हनुमत्ताण्डवस्तोत्रम् Shri Hanumat Tandava Stotram

वन्दे सिन्दूरवर्णाभं लोहिताम्बरभूषितम् ।रक्ताङ्गरागशोभाढ्यं शोणापुच्छं कपीश्वरम्॥भजे समीरनन्दनं\, सुभक्तचित्तरञ्जनं\,दिनेशरूपभक्षकं\, समस्तभक्तरक्षकम् ।सुकण्ठकार्यसाधकं\, विपक्षपक्षबाधकं\,समुद्रपारगामिनं\, नमामि सिद्धकामिनम् ॥ १॥

vande sindūravarṇābhaṃ lohitāmbarabhūṣitam |raktāṅgarāgaśobhāḍhyaṃ śoṇāpucchaṃ kapīśvaram||bhaje samīranandanaṃ\, subhaktacittarañjanaṃ\,dineśarūpabhakṣakaṃ\, samastabhaktarakṣakam |sukaṇṭhakāryasādhakaṃ\, vipakṣapakṣabādhakaṃ\,samudrapāragāminaṃ\, namāmi siddhakāminam || 1||

सुशङ्कितं सुकण्ठभुक्तवान् हि यो हितं वचस्त्वमाशु धैर्य्यमाश्रयात्र वो भयं कदापि न ।इति प्लवङ्गनाथभाषितं निशम्य वानराऽधिनाथ आप शं तदा\, स रामदूत आश्रयः ॥ २॥

suśaṅkitaṃ sukaṇṭhabhuktavān hi yo hitaṃ vacastvamāśu dhairyyamāśrayātra vo bhayaṃ kadāpi na |iti plavaṅganāthabhāṣitaṃ niśamya vānarā'dhinātha āpa śaṃ tadā\, sa rāmadūta āśrayaḥ || 2||

सुदीर्घबाहुलोचनेन\, पुच्छगुच्छशोभिना\,भुजद्वयेन सोदरीं निजांसयुग्ममास्थितौ ।कृतौ हि कोसलाधिपौ\, कपीशराजसन्निधौ\,विदहजेशलक्ष्मणौ\, स मे शिवं करोत्वरम् ॥ ३॥

sudīrghabāhulocanena\, pucchagucchaśobhinā\,bhujadvayena sodarīṃ nijāṃsayugmamāsthitau |kṛtau hi kosalādhipau\, kapīśarājasannidhau\,vidahajeśalakṣmaṇau\, sa me śivaṃ karotvaram || 3||

सुशब्दशास्त्रपारगं\, विलोक्य रामचन्द्रमाः\,कपीश नाथसेवकं\, समस्तनीतिमार्गगम् ।प्रशस्य लक्ष्मणं प्रति\, प्रलम्बबाहुभूषितःकपीन्द्रसख्यमाकरोत्\, स्वकार्यसाधकः प्रभुः ॥ ४॥

suśabdaśāstrapāragaṃ\, vilokya rāmacandramāḥ\,kapīśa nāthasevakaṃ\, samastanītimārgagam |praśasya lakṣmaṇaṃ prati\, pralambabāhubhūṣitaḥkapīndrasakhyamākarot\, svakāryasādhakaḥ prabhuḥ || 4||

प्रचण्डवेगधारिणं\, नगेन्द्रगर्वहारिणं\,फणीशमातृगर्वहृद्दृशास्यवासनाशकृत् ।विभीषणेन सख्यकृद्विदेह जातितापहृत्\,सुकण्ठकार्यसाधकं\, नमामि यातुधतकम् ॥ ५॥

pracaṇḍavegadhāriṇaṃ\, nagendragarvahāriṇaṃ\,phaṇīśamātṛgarvahṛddṛśāsyavāsanāśakṛt |vibhīṣaṇena sakhyakṛdvideha jātitāpahṛt\,sukaṇṭhakāryasādhakaṃ\, namāmi yātudhatakam || 5||

नमामि पुष्पमौलिनं\, सुवर्णवर्णधारिणंगदायुधेन भूषितं\, किरीटकुण्डलान्वितम् ।सुपुच्छगुच्छतुच्छलंकदाहकं सुनायकंविपक्षपक्षराक्षसेन्द्र-सर्ववंशनाशकम् ॥ ६॥

namāmi puṣpamaulinaṃ\, suvarṇavarṇadhāriṇaṃgadāyudhena bhūṣitaṃ\, kirīṭakuṇḍalānvitam |supucchagucchatucchalaṃkadāhakaṃ sunāyakaṃvipakṣapakṣarākṣasendra-sarvavaṃśanāśakam || 6||

रघूत्तमस्य सेवकं नमामि लक्ष्मणप्रियंदिनेशवंशभूषणस्य मुद्रीकाप्रदर्शकम् ।विदेहजातिशोकतापहारिणम् प्रहारिणम्सुसूक्ष्मरूपधारिणं नमामि दीर्घरूपिणम् ॥ ७॥

raghūttamasya sevakaṃ namāmi lakṣmaṇapriyaṃdineśavaṃśabhūṣaṇasya mudrīkāpradarśakam |videhajātiśokatāpahāriṇam prahāriṇamsusūkṣmarūpadhāriṇaṃ namāmi dīrgharūpiṇam || 7||

नभस्वदात्मजेन भास्वता त्वया कृतामहासहा यता यया द्वयोर्हितं ह्यभूत्स्वकृत्यतः ।सुकण्ठ आप तारकां रघूत्तमो विदेहजांनिपात्य वालिनं प्रभुस्ततो दशाननं खलम् ॥ ८॥

nabhasvadātmajena bhāsvatā tvayā kṛtāmahāsahā yatā yayā dvayorhitaṃ hyabhūtsvakṛtyataḥ |sukaṇṭha āpa tārakāṃ raghūttamo videhajāṃnipātya vālinaṃ prabhustato daśānanaṃ khalam || 8||

इमं स्तवं कुजेऽह्नि यः पठेत्सुचेतसा नरःकपीशनाथसेवको भुनक्तिसर्वसम्पदः ।प्लवङ्गराजसत्कृपाकताक्षभाजनस्सदान शत्रुतो भयं भवेत्कदापि तस्य नुस्त्विह ॥ ९॥

imaṃ stavaṃ kuje'hni yaḥ paṭhetsucetasā naraḥkapīśanāthasevako bhunaktisarvasampadaḥ |plavaṅgarājasatkṛpākatākṣabhājanassadāna śatruto bhayaṃ bhavetkadāpi tasya nustviha || 9||

नेत्राङ्गनन्दधरणीवत्सरेऽनङ्गवासरे ।लोकेश्वराख्यभट्टेन हनुमत्ताण्डवं कृतम् ॥ १०॥

netrāṅganandadharaṇīvatsare'naṅgavāsare |lokeśvarākhyabhaṭṭena hanumattāṇḍavaṃ kṛtam || 10||

इति श्रीहनुमत्ताण्डवस्तोत्रम्॥

iti śrīhanumattāṇḍavastotram||