हनुमत्सहस्रनामस्तोत्रम् (रुद्रयामलान्तर्गर्तम्) Hanumatsahasranamastotram

रुद्रयामलतःकैलासशिखरे रम्ये देवदेवं महेश्वरम् ।ध्यानोपरतमासीनं नन्दिभृङ्गिगणैर्वृतम् ॥ १॥

rudrayāmalataḥkailāsaśikhare ramye devadevaṃ maheśvaram |dhyānoparatamāsīnaṃ nandibhṛṅgigaṇairvṛtam || 1||

ध्यानान्ते च प्रसन्नास्यमेकान्ते समुपस्थितम् ।दृष्ट्वा शम्भुं तदा देवी पप्रच्छ कमलानना ॥ २॥

dhyānānte ca prasannāsyamekānte samupasthitam |dṛṣṭvā śambhuṃ tadā devī papraccha kamalānanā || 2||

देव्युवाचशृणु देव प्रवक्ष्यामि संशयोऽस्ति महान्मम ।रुद्रैकादशमाख्यातं पुराहं न च वेद्मि तम् ॥ ३॥

devyuvācaśṛṇu deva pravakṣyāmi saṃśayo'sti mahānmama |rudraikādaśamākhyātaṃ purāhaṃ na ca vedmi tam || 3||

कथयस्व महाप्राज्ञ सर्वतो निर्णयं शुभम् ।समाराधयतो लोके भुक्तिमुक्तिफलं भवेत् ॥ ४॥

kathayasva mahāprājña sarvato nirṇayaṃ śubham |samārādhayato loke bhuktimuktiphalaṃ bhavet || 4||

मन्त्रं यन्त्रं तथा तन्निर्णयं च विधिपूजनम् ।तत्सर्वं ब्रूहि मे नाथ कृतार्था च भवाम्यहम् ॥ ५॥

mantraṃ yantraṃ tathā tannirṇayaṃ ca vidhipūjanam |tatsarvaṃ brūhi me nātha kṛtārthā ca bhavāmyaham || 5||

ईश्वर उवाचशृणु देवि प्रवक्ष्यामि गोप्यं सर्वागमे सदा ।सर्वस्वं मम लोकानां नृणां स्वर्गापवर्गदम् ॥ ६॥

īśvara uvācaśṛṇu devi pravakṣyāmi gopyaṃ sarvāgame sadā |sarvasvaṃ mama lokānāṃ nṛṇāṃ svargāpavargadam || 6||

दश विष्णुर्द्वादशार्कास्ते चैकादश संस्मृताः ।रुद्रः परमचण्डश्च लोकेऽस्मिन्भुक्तिमुक्तिदः ॥ ७॥

daśa viṣṇurdvādaśārkāste caikādaśa saṃsmṛtāḥ |rudraḥ paramacaṇḍaśca loke'sminbhuktimuktidaḥ || 7||

हनुमान्स महादेवः कालकालः सदाशिवः ।इहैव भुक्तिकैवल्यमुक्तिदः सर्वकामदः ॥ ८॥

hanumānsa mahādevaḥ kālakālaḥ sadāśivaḥ |ihaiva bhuktikaivalyamuktidaḥ sarvakāmadaḥ || 8||

चिद्रूपी च जगद्रूपस्तथारूपविराडभूत् ।रावणस्य वधार्थाय रामस्य च हिताय च ॥ ९॥

cidrūpī ca jagadrūpastathārūpavirāḍabhūt |rāvaṇasya vadhārthāya rāmasya ca hitāya ca || 9||

अञ्जनीगर्भसम्भूतो वायुरूपी सनातनः ।यस्य स्मरणमात्रेण सर्वविघ्नं विनश्यति ॥ १०॥

añjanīgarbhasambhūto vāyurūpī sanātanaḥ |yasya smaraṇamātreṇa sarvavighnaṃ vinaśyati || 10||

मन्त्रं तस्य प्रवक्ष्यामि कामदं सुरदुर्लभम् ।नित्यं परतरं लोके देवदैत्येषु दुर्लभम् ॥ ११॥

mantraṃ tasya pravakṣyāmi kāmadaṃ suradurlabham |nityaṃ parataraṃ loke devadaityeṣu durlabham || 11||

प्रणवं पूर्वमुद्धृत्य कामराजं ततो वदेत् ।ॐ नमो भगवते हनुमतेऽपि ततो वदेत् ॥ १२॥

praṇavaṃ pūrvamuddhṛtya kāmarājaṃ tato vadet |oṃ namo bhagavate hanumate'pi tato vadet || 12||

ततो वैश्वानरो मायामन्त्रराजमिमं प्रिये ।एवं बहुतरा मन्त्राः सर्वशास्त्रेषु गोपिताः ॥ १३॥

tato vaiśvānaro māyāmantrarājamimaṃ priye |evaṃ bahutarā mantrāḥ sarvaśāstreṣu gopitāḥ || 13||

ॐ क्लीं नमो भगवते हनुमते स्वाहायेन विज्ञातमात्रेण त्रैलोक्यं वशमानयेत् ।वह्निं शीतङ्करोत्येव वातं च स्थिरतां नयेत् ॥ १४॥

oṃ klīṃ namo bhagavate hanumate svāhāyena vijñātamātreṇa trailokyaṃ vaśamānayet |vahniṃ śītaṅkarotyeva vātaṃ ca sthiratāṃ nayet || 14||

विघ्नं च नाशयत्याशु दासवत्स्याज्जगत्त्रयम् ।ध्यानं तस्य प्रवक्ष्यामि हनुर्येन प्रसीदति ॥ १५॥

vighnaṃ ca nāśayatyāśu dāsavatsyājjagattrayam |dhyānaṃ tasya pravakṣyāmi hanuryena prasīdati || 15||

ध्यानम्प्रदीप्तं स्वर्णवर्णाभं बालार्कारुणलोचनम् ।स्वर्णमेरुविशालाङ्गं शतसूर्यसमप्रभम् ॥ १६॥

dhyānampradīptaṃ svarṇavarṇābhaṃ bālārkāruṇalocanam |svarṇameruviśālāṅgaṃ śatasūryasamaprabham || 16||

रक्ताम्बरं धरासीनं सुग्रीवादियुतं तथा ।गोष्पदीकृतवारीशं मशकीकृतराक्षसम् ॥ १७॥

raktāmbaraṃ dharāsīnaṃ sugrīvādiyutaṃ tathā |goṣpadīkṛtavārīśaṃ maśakīkṛtarākṣasam || 17||

पुच्छवन्तं कपीशं तं महारुद्रं भयङ्करम् ।ज्ञानमुद्रालसद्बाहुं सर्वालङ्कारभूषितम् ॥ १८॥

pucchavantaṃ kapīśaṃ taṃ mahārudraṃ bhayaṅkaram |jñānamudrālasadbāhuṃ sarvālaṅkārabhūṣitam || 18||

ध्यानस्य धारणादेव विघ्नान्मुक्तः सदा नरः ।त्रिषु लोकेषु विख्यातः सर्वत्र विजयी भवेत् ॥ १९॥

dhyānasya dhāraṇādeva vighnānmuktaḥ sadā naraḥ |triṣu lokeṣu vikhyātaḥ sarvatra vijayī bhavet || 19||

नाम्नां तस्य सहस्रं तु कथयिष्यामि ते शृणु ।यस्य स्मरणमात्रेण वादी मूको भवेद्ध्रुवम् ॥ २०॥

nāmnāṃ tasya sahasraṃ tu kathayiṣyāmi te śṛṇu |yasya smaraṇamātreṇa vādī mūko bhaveddhruvam || 20||

स्तम्भनं परसैन्यानां मारणाय च वैरिणाम् ।दारयेच्छाकिनीः शीघ्रं डाकिनीभूतप्रेतकान् ॥ २१॥

stambhanaṃ parasainyānāṃ māraṇāya ca vairiṇām |dārayecchākinīḥ śīghraṃ ḍākinībhūtapretakān || 21||

हरणं रोगशत्रूणां कारणं सर्वकर्मणाम् ।तारणं सर्वविघ्नानां मोहनं सर्वयोषिताम् ॥ २२॥

haraṇaṃ rogaśatrūṇāṃ kāraṇaṃ sarvakarmaṇām |tāraṇaṃ sarvavighnānāṃ mohanaṃ sarvayoṣitām || 22||

धारणं सर्वयोगानां वारणं शीघ्रमापदाम् ॥ २३॥

dhāraṇaṃ sarvayogānāṃ vāraṇaṃ śīghramāpadām || 23||

ॐ अस्य श्रीहनुमतः सहस्रनामस्तोत्रमन्त्रस्य सदाशिव ऋषिः ।अनुष्टुप् छन्दः । श्रीहनुमान् देवता । ॐ क्लीं इति बीजम् ।नम इति कीलकम् । स्वाहेति शक्तिः ।समस्तपुरुषार्थसिद्ध्यर्थे जपे विनियोगः ।ॐओङ्कारनमोरूपमोंनमोरूपपालकः ।ओङ्कारमयोङ्कारकृदोङ्कारात्मा सनातनः ॥ २४॥

oṃ asya śrīhanumataḥ sahasranāmastotramantrasya sadāśiva ṛṣiḥ |anuṣṭup chandaḥ | śrīhanumān devatā | oṃ klīṃ iti bījam |nama iti kīlakam | svāheti śaktiḥ |samastapuruṣārthasiddhyarthe jape viniyogaḥ |oṃoṅkāranamorūpamoṃnamorūpapālakaḥ |oṅkāramayoṅkārakṛdoṅkārātmā sanātanaḥ || 24||

ब्रह्मब्रह्ममयो ब्रह्मज्ञानी ब्रह्मस्वरूपवित् ।कपीशः कपिनाथश्च कपिनाथसुपालकः ॥ २५॥

brahmabrahmamayo brahmajñānī brahmasvarūpavit |kapīśaḥ kapināthaśca kapināthasupālakaḥ || 25||

कपिनाथप्रियः कालः कपिनाथस्य घातकः ।कपिनाथशोकहर्ता कपिभर्ता कपीश्वरः ॥ २६॥

kapināthapriyaḥ kālaḥ kapināthasya ghātakaḥ |kapināthaśokahartā kapibhartā kapīśvaraḥ || 26||

कपिजीवनदाता च कपिमूर्तिः कपिर्भृतः ।कालात्मा कालरूपी च कालकालस्तु कालभुक् ॥ २७॥

kapijīvanadātā ca kapimūrtiḥ kapirbhṛtaḥ |kālātmā kālarūpī ca kālakālastu kālabhuk || 27||

कालज्ञानी कालकर्ता कालहानिः कलानिधिः ।कलानिधिप्रियः कर्ता कलानिधिसमप्रभः ॥ २८॥

kālajñānī kālakartā kālahāniḥ kalānidhiḥ |kalānidhipriyaḥ kartā kalānidhisamaprabhaḥ || 28||

कलापी च कलापाता कीशत्राता किशां पतिः ।कमलापतिप्रियः काकस्वरघ्नः कुलपालकः ॥ २९॥

kalāpī ca kalāpātā kīśatrātā kiśāṃ patiḥ |kamalāpatipriyaḥ kākasvaraghnaḥ kulapālakaḥ || 29||

कुलभर्ता कुलत्राता कुलाचारपरायणः ।काश्यपाह्लादकः काकध्वंसी कर्मकृतां पतिः ॥ ३०॥

kulabhartā kulatrātā kulācāraparāyaṇaḥ |kāśyapāhlādakaḥ kākadhvaṃsī karmakṛtāṃ patiḥ || 30||

कृष्णः कृष्णस्तुतिः कृष्णकृष्णरूपो महात्मवान् ।कृष्णवेत्ता कृष्णभर्ता कपीशः क्रोधवान् कपिः ॥ ३१॥

kṛṣṇaḥ kṛṣṇastutiḥ kṛṣṇakṛṣṇarūpo mahātmavān |kṛṣṇavettā kṛṣṇabhartā kapīśaḥ krodhavān kapiḥ || 31||

कालरात्रिः कुबेरश्च कुबेरवनपालकः ।कुबेरधनदाता च कौसल्यानन्दजीवनः ॥ ३२॥

kālarātriḥ kuberaśca kuberavanapālakaḥ |kuberadhanadātā ca kausalyānandajīvanaḥ || 32||

कोसलेशप्रियः केतुः कपाली कामपालकः ।कारुण्यः करुणारूपः करुणानिधिविग्रहः ॥ ३३॥

kosaleśapriyaḥ ketuḥ kapālī kāmapālakaḥ |kāruṇyaḥ karuṇārūpaḥ karuṇānidhivigrahaḥ || 33||

कारुण्यकर्ता दाता च कपिः साध्यः कृतान्तकः ।कूर्मः कूर्मपतिः कूर्मभर्ता कूर्मस्य प्रेमवान् ॥ ३४॥

kāruṇyakartā dātā ca kapiḥ sādhyaḥ kṛtāntakaḥ |kūrmaḥ kūrmapatiḥ kūrmabhartā kūrmasya premavān || 34||

कुक्कुटः कुक्कुटाह्वानः कुञ्जरः कमलाननः ।कुञ्जरः कलभः केकिनादजित्कल्पजीवनः ॥ ३५॥

kukkuṭaḥ kukkuṭāhvānaḥ kuñjaraḥ kamalānanaḥ |kuñjaraḥ kalabhaḥ kekinādajitkalpajīvanaḥ || 35||

कल्पान्तवासी कल्पान्तदाता कल्पविबोधकः ।कलभः कलहस्तश्च कम्पः कम्पपतिस्तथा ॥ ३६॥

kalpāntavāsī kalpāntadātā kalpavibodhakaḥ |kalabhaḥ kalahastaśca kampaḥ kampapatistathā || 36||

कर्मफलप्रदः कर्मा कमनीयः कलापवान् ।कमलासनबन्धश्चकम्पःकमलासनपूजकः ॥ ३७॥

karmaphalapradaḥ karmā kamanīyaḥ kalāpavān |kamalāsanabandhaścakampaḥkamalāsanapūjakaḥ || 37||

कमलासनसेवी च कमलासनमानितः ।कमलासनप्रियः कम्बुः कम्बुकण्ठोऽपि कामधुक् ॥ ३८॥

kamalāsanasevī ca kamalāsanamānitaḥ |kamalāsanapriyaḥ kambuḥ kambukaṇṭho'pi kāmadhuk || 38||

किञ्जल्करूपी किञ्जल्कः किञ्जल्कावनिवासकः ।खगनाथप्रियः खड्गी खगनाथप्रहारकः ॥ ३९॥

kiñjalkarūpī kiñjalkaḥ kiñjalkāvanivāsakaḥ |khaganāthapriyaḥ khaḍgī khaganāthaprahārakaḥ || 39||

खगनाथसुपूज्यश्च खगनाथप्रबोधकः ।खगनाथवरेण्यश्च खरध्वंसी खरान्तकः ॥ ४०॥

khaganāthasupūjyaśca khaganāthaprabodhakaḥ |khaganāthavareṇyaśca kharadhvaṃsī kharāntakaḥ || 40||

खरारिप्रियबन्धुश्च खरारिजीवनः सदा ।खड्गहस्तः खड्गधनः खड्गहानी च खड्गपः ॥ ४१॥

kharāripriyabandhuśca kharārijīvanaḥ sadā |khaḍgahastaḥ khaḍgadhanaḥ khaḍgahānī ca khaḍgapaḥ || 41||

खञ्जरीटप्रियः खञ्जः खेचरात्मा खरारिजित् ॥ ४२॥

khañjarīṭapriyaḥ khañjaḥ khecarātmā kharārijit || 42||

खञ्जरीटपतिः पूज्यः खञ्जरीटपचञ्चलः ।खद्योतबन्धुः खद्योतः खद्योतनप्रियः सदा ॥ ४३॥

khañjarīṭapatiḥ pūjyaḥ khañjarīṭapacañcalaḥ |khadyotabandhuḥ khadyotaḥ khadyotanapriyaḥ sadā || 43||

गरुत्मान् गरुडो गोप्यो गरुत्मद्दर्पहारकः ।गर्विष्ठो गर्वहर्ता च गर्वहा गर्वनाशकः ॥ ४४॥

garutmān garuḍo gopyo garutmaddarpahārakaḥ |garviṣṭho garvahartā ca garvahā garvanāśakaḥ || 44||

गर्वो गुणप्रियो गाणो गुणसेवी गुणान्वितः ।गुणत्राता गुणरतो गुणवन्तप्रियो गुणी ॥ ४५॥

garvo guṇapriyo gāṇo guṇasevī guṇānvitaḥ |guṇatrātā guṇarato guṇavantapriyo guṇī || 45||

गणेशो गणपाती च गणरूपो गणप्रियः ।गम्भीरोऽथ गुणाकारो गरिमा गरिमप्रदः ॥ ४६॥

gaṇeśo gaṇapātī ca gaṇarūpo gaṇapriyaḥ |gambhīro'tha guṇākāro garimā garimapradaḥ || 46||

गणरक्षो गणहरो गणदो गणसेवितः ।गवांशो गवयत्राता गर्जितश्च गणाधिपः ॥ ४७॥

gaṇarakṣo gaṇaharo gaṇado gaṇasevitaḥ |gavāṃśo gavayatrātā garjitaśca gaṇādhipaḥ || 47||

गन्धमादनहर्ता च गन्धमादनपूजकः ।गन्धमादनसेवी च गन्धमादनरूपधृक् ॥ ४८॥

gandhamādanahartā ca gandhamādanapūjakaḥ |gandhamādanasevī ca gandhamādanarūpadhṛk || 48||

गुरुर्गुरुप्रियो गौरो गुरुसेव्यो गुरून्नतः ।गुरुगीतापरो गीतो गीतविद्यागुरुर्गुरुः ॥ ४९॥

gururgurupriyo gauro gurusevyo gurūnnataḥ |gurugītāparo gīto gītavidyāgururguruḥ || 49||

गीताप्रियो गीतरातो गीतज्ञो गीतवानपि ।गायत्र्या जापको गोष्ठो गोष्ठदेवोऽथ गोष्ठपः ॥ ५०॥

gītāpriyo gītarāto gītajño gītavānapi |gāyatryā jāpako goṣṭho goṣṭhadevo'tha goṣṭhapaḥ || 50||