खण्डिता Khandita

नमः श्रीव्रजनागराय ।(भुजङ्गप्रयात छन्दः)अवज्ञाय भर्तुर्महाघोरदण्डंगुरोर्भाषितं च व्यतिक्रम्य चण्डम् ।निषेधोद्धुरां किङ्करीमाक्षिपन्तीहरे कृष्ण नाथेति बाला जपन्ती ॥ १॥

namaḥ śrīvrajanāgarāya |(bhujaṅgaprayāta chandaḥ)avajñāya bharturmahāghoradaṇḍaṃgurorbhāṣitaṃ ca vyatikramya caṇḍam |niṣedhoddhurāṃ kiṅkarīmākṣipantīhare kṛṣṇa nātheti bālā japantī || 1||

रसन्मेघजाले तडिद्भिः करालेगलद्वारिधारे दुरन्तान्धकारे ।मिलद्भूरिदोषे सखि मे प्रदोषेप्रयाणाय लज्जामनादृत्य सज्जा ॥ २॥ (युग्मकम्)

rasanmeghajāle taḍidbhiḥ karālegaladvāridhāre durantāndhakāre |miladbhūridoṣe sakhi me pradoṣeprayāṇāya lajjāmanādṛtya sajjā || 2|| (yugmakam)

अदूरोल्लसद्भल्लूकारब्धयुद्धांवलद्दन्दशूकावलीभोगरुद्धाम् ।समन्दाद् ध्वनद्वायसारातिभीमांरसोत्फुल्लमुल्लङ्घ्य कान्तारसीमाम् ॥ ३॥

adūrollasadbhallūkārabdhayuddhāṃvaladdandaśūkāvalībhogaruddhām |samandād dhvanadvāyasārātibhīmāṃrasotphullamullaṅghya kāntārasīmām || 3||

प्रविश्यानवद्यं लतागेहमध्यंधृतौत्सुक्यचक्रा निसर्गादवक्रा ।नखाग्रप्रसूनैः सुगन्धिप्रसूनैःपयःफेनकल्पं व्यधत्तेह तल्पम् ॥ ४॥ (युग्मकम्)

praviśyānavadyaṃ latāgehamadhyaṃdhṛtautsukyacakrā nisargādavakrā |nakhāgraprasūnaiḥ sugandhiprasūnaiḥpayaḥphenakalpaṃ vyadhatteha talpam || 4|| (yugmakam)

प्रणीतेक्षणेयं मुहुस्ते पदव्यांदधाना मुकुन्द स्पृहां नव्यनव्याम् ।अलब्धं ततस्त्वामवेत्यातिखिन्नाबभूव प्रसूनेषुबाणैर्विभिन्ना ॥ ५॥

praṇītekṣaṇeyaṃ muhuste padavyāṃdadhānā mukunda spṛhāṃ navyanavyām |alabdhaṃ tatastvāmavetyātikhinnābabhūva prasūneṣubāṇairvibhinnā || 5||

सुकण्ठी शठेयं भजन्ती प्रजल्पंमुहुर्भावयन्ती निमेषं च कल्पम् ।चकाराद्य कुञ्जे बतालब्धकामेसखी जागरं सम्भ्रमादेकिका मे ॥ ६॥

sukaṇṭhī śaṭheyaṃ bhajantī prajalpaṃmuhurbhāvayantī nimeṣaṃ ca kalpam |cakārādya kuñje batālabdhakāmesakhī jāgaraṃ sambhramādekikā me || 6||

अहो भाग्यमद्य प्रपन्नोऽसि सद्यस्त्वमस्मिन्नगारे यदारान् मुरारे ।सखीवृन्ददृष्टिर्धृतानन्दवृष्टिर्बभूवात्तरङ्गं विलोक्य त्वदङ्गम् ॥ ७॥

aho bhāgyamadya prapanno'si sadyastvamasminnagāre yadārān murāre |sakhīvṛndadṛṣṭirdhṛtānandavṛṣṭirbabhūvāttaraṅgaṃ vilokya tvadaṅgam || 7||

दुकूलस्य लक्ष्मीं समन्ताद् विशालांअसौ वीक्ष्य पीतस्य ते मल्लिमाला ।लुठन्ती कुचोद्भासिकाश्मीरपङ्केनिजं पीतमङ्गं चकाराद्य शङ्के ॥ ८॥

dukūlasya lakṣmīṃ samantād viśālāṃasau vīkṣya pītasya te mallimālā |luṭhantī kucodbhāsikāśmīrapaṅkenijaṃ pītamaṅgaṃ cakārādya śaṅke || 8||

विकीर्णालकान्तः परिश्रान्तिकान्तस्तव व्यक्ततन्द्रः स्फुरत्यास्यचन्द्रः ।कृतानङ्गयागं विभक्ताङ्गरागंनखाङ्कालिपात्रं तथेदं च गात्रम् ॥ ९॥

vikīrṇālakāntaḥ pariśrāntikāntastava vyaktatandraḥ sphuratyāsyacandraḥ |kṛtānaṅgayāgaṃ vibhaktāṅgarāgaṃnakhāṅkālipātraṃ tathedaṃ ca gātram || 9||

स्फुरद्बन्धुजीवप्रसूनाप्तसङ्गंपरिस्पर्धमानो विलासेन भृङ्गम् ।मुदं कस्य बिम्बाधरस्तेन रक्तःकरोत्युज्ज्वलां कज्जलेनाद्य सक्तः ॥ १०॥

sphuradbandhujīvaprasūnāptasaṅgaṃparispardhamāno vilāsena bhṛṅgam |mudaṃ kasya bimbādharastena raktaḥkarotyujjvalāṃ kajjalenādya saktaḥ || 10||

अलं देवदिव्येना जाने भवन्तंसदा राधिकायामतिप्रेमवन्तम् ।अलिन्दात् कुरु त्वं ममाधिप्रभातंद्रुतं गोपकन्याभुजङ्ग प्रयातम् ॥ ११॥

alaṃ devadivyenā jāne bhavantaṃsadā rādhikāyāmatipremavantam |alindāt kuru tvaṃ mamādhiprabhātaṃdrutaṃ gopakanyābhujaṅga prayātam || 11||

इति प्रेमगर्भां समाकर्ण्य सर्वांतदा राधिकालीगिरं रत्नमाली ।हरिस्तोषभारं स विन्दन्नपारंसदा मे महिष्ठं विधत्तामभीष्टम् ॥ १२॥

iti premagarbhāṃ samākarṇya sarvāṃtadā rādhikālīgiraṃ ratnamālī |haristoṣabhāraṃ sa vindannapāraṃsadā me mahiṣṭhaṃ vidhattāmabhīṣṭam || 12||

इति श्रीरूपगोस्वामिविरचितस्तवमालायां खण्डिता समाप्ता ।

iti śrīrūpagosvāmiviracitastavamālāyāṃ khaṇḍitā samāptā |