केशादिपादश्रवणामृतम् Keshadipada Shravanamritam

शबलशिखण्डिशिखण्डमण्डितहाटकरत्नकिरीट, हरे,विलुलितमञ्जुतरालकरञ्चितमञ्जुलफालककान्तिनिधे ।मुरहर, कुङ्कुमसङ्कलनाङ्कितपुण्ड्रकमण्डनहास, हरे,जय जय हे गुरुवायुपुरेश्वर, भक्तमहेश्वर, विश्वपते! ॥ १॥

śabalaśikhaṇḍiśikhaṇḍamaṇḍitahāṭakaratnakirīṭa, hare,vilulitamañjutarālakarañcitamañjulaphālakakāntinidhe |murahara, kuṅkumasaṅkalanāṅkitapuṇḍrakamaṇḍanahāsa, hare,jaya jaya he guruvāyupureśvara, bhaktamaheśvara, viśvapate! || 1||

ललितविलासविशेषविमोहनचिल्लि, दयामृतसललहरीलुलितविभङ्गमभङ्गुरभङ्गि, तवाङ्गविलोलविलोचनकम् ।मिलितलसन्मणिकुण्डलमण्डितगण्डतलञ्च सदा कलयेजय जय हे गुरुवायुपुरेश्वर, भक्तमहेश्वर, विश्वपते! ॥ २॥

lalitavilāsaviśeṣavimohanacilli, dayāmṛtasalalaharīlulitavibhaṅgamabhaṅgurabhaṅgi, tavāṅgavilolavilocanakam |militalasanmaṇikuṇḍalamaṇḍitagaṇḍatalañca sadā kalayejaya jaya he guruvāyupureśvara, bhaktamaheśvara, viśvapate! || 2||

तिलकुसुमोपमनासिकया परिशोभितमाननतामरसंविकसितकुन्दविहासिविहासलसन्मधुराधरकान्ततरम् ।मुनिजनमानसंहसनिरन्तरसेवितमन्तरुदेतु सदाजय जय हे गुरुवायुपुरेश्वर, भक्तमहेश्वर, विश्वपते! ॥ ३॥

tilakusumopamanāsikayā pariśobhitamānanatāmarasaṃvikasitakundavihāsivihāsalasanmadhurādharakāntataram |munijanamānasaṃhasanirantarasevitamantarudetu sadājaya jaya he guruvāyupureśvara, bhaktamaheśvara, viśvapate! || 3||

कलमुरलीमधुरश्रवणामतपूरकपूरककम्बुवरंललिततनो तव कण्ठमकुण्ठमनोहरहारविहारपदम् ।गलितभवज्वरतान्तिभरे हृदि शान्तिधरे कलयेय हरे;जय जय हे गुरुवायुपुरेश्वर, भक्तमहेश्वर, विश्वपते! ॥ ४॥

kalamuralīmadhuraśravaṇāmatapūrakapūrakakambuvaraṃlalitatano tava kaṇṭhamakuṇṭhamanoharahāravihārapadam |galitabhavajvaratāntibhare hṛdi śāntidhare kalayeya hare;jaya jaya he guruvāyupureśvara, bhaktamaheśvara, viśvapate! || 4||

विपुलमिदं वनमालिकयाऽञ्चितमञ्जनवर्ण, सुवर्णमणीमहितविभूषणभूतितपावनवत्सविशोभितवत्सपदम् ।मनसि चकास्तु मुनिस्तुतविस्तृतकौस्तुभनिस्तुलफान्तियुतम् ।जय जय हे गुरुवायुपुरेश्वर, भक्तमहेश्वर, विश्वपते! ॥ ५॥

vipulamidaṃ vanamālikayā'ñcitamañjanavarṇa, suvarṇamaṇīmahitavibhūṣaṇabhūtitapāvanavatsaviśobhitavatsapadam |manasi cakāstu munistutavistṛtakaustubhanistulaphāntiyutam |jaya jaya he guruvāyupureśvara, bhaktamaheśvara, viśvapate! || 5||

कमलगदारिदराङ्कितदोष्कचतुष्कवितीर्णपुमर्थतते,कुशभुदरे निखिलाण्डनिधानमखण्डमहाद्भुतमाकलये ।अनलसुतप्तसुवर्णसवर्णनवाम्बरसुन्दररूप, हरे;जय जय हे गुरुवायुपुरेश्वर, भक्तमहेश्वर, विश्वपते! ॥ ६॥

kamalagadāridarāṅkitadoṣkacatuṣkavitīrṇapumarthatate,kuśabhudare nikhilāṇḍanidhānamakhaṇḍamahādbhutamākalaye |analasutaptasuvarṇasavarṇanavāmbarasundararūpa, hare;jaya jaya he guruvāyupureśvara, bhaktamaheśvara, viśvapate! || 6||

पृथुकदलीमृदुलोरुवरं, पुरषार्थसमुद्गकजानुयुगंशिखिगलकोमलजङ्घभृषीश्वरनम्यनवाम्बुजरम्यपदम् ।अयि नरकान्तक, कान्तमिदं तव रुपमनन्त, हृदि स्फुरतादुःजय जय हे गुरुवायुपुरेश्वर, भक्तमहेश्वर, विश्वपते! ॥ ७॥

pṛthukadalīmṛduloruvaraṃ, puraṣārthasamudgakajānuyugaṃśikhigalakomalajaṅghabhṛṣīśvaranamyanavāmbujaramyapadam |ayi narakāntaka, kāntamidaṃ tava rupamananta, hṛdi sphuratāduḥjaya jaya he guruvāyupureśvara, bhaktamaheśvara, viśvapate! || 7||

जय जय दुर्जयनिर्जरबैरिजयार्जितनिर्जरकीर्तितते ।जय जय वञ्जुलमञ्जुनिकुञ्जसमञजसखेलनलोलमते ।जय जय धर्मसमुद्धरणोद्धुर, शर्मविधायककर्मगुरो,जय जय हे गुरुवायुपुरेश्वर, भक्तमहेश्वर, विश्वपते! ॥ ८॥

jaya jaya durjayanirjarabairijayārjitanirjarakīrtitate |jaya jaya vañjulamañjunikuñjasamañajasakhelanalolamate |jaya jaya dharmasamuddharaṇoddhura, śarmavidhāyakakarmaguro,jaya jaya he guruvāyupureśvara, bhaktamaheśvara, viśvapate! || 8||

इति श्रीवासुदेवन् एलयथेन विरचितं केशादिपादश्रवणामृतं सम्पूर्णम् ।

iti śrīvāsudevan elayathena viracitaṃ keśādipādaśravaṇāmṛtaṃ sampūrṇam |