शचीनन्दनविजयाष्टकम् Shri Shachinandanavijayashtakam

गदाधर यदा परः स किल कश्चनालोकितोमया श्रितगयाध्वना मधुरमूर्तिरेकस्तदा ।नवाम्बुद इव ब्रुवन् धृतनवाम्बुदो नेत्रयोर्लुठन् भुवि निरुद्धवाग्विजयते शचीनन्दनः ॥ १॥

gadādhara yadā paraḥ sa kila kaścanālokitomayā śritagayādhvanā madhuramūrtirekastadā |navāmbuda iva bruvan dhṛtanavāmbudo netrayorluṭhan bhuvi niruddhavāgvijayate śacīnandanaḥ || 1||

अलक्षितचरीं हरीत्युदितमात्रतः किं दशांअसावतिबुधाग्रणीरतुलकम्पसम्पादिकाम् ।व्रजन्नहह मोदते न पुनरत्र शास्त्रेष्वितिस्वशिष्यगणवेष्टितो विजयते शचीनन्दनः ॥ २॥

alakṣitacarīṃ harītyuditamātrataḥ kiṃ daśāṃasāvatibudhāgraṇīratulakampasampādikām |vrajannahaha modate na punaratra śāstreṣvitisvaśiṣyagaṇaveṣṭito vijayate śacīnandanaḥ || 2||

हा हा किमिदमुच्यते पठ पठात्र कृष्णं मुहुर्विना तमिह साधुतां दधति किं बुधा धातवः ।प्रसिद्ध इह वर्णसङ्घटितसम्यगाम्नायकःस्वनाम्नि यदिति ब्रुवन्विजयते शचीनन्दनः ॥ ३॥

hā hā kimidamucyate paṭha paṭhātra kṛṣṇaṃ muhurvinā tamiha sādhutāṃ dadhati kiṃ budhā dhātavaḥ |prasiddha iha varṇasaṅghaṭitasamyagāmnāyakaḥsvanāmni yaditi bruvanvijayate śacīnandanaḥ || 3||

नवाम्बुजदले यदीक्षणसवर्णतादीर्घतेसदा स्वहृदि भाव्यतां सपदि साध्यतां तत्पदम् ।स पाठयति विस्मितान् स्मितमुखः स्वशिष्यानितिप्रतिप्रकरणं प्रभुर्विजयते शचीनन्दनः ॥ ४॥

navāmbujadale yadīkṣaṇasavarṇatādīrghatesadā svahṛdi bhāvyatāṃ sapadi sādhyatāṃ tatpadam |sa pāṭhayati vismitān smitamukhaḥ svaśiṣyānitipratiprakaraṇaṃ prabhurvijayate śacīnandanaḥ || 4||

क्व यानि करवाणि किं क्व नु मया हरिर्लभ्यतांतमुद्दिशतु कः सखे कथय कः प्रपद्येत माम् ।इति द्रवति घूर्णते कलितभक्तकण्ठः शुचास मूर्च्छयति मातरं विजयते शचीनन्दनः ॥ ५॥

kva yāni karavāṇi kiṃ kva nu mayā harirlabhyatāṃtamuddiśatu kaḥ sakhe kathaya kaḥ prapadyeta mām |iti dravati ghūrṇate kalitabhaktakaṇṭhaḥ śucāsa mūrcchayati mātaraṃ vijayate śacīnandanaḥ || 5||

स्मरार्बुददुरापया तनुरुचिच्छटाच्छाययातमः कलितमःकृतं निखिलमेव निर्मूलयन् ।नृणां नयनसौभगं दिविषदां मुखैस्तारयन्लसन्नधिधरः प्रभुर्विजयते शचीनन्दनः ॥ ६॥

smarārbudadurāpayā tanurucicchaṭācchāyayātamaḥ kalitamaḥkṛtaṃ nikhilameva nirmūlayan |nṛṇāṃ nayanasaubhagaṃ diviṣadāṃ mukhaistārayanlasannadhidharaḥ prabhurvijayate śacīnandanaḥ || 6||

अयं कनकभूधरः प्रणयरत्नमुच्चैः किरन्कृपातुरतया व्रजन्नभवदत्र विश्वम्भरः ।यदक्षि पथसञ्चरत्सुरधुनीप्रवाहैर्निजंपरं च जगदार्द्रयन्विजयते शचीनन्दनः ॥ ७॥

ayaṃ kanakabhūdharaḥ praṇayaratnamuccaiḥ kirankṛpāturatayā vrajannabhavadatra viśvambharaḥ |yadakṣi pathasañcaratsuradhunīpravāhairnijaṃparaṃ ca jagadārdrayanvijayate śacīnandanaḥ || 7||

गतोऽस्मि मधुरां मम प्रियतमा विशाखा सखीगता नु बत किं दशां वद कथं नु वेदानि ताम् ।इतीव स निजेच्छया व्रजपतेः सुतः प्रापितस्तदीयरसचर्वणां विजयते शचीनन्दनः ॥ ८॥

gato'smi madhurāṃ mama priyatamā viśākhā sakhīgatā nu bata kiṃ daśāṃ vada kathaṃ nu vedāni tām |itīva sa nijecchayā vrajapateḥ sutaḥ prāpitastadīyarasacarvaṇāṃ vijayate śacīnandanaḥ || 8||

इदं पठति योऽष्टकं गुणनिधे शचीनन्दनप्रभो तव पदाम्बुजे स्फुरदमन्दविश्रम्भवान् ।तमुज्ज्वलमतिं निजप्रणयरूपवर्गानुगंविधाय निजधामनि द्रुतमुरीकुरुष्व स्वयम् ॥ ९॥

idaṃ paṭhati yo'ṣṭakaṃ guṇanidhe śacīnandanaprabho tava padāmbuje sphuradamandaviśrambhavān |tamujjvalamatiṃ nijapraṇayarūpavargānugaṃvidhāya nijadhāmani drutamurīkuruṣva svayam || 9||

इति श्रीविश्वनाथचक्रवर्तिठक्कुरविरचितस्तवामृतलहर्यांश्रीशचीनन्दनविजयाष्टकं सम्पूर्णम् ।

iti śrīviśvanāthacakravartiṭhakkuraviracitastavāmṛtalaharyāṃśrīśacīnandanavijayāṣṭakaṃ sampūrṇam |