कृष्णचन्द्राष्टकम् ३ Krishna Chandra Ashtakam

अम्बुदाञ्जनेन्द्रनीलनिन्दिकान्तिडम्बरःकुङ्कुमोद्यदर्कविद्युदंशुदिव्यदम्बरः ।श्रीमदङ्गचर्चितेन्दुपीतनाक्तचन्दनःस्वाङ्घ्रिदास्यदोऽस्तु मे स बल्लवेन्द्रनन्दनः ॥ १॥

ambudāñjanendranīlanindikāntiḍambaraḥkuṅkumodyadarkavidyudaṃśudivyadambaraḥ |śrīmadaṅgacarcitendupītanāktacandanaḥsvāṅghridāsyado'stu me sa ballavendranandanaḥ || 1||

गण्डताण्डवातिपण्डिताण्डजेशकुण्डलश्चन्द्रपद्मषण्डगर्वखण्डनस्यमण्डलः ।बल्लवीषु वर्धितात्मगूढभावबन्धनःस्वाङ्घ्रिदास्यदोऽस्तु मे स बल्लवेन्द्रनन्दनः ॥ २॥

gaṇḍatāṇḍavātipaṇḍitāṇḍajeśakuṇḍalaścandrapadmaṣaṇḍagarvakhaṇḍanasyamaṇḍalaḥ |ballavīṣu vardhitātmagūḍhabhāvabandhanaḥsvāṅghridāsyado'stu me sa ballavendranandanaḥ || 2||

नित्यनव्यरूपवेषहर्दकेलिचेष्टितःकेलिनर्मसार्मदायिमित्रवृन्दवेष्टितः ।स्वीयकेलिकाननांशुनिर्जितेन्द्रनन्दनःस्वाङ्घ्रिदास्यदोऽस्तु मे स बल्लवेन्द्रनन्दनः ॥ ३॥

nityanavyarūpaveṣahardakeliceṣṭitaḥkelinarmasārmadāyimitravṛndaveṣṭitaḥ |svīyakelikānanāṃśunirjitendranandanaḥsvāṅghridāsyado'stu me sa ballavendranandanaḥ || 3||

प्रेमहेममण्डितात्मबन्धुताभिनन्दितःक्सौणिलग्नभाललोकपालपालिवन्दितः ।नित्यकालसृष्टविप्रगौरवालिवन्दनःस्वाङ्घ्रिदास्यदोऽस्तु मे स बल्लवेन्द्रनन्दनः ॥ ४॥

premahemamaṇḍitātmabandhutābhinanditaḥksauṇilagnabhālalokapālapālivanditaḥ |nityakālasṛṣṭavipragauravālivandanaḥsvāṅghridāsyado'stu me sa ballavendranandanaḥ || 4||

लीलयेन्द्रकालियोष्णकंसवत्सघातकस्तत्तदात्मकेलिवृष्टिपुष्टभक्तचातकः ।वीर्यशीललिलायात्मघोसवासिनन्दनःस्वाङ्घ्रिदास्यदोऽस्तु मे स बल्लवेन्द्रनन्दनः ॥ ५॥

līlayendrakāliyoṣṇakaṃsavatsaghātakastattadātmakelivṛṣṭipuṣṭabhaktacātakaḥ |vīryaśīlalilāyātmaghosavāsinandanaḥsvāṅghridāsyado'stu me sa ballavendranandanaḥ || 5||

कुञ्जरासकेलिसीधुराधिकादितोषणस्तत्तदात्मकेलिनर्मतत्तदालिपोषणः ।प्रेमशीलकेलिकीर्तिविश्वचित्तनन्दनःस्वाङ्घ्रिदास्यदोऽस्तु मे स बल्लवेन्द्रनन्दनः ॥ ६॥

kuñjarāsakelisīdhurādhikāditoṣaṇastattadātmakelinarmatattadālipoṣaṇaḥ |premaśīlakelikīrtiviśvacittanandanaḥsvāṅghridāsyado'stu me sa ballavendranandanaḥ || 6||

रासकेलिदर्शितात्मशुद्धभक्तिसत्पथःस्वीयचित्ररूपवेषमन्मथलीमन्मथः ।गोपीकसु नेत्रकोणभाववृन्दगन्धनःस्वाङ्घ्रिदास्यदोऽस्तु मे स बल्लवेन्द्रनन्दनः ॥ ७॥

rāsakelidarśitātmaśuddhabhaktisatpathaḥsvīyacitrarūpaveṣamanmathalīmanmathaḥ |gopīkasu netrakoṇabhāvavṛndagandhanaḥsvāṅghridāsyado'stu me sa ballavendranandanaḥ || 7||

पुष्पचायिराधिकाभिमर्षलब्धितर्षितःप्रेमवाम्यराम्यराधिकास्यदृष्टिहर्षितः ।राधिकोरसीह लेप एष हरिचन्दनःस्वाङ्घ्रिदास्यदोऽस्तु मे स बल्लवेन्द्रनन्दनः ॥ ८॥

puṣpacāyirādhikābhimarṣalabdhitarṣitaḥpremavāmyarāmyarādhikāsyadṛṣṭiharṣitaḥ |rādhikorasīha lepa eṣa haricandanaḥsvāṅghridāsyado'stu me sa ballavendranandanaḥ || 8||

अष्टकेन यस्त्वनेन राधिकासुवल्लभंसंस्तवीति दर्शनेऽपि सिन्धुजादिदुर्लभम् ।तं युनक्ति तुष्टचित्त एष घोषकाननेराधिकाङ्गसङ्गनन्दितात्मपादसेवने ॥ ९॥

aṣṭakena yastvanena rādhikāsuvallabhaṃsaṃstavīti darśane'pi sindhujādidurlabham |taṃ yunakti tuṣṭacitta eṣa ghoṣakānanerādhikāṅgasaṅgananditātmapādasevane || 9||

इति कृष्णदासकविराजविरचितं कृष्णचन्द्राष्टकं सम्पूर्णम् ।

iti kṛṣṇadāsakavirājaviracitaṃ kṛṣṇacandrāṣṭakaṃ sampūrṇam |