बजरङ्ग बाण Shri Bajaramga Bana

दोहानिश्चय प्रेम प्रतीति ते, बिनय करैं सनमान ।तेहि के कारज सकल शुभ, सिद्ध करैं हनुमान ॥चौपाईजय हनुमंत संत हितकारी । सुन लीजै प्रभु अरज हमारी ॥जन के काज बिलंब न कीजै । आतुर दौरि महा सुख दीजै ॥जैसे कूदि सिंधु महिपारा । सुरसा बदन पैठि बिस्तारा ॥आगे जाय लंकिनी रोका । मारेहु लात गई सुरलोका ॥जाय बिभीषन को सुख दीन्हा । सीता निरखि परमपद लीन्हा ॥बाग उजारि सिंधु महँ बोरा । अति आतुर जमकातर तोरा ॥अक्षय कुमार मारि संहारा । लूम लपेटि लंक को जारा ॥लाह समान लंक जरि गई । जय जय धुनि सुरपुर नभ भई ॥अब बिलंब केहि कारन स्वामी । कृपा करहु उर अंतरयामी ॥जय जय लखन प्रान के दाता । आतुर ह्वै दुख करहु निपाता ॥जै हनुमान जयति बलसागर । सुर समूह समरथ भटनागर ॥ॐ हनु हनु हनु हनुमंत हठीले । बैरिहि मारू बज्र की कीले ॥गदा बज्र लै बैरिहिं मारो । महाराज प्रभु दास उबारो ॥ॐकार हुंकार महाप्रभु धावो । बज्र गदा हनु विलम्ब न लावो ॥ॐ ह्रीं ह्रीं ह्रीं हनुमंत कपीशा । ॐ हुं हुं हुं हनु अरिउरसीशा ॥सत्य होहु हरि सपथ पाइ कै । राम दूत धरू मारू धाइ कै ॥जय जय जय हनुमंत अगाधा । दुख पावत जन केहि अपराधा ॥पूजा जप तप नेम अचारा । नहिं जानत हौं दास तुम्हारा ॥बन उपबन मग गिरि गृह माहीं । तुम्हरे बल हौं डरपत नाहीं ॥जय अंजनि कुमार बलवन्ता । शंकरसुवन बीर हनुमन्ता ॥बदन कराल कालकुलघालक । राम सहाय सदा प्रतिपालक ॥भूत, प्रेत, पिसाच निसाचर । अगिन बेताल काल मारी मर ॥इन्हें मारू, तोहि सपथ राम की । राखउ नाथ मरजाद नाम की ॥जनकसुता हरि दास कहावौ । ताकी सपथ बिलंब न लावौ ॥जै जै जै धुनि होत अकासा । सुमिरत होय दुसह दुख नासा ॥चरन पकरि, कर जोरि मनावौं । यहि औसर अब केहि गोहरावौं ॥उठु, उठु, चलु, तोहि राम दुहाई । पायँ परौं, कर जोरि मनाई ॥ॐ चं चं चं चं चपल चलंता । ॐ हनु हनु हनु हनु हनुमंता ॥ॐ हं हं हाँक देत कपि चंचल । ॐ सं सं सहमि पराने खलदल ॥अपने जन को तुरत उबारौ । सुमिरत होय आनंद हमारौ ॥

dohāniścaya prema pratīti te, binaya karaiṃ sanamāna |tehi ke kāraja sakala śubha, siddha karaiṃ hanumāna ||caupāījaya hanumaṃta saṃta hitakārī | suna lījai prabhu araja hamārī ||jana ke kāja bilaṃba na kījai | ātura dauri mahā sukha dījai ||jaise kūdi siṃdhu mahipārā | surasā badana paiṭhi bistārā ||āge jāya laṃkinī rokā | mārehu lāta gaī suralokā ||jāya bibhīṣana ko sukha dīnhā | sītā nirakhi paramapada līnhā ||bāga ujāri siṃdhu maham̐ borā | ati ātura jamakātara torā ||akṣaya kumāra māri saṃhārā | lūma lapeṭi laṃka ko jārā ||lāha samāna laṃka jari gaī | jaya jaya dhuni surapura nabha bhaī ||aba bilaṃba kehi kārana svāmī | kṛpā karahu ura aṃtarayāmī ||jaya jaya lakhana prāna ke dātā | ātura hvai dukha karahu nipātā ||jai hanumāna jayati balasāgara | sura samūha samaratha bhaṭanāgara ||oṃ hanu hanu hanu hanumaṃta haṭhīle | bairihi mārū bajra kī kīle ||gadā bajra lai bairihiṃ māro | mahārāja prabhu dāsa ubāro ||oṃkāra huṃkāra mahāprabhu dhāvo | bajra gadā hanu vilamba na lāvo ||oṃ hrīṃ hrīṃ hrīṃ hanumaṃta kapīśā | oṃ huṃ huṃ huṃ hanu ariurasīśā ||satya hohu hari sapatha pāi kai | rāma dūta dharū mārū dhāi kai ||jaya jaya jaya hanumaṃta agādhā | dukha pāvata jana kehi aparādhā ||pūjā japa tapa nema acārā | nahiṃ jānata hauṃ dāsa tumhārā ||bana upabana maga giri gṛha māhīṃ | tumhare bala hauṃ ḍarapata nāhīṃ ||jaya aṃjani kumāra balavantā | śaṃkarasuvana bīra hanumantā ||badana karāla kālakulaghālaka | rāma sahāya sadā pratipālaka ||bhūta, preta, pisāca nisācara | agina betāla kāla mārī mara ||inheṃ mārū, tohi sapatha rāma kī | rākhau nātha marajāda nāma kī ||janakasutā hari dāsa kahāvau | tākī sapatha bilaṃba na lāvau ||jai jai jai dhuni hota akāsā | sumirata hoya dusaha dukha nāsā ||carana pakari, kara jori manāvauṃ | yahi ausara aba kehi goharāvauṃ ||uṭhu, uṭhu, calu, tohi rāma duhāī | pāyam̐ parauṃ, kara jori manāī ||oṃ caṃ caṃ caṃ caṃ capala calaṃtā | oṃ hanu hanu hanu hanu hanumaṃtā ||oṃ haṃ haṃ hām̐ka deta kapi caṃcala | oṃ saṃ saṃ sahami parāne khaladala ||apane jana ko turata ubārau | sumirata hoya ānaṃda hamārau ||

ताते विनती करौं पुकारी । हरहु सकल दुःख विपति हमारी ॥ऐसौ बल प्रभाव प्रभु तोरा । कस न हरहु दुःख संकट मोरा ॥हे बजरंग, बाण सम धावौ । मेटि सकल दुःख दरस दिखावौ ॥हे कपिराज काज कब ऐहौ । अवसर चूकि अन्त पछतैहौ ॥जन की लाज जात ऐहि बारा । धावहु हे कपि पवन कुमारा ॥जयति जयति जै जै हनुमाना । जयति जयति गुण ज्ञान निधाना ॥जयति जयति जै जै कपिराई । जयति जयति जै जै सुखदाई ॥जयति जयति जै राम पियारे । जयति जयति जै सिया दुलारे ॥जयति जयति मुद मंगलदाता । जयति जयति त्रिभुवन विख्याता ॥ऐहि प्रकार गावत गुण शेषा । पावत पार नहीं लवलेषा ॥राम रूप सर्वत्र समाना । देखत रहत सदा हर्षाना ॥विधि शारदा सहित दिनराती । गावत कपि के गुन बहु भांति ॥तुम सम नहीं जगत बलवाना । करि विचार देखौं विधि नाना ॥यह जिय जानि शरण तब आई । ताते विनय करौं चित लाई ॥सुनि कपि आरत वचन हमारे । मेटहु सकल दुःख भ्रम भारे ॥एहि प्रकार विनती कपि केरी । जो जन करैं लहै सुख ढेरी ॥याके पढ़त वीर हनुमाना । धावत बाण तुल्य बनवाना ॥मेटत आए दुःख क्षण माहिं । दै दर्शन रघुपति ढिग जाहीं ॥पाठ करै बजरंग बाण की । हनुमत रक्षा करै प्राण की ॥डीठ, मूठ, टोनादिक नासै । परकृत यंत्र मंत्र नहीं त्रासे ॥भैरवादि सुर करै मिताई । आयुस मानि करै सेवकाई ॥प्रण कर पाठ करें मन लाई । अल्प-मृत्यु ग्रह दोष नसाई ॥आवृत ग्यारह प्रतिदिन जापै । ताकी छांह काल नहिं चापै ॥दै गूगुल की धूप हमेशा । करै पाठ तन मिटै कलेषा ॥यह बजरंग बाण जेहि मारे । ताहि कहौ फिर कौन उबारे ॥शत्रु समूह मिटै सब आपै । देखत ताहि सुरासुर कांपै ॥तेज प्रताप बुद्धि अधिकाई । रहै सदा कपिराज सहाई ॥)

tāte vinatī karauṃ pukārī | harahu sakala duḥkha vipati hamārī ||aisau bala prabhāva prabhu torā | kasa na harahu duḥkha saṃkaṭa morā ||he bajaraṃga, bāṇa sama dhāvau | meṭi sakala duḥkha darasa dikhāvau ||he kapirāja kāja kaba aihau | avasara cūki anta pachataihau ||jana kī lāja jāta aihi bārā | dhāvahu he kapi pavana kumārā ||jayati jayati jai jai hanumānā | jayati jayati guṇa jñāna nidhānā ||jayati jayati jai jai kapirāī | jayati jayati jai jai sukhadāī ||jayati jayati jai rāma piyāre | jayati jayati jai siyā dulāre ||jayati jayati muda maṃgaladātā | jayati jayati tribhuvana vikhyātā ||aihi prakāra gāvata guṇa śeṣā | pāvata pāra nahīṃ lavaleṣā ||rāma rūpa sarvatra samānā | dekhata rahata sadā harṣānā ||vidhi śāradā sahita dinarātī | gāvata kapi ke guna bahu bhāṃti ||tuma sama nahīṃ jagata balavānā | kari vicāra dekhauṃ vidhi nānā ||yaha jiya jāni śaraṇa taba āī | tāte vinaya karauṃ cita lāī ||suni kapi ārata vacana hamāre | meṭahu sakala duḥkha bhrama bhāre ||ehi prakāra vinatī kapi kerī | jo jana karaiṃ lahai sukha ḍherī ||yāke paṛhata vīra hanumānā | dhāvata bāṇa tulya banavānā ||meṭata āe duḥkha kṣaṇa māhiṃ | dai darśana raghupati ḍhiga jāhīṃ ||pāṭha karai bajaraṃga bāṇa kī | hanumata rakṣā karai prāṇa kī ||ḍīṭha, mūṭha, ṭonādika nāsai | parakṛta yaṃtra maṃtra nahīṃ trāse ||bhairavādi sura karai mitāī | āyusa māni karai sevakāī ||praṇa kara pāṭha kareṃ mana lāī | alpa-mṛtyu graha doṣa nasāī ||āvṛta gyāraha pratidina jāpai | tākī chāṃha kāla nahiṃ cāpai ||dai gūgula kī dhūpa hameśā | karai pāṭha tana miṭai kaleṣā ||yaha bajaraṃga bāṇa jehi māre | tāhi kahau phira kauna ubāre ||śatru samūha miṭai saba āpai | dekhata tāhi surāsura kāṃpai ||teja pratāpa buddhi adhikāī | rahai sadā kapirāja sahāī ||)

यह बजरंगबाण जेहि मारै । ताहि कहौ फिरि कवन उबारै ॥पाठ करै बजरंगबाण की । हनुमत रक्षा करै प्रान की ॥यह बजरंग बाण जो जापैं । तासों भूतप्रेत सब कापंऐ ॥धूप देय जो जपै हमेसा । ताके तन नहिं रहै कलेसा ॥दोहाःउर प्रतीति दृढ़, सरन ह्वै, पाठ करै धरि ध्यान ।बाधा सब हर, करैं सब काम सफल हनुमान ॥(प्रेम प्रतीतिहि कपि भजै सदा धरैं उर ध्यान ।तेहि के कारज सकल शुभ सिद्ध करैं हनुमान ॥)

yaha bajaraṃgabāṇa jehi mārai | tāhi kahau phiri kavana ubārai ||pāṭha karai bajaraṃgabāṇa kī | hanumata rakṣā karai prāna kī ||yaha bajaraṃga bāṇa jo jāpaiṃ | tāsoṃ bhūtapreta saba kāpaṃai ||dhūpa deya jo japai hamesā | tāke tana nahiṃ rahai kalesā ||dohāḥura pratīti dṛṛha, sarana hvai, pāṭha karai dhari dhyāna |bādhā saba hara, karaiṃ saba kāma saphala hanumāna ||(prema pratītihi kapi bhajai sadā dharaiṃ ura dhyāna |tehi ke kāraja sakala śubha siddha karaiṃ hanumāna ||)

इति श्रीगोसाईतुलसीदासजीकृत श्रीहनुमंतबजरंगबाण समाप्त ।

iti śrīgosāītulasīdāsajīkṛta śrīhanumaṃtabajaraṃgabāṇa samāpta |

अरे गिवेन् इन् ईन्देक्षेक्ष्त्र।

are given in īndekṣekṣtra|