करपात्राष्टकम् Shri Kharapatra Ashtakam

केचिद् भजन्ति विबुधा हरिमीशितारञ्चाऽन्ये हरं भवनिदाघहरं श्रयन्ति ।धर्माऽऽर्तिखिन्नमनसां समुपासनीयंप्रत्यक्षितं हरिहराद्वयमद्वयन्नः ॥ १॥

kecid bhajanti vibudhā harimīśitārañcā'nye haraṃ bhavanidāghaharaṃ śrayanti |dharmā''rtikhinnamanasāṃ samupāsanīyaṃpratyakṣitaṃ hariharādvayamadvayannaḥ || 1||

सद्राजनीतिनिपुणः किमु विष्णुगुप्तोवाचस्पतिर्निखिलशास्त्रविचक्षणो वा ।आहो शुको नु भगवद्गुणगानधन्योयस्मिन्नितीव समशायि यतिः स वन्द्यः ॥ २॥

sadrājanītinipuṇaḥ kimu viṣṇuguptovācaspatirnikhilaśāstravicakṣaṇo vā |āho śuko nu bhagavadguṇagānadhanyoyasminnitīva samaśāyi yatiḥ sa vandyaḥ || 2||

यस्याऽवसन्नवरसा रसने सरस्वत्याभान्ति लेखतनवोऽतनुकीर्तिलेखाः ।चेतस्य भूत्सरसिजोदरसौकुमार्यंस्मार्यो न कस्य स वशी शयभाजनार्यः ॥ ३॥

yasyā'vasannavarasā rasane sarasvatyābhānti lekhatanavo'tanukīrtilekhāḥ |cetasya bhūtsarasijodarasaukumāryaṃsmāryo na kasya sa vaśī śayabhājanāryaḥ || 3||

वन्द्यः स योऽकृतकृती सुकृतार्थसंस्थाःरामायणे श्रुतिषु चाऽतत वाक्प्रवाहान् ।नैष्कर्म्यमूर्ध्वमधिताधिधरं तथापिकर्मेतराऽकृततरं व्यधिताऽऽप्रयाणम् ॥ ४॥

vandyaḥ sa yo'kṛtakṛtī sukṛtārthasaṃsthāḥrāmāyaṇe śrutiṣu cā'tata vākpravāhān |naiṣkarmyamūrdhvamadhitādhidharaṃ tathāpikarmetarā'kṛtataraṃ vyadhitā''prayāṇam || 4||

यः सत्कविर्गुरुगुरुर्बुधमङ्गलात्मातीव्रप्रतापतपनश्च सतां च सोमः ।धर्मद्विषां शनिरथो मदिनाञ्च राहुःकेतुः कलेर्जयति दण्डिवरः स कोऽपि ॥ ५॥

yaḥ satkavirgurugururbudhamaṅgalātmātīvrapratāpatapanaśca satāṃ ca somaḥ |dharmadviṣāṃ śaniratho madināñca rāhuḥketuḥ kalerjayati daṇḍivaraḥ sa ko'pi || 5||

कारागमैः शिरसि दण्डनिपातघातैरप्येजनं न जनितं किल यस्य जातु ।दीपः सनातनसृतेरपि गीष्पतेर्योवार्येतरो हृदि विभाति स नः सदाऽऽर्यः ॥ ६॥

kārāgamaiḥ śirasi daṇḍanipātaghātairapyejanaṃ na janitaṃ kila yasya jātu |dīpaḥ sanātanasṛterapi gīṣpateryovāryetaro hṛdi vibhāti sa naḥ sadā''ryaḥ || 6||

तिष्ठेत् प्रणष्टकुहकः सुपथे नरौघःपारेऽम्बुधिं जनगिरा प्रसरं प्रयातु ।गावश्चरन्तु परितोऽस्तभया घटोध्न्यःस्वप्नस्तवेति यतिराट् ! फलिता कदा नु ! ॥ ७॥

tiṣṭhet praṇaṣṭakuhakaḥ supathe naraughaḥpāre'mbudhiṃ janagirā prasaraṃ prayātu |gāvaścarantu parito'stabhayā ghaṭodhnyaḥsvapnastaveti yatirāṭ ! phalitā kadā nu ! || 7||

यो दण्डिवर्योऽतियतीन्द्रचर्यःश्रौताऽध्वनोऽभूद्भुवनेषु धुर्यः ।श्रेयो भृतां शश्वदपीह चार्योधार्यः स चित्ते करपात्र आर्यः ॥ ८॥

yo daṇḍivaryo'tiyatīndracaryaḥśrautā'dhvano'bhūdbhuvaneṣu dhuryaḥ |śreyo bhṛtāṃ śaśvadapīha cāryodhāryaḥ sa citte karapātra āryaḥ || 8||

इति श्रीशशिधरशर्माविरचितं श्रीकरपात्राष्टकं सम्पूर्णम् ।

iti śrīśaśidharaśarmāviracitaṃ śrīkarapātrāṣṭakaṃ sampūrṇam |