हनुमत्पञ्जरस्तोत्रम् Hanumat Panjara Stotram

श्रीपराशरसंहितान्तर्गते चतुस्सप्ततितमः पटलःहनुमत्पञ्जरकथनंपराशरःपञ्जरन्तु प्रवक्ष्यामि शृणु मैत्रेय ! आदरात् ॥ १॥

śrīparāśarasaṃhitāntargate catussaptatitamaḥ paṭalaḥhanumatpañjarakathanaṃparāśaraḥpañjarantu pravakṣyāmi śṛṇu maitreya ! ādarāt || 1||

अस्य पञ्जरस्य ऋषिः श्रीरामचन्द्र भगवानिति चछन्दोऽनुष्टुप् । श्रीपञ्चवक्त्रहनुमान देवतेति च । ह्रां बीजम् ।स्वाहा शक्तिः । प्रणवो कीलकं स्मृतः । मन्त्रोक्तदेवताप्रसादसिध्यर्थे विनियोगः ।दीर्घयामाययायुक्तैः षडङ्गैः परिकीर्तितः ।रामदूत, वानरमुख, वायुनन्दन तथा नृसिंहमुखपूर्वकंअञ्जनासूनुः परञ्च । गरुडमुख च तथा हरिमर्कट पदं परम् ।क्रोडमुखं पदञ्चान्तं रामकार्यधुरन्धरः ।ततो अश्वमुखञ्चान्तम् । सर्वराक्षसनाशनः ।सर्वेमुखशब्दान्ताः सर्वं चतुर्घ्यं तं गताः ।षडङ्गे कराङ्गादयो ह्रां षट्कादिभिस्संयुतम् । न्यसेत्सर्व मनन्यधीः ।ततो ध्यानं पठित्वातु पूर्वोक्तमार्गतो वापि पञ्जरमारभेत्ततः ॥ २॥

asya pañjarasya ṛṣiḥ śrīrāmacandra bhagavāniti cachando'nuṣṭup | śrīpañcavaktrahanumāna devateti ca | hrāṃ bījam |svāhā śaktiḥ | praṇavo kīlakaṃ smṛtaḥ | mantroktadevatāprasādasidhyarthe viniyogaḥ |dīrghayāmāyayāyuktaiḥ ṣaḍaṅgaiḥ parikīrtitaḥ |rāmadūta, vānaramukha, vāyunandana tathā nṛsiṃhamukhapūrvakaṃañjanāsūnuḥ parañca | garuḍamukha ca tathā harimarkaṭa padaṃ param |kroḍamukhaṃ padañcāntaṃ rāmakāryadhurandharaḥ |tato aśvamukhañcāntam | sarvarākṣasanāśanaḥ |sarvemukhaśabdāntāḥ sarvaṃ caturghyaṃ taṃ gatāḥ |ṣaḍaṅge karāṅgādayo hrāṃ ṣaṭkādibhissaṃyutam | nyasetsarva mananyadhīḥ |tato dhyānaṃ paṭhitvātu pūrvoktamārgato vāpi pañjaramārabhettataḥ || 2||

आदौ प्रणवमुच्चार्यं वन्दे हरिपदं ततः ।उच्चार्य मर्कटपदं मर्कटायेति चोच्चरेत् ॥ ३॥

ādau praṇavamuccāryaṃ vande haripadaṃ tataḥ |uccārya markaṭapadaṃ markaṭāyeti coccaret || 3||

अग्निजायां समुच्चार्य द्वादशार्णो महामनुः ॥ ४॥

agnijāyāṃ samuccārya dvādaśārṇo mahāmanuḥ || 4||

शिरः पातु मम सदा सर्वसौख्यप्रदायकः ॥ ५॥

śiraḥ pātu mama sadā sarvasaukhyapradāyakaḥ || 5||

आदौ प्रणवमुच्चार्य कपिबीजं ततोच्चरेत् ।नृसिंहबीजमुच्चार्य गारुडञ्च समुच्चरेत् ॥ ६॥

ādau praṇavamuccārya kapibījaṃ tatoccaret |nṛsiṃhabījamuccārya gāruḍañca samuccaret || 6||

वराहबीजमुच्चार्य हयग्रीवं ततोच्चरेन् ।नमः पदं ततोच्चार्य स पञ्चास्य महाकपेः ।चतुर्दशार्णमन्त्रोऽयं मुखं पायात्सदा मम ॥ ७॥

varāhabījamuccārya hayagrīvaṃ tatoccaren |namaḥ padaṃ tatoccārya sa pañcāsya mahākapeḥ |caturdaśārṇamantro'yaṃ mukhaṃ pāyātsadā mama || 7||

आदौ प्रणवमुच्चार्य नमो भगवते पदं ।पञ्चवदनाय चोच्चार्य पूर्वमुखेति चोच्चरेत् ॥ ८॥

ādau praṇavamuccārya namo bhagavate padaṃ |pañcavadanāya coccārya pūrvamukheti coccaret || 8||

वानरं बीजमुच्चार्य कपिमुखाय चोच्चरेत् ।सर्वशत्रुहरायेति महाबलाय चोच्चरेत् ॥ ९॥

vānaraṃ bījamuccārya kapimukhāya coccaret |sarvaśatruharāyeti mahābalāya coccaret || 9||

अग्निजायां ततोच्चार्य सप्तत्रिंशाक्षराभिधः ।कण्ठं मम सदा पातु सर्वशत्रुविनाशकः ॥ १०॥

agnijāyāṃ tatoccārya saptatriṃśākṣarābhidhaḥ |kaṇṭhaṃ mama sadā pātu sarvaśatruvināśakaḥ || 10||

उच्चार्यं प्रणवं चादौ नमो भगवतेतिच ।नारसिंह महाबीज करालपदमुच्चरेत् ॥ ११॥

uccāryaṃ praṇavaṃ cādau namo bhagavatetica |nārasiṃha mahābīja karālapadamuccaret || 11||

नृसिंहाय पदं चोक्त्या सकलभूतप्रेतच ।पिशाच्चब्रह्मराक्षस प्रमथनाय पदं वदेत् ॥ १२॥

nṛsiṃhāya padaṃ coktyā sakalabhūtapretaca |piśāccabrahmarākṣasa pramathanāya padaṃ vadet || 12||

अग्निजायां ततोच्चार्य वसु वेदार्णको मनुः ।हृदयं मे सदा पातु सर्वशत्रुविनाशकः ॥ १३॥

agnijāyāṃ tatoccārya vasu vedārṇako manuḥ |hṛdayaṃ me sadā pātu sarvaśatruvināśakaḥ || 13||

ॐ नमो भगवतेति पञ्चवदनाय ततः ।पश्चिममुखेति चोच्चार्य गारुडं बीजमुच्चरेत् ॥ १४॥

oṃ namo bhagavateti pañcavadanāya tataḥ |paścimamukheti coccārya gāruḍaṃ bījamuccaret || 14||

वीरगरुडाय महाबलायेति पदं ततः ।सर्वनाग प्रमथना यान्ते सकलविषेति ॥ १५॥

vīragaruḍāya mahābalāyeti padaṃ tataḥ |sarvanāga pramathanā yānte sakalaviṣeti || 15||

हराय स्वाहा त्वं ततः वेदाभ्यक्षरसंयुतः ।हनुमन्ममोदरं पातु सर्वरोगनिबर्हणः ॥ १६॥

harāya svāhā tvaṃ tataḥ vedābhyakṣarasaṃyutaḥ |hanumanmamodaraṃ pātu sarvaroganibarhaṇaḥ || 16||

ॐ नमो भगवतेति पञ्चवदनाय ततः ।उत्तरमुखे चोज्चार्यं क्रोडवाग्बीजमुच्चरेत् ॥ १७॥

oṃ namo bhagavateti pañcavadanāya tataḥ |uttaramukhe cojcāryaṃ kroḍavāgbījamuccaret || 17||

आदिवाराह सर्वसम्पत्प्रदाय निधि भूमिच ।प्रदाय पश्चाज्ज्वरेति रोग निकृन्तन स्वाहा ॥ १८॥

ādivārāha sarvasampatpradāya nidhi bhūmica |pradāya paścājjvareti roga nikṛntana svāhā || 18||

नाभिं पातु मम सदा सुखसौभाग्य हेतुकः ।नेत्र बाणार्णको मनोः पश्चात्प्रणवमुच्चरेत् ॥ १९॥

nābhiṃ pātu mama sadā sukhasaubhāgya hetukaḥ |netra bāṇārṇako manoḥ paścātpraṇavamuccaret || 19||

ॐ नमो भगवते पञ्चवदनाय पदं ततः ।ऊर्ध्वमुखेत्यन्ते हयबीजं ततः परम् ॥ २०॥

oṃ namo bhagavate pañcavadanāya padaṃ tataḥ |ūrdhvamukhetyante hayabījaṃ tataḥ param || 20||

हयग्रीवाय सकलप्रदाय सकलेतिच ।जनवशीकरणाय सकल दानवान्तकाय ॥ २१॥

hayagrīvāya sakalapradāya sakaletica |janavaśīkaraṇāya sakala dānavāntakāya || 21||

पश्चात्प्राज्ञाय स्वाहेति षट्पञ्चाशद्वर्णको मनुः ।मम जानुद्वयं पातु सर्व राक्षसनाशकः ॥ २२॥

paścātprājñāya svāheti ṣaṭpañcāśadvarṇako manuḥ |mama jānudvayaṃ pātu sarva rākṣasanāśakaḥ || 22||

ॐ च ह्रीमित्ययं चोक्त्वा नमो भगवते ततः ।ब्रह्मास्त्रसंहारकाय राक्षसकुलनाशयेति ॥ २३॥

oṃ ca hrīmityayaṃ coktvā namo bhagavate tataḥ |brahmāstrasaṃhārakāya rākṣasakulanāśayeti || 23||

पताक हनुमतेति मायाबीजत्रयं ततः ।क्रोडास्त्र वह्निजायां तं मनुः पादद्वयं मम ॥ २४॥

patāka hanumateti māyābījatrayaṃ tataḥ |kroḍāstra vahnijāyāṃ taṃ manuḥ pādadvayaṃ mama || 24||

ह्रां नमः पञ्चवक्त्राय नाभिदेशं सदा मम ।ह्रीं नमः पञ्चवक्त्राय पातु जङ्घद्वयं मम ।ह्रूं नमः पञ्चवक्त्राय पातु जानुद्वयं मम ।ह्रैं नमः पञ्चवक्त्राय पादद्वन्द्वं सदावतु ।ह्रौं नमः पञ्चवक्त्राय कटिदेशं सदावतु ।ह्रः नमः पञ्चवक्त्राय चोदरं पातु सर्वदा ।ऐं नमः पञ्चवक्त्राय हृदयं पातु सर्वदा ।क्लां नमः पञ्चवक्त्राय बाहुयुग्मं सदावतु ।क्लीं नमः पञ्चवक्त्राय करयुग्मं सदा मम ।क्लूं नमः पञ्चवक्त्राय कण्ठदेशं सदावतु ।क्लैं नमः पञ्चवक्त्राय चुबुकं मे सदावतु ।क्लौं नमः पञ्चवक्त्राय पातु चोष्ठद्वयं मम ।क्लः नमः पञ्चवक्त्राय नेत्रयुग्मं सदावतु ।रां नमः पञ्चवक्त्राय शोत्रयुग्मं सदावतु ।रीं नमः पञ्चवक्त्राय फालं पातु महाबलः ।रूं नमः पञ्चवक्त्राय शिरः पायात्सदा मम ।रैं नमः पञ्चवक्त्राय शिखां मम सदावतु ।रौं नमः पञ्चवक्त्राय मूर्धानं पातु सर्वदा ।रः नमः पञ्चवक्त्राय मुखं पातु सदा मम ।क्ष्रां नमः पञ्चवक्त्राय श्रोत्रयुग्मं सदावतु ।क्ष्रीं नमः पञ्चवक्त्राय नेत्रयुग्मं सदा मम ।क्ष्रूं नमः पञ्चवक्त्राय पातु चोष्ठद्वयं मम ।क्ष्रैं नमः पञ्चवक्त्राय भॄयुग्मं पातु सर्वदा ।क्ष्रौं नमः पञ्चवक्त्राय नासिकां पातु सर्वदा ।क्षः नमः पञ्चवक्त्राय कण्ठं पातु कपीश्वरः ।ग्लां नमः पञ्चवक्त्राय पातु वक्षस्थलं मम ।ग्लीं नमः पञ्चवक्त्राय बाहुयुग्मं सदा मम ।ग्लूं नमः पञ्चवक्त्राय करयुग्मं सदावतु ।ग्लैं नमः पञ्चवक्त्राय मम पातु वलित्रय ।ग्लौं नमः पञ्चवक्त्राय चोरदं पातु सर्वदा ।ग्लः नमः पञ्चवक्त्राय नाभिं पातु सदा मम ।आं नमः पञ्चवक्त्राय वानराय कटिं मम ।ईं नमः पञ्चवक्त्राय ऊरुयुग्मं सदावतु ।ऊं नमः पञ्चवक्त्राय जानुद्वन्द्वं सदा मम ।ऐं नमः पञ्चवक्त्राय गुल्फद्वन्द्वं सदावतु ।औं नमः पञ्चवक्त्राय पादद्वन्द्वं सदावतु ।अः नमः पञ्चवक्त्राय सर्वाङ्गानि सदावतु ॥ २५॥

hrāṃ namaḥ pañcavaktrāya nābhideśaṃ sadā mama |hrīṃ namaḥ pañcavaktrāya pātu jaṅghadvayaṃ mama |hrūṃ namaḥ pañcavaktrāya pātu jānudvayaṃ mama |hraiṃ namaḥ pañcavaktrāya pādadvandvaṃ sadāvatu |hrauṃ namaḥ pañcavaktrāya kaṭideśaṃ sadāvatu |hraḥ namaḥ pañcavaktrāya codaraṃ pātu sarvadā |aiṃ namaḥ pañcavaktrāya hṛdayaṃ pātu sarvadā |klāṃ namaḥ pañcavaktrāya bāhuyugmaṃ sadāvatu |klīṃ namaḥ pañcavaktrāya karayugmaṃ sadā mama |klūṃ namaḥ pañcavaktrāya kaṇṭhadeśaṃ sadāvatu |klaiṃ namaḥ pañcavaktrāya cubukaṃ me sadāvatu |klauṃ namaḥ pañcavaktrāya pātu coṣṭhadvayaṃ mama |klaḥ namaḥ pañcavaktrāya netrayugmaṃ sadāvatu |rāṃ namaḥ pañcavaktrāya śotrayugmaṃ sadāvatu |rīṃ namaḥ pañcavaktrāya phālaṃ pātu mahābalaḥ |rūṃ namaḥ pañcavaktrāya śiraḥ pāyātsadā mama |raiṃ namaḥ pañcavaktrāya śikhāṃ mama sadāvatu |rauṃ namaḥ pañcavaktrāya mūrdhānaṃ pātu sarvadā |raḥ namaḥ pañcavaktrāya mukhaṃ pātu sadā mama |kṣrāṃ namaḥ pañcavaktrāya śrotrayugmaṃ sadāvatu |kṣrīṃ namaḥ pañcavaktrāya netrayugmaṃ sadā mama |kṣrūṃ namaḥ pañcavaktrāya pātu coṣṭhadvayaṃ mama |kṣraiṃ namaḥ pañcavaktrāya bhṝyugmaṃ pātu sarvadā |kṣrauṃ namaḥ pañcavaktrāya nāsikāṃ pātu sarvadā |kṣaḥ namaḥ pañcavaktrāya kaṇṭhaṃ pātu kapīśvaraḥ |glāṃ namaḥ pañcavaktrāya pātu vakṣasthalaṃ mama |glīṃ namaḥ pañcavaktrāya bāhuyugmaṃ sadā mama |glūṃ namaḥ pañcavaktrāya karayugmaṃ sadāvatu |glaiṃ namaḥ pañcavaktrāya mama pātu valitraya |glauṃ namaḥ pañcavaktrāya coradaṃ pātu sarvadā |glaḥ namaḥ pañcavaktrāya nābhiṃ pātu sadā mama |āṃ namaḥ pañcavaktrāya vānarāya kaṭiṃ mama |īṃ namaḥ pañcavaktrāya ūruyugmaṃ sadāvatu |ūṃ namaḥ pañcavaktrāya jānudvandvaṃ sadā mama |aiṃ namaḥ pañcavaktrāya gulphadvandvaṃ sadāvatu |auṃ namaḥ pañcavaktrāya pādadvandvaṃ sadāvatu |aḥ namaḥ pañcavaktrāya sarvāṅgāni sadāvatu || 25||

वानरः पूर्वतः पातु दक्षिणे नरकेसरिः ।प्रतीच्यां पातु गरुड उत्तरे पातु सूकरः ।ऊर्ध्वं हयाननः पातु सर्वतः पातु मृत्युहा ॥ २६॥

vānaraḥ pūrvataḥ pātu dakṣiṇe narakesariḥ |pratīcyāṃ pātu garuḍa uttare pātu sūkaraḥ |ūrdhvaṃ hayānanaḥ pātu sarvataḥ pātu mṛtyuhā || 26||

वानरः पूर्वतः पातु आग्नेय्यां वायुनन्दनः ।दक्षिणे पातु हनुमान् निरृते केसरीप्रियः ॥ २७॥

vānaraḥ pūrvataḥ pātu āgneyyāṃ vāyunandanaḥ |dakṣiṇe pātu hanumān nirṛte kesarīpriyaḥ || 27||

प्रतीच्यां पातु दैत्यारिः वायव्यां पातु मङ्गलः ।उत्तरे रामदासस्तु निम्नं युद्धविशारदः ॥ २८॥

pratīcyāṃ pātu daityāriḥ vāyavyāṃ pātu maṅgalaḥ |uttare rāmadāsastu nimnaṃ yuddhaviśāradaḥ || 28||

ऊर्ध्वे रामसखः पातु पाताले च कपीश्वरः ।सर्वतः पातु पञ्चास्यः सर्वरोगविकृन्तनः ॥ २९॥

ūrdhve rāmasakhaḥ pātu pātāle ca kapīśvaraḥ |sarvataḥ pātu pañcāsyaḥ sarvarogavikṛntanaḥ || 29||

हनुमान पूर्वतः पातु दक्षिणे पवनात्मजः ।पातु प्रतीचि मक्षघ्नो उदीच्यां सागरतारकः ॥ ३०॥

hanumāna pūrvataḥ pātu dakṣiṇe pavanātmajaḥ |pātu pratīci makṣaghno udīcyāṃ sāgaratārakaḥ || 30||

ऊर्ध्वं केसरीनन्दनः पात्वधस्ताद्विष्णुभक्तः ।पातु मध्यप्रदेशेतु सर्वलङ्का विदाहकः ॥ ३१॥

ūrdhvaṃ kesarīnandanaḥ pātvadhastādviṣṇubhaktaḥ |pātu madhyapradeśetu sarvalaṅkā vidāhakaḥ || 31||

एवं सर्वतो मां पातु पञ्चवक्त्रः सदा कपिः ॥ ३२॥

evaṃ sarvato māṃ pātu pañcavaktraḥ sadā kapiḥ || 32||

सुग्रीवसचिवः पातु मस्तकं मम सर्वदा ।वायुनन्दनः फालं मे महावीरः भ्रूमध्यमम् ॥ ३३॥

sugrīvasacivaḥ pātu mastakaṃ mama sarvadā |vāyunandanaḥ phālaṃ me mahāvīraḥ bhrūmadhyamam || 33||

नेत्रे छायापहारीच पातु श्रोत्रे प्लवङ्गमः ।कपोलौ कर्णमूलेच पातु श्रीरामकिङ्करः ॥ ३४॥

netre chāyāpahārīca pātu śrotre plavaṅgamaḥ |kapolau karṇamūleca pātu śrīrāmakiṅkaraḥ || 34||

नासाग्रमञ्जनासूनुः पातु वक्त्रः हरीश्वरः ।पातु कण्ठच दैत्यारिः स्कन्धौ पातुसुरार्चितः ॥ ३५॥

nāsāgramañjanāsūnuḥ pātu vaktraḥ harīśvaraḥ |pātu kaṇṭhaca daityāriḥ skandhau pātusurārcitaḥ || 35||

जानौ पातु महातेजः कूर्परौ चरणायुधः ।नखान् नखायुधः पातु कक्षं पातु कपीश्वरः ॥ ३६॥

jānau pātu mahātejaḥ kūrparau caraṇāyudhaḥ |nakhān nakhāyudhaḥ pātu kakṣaṃ pātu kapīśvaraḥ || 36||

सीताशोकापहारीतु स्तनौ पातु निरन्तरम् ।लक्ष्मणप्राणदाताऽसौ कुक्षि पात्वनिशं मम ॥ ३७॥

sītāśokāpahārītu stanau pātu nirantaram |lakṣmaṇaprāṇadātā'sau kukṣi pātvaniśaṃ mama || 37||

वक्षौ मुद्रापहारीच पातु भुजायुधः ।लखिणीभञ्जनः पातु पृष्ठदेशे निरन्तरम् ॥ ३८॥

vakṣau mudrāpahārīca pātu bhujāyudhaḥ |lakhiṇībhañjanaḥ pātu pṛṣṭhadeśe nirantaram || 38||

नाभिञ्च रामदासस्तु कटिं पात्वनिलात्मजः ।गुह्यं पातु महाप्राज्ञः सन्धौ पातु शिवप्रियः ॥ ३९॥

nābhiñca rāmadāsastu kaṭiṃ pātvanilātmajaḥ |guhyaṃ pātu mahāprājñaḥ sandhau pātu śivapriyaḥ || 39||

ऊरूच जानुनी पातु लङ्काप्रासादभञ्जनः ।जङ्घौ पातु कपिश्रेष्ठः गुल्फो पातु महाबलः ॥ ४०॥

ūrūca jānunī pātu laṅkāprāsādabhañjanaḥ |jaṅghau pātu kapiśreṣṭhaḥ gulpho pātu mahābalaḥ || 40||

अचलोद्धारकः पातु पादौ भास्करसन्निभः ।अङ्गान्यमितसत्वाढ्यः पातु पादाङ्गुलिस्सदा ॥ ४१॥

acaloddhārakaḥ pātu pādau bhāskarasannibhaḥ |aṅgānyamitasatvāḍhyaḥ pātu pādāṅgulissadā || 41||

सर्वाङ्गानि महाशूरः पातु मां रोमवान् सदा ।भार्यां पातु महातेजः पुत्रान् पातु नखायुधः ॥ ४२॥

sarvāṅgāni mahāśūraḥ pātu māṃ romavān sadā |bhāryāṃ pātu mahātejaḥ putrān pātu nakhāyudhaḥ || 42||

पशून् पञ्चाननः पातु क्षेत्रं पातु कपीश्वरः ।बन्धून् पातु रघुश्रेष्ठः दासः पवनसम्भवः ॥ ४३॥

paśūn pañcānanaḥ pātu kṣetraṃ pātu kapīśvaraḥ |bandhūn pātu raghuśreṣṭhaḥ dāsaḥ pavanasambhavaḥ || 43||

सीता शोकापहारी सः गृहान् मम सदावतु ॥ ४४॥

sītā śokāpahārī saḥ gṛhān mama sadāvatu || 44||

हनूमत्पञ्जरं यस्तु पठेद्विद्वान् विचक्षणः ।स एष पुरुषश्रेष्ठो भक्ति मुक्तिञ्च विन्दति ॥ ४५॥

hanūmatpañjaraṃ yastu paṭhedvidvān vicakṣaṇaḥ |sa eṣa puruṣaśreṣṭho bhakti muktiñca vindati || 45||

कालत्रयेऽप्येककाले पठेन्मासत्रयं नरः ।सर्वशत्रून् क्षणे जित्वा स्वयञ्च विजयी भवेत् ॥ ४६॥

kālatraye'pyekakāle paṭhenmāsatrayaṃ naraḥ |sarvaśatrūn kṣaṇe jitvā svayañca vijayī bhavet || 46||

अर्धरात्रौ जले स्थित्वा सप्तवारं पठेद्यदि ।क्षयापस्मारकुष्ठादि तापज्वरनिवारणम् ॥ ४७॥

ardharātrau jale sthitvā saptavāraṃ paṭhedyadi |kṣayāpasmārakuṣṭhādi tāpajvaranivāraṇam || 47||

अर्कवारेऽश्वत्थमूले स्थित्वा पठति यः पुमान् ।स पुमान् श्रियमाप्नोति सङ्ग्रामे विजयी भवेत् ॥ ४८॥

arkavāre'śvatthamūle sthitvā paṭhati yaḥ pumān |sa pumān śriyamāpnoti saṅgrāme vijayī bhavet || 48||

अनेन मन्त्रितं चापि यः पिबेत् रोगपीडितः ।स नरो रोगनिर्मुक्तः सुखी भवति निश्चयः ॥ ४९॥

anena mantritaṃ cāpi yaḥ pibet rogapīḍitaḥ |sa naro roganirmuktaḥ sukhī bhavati niścayaḥ || 49||

यो नित्यं ध्यायेद्यस्तु सर्वमन्त्रविनिर्मितम् ।तं दृष्ट्वा देवतास्सर्वे नमस्यन्ति कपीश्वरम् ॥ ५०॥

yo nityaṃ dhyāyedyastu sarvamantravinirmitam |taṃ dṛṣṭvā devatāssarve namasyanti kapīśvaram || 50||

राक्षसास्तु पलायन्ते भूता धावन्ति सर्वतः ॥ ५१॥

rākṣasāstu palāyante bhūtā dhāvanti sarvataḥ || 51||

इदं पञ्जरमज्ञात्वा यो जपन्मन्त्रनायकम् ।न शीघ्रं फलमाप्नोति सत्यं सत्यं मयोदितम् ॥ ५२॥

idaṃ pañjaramajñātvā yo japanmantranāyakam |na śīghraṃ phalamāpnoti satyaṃ satyaṃ mayoditam || 52||

त्रिकालमेककालं वा पञ्जरं धारयेच्छुभम् ।पञ्जरं विधिवज्जप्त्वा स्तोत्रैः वेदान्तसम्मितैः ।तोषयेदञ्जनासूनुं सर्वराक्षसमर्दनम् ॥ ५३॥

trikālamekakālaṃ vā pañjaraṃ dhārayecchubham |pañjaraṃ vidhivajjaptvā stotraiḥ vedāntasammitaiḥ |toṣayedañjanāsūnuṃ sarvarākṣasamardanam || 53||

इतीदं पञ्जरं यस्तु पञ्चवक्त्रहनूमतः ।धारयेत् श्रावयेद्वापि कृतकृत्यो भवेन्नरः ॥ ५४॥

itīdaṃ pañjaraṃ yastu pañcavaktrahanūmataḥ |dhārayet śrāvayedvāpi kṛtakṛtyo bhavennaraḥ || 54||

इति श्रीपराशरसंहितायां श्रीपराशरमैत्रेयसंवादेश्रीपञ्चमुखहनुमत्पञ्जरं नाम चतुस्सप्ततितमः पटलः ।

iti śrīparāśarasaṃhitāyāṃ śrīparāśaramaitreyasaṃvādeśrīpañcamukhahanumatpañjaraṃ nāma catussaptatitamaḥ paṭalaḥ |