् ॥

iti śrīrūpagosvāmiviracitastavamālāyāṃ śrīkuñjavihāryaṣṭakaṃdvitīyaṃ sampūrṇam ||