चतुःश्लोकीभागवतम् Chatuhshlokibhagavatam

श्रीभगवानुवाच ।ज्ञानं परमगुह्यं मे यद्विज्ञानसमन्वितम् ।सरहस्यं तदङ्गं च गृहाण गदितं मया ॥ १॥

śrībhagavānuvāca |jñānaṃ paramaguhyaṃ me yadvijñānasamanvitam |sarahasyaṃ tadaṅgaṃ ca gṛhāṇa gaditaṃ mayā || 1||

यावानहं यथाभावो यद्रूपगुणकर्मकः ।तथैव तत्त्वविज्ञानमस्तु ते मदनुग्रहात् ॥ २॥

yāvānahaṃ yathābhāvo yadrūpaguṇakarmakaḥ |tathaiva tattvavijñānamastu te madanugrahāt || 2||

अहमेवासमेवाग्रे नान्यद्यत्सदसत्परम् ।पश्चादहं यदेतच्च योऽवशिष्येत सोऽस्म्यहम् ॥ ३॥

ahamevāsamevāgre nānyadyatsadasatparam |paścādahaṃ yadetacca yo'vaśiṣyeta so'smyaham || 3||

ऋतेऽर्थं यत्प्रतीयेत न प्रतीयेत चात्मनि ।तद्विद्यादात्मनो मायां यथाऽऽभासो यथा तमः ॥ ४॥

ṛte'rthaṃ yatpratīyeta na pratīyeta cātmani |tadvidyādātmano māyāṃ yathā''bhāso yathā tamaḥ || 4||

यथा महान्ति भूतानि भूतेषूच्चावचेष्वनु ।प्रविष्टान्यप्रविष्टानि तथा तेषु न तेष्वहम् ॥ ५॥

yathā mahānti bhūtāni bhūteṣūccāvaceṣvanu |praviṣṭānyapraviṣṭāni tathā teṣu na teṣvaham || 5||

एतावदेव जिज्ञास्यं तत्त्वजिज्ञासुनाऽऽत्मनः ।अन्वयव्यतिरेकाभ्यां यत्स्यात्सर्वत्र सर्वदा ॥ ६॥

etāvadeva jijñāsyaṃ tattvajijñāsunā''tmanaḥ |anvayavyatirekābhyāṃ yatsyātsarvatra sarvadā || 6||

एतन्मतं समातिष्ठ परमेण समाधिना ।भवान्कल्पविकल्पेषु न विमुह्यति कर्हिचित् ॥ ७॥

etanmataṃ samātiṣṭha parameṇa samādhinā |bhavānkalpavikalpeṣu na vimuhyati karhicit || 7||

॥ इति श्रीमद्भागवते महापुराणेऽष्टादशसाहस्र्यांसंहितायां वैयसिक्यां द्वितीयस्कन्धे भगवद्ब्रह्मसंवादेनवमाध्यायान्तर्गतं चतुःश्लोकीभागवतं समाप्तम् ॥

|| iti śrīmadbhāgavate mahāpurāṇe'ṣṭādaśasāhasryāṃsaṃhitāyāṃ vaiyasikyāṃ dvitīyaskandhe bhagavadbrahmasaṃvādenavamādhyāyāntargataṃ catuḥślokībhāgavataṃ samāptam ||