आञ्जनेयमङ्गलाष्टकम् Shri Anjaneya Mangalashtakam

कपिश्रेष्ठाय शूराय सुग्रीवप्रियमन्त्रिणे ।जानकीशोकनाशाय आञ्जनेयाय मङ्गलम् ॥ १॥

kapiśreṣṭhāya śūrāya sugrīvapriyamantriṇe |jānakīśokanāśāya āñjaneyāya maṅgalam || 1||

मनोवेगाय उग्राय कालनेमिविदारिणे ।लक्ष्मणप्राणदात्रे च आञ्जनेयाय मङ्गलम् ॥ २॥

manovegāya ugrāya kālanemividāriṇe |lakṣmaṇaprāṇadātre ca āñjaneyāya maṅgalam || 2||

महाबलाय शान्ताय दुर्दण्डीबन्धमोचन ।मैरावणविनाशाय आञ्जनेयाय मङ्गलम् ॥ ३॥

mahābalāya śāntāya durdaṇḍībandhamocana |mairāvaṇavināśāya āñjaneyāya maṅgalam || 3||

पर्वतायुधहस्ताय राक्षःकुलविनाशिने ।श्रीरामपादभक्ताय आञ्जनेयाय मङ्गलम् ॥ ४॥

parvatāyudhahastāya rākṣaḥkulavināśine |śrīrāmapādabhaktāya āñjaneyāya maṅgalam || 4||

विरक्ताय सुशीलाय रुद्रमूर्तिस्वरूपिणे ।ऋषिभिस्सेवितायास्तु आञ्जनेयाय मङ्गलम् ॥ ५॥

viraktāya suśīlāya rudramūrtisvarūpiṇe |ṛṣibhissevitāyāstu āñjaneyāya maṅgalam || 5||

दीर्घबालाय कालाय लङ्कापुरविदारिणे ।लङ्कीणीदर्पनाशाय आञ्जनेयाय मङ्गलम् ॥ ६॥

dīrghabālāya kālāya laṅkāpuravidāriṇe |laṅkīṇīdarpanāśāya āñjaneyāya maṅgalam || 6||

नमस्तेऽस्तु ब्रह्मचारिन् नमस्ते वायुनन्दन । नमस्ते ब्रह्मचर्यायनमस्ते गानलोलाय आञ्जनेयाय मङ्गलम् ॥ ७॥

namaste'stu brahmacārin namaste vāyunandana | namaste brahmacaryāyanamaste gānalolāya āñjaneyāya maṅgalam || 7||

प्रभवाय सुरेशाय शुभदाय शुभात्मने ।वायुपुत्राय धीराय आञ्जनेयाय मङ्गलम् ॥ ८॥

prabhavāya sureśāya śubhadāya śubhātmane |vāyuputrāya dhīrāya āñjaneyāya maṅgalam || 8||

आञ्जनेयाष्टकमिदं यः पठेत्सततं नरः ।सिद्ध्यन्ति सर्वकार्याणि सर्वशत्रुविनाशनम् ॥ ९॥

āñjaneyāṣṭakamidaṃ yaḥ paṭhetsatataṃ naraḥ |siddhyanti sarvakāryāṇi sarvaśatruvināśanam || 9||

इति श्रीआञ्जनेयमङ्गलाष्टकं सम्पूर्णम् ।

iti śrīāñjaneyamaṅgalāṣṭakaṃ sampūrṇam |