चन्द्रशेखरेन्द्रसरस्वतीसुप्रभातदशकम् Shri Khanchi Mahasvami Shuprabhata Dashakam

श्रीमहालक्ष्मीसन्तान स्वामिनाथ दयानिधे ।श्रीचन्द्रशेखरगुरो भवतु ते सुप्रभातम् ॥ १॥

śrīmahālakṣmīsantāna svāminātha dayānidhe |śrīcandraśekharaguro bhavatu te suprabhātam || 1||

सुब्रह्मण्यार्यवंशज श्रुतिसारस्वरूपिणे ।भगवच्छङ्कराचार्य भवतु ते सुप्रभातम् ॥ २॥

subrahmaṇyāryavaṃśaja śrutisārasvarūpiṇe |bhagavacchaṅkarācārya bhavatu te suprabhātam || 2||

उत्तिष्ठ स्वाम्यधिष्ठानात् जगद्गुरुमहाप्रभो ।कामकोटिमठेशाय भवतु ते सुप्रभातम् ॥ ३॥

uttiṣṭha svāmyadhiṣṭhānāt jagadgurumahāprabho |kāmakoṭimaṭheśāya bhavatu te suprabhātam || 3||

निर्गुणाय निर्मलाय मायातीतस्वरूपिणे ।आत्मविदां वरेण्याय भवतु ते सुप्रभातम् ॥ ४॥

nirguṇāya nirmalāya māyātītasvarūpiṇe |ātmavidāṃ vareṇyāya bhavatu te suprabhātam || 4||

साधुसङ्गसमूहाय सर्वज्ञः सर्वसाक्षिणे ।सत्यधर्म शरीराय भवतु ते सुप्रभातम् ॥ ५॥

sādhusaṅgasamūhāya sarvajñaḥ sarvasākṣiṇe |satyadharma śarīrāya bhavatu te suprabhātam || 5||

वेदशास्त्रसुरक्षार्थं संन्यासातिलकान्वित ।शीघ्रमागच्छ भगवन् देहि मे दिव्यदर्शनम् ॥ ६॥

vedaśāstrasurakṣārthaṃ saṃnyāsātilakānvita |śīghramāgaccha bhagavan dehi me divyadarśanam || 6||

निराहारविनिद्राय निर्मोहायनिरञ्जन ।अप्राकृतशरीराय त्रैलोक्यं मङ्गलं कुरु ॥ ७॥

nirāhāravinidrāya nirmohāyanirañjana |aprākṛtaśarīrāya trailokyaṃ maṅgalaṃ kuru || 7||

सम्पूर्णकल्याणगुण सच्चिदानन्द मद्गुरो ।अत्यद्भुत चरित्राय त्रैलोक्यं मङ्गलं कुरु ॥ ८॥

sampūrṇakalyāṇaguṇa saccidānanda madguro |atyadbhuta caritrāya trailokyaṃ maṅgalaṃ kuru || 8||

आदिमध्यान्तरहित चराचरमयाय ते ।अद्भुतायाशोकाय त्रैलोक्यं मङ्गलं कुरु ॥ ९॥

ādimadhyāntarahita carācaramayāya te |adbhutāyāśokāya trailokyaṃ maṅgalaṃ kuru || 9||

यस्य निःश्वसितं वेदाः शरीरं धर्ममेव च ।तस्य सद्गुरुवर्यस्य कीर्तिः वर्धतु वर्धतु ॥ १०॥

yasya niḥśvasitaṃ vedāḥ śarīraṃ dharmameva ca |tasya sadguruvaryasya kīrtiḥ vardhatu vardhatu || 10||

इति श्रीकाञ्चिमहास्वामिसुप्रभातदशकं सम्पूर्णम् ।

iti śrīkāñcimahāsvāmisuprabhātadaśakaṃ sampūrṇam |