एकमुखी हनुमत्कवचम् Shri Ekamukhi Hanumatkavacham

अथ श्री एकमुखी हनुमत्कवचं प्रारभ्यते ।मनोजवं मारुततुल्यवेगं जितेन्द्रियं बुद्धिमतां वरिष्ठम् ।वातात्मजं वानरयूथमुख्यं श्रीरामदूतं शरणं प्रपद्ये ॥वर् श्रीरामदूतं शिरसा नमामि ॥श्रीहनुमते नमःएकदा सुखमासीनं शङ्करं लोकशङ्करम् ।पप्रच्छ गिरिजाकान्तं कर्पूरधवलं शिवम् ॥पार्वत्युवाचभगवन्देवदेवेश लोकनाथ जगद्गुरो ।शोकाकुलानां लोकानां केन रक्षा भवेद्ध्रुवम् ॥सङ्ग्रामे सङ्कटे घोरे भूतप्रेतादिके भये ।दुःखदावाग्निसन्तप्तचेतसां दुःखभागिनाम् ॥ईश्वर उवाचशृणु देवि प्रवक्ष्यामि लोकानां हितकाम्यया ।विभीषणाय रामेण प्रेम्णा दत्तं च यत्पुरा ॥कवचं कपिनाथस्य वायुपुत्रस्य धीमतः ।गुह्यं ते सम्प्रवक्ष्यामि विशेषाच्छृणु सुन्दरि ॥ॐ अस्य श्रीहनुमत् कवचस्तोत्रमन्त्रस्य श्रीरामचन्द्र ऋषिः ।अनुष्टुप्छन्दः । श्रीमहावीरो हनुमान् देवता। मारुतात्मज इति बीजम् ॥ॐ अञ्जनासूनुरिति शक्तिः । ॐ ह्रैं ह्रां ह्रौं इति कवचम् ।स्वाहा इति कीलकम् । लक्ष्मणप्राणदाता इति बीजम् ।मम सकलकार्यसिद्ध्यर्थे जपे वीनियोगः ॥अथ न्यासःॐ ह्रां अङ्गुष्ठाभ्यां नमः । ॐ ह्रीं तर्जनीभ्यां नमः ।ॐ ह्रूं मध्यमाभ्यां नमः । ॐ ह्रैं अनामिकाभ्यां नमः ।ॐ ह्रौं कनिष्ठिकाभ्यां नमः । ॐ ह्रः करतलकरपृष्ठाभ्यां नमः ।ॐ अञ्जनासूनवे हृदयाय नमः । ॐ रुद्रमूर्तये शिरसे स्वाहा ।ॐ वायुसुतात्मने शिखायै वषट् । ॐ वज्रदेहाय कवचाय हुम् ।ॐ रामदूताय नेत्रत्रयाय वौषट् । ॐ ब्रह्मास्त्रनिवारणाय अस्त्राय फट् ।ॐ रामदूताय विद्महे कपिराजाय धीमही ।तन्नो हनुमान् प्रचोदयात् ॐ हुं फट् स्वाहा ॥ इति दिग्बन्धः ॥अथ ध्यानम् ॥ॐ ध्यायेद्बालदिवाकरधृतिनिभं देवारिदर्पापहंदेवेन्द्रप्रमुखप्रशस्तयशसं देदीप्यमानं रुचा ।सुग्रीवादिसमस्तवानरयुतं सुव्यक्ततत्त्वप्रियंसंरक्तारुणलोचनं पवनजं पीताम्बरालङ्कृतम् ॥ १॥

atha śrī ekamukhī hanumatkavacaṃ prārabhyate |manojavaṃ mārutatulyavegaṃ jitendriyaṃ buddhimatāṃ variṣṭham |vātātmajaṃ vānarayūthamukhyaṃ śrīrāmadūtaṃ śaraṇaṃ prapadye ||var śrīrāmadūtaṃ śirasā namāmi ||śrīhanumate namaḥekadā sukhamāsīnaṃ śaṅkaraṃ lokaśaṅkaram |papraccha girijākāntaṃ karpūradhavalaṃ śivam ||pārvatyuvācabhagavandevadeveśa lokanātha jagadguro |śokākulānāṃ lokānāṃ kena rakṣā bhaveddhruvam ||saṅgrāme saṅkaṭe ghore bhūtapretādike bhaye |duḥkhadāvāgnisantaptacetasāṃ duḥkhabhāginām ||īśvara uvācaśṛṇu devi pravakṣyāmi lokānāṃ hitakāmyayā |vibhīṣaṇāya rāmeṇa premṇā dattaṃ ca yatpurā ||kavacaṃ kapināthasya vāyuputrasya dhīmataḥ |guhyaṃ te sampravakṣyāmi viśeṣācchṛṇu sundari ||oṃ asya śrīhanumat kavacastotramantrasya śrīrāmacandra ṛṣiḥ |anuṣṭupchandaḥ | śrīmahāvīro hanumān devatā| mārutātmaja iti bījam ||oṃ añjanāsūnuriti śaktiḥ | oṃ hraiṃ hrāṃ hrauṃ iti kavacam |svāhā iti kīlakam | lakṣmaṇaprāṇadātā iti bījam |mama sakalakāryasiddhyarthe jape vīniyogaḥ ||atha nyāsaḥoṃ hrāṃ aṅguṣṭhābhyāṃ namaḥ | oṃ hrīṃ tarjanībhyāṃ namaḥ |oṃ hrūṃ madhyamābhyāṃ namaḥ | oṃ hraiṃ anāmikābhyāṃ namaḥ |oṃ hrauṃ kaniṣṭhikābhyāṃ namaḥ | oṃ hraḥ karatalakarapṛṣṭhābhyāṃ namaḥ |oṃ añjanāsūnave hṛdayāya namaḥ | oṃ rudramūrtaye śirase svāhā |oṃ vāyusutātmane śikhāyai vaṣaṭ | oṃ vajradehāya kavacāya hum |oṃ rāmadūtāya netratrayāya vauṣaṭ | oṃ brahmāstranivāraṇāya astrāya phaṭ |oṃ rāmadūtāya vidmahe kapirājāya dhīmahī |tanno hanumān pracodayāt oṃ huṃ phaṭ svāhā || iti digbandhaḥ ||atha dhyānam ||oṃ dhyāyedbāladivākaradhṛtinibhaṃ devāridarpāpahaṃdevendrapramukhapraśastayaśasaṃ dedīpyamānaṃ rucā |sugrīvādisamastavānarayutaṃ suvyaktatattvapriyaṃsaṃraktāruṇalocanaṃ pavanajaṃ pītāmbarālaṅkṛtam || 1||

उद्यन्मार्तण्डकोटिप्रकटरुचियुतं चारुवीरासनस्थंमौञ्जीयज्ञोपवीतारुणरुचिरशिखाशोभितं कुण्डलाङ्गम् ।भक्तानामिष्टदं तं प्रणतमुनिजनं वेदनादप्रमोदंध्यायेद्देवं विधेयं प्लवगकुलपतिं गोष्पदीभूतवार्धिम् ॥ २॥

udyanmārtaṇḍakoṭiprakaṭaruciyutaṃ cāruvīrāsanasthaṃmauñjīyajñopavītāruṇaruciraśikhāśobhitaṃ kuṇḍalāṅgam |bhaktānāmiṣṭadaṃ taṃ praṇatamunijanaṃ vedanādapramodaṃdhyāyeddevaṃ vidheyaṃ plavagakulapatiṃ goṣpadībhūtavārdhim || 2||

वज्राङ्गं पिङ्गकेशाढ्यं स्वर्णकुण्डलमण्डितम् ।नियुद्धकर्मकुशलं पारावारपराक्रमम् ॥ ३॥

vajrāṅgaṃ piṅgakeśāḍhyaṃ svarṇakuṇḍalamaṇḍitam |niyuddhakarmakuśalaṃ pārāvāraparākramam || 3||

वामहस्ते महावृक्षं दशास्यकरखण्डनम् ।उद्यद्दक्षिणदोर्दण्डं हनुमन्तं विचिन्तयेत् ॥ ४॥

vāmahaste mahāvṛkṣaṃ daśāsyakarakhaṇḍanam |udyaddakṣiṇadordaṇḍaṃ hanumantaṃ vicintayet || 4||

स्फटिकाभं स्वर्णकान्ति द्विभुजं च कृताञ्जलिम् ।कुण्डलद्वयसंशोभिमुखाम्भोजं हरिं भजेत् ॥ ५॥

sphaṭikābhaṃ svarṇakānti dvibhujaṃ ca kṛtāñjalim |kuṇḍaladvayasaṃśobhimukhāmbhojaṃ hariṃ bhajet || 5||

उद्यदादित्यसङ्काशमुदारभुजविक्रमम् ।कन्दर्पकोटिलावण्यं सर्वविद्याविशारदम् ॥ ६॥

udyadādityasaṅkāśamudārabhujavikramam |kandarpakoṭilāvaṇyaṃ sarvavidyāviśāradam || 6||

श्रीरामहृदयानन्दं भक्तकल्पमहीरूहम् ।अभयं वरदं दोर्भ्यां कलये मारूतात्मजम् ॥ ७॥

śrīrāmahṛdayānandaṃ bhaktakalpamahīrūham |abhayaṃ varadaṃ dorbhyāṃ kalaye mārūtātmajam || 7||

अपराजित नमस्तेऽस्तु नमस्ते रामपूजित ।प्रस्थानं च करिष्यामि सिद्धिर्भवतु मे सदा ॥ ८॥

aparājita namaste'stu namaste rāmapūjita |prasthānaṃ ca kariṣyāmi siddhirbhavatu me sadā || 8||

यो वारांनिधिमल्पपल्वलमिवोल्लङ्घ्य प्रतापान्वितोवैदेहीघनशोकतापहरणो वैकुण्ठतत्त्वप्रियः ।अक्षाद्यर्चितराक्षसेश्वरमहादर्पापहारी रणे ।सोऽयं वानरपुङ्गवोऽवतु सदा युष्मान्समीरात्मजः ॥ ९॥

yo vārāṃnidhimalpapalvalamivollaṅghya pratāpānvitovaidehīghanaśokatāpaharaṇo vaikuṇṭhatattvapriyaḥ |akṣādyarcitarākṣaseśvaramahādarpāpahārī raṇe |so'yaṃ vānarapuṅgavo'vatu sadā yuṣmānsamīrātmajaḥ || 9||

वज्राङ्गं पिङ्गकेशं कनकमयलसत्कुण्डलाक्रान्तगण्डंनाना विद्याधिनाथं करतलविधृतं पूर्णकुम्भं दृढं चभक्ताभीष्टाधिकारं विदधति च सदा सर्वदा सुप्रसन्नंत्रैलोक्यत्राणकारं सकलभुवनगं रामदूतं नमामि ॥ १०॥

vajrāṅgaṃ piṅgakeśaṃ kanakamayalasatkuṇḍalākrāntagaṇḍaṃnānā vidyādhināthaṃ karatalavidhṛtaṃ pūrṇakumbhaṃ dṛḍhaṃ cabhaktābhīṣṭādhikāraṃ vidadhati ca sadā sarvadā suprasannaṃtrailokyatrāṇakāraṃ sakalabhuvanagaṃ rāmadūtaṃ namāmi || 10||

उद्यल्लाङ्गूलकेशप्रलयजलधरं भीममूर्तिं कपीन्द्रंवन्दे रामाङ्घ्रिपद्मभ्रमरपरिवृतं तत्त्वसारं प्रसन्नम् ।वज्राङ्गं वज्ररूपं कनकमयलसत्कुण्डलाक्रान्तगण्डंदम्भोलिस्तम्भसारप्रहरणविकटं भूतरक्षोऽधिनाथम् ॥ ११॥

udyallāṅgūlakeśapralayajaladharaṃ bhīmamūrtiṃ kapīndraṃvande rāmāṅghripadmabhramaraparivṛtaṃ tattvasāraṃ prasannam |vajrāṅgaṃ vajrarūpaṃ kanakamayalasatkuṇḍalākrāntagaṇḍaṃdambholistambhasārapraharaṇavikaṭaṃ bhūtarakṣo'dhinātham || 11||

वामे करे वैरिभयं वहन्तं शैलं च दक्षे निजकण्ठलग्नम् ।दधानमासाद्य सुवर्णवर्णं भजेज्ज्वलत्कुण्डलरामदूतम् ॥ १२॥

vāme kare vairibhayaṃ vahantaṃ śailaṃ ca dakṣe nijakaṇṭhalagnam |dadhānamāsādya suvarṇavarṇaṃ bhajejjvalatkuṇḍalarāmadūtam || 12||

पद्मरागमणिकुण्डलत्विषा पाटलीकृतकपोलमण्डलम् ।दिव्यगेहकदलीवनान्तरे भावयामि पवमाननन्दनम् ॥ १३॥

padmarāgamaṇikuṇḍalatviṣā pāṭalīkṛtakapolamaṇḍalam |divyagehakadalīvanāntare bhāvayāmi pavamānanandanam || 13||

ईश्वर उवाचइति वदति विशेषाद्राघवो राक्षसेन्द्रम्प्रमुदितवरचित्तो रावणस्यानुजो ह्रघुवरवरदूतं पूजयामास भूयःस्तुतिभिरकृतार्थः स्वं परं मन्यमानः ॥ १४॥

īśvara uvācaiti vadati viśeṣādrāghavo rākṣasendrampramuditavaracitto rāvaṇasyānujo hraghuvaravaradūtaṃ pūjayāmāsa bhūyaḥstutibhirakṛtārthaḥ svaṃ paraṃ manyamānaḥ || 14||

वन्दे विद्युद्वलयसुभगस्वर्णयज्ञोपवीतंकर्णद्वन्द्वे कनकरुचिरे कुण्डले धारयन्तम् ।उच्चैर्हृष्यद्द्युमणिकिरणश्रेणिसम्भाविताङ्गंसत्कौपीनं कपिवरवृतं कामरूपं कपीन्द्रम् ॥ १५॥

vande vidyudvalayasubhagasvarṇayajñopavītaṃkarṇadvandve kanakarucire kuṇḍale dhārayantam |uccairhṛṣyaddyumaṇikiraṇaśreṇisambhāvitāṅgaṃsatkaupīnaṃ kapivaravṛtaṃ kāmarūpaṃ kapīndram || 15||

मनोजवं मारुततुल्यवेगं जितेन्द्रियं बुद्धिमतां वरिष्ठम् ।वातात्मजं वानरयूथमुख्यं श्रीरामदूतं सततं स्मरामि ॥ १६॥

manojavaṃ mārutatulyavegaṃ jitendriyaṃ buddhimatāṃ variṣṭham |vātātmajaṃ vānarayūthamukhyaṃ śrīrāmadūtaṃ satataṃ smarāmi || 16||

ॐ नमो भगवते हृदयाय नमः ।ॐ आञ्जनेयाय शिरसे स्वाहा ।ॐ रुद्रमूर्तये शिखायै वषट् ।ॐ रामदूताय कवचाय हुम् ।ॐ हनुमते नेत्रत्रयाय वौषट् ।ॐ अग्निगर्भाय अस्त्राय फट् ।ॐ नमो भगवते अङ्गुष्ठाभ्यां नमः ।ॐ आञ्जनेयाय तर्जनीभ्यां नमः ।ॐ रुद्रमूर्तये मध्यमाभ्यां नमः ।ॐ वायुसूनवे अनामिकाभ्यां नमः ।ॐ हनुमते कनिष्ठिकाभ्यां नमः ।ॐ अग्निगर्भाय करतलकरपृष्ठाभ्यां नमः ।अथ मन्त्र उच्यतेॐ ऐं ह्रीं श्रीं ह्रां ह्रीं ह्रूं ह्रैं ह्रौं ह्रः ।ॐ ह्रीं ह्रौं ॐ नमो भगवते महाबलपराक्रमाय भूतप्रेतपिशाचशाकिनी डाकिनी यक्षिणी पूतनामारी महामारीभैरवयक्षवेतालराक्षसग्रहराक्षसादिकंक्षणेन हन हन भञ्जय भञ्जयमारय मारय शिक्षय शिक्षय महामाहेश्वर रुद्रावतार हुं फट् स्वाहा ।ॐ नमो भगवते हनुमदाख्याय रुद्राय सर्वदुष्टजनमुखस्तम्भनंकुरु कुरु ह्रां ह्रीं ह्रूं ठंठंठं फट् स्वाहा ।ॐ नमो भगवते अञ्जनीगर्भसम्भूताय रामलक्ष्मणानन्दकरायकपिसैन्यप्रकाशनाय पर्वतोत्पाटनाय सुग्रीवसाधकायरणोच्चाटनाय कुमारब्रह्मचारिणे गम्भीरशब्दोदयायॐ ह्रां ह्रीं ह्रूं सर्वदुष्टनिवारणाय स्वाहा ।ॐ नमो हनुमते सर्वग्रहानुभूतभविष्यद्वर्तमानान् दूरस्थान्समीपस्थान् सर्वकालदुष्टदुर्बुद्धीनुच्चाटयोच्चाटय परबलानिक्षोभय क्षोभयमम सर्वकार्यं साधय साधय हनुमतेॐ ह्रां ह्रीं ह्रूं फट् देहि ।ॐ शिवं सिद्धं ह्रां ह्रीं ह्रूं ह्रौं स्वाहा ।ॐ नमो हनुमते परकृतान् तन्त्रमन्त्रपराहङ्कारभूतप्रेतपिशाचपरदृष्टिसर्वविघ्नदुर्जनचेटकविधान् सर्वग्रहान् निवारय निवारयवध वध पच पच दल दल किल किलसर्वकुयन्त्राणि दुष्टवाचं फट् स्वाहा ।ॐ नमो हनुमते पाहि पाहि एहि एहि एहिसर्वग्रहभूतानां शाकिनीडाकिनीनां विषं दुष्टानां सर्वविषयान्आकर्षय आकर्षय मर्दय मर्दय भेदय भेदयमृत्युमुत्पाटयोत्पाटय शोषय शोषय ज्वल ज्वल प्रज्ज्वल प्रज्ज्वलभूतमण्डलं प्रेतमण्डलं पिशाचमण्डलं निरासय निरासयभूतज्वर प्रेतज्वर चातुर्थिकज्वर विषमज्वर माहेश्वरज्वरान्छिन्धि छिन्धि भिन्धि भिन्धिअक्षिशूलवक्षःशूलशरोभ्यन्तरशूलगुल्मशूलपित्तशूलब्रह्मराक्षसकुलपरकुलनागकुलविषं नाशय नाशयनिर्विषं कुरु कुरु फट् स्वाहा ।ॐ ह्रीं सर्वदुष्टग्रहान् निवारय फट् स्वाहा ॥ॐ नमो हनुमते पवनपुत्राय वैश्वानरमुखायहन हन पापदृष्टिं षण्ढदृष्टिं हन हनहनुमदाज्ञया स्फुर स्फुर फट् स्वाहा ॥श्रीराम उवाचहनुमान् पूर्वतः पातु दक्षिणे पवनात्मजः ।प्रतीच्यां पातु रक्षोघ्न उत्तरस्यामब्धिपारगः ॥ १॥

oṃ namo bhagavate hṛdayāya namaḥ |oṃ āñjaneyāya śirase svāhā |oṃ rudramūrtaye śikhāyai vaṣaṭ |oṃ rāmadūtāya kavacāya hum |oṃ hanumate netratrayāya vauṣaṭ |oṃ agnigarbhāya astrāya phaṭ |oṃ namo bhagavate aṅguṣṭhābhyāṃ namaḥ |oṃ āñjaneyāya tarjanībhyāṃ namaḥ |oṃ rudramūrtaye madhyamābhyāṃ namaḥ |oṃ vāyusūnave anāmikābhyāṃ namaḥ |oṃ hanumate kaniṣṭhikābhyāṃ namaḥ |oṃ agnigarbhāya karatalakarapṛṣṭhābhyāṃ namaḥ |atha mantra ucyateoṃ aiṃ hrīṃ śrīṃ hrāṃ hrīṃ hrūṃ hraiṃ hrauṃ hraḥ |oṃ hrīṃ hrauṃ oṃ namo bhagavate mahābalaparākramāya bhūtapretapiśācaśākinī ḍākinī yakṣiṇī pūtanāmārī mahāmārībhairavayakṣavetālarākṣasagraharākṣasādikaṃkṣaṇena hana hana bhañjaya bhañjayamāraya māraya śikṣaya śikṣaya mahāmāheśvara rudrāvatāra huṃ phaṭ svāhā |oṃ namo bhagavate hanumadākhyāya rudrāya sarvaduṣṭajanamukhastambhanaṃkuru kuru hrāṃ hrīṃ hrūṃ ṭhaṃṭhaṃṭhaṃ phaṭ svāhā |oṃ namo bhagavate añjanīgarbhasambhūtāya rāmalakṣmaṇānandakarāyakapisainyaprakāśanāya parvatotpāṭanāya sugrīvasādhakāyaraṇoccāṭanāya kumārabrahmacāriṇe gambhīraśabdodayāyaoṃ hrāṃ hrīṃ hrūṃ sarvaduṣṭanivāraṇāya svāhā |oṃ namo hanumate sarvagrahānubhūtabhaviṣyadvartamānān dūrasthānsamīpasthān sarvakāladuṣṭadurbuddhīnuccāṭayoccāṭaya parabalānikṣobhaya kṣobhayamama sarvakāryaṃ sādhaya sādhaya hanumateoṃ hrāṃ hrīṃ hrūṃ phaṭ dehi |oṃ śivaṃ siddhaṃ hrāṃ hrīṃ hrūṃ hrauṃ svāhā |oṃ namo hanumate parakṛtān tantramantraparāhaṅkārabhūtapretapiśācaparadṛṣṭisarvavighnadurjanaceṭakavidhān sarvagrahān nivāraya nivārayavadha vadha paca paca dala dala kila kilasarvakuyantrāṇi duṣṭavācaṃ phaṭ svāhā |oṃ namo hanumate pāhi pāhi ehi ehi ehisarvagrahabhūtānāṃ śākinīḍākinīnāṃ viṣaṃ duṣṭānāṃ sarvaviṣayānākarṣaya ākarṣaya mardaya mardaya bhedaya bhedayamṛtyumutpāṭayotpāṭaya śoṣaya śoṣaya jvala jvala prajjvala prajjvalabhūtamaṇḍalaṃ pretamaṇḍalaṃ piśācamaṇḍalaṃ nirāsaya nirāsayabhūtajvara pretajvara cāturthikajvara viṣamajvara māheśvarajvarānchindhi chindhi bhindhi bhindhiakṣiśūlavakṣaḥśūlaśarobhyantaraśūlagulmaśūlapittaśūlabrahmarākṣasakulaparakulanāgakulaviṣaṃ nāśaya nāśayanirviṣaṃ kuru kuru phaṭ svāhā |oṃ hrīṃ sarvaduṣṭagrahān nivāraya phaṭ svāhā ||oṃ namo hanumate pavanaputrāya vaiśvānaramukhāyahana hana pāpadṛṣṭiṃ ṣaṇḍhadṛṣṭiṃ hana hanahanumadājñayā sphura sphura phaṭ svāhā ||śrīrāma uvācahanumān pūrvataḥ pātu dakṣiṇe pavanātmajaḥ |pratīcyāṃ pātu rakṣoghna uttarasyāmabdhipāragaḥ || 1||

उदीच्यामूर्ध्वगः पातु केसरीप्रियनन्दनः ।अधश्च विष्णुभक्तस्तु पातु मध्ये च पावनिः ॥ २॥

udīcyāmūrdhvagaḥ pātu kesarīpriyanandanaḥ |adhaśca viṣṇubhaktastu pātu madhye ca pāvaniḥ || 2||

अवान्तरदिशः पातु सीताशोकविनाशनः ।लङ्काविदाहकः पातु सर्वापद्भ्यो निरन्तरम् ॥ ३॥

avāntaradiśaḥ pātu sītāśokavināśanaḥ |laṅkāvidāhakaḥ pātu sarvāpadbhyo nirantaram || 3||

सुग्रीवसचिवः पातु मस्तकं वायुनन्दनः ।भालं पातु महावीरो भ्रुवोर्मध्ये निरन्तरम् ॥ ४॥

sugrīvasacivaḥ pātu mastakaṃ vāyunandanaḥ |bhālaṃ pātu mahāvīro bhruvormadhye nirantaram || 4||

नेत्रे छायाऽपहारी च पातु नः प्लवगेश्वरः ।कपोलकर्णमूले तु पातु श्रीरामकिङ्करः ॥ ५॥

netre chāyā'pahārī ca pātu naḥ plavageśvaraḥ |kapolakarṇamūle tu pātu śrīrāmakiṅkaraḥ || 5||

नासाग्रे अञ्जनासूनुर्वक्त्रं पातु हरीश्वरः ।वाचं रुद्रप्रियः पातु जिह्वां पिङ्गललोचनः ॥ ६॥

nāsāgre añjanāsūnurvaktraṃ pātu harīśvaraḥ |vācaṃ rudrapriyaḥ pātu jihvāṃ piṅgalalocanaḥ || 6||

पातु दन्तान् फाल्गुनेष्टश्चिबुकं दैत्यप्राणहृत् ।वर् ओष्ठं रामप्रियः पातु चिबुकं दैत्यकोटिहृत्पातु कण्ठं च दैत्यारिः स्कन्धौ पातु सुरार्चितः ॥ ७॥

pātu dantān phālguneṣṭaścibukaṃ daityaprāṇahṛt |var oṣṭhaṃ rāmapriyaḥ pātu cibukaṃ daityakoṭihṛtpātu kaṇṭhaṃ ca daityāriḥ skandhau pātu surārcitaḥ || 7||

भुजौ पातु महातेजाः करौ तु चरणायुधः ।नखान्नखायुधः पातु कुक्षिं पातु कपीश्वरः ॥ ८॥

bhujau pātu mahātejāḥ karau tu caraṇāyudhaḥ |nakhānnakhāyudhaḥ pātu kukṣiṃ pātu kapīśvaraḥ || 8||

वक्षो मुद्रापहारी च पातु पार्श्वे भुजायुधः ।लङ्काविभञ्जनः पातु पृष्ठदेशे निरन्तरम् ॥ ९॥

vakṣo mudrāpahārī ca pātu pārśve bhujāyudhaḥ |laṅkāvibhañjanaḥ pātu pṛṣṭhadeśe nirantaram || 9||

नाभिञ्च रामदूतस्तु कटिं पात्वनिलात्मजः ।गुह्मं पातु महाप्राज्ञः सृक्किणी च शिवप्रियः ॥ १०॥

nābhiñca rāmadūtastu kaṭiṃ pātvanilātmajaḥ |guhmaṃ pātu mahāprājñaḥ sṛkkiṇī ca śivapriyaḥ || 10||

ऊरू च जानुनी पातु लङ्काप्रासादभञ्जनः ।जङ्घे पातु महाबाहुर्गुल्फौ पातु महाबलः ॥ ११॥

ūrū ca jānunī pātu laṅkāprāsādabhañjanaḥ |jaṅghe pātu mahābāhurgulphau pātu mahābalaḥ || 11||

अचलोद्धारकः पातु पादौ भास्करसन्निभः ।पादान्ते सर्वसत्वाढ्यः पातु पादाङ्गुलीस्तथा ॥ १२॥

acaloddhārakaḥ pātu pādau bhāskarasannibhaḥ |pādānte sarvasatvāḍhyaḥ pātu pādāṅgulīstathā || 12||

सर्वाङ्गानि महावीरः पातु रोमाणि चात्मवान् ।हनुमत्कवचं यस्तु पठेद्विद्वान् विचाक्षणः ॥ १३॥

sarvāṅgāni mahāvīraḥ pātu romāṇi cātmavān |hanumatkavacaṃ yastu paṭhedvidvān vicākṣaṇaḥ || 13||

स एव पुरूषश्रेष्ठो भक्तिं मुक्तिं च विन्दति ।त्रिकालमेककालं वा पठेन्मासत्रयं सदा ॥ १४॥

sa eva purūṣaśreṣṭho bhaktiṃ muktiṃ ca vindati |trikālamekakālaṃ vā paṭhenmāsatrayaṃ sadā || 14||

सर्वान् रिपून् क्षणे जित्वा स पुमान् श्रियमाप्नुयात् ।मध्यरात्रे जले स्थित्वा सप्तवारं पठेद्यदि ॥ १५॥

sarvān ripūn kṣaṇe jitvā sa pumān śriyamāpnuyāt |madhyarātre jale sthitvā saptavāraṃ paṭhedyadi || 15||

क्षयाऽपस्मारकुष्ठादितापत्रयनिवारणम् ।आर्किवारेऽश्वत्थमूले स्थित्वा पठतिः यः पुमान् ॥ १६॥

kṣayā'pasmārakuṣṭhāditāpatrayanivāraṇam |ārkivāre'śvatthamūle sthitvā paṭhatiḥ yaḥ pumān || 16||

अचलां श्रियमाप्नोति सङ्ग्रामे विजयी भवेत् ॥ १७॥

acalāṃ śriyamāpnoti saṅgrāme vijayī bhavet || 17||

यः करे धारयेन्नित्यं स पुमान् श्रियमाप्नुयात् ।विवाहे दिव्यकाले च द्यूते राजकुले रणे ॥ १८॥

yaḥ kare dhārayennityaṃ sa pumān śriyamāpnuyāt |vivāhe divyakāle ca dyūte rājakule raṇe || 18||

भूतप्रेतमहादुर्गे रणे सागरसम्प्लवे ।दशवारं पठेद्रात्रौ मिताहारी जितेन्द्रियः ॥ १९॥

bhūtapretamahādurge raṇe sāgarasamplave |daśavāraṃ paṭhedrātrau mitāhārī jitendriyaḥ || 19||

विजयं लभते लोके मानवेषु नराधिपः ।सिंहव्याघ्रभये चाग्नौ शरशस्त्रास्त्रयातने ॥ २०॥

vijayaṃ labhate loke mānaveṣu narādhipaḥ |siṃhavyāghrabhaye cāgnau śaraśastrāstrayātane || 20||

शृङ्खलाबन्धने चैव काराग्रहनियन्त्रणे ।कायस्तम्भे वह्निदाहे गात्ररोगे च दारूणे ॥ २१॥

śṛṅkhalābandhane caiva kārāgrahaniyantraṇe |kāyastambhe vahnidāhe gātraroge ca dārūṇe || 21||

शोके महारणे चैव ब्रह्मग्रहविनाशने ।सर्वदा तु पठेन्नित्यं जयमाप्नोत्यसंशयम् ॥ २२॥

śoke mahāraṇe caiva brahmagrahavināśane |sarvadā tu paṭhennityaṃ jayamāpnotyasaṃśayam || 22||

भूर्जे वा वसने रक्ते क्षौमे वा तालपत्रके ।त्रिगन्धेनाथवा मस्या लिखित्वा धारयेन्नरः ॥ २३॥

bhūrje vā vasane rakte kṣaume vā tālapatrake |trigandhenāthavā masyā likhitvā dhārayennaraḥ || 23||

पञ्चसप्तत्रिलौहैर्वा गोपितं कवचं शुभम् ।गले कट्यां बाहुमूले वा कण्ठे शिरसि धारितम् ॥ २४॥

pañcasaptatrilauhairvā gopitaṃ kavacaṃ śubham |gale kaṭyāṃ bāhumūle vā kaṇṭhe śirasi dhāritam || 24||

सर्वान् कामानवाप्नोति सत्यं श्रीरामभाषितम् ॥ २५॥

sarvān kāmānavāpnoti satyaṃ śrīrāmabhāṣitam || 25||

उल्लङ्घ्य सिन्धोः सलिलं सलीलं यः शोकवह्निं जनकात्मजायाः ।आदाय तेनैव ददाह लङ्कां नमामि तं प्राञ्जलिराञ्जनेयम् ॥ २६॥

ullaṅghya sindhoḥ salilaṃ salīlaṃ yaḥ śokavahniṃ janakātmajāyāḥ |ādāya tenaiva dadāha laṅkāṃ namāmi taṃ prāñjalirāñjaneyam || 26||

ॐ हनुमानञ्जनासूनुर्वायुपुत्रो महाबलः ।श्रीरामेष्टः फाल्गुनसखः पिङ्गाक्षोऽमितविक्रमः ॥ २७॥

oṃ hanumānañjanāsūnurvāyuputro mahābalaḥ |śrīrāmeṣṭaḥ phālgunasakhaḥ piṅgākṣo'mitavikramaḥ || 27||

उदधिक्रमणश्चैव सीताशोकविनाशनः ।लक्ष्मणप्राणदाता च दशग्रीवस्य दर्पहा ॥ २८॥

udadhikramaṇaścaiva sītāśokavināśanaḥ |lakṣmaṇaprāṇadātā ca daśagrīvasya darpahā || 28||

द्वादशैतानि नामानि कपीन्द्रस्य महात्मनः ।स्वापकाले प्रबोधे च यात्राकाले च यः पठेत् ॥ २९॥

dvādaśaitāni nāmāni kapīndrasya mahātmanaḥ |svāpakāle prabodhe ca yātrākāle ca yaḥ paṭhet || 29||

तस्य सर्वभयं नास्ति रणे च विजयी भवेत् ।धनधान्यं भवेत्तस्य दुःखं नैव कदाचन ॥ ३०॥

tasya sarvabhayaṃ nāsti raṇe ca vijayī bhavet |dhanadhānyaṃ bhavettasya duḥkhaṃ naiva kadācana || 30||

ॐ ब्रह्माण्डपुराणान्तर्गते नारद अगस्त्य संवादे ।श्रीरामचन्द्रकथितपञ्चमुखे एकमुखी हनुमत् कवचम् ॥

oṃ brahmāṇḍapurāṇāntargate nārada agastya saṃvāde |śrīrāmacandrakathitapañcamukhe ekamukhī hanumat kavacam ||