जगद्गुरुपरम्परास्तवः Shri Khanchikamakotipithasya Zagadguruparamparastavah

(पञ्चषष्टितमैः पीठाधिपतिभिःश्रीमत्सुदर्शनमहादेवेन्द्रसरस्वतीश्रीचरणैः प्रणीतः)नारायणं पद्मभुवं वसिष्ठंशक्तिं च तत्पुत्रपराशरं च ।व्यासं शुकं गौडपदं महान्तंगोविन्दयोगीन्द्ररमथास्य शिष्यम् ॥ १॥

(pañcaṣaṣṭitamaiḥ pīṭhādhipatibhiḥśrīmatsudarśanamahādevendrasarasvatīśrīcaraṇaiḥ praṇītaḥ)nārāyaṇaṃ padmabhuvaṃ vasiṣṭhaṃśaktiṃ ca tatputraparāśaraṃ ca |vyāsaṃ śukaṃ gauḍapadaṃ mahāntaṃgovindayogīndraramathāsya śiṣyam || 1||

श्रीशङ्कराचार्यमथास्य पद्मपादं च हस्तामलकं च शिष्यम् ।तं तोटकं वार्तिककारमन्यान्अस्मद्गुरून् सन्ततमानतोऽस्मि ॥ २॥

śrīśaṅkarācāryamathāsya padmapādaṃ ca hastāmalakaṃ ca śiṣyam |taṃ toṭakaṃ vārtikakāramanyānasmadgurūn santatamānato'smi || 2||

सदाशिवसमारम्भां शङ्कराचार्यमध्यमाम् ।अस्मदाचार्यपर्यन्तां वन्दे गुरुपरम्पराम् ॥ ३॥

sadāśivasamārambhāṃ śaṅkarācāryamadhyamām |asmadācāryaparyantāṃ vande guruparamparām || 3||

सर्वतन्त्रस्वतन्त्राय सदाऽऽत्माद्वैतवेदिने ।श्रीमते शङ्कराचार्य वेदान्तगुरवे नमः ॥ ४॥

sarvatantrasvatantrāya sadā''tmādvaitavedine |śrīmate śaṅkarācārya vedāntagurave namaḥ || 4||

अविप्लुतब्रह्मचर्यान् अन्वितेन्द्रसरस्वतीन् ।आत्तमित्यावारपदान् अद्वैताचार्यसङ्कथान् ॥ ५॥

aviplutabrahmacaryān anvitendrasarasvatīn |āttamityāvārapadān advaitācāryasaṅkathān || 5||

आसेतुहिमवच्छैलं सदाचारप्रवर्तकान् ।जगद्गुरून् स्तुमः काञ्चीशारदामठसंश्रयान् ॥ ६॥

āsetuhimavacchailaṃ sadācārapravartakān |jagadgurūn stumaḥ kāñcīśāradāmaṭhasaṃśrayān || 6||

पवित्रितेतराद्वैतमठपीठीशिरोभुवे ।श्रीकाञ्चीशारदापीठगुरवे भवभीरवे ॥ ७॥

pavitritetarādvaitamaṭhapīṭhīśirobhuve |śrīkāñcīśāradāpīṭhagurave bhavabhīrave || 7||

वार्तिकादिब्रह्मविद्याकर्त्रे ब्रह्मावतारिणे ।सुरेश्वराचार्यनाम्ने योगीन्द्राय नमो नमः ॥ ८॥

vārtikādibrahmavidyākartre brahmāvatāriṇe |sureśvarācāryanāmne yogīndrāya namo namaḥ || 8||

अपोऽश्नन्नेव जैनान् य आप्राग्ज्योतिषमाच्छिनत् ।शिशुमाचार्यवाग्वेणीरयरोधिमहोबलम् ॥ ९॥

apo'śnanneva jainān ya āprāgjyotiṣamācchinat |śiśumācāryavāgveṇīrayarodhimahobalam || 9||

सङ्क्षेपशारीरमुखप्रबन्धविवृताद्वयम् ।ब्रह्मस्वरूपार्यभाष्यशान्त्याचार्यकपण्डितम् ॥ १०॥

saṅkṣepaśārīramukhaprabandhavivṛtādvayam |brahmasvarūpāryabhāṣyaśāntyācāryakapaṇḍitam || 10||

सर्वज्ञचन्द्रनाम्ना च सर्वतो भुवि विश्रुतम् ।सर्वज्ञसद्गुरुं वन्दे सर्वज्ञमिव भूगतम् ॥ ११॥

sarvajñacandranāmnā ca sarvato bhuvi viśrutam |sarvajñasadguruṃ vande sarvajñamiva bhūgatam || 11||

मेधाविनं सत्यबोधं व्याधूतविमतोच्चयम् ।प्राच्यभाष्यत्रयव्याख्याप्रवीणं प्रभुमाश्रये ॥ १२॥

medhāvinaṃ satyabodhaṃ vyādhūtavimatoccayam |prācyabhāṣyatrayavyākhyāpravīṇaṃ prabhumāśraye || 12||

ज्ञानानन्दमुनीन्द्रार्यं ज्ञानोत्तमपराभिधम् ।चन्द्रचूडपदासक्तं चन्द्रिकाकृतमाश्रये ॥ १३॥

jñānānandamunīndrāryaṃ jñānottamaparābhidham |candracūḍapadāsaktaṃ candrikākṛtamāśraye || 13||

शुद्धानन्दमुनीन्द्राणां विद्धार्हतमतत्विषाम् ।आनन्दज्ञानसेव्यानां आलम्बे चरणाम्बुजम् ॥ १४॥

śuddhānandamunīndrāṇāṃ viddhārhatamatatviṣām |ānandajñānasevyānāṃ ālambe caraṇāmbujam || 14||

सर्वशाङ्करभाष्यौघभाष्यकर्तारमद्वयम् ।सर्ववार्तिकसद्वृत्तिकृतं श्रीशैलगं भजे ॥ १५॥

sarvaśāṅkarabhāṣyaughabhāṣyakartāramadvayam |sarvavārtikasadvṛttikṛtaṃ śrīśailagaṃ bhaje || 15||

कैवल्यानन्दयोगीन्द्रान् केवलं राजयोगिनः ।कैवल्यमात्रनिरतान् कलयेम जगद्गुरून् ॥ १६॥

kaivalyānandayogīndrān kevalaṃ rājayoginaḥ |kaivalyamātraniratān kalayema jagadgurūn || 16||

श्रीकृपाशङ्करार्याणां मर्यादातीततेजसाम् ।षण्मताचार्यकजुषां अङ्घ्रिद्वन्द्वमहंश्रये ॥ १७॥

śrīkṛpāśaṅkarāryāṇāṃ maryādātītatejasām |ṣaṇmatācāryakajuṣāṃ aṅghridvandvamahaṃśraye || 17||

महिष्ठाय नमस्तस्मै महादेवाय योगिने ।सुरेश्वरापराख्याय गुरवे दोषभीरवे ॥ १८॥

mahiṣṭhāya namastasmai mahādevāya yogine |sureśvarāparākhyāya gurave doṣabhīrave || 18||

स्तुमः सदा शिवानन्दचिद्घनेन्द्रसरस्वतीन् ।कामाक्षिचन्द्रमौल्यर्चाकलनैकलसन्मतीन् ॥ १९॥

stumaḥ sadā śivānandacidghanendrasarasvatīn |kāmākṣicandramaulyarcākalanaikalasanmatīn || 19||

सार्वभौमाभिधमहाव्रतचर्यापरायणान् ।वन्दे जगद्गुरूंश्चन्द्रशेखरेन्द्रसरस्वतीन् ॥ २०॥

sārvabhaumābhidhamahāvratacaryāparāyaṇān |vande jagadgurūṃścandraśekharendrasarasvatīn || 20||

समाद्वात्रिंशदत्युग्रकाष्ठमौनसमाश्रयान् ।जितमृत्यून् महालिङ्गभूतान् सच्चिद्घनान् नुमः ॥ २१॥

samādvātriṃśadatyugrakāṣṭhamaunasamāśrayān |jitamṛtyūn mahāliṅgabhūtān saccidghanān numaḥ || 21||

महाभैरवदुस्तन्त्रदुर्दान्तध्वान्तभास्करान् ।विद्याघनान् नमस्यामि सर्वविद्याविचक्षणान् ॥ २२॥

mahābhairavadustantradurdāntadhvāntabhāskarān |vidyāghanān namasyāmi sarvavidyāvicakṣaṇān || 22||

आचार्यपदपाथोजपरिचर्यापरायणंगङ्गाधरं नमस्यामः सदा गङ्गाधरार्चकम् ॥ २३॥

ācāryapadapāthojaparicaryāparāyaṇaṃgaṅgādharaṃ namasyāmaḥ sadā gaṅgādharārcakam || 23||

जगज्जयिसुसौराष्ट्रजरदृष्टिमदापहान् ।शकसिल्हकदर्पघ्नान् ईडीमहि महायतीन् ॥ २४॥

jagajjayisusaurāṣṭrajaradṛṣṭimadāpahān |śakasilhakadarpaghnān īḍīmahi mahāyatīn || 24||

चतुस्समुद्रीक्रोडस्थवर्णाश्रमविचारकान् ।श्रितविप्रव्रजस्कन्धसुवर्णान्दोलिकाचरान् ॥ २५॥

catussamudrīkroḍasthavarṇāśramavicārakān |śritavipravrajaskandhasuvarṇāndolikācarān || 25||

प्रत्यहं ब्रह्मसाहस्रसन्तर्पणधृतव्रतान् ।सदाशिवसमाह्वानान् स्मरामः सद्गुरून् सदा ॥ २६॥

pratyahaṃ brahmasāhasrasantarpaṇadhṛtavratān |sadāśivasamāhvānān smarāmaḥ sadgurūn sadā || 26||

मायालोकायतीभूतबृहस्पतिमदापहान् ।वन्दे सुरेन्द्रवन्द्याङ्घ्रीन् श्रीसुरेन्द्रसरस्वतीन् ॥ २७॥

māyālokāyatībhūtabṛhaspatimadāpahān |vande surendravandyāṅghrīn śrīsurendrasarasvatīn || 27||

श्रीविद्याकरुणालब्धब्रह्मविद्याहृतामयान् ।वन्दे वशंवदप्राणान् मुनीन् विद्याघनान् मुहुः ॥ २८॥

śrīvidyākaruṇālabdhabrahmavidyāhṛtāmayān |vande vaśaṃvadaprāṇān munīn vidyāghanān muhuḥ || 28||

विद्याघनकृपालब्धसर्ववेदान्तविस्तरम् ।कौतस्कुतोत्पातकेतुं निश्शङ्कं नौमि शङ्करम् ॥ २९॥

vidyāghanakṛpālabdhasarvavedāntavistaram |kautaskutotpātaketuṃ niśśaṅkaṃ naumi śaṅkaram || 29||

चन्द्रचूडपदध्यानप्राप्तानन्दमहोदधीन् ।यतीन्द्रांश्चन्द्रचूडेन्द्रान् स्मरामि मनसा सदा ॥ ३०॥

candracūḍapadadhyānaprāptānandamahodadhīn |yatīndrāṃścandracūḍendrān smarāmi manasā sadā || 30||

नमामि परिपूर्णश्रीबोधान् ग्रावाभिलापकान् ।यदीक्षणात् पलायन्त प्राणिनामामयाधयः ॥ ३१॥

namāmi paripūrṇaśrībodhān grāvābhilāpakān |yadīkṣaṇāt palāyanta prāṇināmāmayādhayaḥ || 31||

सच्चित्सुखान् प्रपद्येऽहं सुखं आप्तगुहास्थितीन् ।चित्सुखाचार्यमीडेऽहं सत्सुखं कोङ्कणाश्रयम् ॥ ३२॥

saccitsukhān prapadye'haṃ sukhaṃ āptaguhāsthitīn |citsukhācāryamīḍe'haṃ satsukhaṃ koṅkaṇāśrayam || 32||

भजे श्रीसच्चिदानन्दघनेन्द्रान् रससाधनात् ।लिङ्गात्मना परिणतान् प्रभासे योगसंश्रिते ॥ ३३॥

bhaje śrīsaccidānandaghanendrān rasasādhanāt |liṅgātmanā pariṇatān prabhāse yogasaṃśrite || 33||

भगवत्पादपादाब्जासक्तिनिर्णिक्तमानसान् ।प्रज्ञाघनं चिद्विलासं महादेवं च मैथिलम् ॥ ३४॥

bhagavatpādapādābjāsaktinirṇiktamānasān |prajñāghanaṃ cidvilāsaṃ mahādevaṃ ca maithilam || 34||

पूर्णबोधं च बोधं च भक्तियोगप्रवर्तकम् ।ब्रह्मानन्दघनेन्द्रं च नमामि नियतात्मनः ॥ ३५॥

pūrṇabodhaṃ ca bodhaṃ ca bhaktiyogapravartakam |brahmānandaghanendraṃ ca namāmi niyatātmanaḥ || 35||

चिदानन्दघनेन्द्राणां लम्बिकायोगसेविनाम् ।जीर्णपर्णाशिनां पादौ प्रपद्ये मनसा सदा ॥ ३६॥

cidānandaghanendrāṇāṃ lambikāyogasevinām |jīrṇaparṇāśināṃ pādau prapadye manasā sadā || 36||

सच्चिदानन्दनामानं शिवार्चनपरायणम् ।भाषापञ्चदशीप्राज्ञं भावयामि सदा मुदा ॥ ३७॥

saccidānandanāmānaṃ śivārcanaparāyaṇam |bhāṣāpañcadaśīprājñaṃ bhāvayāmi sadā mudā || 37||

भूप्रदक्षिणकर्मैकसक्तं श्रीचन्द्रशेखरम् ।त्रातदावाग्निसन्दग्धकिशोरकमुपास्महे ॥ ३८॥

bhūpradakṣiṇakarmaikasaktaṃ śrīcandraśekharam |trātadāvāgnisandagdhakiśorakamupāsmahe || 38||

चित्सुखेन्द्रं सुखेनैव क्रान्तसह्यगुहागृहम् ।कामरूपचरं नानारूपवन्तमुपास्महे ॥ ३९॥

citsukhendraṃ sukhenaiva krāntasahyaguhāgṛham |kāmarūpacaraṃ nānārūpavantamupāsmahe || 39||

निर्दोषसंयमधरान् चित्सुखानन्दतापसान् ।विद्याघनेन्द्रान् श्रीविद्यावशीकृतजनान् स्तुमः ॥ ४०॥

nirdoṣasaṃyamadharān citsukhānandatāpasān |vidyāghanendrān śrīvidyāvaśīkṛtajanān stumaḥ || 40||

शङ्करेन्द्रयतीन्द्राणां पादुके ब्रह्मसम्भृते ।नमामि शिरसा याभ्यां त्रीन् लोकान् व्यचरन्मुनिः ॥ ४१॥

śaṅkarendrayatīndrāṇāṃ pāduke brahmasambhṛte |namāmi śirasā yābhyāṃ trīn lokān vyacaranmuniḥ || 41||

सच्चिद्विलासयोगीन्द्रं महादेवेन्द्रमुज्ज्वलम् ।गङ्गाधरेन्द्रमप्येतान् नौमि वादिशिरोमणीन् ॥ ४२॥

saccidvilāsayogīndraṃ mahādevendramujjvalam |gaṅgādharendramapyetān naumi vādiśiromaṇīn || 42||

ब्रह्मानन्दघनेन्द्राख्यांस्तथाऽऽनन्दघनान् अपि ।पूर्णबोधमहर्षींश्च ज्ञाननिष्ठानुपास्महे ॥ ४३॥

brahmānandaghanendrākhyāṃstathā''nandaghanān api |pūrṇabodhamaharṣīṃśca jñānaniṣṭhānupāsmahe || 43||

वृत्त्याऽऽजगर्या श्रीशैलगुहागृहकृतस्थितीन् ।श्रीमत्परशिवाभिख्यान् सर्वातीतान् श्रये सदा ॥ ४४॥

vṛttyā''jagaryā śrīśailaguhāgṛhakṛtasthitīn |śrīmatparaśivābhikhyān sarvātītān śraye sadā || 44||

अन्योन्यसदृशान्योन्यौ बोधश्रीचन्द्रशेखरौ ।प्रणवोपासनासक्तमानसौ मनसा श्रये ॥ ४५॥

anyonyasadṛśānyonyau bodhaśrīcandraśekharau |praṇavopāsanāsaktamānasau manasā śraye || 45||

मुक्तिलिङ्गार्चनानन्दविस्मृताशेषवृत्तये ।चिदम्बररहस्यन्तर्लीनदेहाय योगिने ॥ ४६॥

muktiliṅgārcanānandavismṛtāśeṣavṛttaye |cidambararahasyantarlīnadehāya yogine || 46||

अद्वैतानन्दसाम्राज्यविद्रुताशेषपाप्मने ।अद्वैतानन्दबोधाय नमो ब्रह्म समीयुषे ॥ ४७॥

advaitānandasāmrājyavidrutāśeṣapāpmane |advaitānandabodhāya namo brahma samīyuṣe || 47||

श्रये महादेवचन्द्रशेखरेन्द्रमहामुनी ।महाव्रतसमारब्धकोटिहोमान्तगामिनौ ॥ ४८॥

śraye mahādevacandraśekharendramahāmunī |mahāvratasamārabdhakoṭihomāntagāminau || 48||

विद्यातीर्थसमाह्वानान् श्रीविद्यानाथयोगिनः ।विद्यया शङ्करप्रख्यान् विद्यारण्यगुरून् भजे ॥ ४९॥

vidyātīrthasamāhvānān śrīvidyānāthayoginaḥ |vidyayā śaṅkaraprakhyān vidyāraṇyagurūn bhaje || 49||

सच्चिद्घनेन्द्ररान् अद्वैतब्रह्मानन्दमुनीनपि ।सान्द्रानन्दयतीन्द्रांश्च तथाप्यद्वैतशेवधीन् ॥ ५०॥

saccidghanendrarān advaitabrahmānandamunīnapi |sāndrānandayatīndrāṃśca tathāpyadvaitaśevadhīn || 50||

महादेवशिवाद्वैतसुखानन्दयतीश्वरौ ।मनसा भावये नित्यं महासंयमधारिणौ ॥ ५१॥

mahādevaśivādvaitasukhānandayatīśvarau |manasā bhāvaye nityaṃ mahāsaṃyamadhāriṇau || 51||

वीक्षणात् सर्वभूतानां विषव्याधिनिबर्हणम् ।शिवयोगीश्वरं साक्षाच्चिन्तयामि सदा मुदा ॥ ५२॥

vīkṣaṇāt sarvabhūtānāṃ viṣavyādhinibarhaṇam |śivayogīśvaraṃ sākṣāccintayāmi sadā mudā || 52||

प्रत्यग्ज्योतिः प्रकाशेन्द्रान् प्रत्यग्ज्योतिरुपासिनः ।न्यक्कृताशेषदुस्तर्ककार्कश्यान् सततं स्तुमः ॥ ५३॥

pratyagjyotiḥ prakāśendrān pratyagjyotirupāsinaḥ |nyakkṛtāśeṣadustarkakārkaśyān satataṃ stumaḥ || 53||

शङ्करानन्दयोगीन्द्रपदपङ्कजयोर्युगम् ।बुक्कभूपशिरोरत्नं स्मरामि सततं हृदा ॥ ५४॥

śaṅkarānandayogīndrapadapaṅkajayoryugam |bukkabhūpaśiroratnaṃ smarāmi satataṃ hṛdā || 54||

श्रीपूर्णानन्दमौनीन्द्रं नेपालनृपदेशिकम् ।अव्याहतस्वसञ्चारं संश्रयामि जगद्गुरुम् ॥ ५५॥

śrīpūrṇānandamaunīndraṃ nepālanṛpadeśikam |avyāhatasvasañcāraṃ saṃśrayāmi jagadgurum || 55||

महादेवश्च तच्छिष्यश्चन्द्रशेखरयोग्यपि ।स्तां मे हृदि सदा धीरावद्वैतमतदेशिकौ ॥ ५६॥

mahādevaśca tacchiṣyaścandraśekharayogyapi |stāṃ me hṛdi sadā dhīrāvadvaitamatadeśikau || 56||

प्रवीरसेतुभूपालसेविताङ्घ्रिसरोरुहान् ।भजे सदाशिवेन्द्रश्रीबोधेश्वरगुरून् सदा ॥ ५७॥

pravīrasetubhūpālasevitāṅghrisaroruhān |bhaje sadāśivendraśrībodheśvaragurūn sadā || 57||

सदाशिवश्रीब्रह्मेन्द्रधृतस्वपदपादुकान् ।धीरान् परशिवेन्द्रार्यान् ध्यायामि सततं हृदि ॥ ५८॥

sadāśivaśrībrahmendradhṛtasvapadapādukān |dhīrān paraśivendrāryān dhyāyāmi satataṃ hṛdi || 58||

आत्मबोधयतीन्द्राणां आशीताचलचारिणाम् ।अन्यश्रीशङ्कराचार्यधीकृतामङ्घ्रिमाश्रये ॥ ५९॥

ātmabodhayatīndrāṇāṃ āśītācalacāriṇām |anyaśrīśaṅkarācāryadhīkṛtāmaṅghrimāśraye || 59||

भगवन्नामसाम्राज्यलक्ष्मीसर्वस्वविग्रहान् ।श्रीमद्बोधेन्द्रयोगीन्द्रदेशिकेन्द्ररानुपास्महे ॥ ६०॥

bhagavannāmasāmrājyalakṣmīsarvasvavigrahān |śrīmadbodhendrayogīndradeśikendrarānupāsmahe || 60||

अद्वैतात्मप्रकाशाय सर्वशास्त्रार्थवेदिने ।विधूतसर्वभेदाय नमो विश्वादिशायिने ॥ ६१॥

advaitātmaprakāśāya sarvaśāstrārthavedine |vidhūtasarvabhedāya namo viśvādiśāyine || 61||

आ सप्तमाज्जीर्णपर्णजलवातारुणांशुभिः ।कृतस्वप्राणयात्राय महादेवाय सन्नदिः ॥ ६२॥

ā saptamājjīrṇaparṇajalavātāruṇāṃśubhiḥ |kṛtasvaprāṇayātrāya mahādevāya sannadiḥ || 62||

चोलकेरलचेरौड्रपाण्ड्यकर्णाटकोङ्कणान् ।महाराष्ट्रान्ध्रसौराष्ट्रमगधादींश्च भूभुजः ॥ ६३॥

colakeralacerauḍrapāṇḍyakarṇāṭakoṅkaṇān |mahārāṣṭrāndhrasaurāṣṭramagadhādīṃśca bhūbhujaḥ || 63||

शिष्यान् आसेतुशीताद्रि शासते पुण्यकर्मणे ।श्रीचन्द्रशेखरेन्द्राय जगतो गुरवे नमः ॥ ६४॥

śiṣyān āsetuśītādri śāsate puṇyakarmaṇe |śrīcandraśekharendrāya jagato gurave namaḥ || 64||

निष्पापवृत्तये नित्यनिर्धूतभवक्लृप्तये ।महादेवाय सततं नमोऽस्तु नतरक्षिणे ॥ ६५॥

niṣpāpavṛttaye nityanirdhūtabhavaklṛptaye |mahādevāya satataṃ namo'stu natarakṣiṇe || 65||

श्रीविद्योपासनादार्ढ्यवशीकृतचराचरान् ।श्रीचन्द्रशेखरेन्द्रार्यान् शङ्करप्रतिमान् नुमः ॥ ६६॥

śrīvidyopāsanādārḍhyavaśīkṛtacarācarān |śrīcandraśekharendrāryān śaṅkarapratimān numaḥ || 66||

श्रीकाञ्चीशारदापीठसंस्थितानां इमां क्रमात् ।स्तुतिं जगद्गुरूणां यः पठेत् स सुखभाग्भवेत् ॥ ६७॥

śrīkāñcīśāradāpīṭhasaṃsthitānāṃ imāṃ kramāt |stutiṃ jagadgurūṇāṃ yaḥ paṭhet sa sukhabhāgbhavet || 67||

॥ परिशिष्टं १॥(अत्र १४ पद्यानि पोलहग्रामाभिजनैः श्रीरामशास्त्रिभिःप्रकाशितानि । ५ पद्यं नवषष्टितमैः पीठाधिपतिभिःश्रीमज्जयेन्द्रसरस्वतीश्रीपादैः रचितम् । ६७ पद्येशिमिलिग्रामाभिजनैः राधाकृष्णशास्त्रिभिः विरचिते ।)कलानन्दपरब्रह्मानन्दानुभवतुन्दिलान् ।महादेवेन्द्रयमिनः सततं संश्रये हृदा ॥ ६८॥

|| pariśiṣṭaṃ 1||(atra 14 padyāni polahagrāmābhijanaiḥ śrīrāmaśāstribhiḥprakāśitāni | 5 padyaṃ navaṣaṣṭitamaiḥ pīṭhādhipatibhiḥśrīmajjayendrasarasvatīśrīpādaiḥ racitam | 67 padyeśimiligrāmābhijanaiḥ rādhākṛṣṇaśāstribhiḥ viracite |)kalānandaparabrahmānandānubhavatundilān |mahādevendrayaminaḥ satataṃ saṃśraye hṛdā || 68||

प्रतिदिनविहितश्रीचन्द्रमौलीश्वरार्चाप्रसितसकलदेहः प्रौढपुण्यानुभावः ।मनसि सततमास्तां श्रीमहादेवनामामम गुरुरितकाञ्चीशारदापीठसीमा ॥ ६९॥

pratidinavihitaśrīcandramaulīśvarārcāprasitasakaladehaḥ prauḍhapuṇyānubhāvaḥ |manasi satatamāstāṃ śrīmahādevanāmāmama gururitakāñcīśāradāpīṭhasīmā || 69||

अतिबाल्यविधृतसंयमविमलमनःसेवितेशचरणयुगान् ।श्रीचन्द्रशेखरेन्द्रान् साम्प्रतमाचार्यशेखरान् प्रणुमः ॥ ७०॥

atibālyavidhṛtasaṃyamavimalamanaḥseviteśacaraṇayugān |śrīcandraśekharendrān sāmpratamācāryaśekharān praṇumaḥ || 70||

लक्ष्मीनारायण इति पूर्वाश्रमनामभूषितं शान्तम् ।ऋग्वेदे सम्यगधीतिनं महादेवमाश्रयामि गुरुम् ॥ ७१॥

lakṣmīnārāyaṇa iti pūrvāśramanāmabhūṣitaṃ śāntam |ṛgvede samyagadhītinaṃ mahādevamāśrayāmi gurum || 71||

अपारकरुणासिन्धुं ज्ञानदं शान्तरूपिणम् ।श्रीचन्द्रशेखरगुरुं प्रणमामि मुदाऽन्वहम् ॥ ७२॥

apārakaruṇāsindhuṃ jñānadaṃ śāntarūpiṇam |śrīcandraśekharaguruṃ praṇamāmi mudā'nvaham || 72||

परित्यज्य मौनं वटाधः स्थितिं चव्रजन् भारतस्य प्रदेशात् प्रदेशम् ।मधुस्यन्दिवाचा जनान् धर्ममार्गेनयन् श्रीजयेन्द्रो गुरुर्भाति चित्ते ॥ ७३॥

parityajya maunaṃ vaṭādhaḥ sthitiṃ cavrajan bhāratasya pradeśāt pradeśam |madhusyandivācā janān dharmamārgenayan śrījayendro gururbhāti citte || 73||

नमामः शङ्करान्वाक्यविजयेन्द्रसरस्वतीम् ।श्रीगुरुं शिष्टमार्गानुनेतारं सन्मतिप्रदम् ॥ ७४॥

namāmaḥ śaṅkarānvākyavijayendrasarasvatīm |śrīguruṃ śiṣṭamārgānunetāraṃ sanmatipradam || 74||

इति श्रीकाञ्चीकामकोटिपीठ जगद्गुरुपरम्परास्तवः सम्पूर्णः ।

iti śrīkāñcīkāmakoṭipīṭha jagadguruparamparāstavaḥ sampūrṇaḥ |