चतुःश्लोकी १ Chatuhshloki 1

सर्वदा सर्वभावेन भजनीयो व्रजाधिपः ।स्वस्यायमेव धर्मो हि नान्यः क्वापि कदाचन ॥ १॥

sarvadā sarvabhāvena bhajanīyo vrajādhipaḥ |svasyāyameva dharmo hi nānyaḥ kvāpi kadācana || 1||

एवं सदा स्म कर्तव्यं स्वयमेव करिष्यति ।प्रभुः सर्वसमर्थो हि ततो निश्चिन्ततां व्रजेत् ॥ २॥

evaṃ sadā sma kartavyaṃ svayameva kariṣyati |prabhuḥ sarvasamartho hi tato niścintatāṃ vrajet || 2||

यदि श्रीगोकुलाधीशो धृतः सर्वात्मना हृदि ।ततः किमपरं ब्रूहि लौकिकैर्वैदिकैरपि ॥ ३॥

yadi śrīgokulādhīśo dhṛtaḥ sarvātmanā hṛdi |tataḥ kimaparaṃ brūhi laukikairvaidikairapi || 3||

अतः सर्वात्मना शश्वद्गोकुलेश्वरपादयोः ।स्मरणं भजनं चापि न त्याज्यमिति मे मतिः ॥ ४॥

ataḥ sarvātmanā śaśvadgokuleśvarapādayoḥ |smaraṇaṃ bhajanaṃ cāpi na tyājyamiti me matiḥ || 4||

इति श्रीवल्लभाचार्यविरचिता चतुःश्लोकी १ समाप्ता ।

iti śrīvallabhācāryaviracitā catuḥślokī 1 samāptā |