श्रीकृष्णस्तोत्रम् (कालियपत्न्यासुरसाकृतं ब्रह्मवैवर्तपुराणान्तर्गतम् हे जगत्कान्त मे कान्तं देहि मानं च मानद) Kaliyapatnya Surasakritam Shri Krishna Stotram

सुरसोवाच ।हे जगत्कान्त मे कान्तं देहि मानं च मानद ।पतिः प्राणाधिकः स्त्रीणां नास्ति बन्धुश्च तत्परः ॥ १७॥

surasovāca |he jagatkānta me kāntaṃ dehi mānaṃ ca mānada |patiḥ prāṇādhikaḥ strīṇāṃ nāsti bandhuśca tatparaḥ || 17||

सकलभुवननाथ प्राणनाथं मदीयंन कुरु वधमनन्त प्रेमसिन्धो सुबन्धो ।अखिलभुवनबन्धो राधिकाप्रेमसिन्धोपतिमिह कुरु दानं मे विधातुर्विधातः ॥ १८॥

sakalabhuvananātha prāṇanāthaṃ madīyaṃna kuru vadhamananta premasindho subandho |akhilabhuvanabandho rādhikāpremasindhopatimiha kuru dānaṃ me vidhāturvidhātaḥ || 18||

त्रिनयनविधिशेषाः षण्मुखश्चास्यसङ्घैःस्तवनविषयजाड्यात्स्तोतुमीशा न वाणी ।खलु निखिलवेदाःस्तोतुमन्येऽपि देवाःस्तवनविषयशक्ताः सन्ति सन्तस्तवैव ॥ १९॥

trinayanavidhiśeṣāḥ ṣaṇmukhaścāsyasaṅghaiḥstavanaviṣayajāḍyātstotumīśā na vāṇī |khalu nikhilavedāḥstotumanye'pi devāḥstavanaviṣayaśaktāḥ santi santastavaiva || 19||

कुमतिरहमधिज्ञा योषितां क्वाधमा वाक्व भुवनगतिरीशश्चक्षुषोऽगोचराऽपि ।विधिहरिहरशेषैः स्तूयमानश्च यस्त्वमतनुमनुजमीशं स्तोतुमिच्छामि तं त्वाम् ॥ २०॥

kumatirahamadhijñā yoṣitāṃ kvādhamā vākva bhuvanagatirīśaścakṣuṣo'gocarā'pi |vidhihariharaśeṣaiḥ stūyamānaśca yastvamatanumanujamīśaṃ stotumicchāmi taṃ tvām || 20||

स्तवनविषयभीता पार्वती कस्य पद्माश्रुतिगणजनयित्री स्तोतुमीशा न यं त्वाम् ।कलिकलुषनिमग्ना वेदवेदाङ्गशास्त्रश्रवणविषयमूढा स्तोतुमिच्छामि किं त्वाम् ॥ २१॥

stavanaviṣayabhītā pārvatī kasya padmāśrutigaṇajanayitrī stotumīśā na yaṃ tvām |kalikaluṣanimagnā vedavedāṅgaśāstraśravaṇaviṣayamūḍhā stotumicchāmi kiṃ tvām || 21||

शयानो रत्नपर्यङ्के रत्नभूषणभूषितः ।रत्नभूषणभूषाङ्गो राधावक्षसि संस्थितः ॥ २२॥

śayāno ratnaparyaṅke ratnabhūṣaṇabhūṣitaḥ |ratnabhūṣaṇabhūṣāṅgo rādhāvakṣasi saṃsthitaḥ || 22||

चन्दनोक्षितसर्वाङ्गः स्मेराननसरोरुहः ।प्रोद्यत्प्रेमरसाम्भोधौ निमग्नः सततं सुखात् ॥ २३॥

candanokṣitasarvāṅgaḥ smerānanasaroruhaḥ |prodyatpremarasāmbhodhau nimagnaḥ satataṃ sukhāt || 23||

मल्लिकामालतीमालाजालैः शोभितशेखरः ।पारिजातप्रसूनानां गन्धामोदितमानसः ॥ २४॥

mallikāmālatīmālājālaiḥ śobhitaśekharaḥ |pārijātaprasūnānāṃ gandhāmoditamānasaḥ || 24||

पुंस्कोकिलकलध्वानैर्भ्रमरध्वनिसंयुतैः ।कुसुमेषु विकारेण पुलकाङ्कितविग्रहः ॥ २५॥

puṃskokilakaladhvānairbhramaradhvanisaṃyutaiḥ |kusumeṣu vikāreṇa pulakāṅkitavigrahaḥ || 25||

प्रियाप्रदत्तताम्बूलं भुक्तवान्यः सदा मुदा ।वेदा अशक्ता यं स्तोतुं जडीभूता विचक्षणाः ॥ २६॥

priyāpradattatāmbūlaṃ bhuktavānyaḥ sadā mudā |vedā aśaktā yaṃ stotuṃ jaḍībhūtā vicakṣaṇāḥ || 26||

तमनिर्वचनीयं च किं स्तौमि नागवल्लभा ।वन्देऽहं त्वत्पदाम्भोजं ब्रह्मेशशेषसेवितम् ॥ २७॥

tamanirvacanīyaṃ ca kiṃ staumi nāgavallabhā |vande'haṃ tvatpadāmbhojaṃ brahmeśaśeṣasevitam || 27||

लक्ष्मीसरस्वतीदुर्गा जाह्नवी वेदमातृभिः ।सेवितं सिद्धसङ्घैश्च मुनीन्द्रैर्मनुभिः सदा ॥ २८॥

lakṣmīsarasvatīdurgā jāhnavī vedamātṛbhiḥ |sevitaṃ siddhasaṅghaiśca munīndrairmanubhiḥ sadā || 28||

निष्कारणायाखिलकारणाय सर्वेश्वरायापि परात्पराय ।स्वयम्प्रकाशाय परावराय परावराणामधिपाय ते नमः ॥ २९॥

niṣkāraṇāyākhilakāraṇāya sarveśvarāyāpi parātparāya |svayamprakāśāya parāvarāya parāvarāṇāmadhipāya te namaḥ || 29||

हे कृष्ण हे कृष्ण सुरासुरेश ब्रह्मेश शेषेश प्रजापतीश ।मुनीश मन्वीश चराचरेश सिद्धीश सिद्धेश गणेश पाहि ॥ ३०॥

he kṛṣṇa he kṛṣṇa surāsureśa brahmeśa śeṣeśa prajāpatīśa |munīśa manvīśa carācareśa siddhīśa siddheśa gaṇeśa pāhi || 30||

धर्मेश धर्मीश शुभाशुभेश वेदेश वेदेष्वनिरूपितश्च ।सर्वेश सर्वात्मक सर्वबन्धो जीवीश जीवेश्वर पाहि मत्प्रभुम् ॥ ३१॥

dharmeśa dharmīśa śubhāśubheśa vedeśa vedeṣvanirūpitaśca |sarveśa sarvātmaka sarvabandho jīvīśa jīveśvara pāhi matprabhum || 31||

इत्येवं स्तवनं कृत्वा भक्तिनम्रात्मकन्धरा ।विधृत्य चरणाम्भोजं तस्थौ नागेशवल्लभा ॥ ३२॥

ityevaṃ stavanaṃ kṛtvā bhaktinamrātmakandharā |vidhṛtya caraṇāmbhojaṃ tasthau nāgeśavallabhā || 32||

नागपत्नीकृतं स्तोत्रं त्रिसन्ध्यं यः पठेन्नरः ।सर्वपापात्प्रमुक्तस्तु यात्यन्ते श्रीहरेः पदम् ॥ ३३॥

nāgapatnīkṛtaṃ stotraṃ trisandhyaṃ yaḥ paṭhennaraḥ |sarvapāpātpramuktastu yātyante śrīhareḥ padam || 33||

इह लोके हरेर्भक्तिमन्ते दास्यं लभेद्ध्रुवम् ।लभते पार्षदो भूत्वा सालोक्यादिचतुष्टयम् ॥ ३४॥

iha loke harerbhaktimante dāsyaṃ labheddhruvam |labhate pārṣado bhūtvā sālokyādicatuṣṭayam || 34||

इति श्रीब्रह्मवैवर्तपुराणे श्रीकृष्णजन्मखण्डे पूर्वेएकोनविंशाध्यायान्तर्गतं विप्रैः कालियपत्न्यासुरसया कृतं श्रीकृष्णस्तोत्रं समाप्तम् ।ब्रह्मवैवर्तपुराण । श्रीकृष्णजन्म, पूर्वभाग । अध्याय १९/१७३४॥ब्रह्मवैवर्तपुराण । श्रीकृष्णजन्म, पूर्वभाग । अध्याय १९/१७-३४॥

iti śrībrahmavaivartapurāṇe śrīkṛṣṇajanmakhaṇḍe pūrveekonaviṃśādhyāyāntargataṃ vipraiḥ kāliyapatnyāsurasayā kṛtaṃ śrīkṛṣṇastotraṃ samāptam |brahmavaivartapurāṇa | śrīkṛṣṇajanma, pūrvabhāga | adhyāya 19/1734||brahmavaivartapurāṇa | śrīkṛṣṇajanma, pūrvabhāga | adhyāya 19/17-34||