हनूमत्पञ्चचामरम् Shri Hanumat Pancha Chamaram

नमोऽस्तु ते हनूमते दयावते मनोगतेसुवर्णपर्वताकृते नभस्स्वतः सुताय ते ।न चाञ्जनेय ते समो जगत्त्रये महामतेपराक्रमे वचःकमे समस्तसिद्धिसङ्क्रमे ॥ १॥

namo'stu te hanūmate dayāvate manogatesuvarṇaparvatākṛte nabhassvataḥ sutāya te |na cāñjaneya te samo jagattraye mahāmateparākrame vacaḥkame samastasiddhisaṅkrame || 1||

रविं ग्रसिष्णुरुत्पतन् फलेच्छया शिशुर्भवान्रवेर्गृहीतवानहो समस्तवेदशास्त्र्कम् ।भवन्मनोज्ञभाषणं बभूव कर्णभूषणंरघूत्तमस्य मानसाम्बुजस्य पूर्णतोषणम् ॥ २॥

raviṃ grasiṣṇurutpatan phalecchayā śiśurbhavānravergṛhītavānaho samastavedaśāstrkam |bhavanmanojñabhāṣaṇaṃ babhūva karṇabhūṣaṇaṃraghūttamasya mānasāmbujasya pūrṇatoṣaṇam || 2||

धरात्मजापतिं भवान् विभावयन् जगत्पतिंजगाम रामदासतां समस्तलोकविश्रुताम् ।विलङ्घ्य वारिधिं जवात् विलोक्य दीनजानकींदशाननस्य मानसं ददाह लङ्कया समम् ॥ ३॥

dharātmajāpatiṃ bhavān vibhāvayan jagatpatiṃjagāma rāmadāsatāṃ samastalokaviśrutām |vilaṅghya vāridhiṃ javāt vilokya dīnajānakīṃdaśānanasya mānasaṃ dadāha laṅkayā samam || 3||

विलोक्य मातरं कृशां दशाननस्य तद्वनेभवानभाषत प्रियं मनोहरं च संस्कृतम् ।समस्तदुष्टरक्षसां विनाशकालसूचनंचकार रावणाग्रतः नयेन वा भयेन वा ॥ ४॥

vilokya mātaraṃ kṛśāṃ daśānanasya tadvanebhavānabhāṣata priyaṃ manoharaṃ ca saṃskṛtam |samastaduṣṭarakṣasāṃ vināśakālasūcanaṃcakāra rāvaṇāgrataḥ nayena vā bhayena vā || 4||

महाबलो महाचलं समुह्य चौषधिप्रभंभवान् ररक्ष लक्ष्मणं भयावहे महावहे ।महोपकारिणं तदा भवन्तमात्मबान्धवंसमस्तलोकबान्धवोऽप्यमन्यत स्वयं विभुः ॥ ५॥

mahābalo mahācalaṃ samuhya cauṣadhiprabhaṃbhavān rarakṣa lakṣmaṇaṃ bhayāvahe mahāvahe |mahopakāriṇaṃ tadā bhavantamātmabāndhavaṃsamastalokabāndhavo'pyamanyata svayaṃ vibhuḥ || 5||

भवांश्च यत्र यत्र तत् शृणोति रामकीर्तनंकरोति तत्र तत्र भोः सभाष्पमस्तकाञ्जलिम् ।प्रदेहि मेऽञ्जनासुत त्वदीयभक्तिवैभवंविदेहि मे निरञ्जनं च रामदासदासताम् ॥ ६॥

bhavāṃśca yatra yatra tat śṛṇoti rāmakīrtanaṃkaroti tatra tatra bhoḥ sabhāṣpamastakāñjalim |pradehi me'ñjanāsuta tvadīyabhaktivaibhavaṃvidehi me nirañjanaṃ ca rāmadāsadāsatām || 6||

अगण्यपुण्यवान् भवान् अनन्यधन्यजीवनःविमुच्य मौक्तिकस्रजं ददौ धरात्मजा मुदा ।भवन्तमालिलिङ्ग यद् रघूत्तमः स्वयं वदन्इदं हि मे हनूमतः प्रदेयसर्वमित्यहो ॥ ७॥

agaṇyapuṇyavān bhavān ananyadhanyajīvanaḥvimucya mauktikasrajaṃ dadau dharātmajā mudā |bhavantamāliliṅga yad raghūttamaḥ svayaṃ vadanidaṃ hi me hanūmataḥ pradeyasarvamityaho || 7||

विदेहराजनन्दिनीमनोहरे वरे परेविदेहमुक्तिदायके विधेहि मे मनो हरे ।क्षणं क्षणं निरीक्षणं भवेद् यथा मयि प्रभोःतथा निवेदयस्व मद्दशां दशाननान्तके ॥ ८॥

videharājanandinīmanohare vare parevidehamuktidāyake vidhehi me mano hare |kṣaṇaṃ kṣaṇaṃ nirīkṣaṇaṃ bhaved yathā mayi prabhoḥtathā nivedayasva maddaśāṃ daśānanāntake || 8||

इदं च पञ्चचामरं गृहाण दासकल्पितंसमीरणात्मसम्भव प्रमोदमानचेतसा ।रिपून् षडान्तरान् विनाशयाशु दुर्दमान्पुनर्भवाख्यकर्दमात् विमुच्य पाहि पाहि माम् ॥ ९॥

idaṃ ca pañcacāmaraṃ gṛhāṇa dāsakalpitaṃsamīraṇātmasambhava pramodamānacetasā |ripūn ṣaḍāntarān vināśayāśu durdamānpunarbhavākhyakardamāt vimucya pāhi pāhi mām || 9||

इति श्रीहनूमत् पञ्चचामरस्तोत्रं सम्पूर्णम् ।

iti śrīhanūmat pañcacāmarastotraṃ sampūrṇam |