त्रिवेणीदशकस्तोत्रम् Trivenistotram
triveṇīdaśakastotram
Trivenistotram (त्रिवेणीदशकस्तोत्रम्): a stotra to Gaṅgā, by Shankaracharya. 12 verses in Sanskrit with Devanagari and IAST.
- Stotra
- Stotra
- Gaṅgā
- Stotra
त्रिवेणीदशकस्तोत्रम्
1 / 12
मुक्तामयालङ्कृतमुद्रवेणी भक्ताभयत्राणसुबद्धवेणी ।मत्तालिगुञ्जन्मकरन्दवेणी श्रीमत्प्रयागे जयति त्रिवेणी ॥ १॥
muktāmayālaṅkṛtamudraveṇī bhaktābhayatrāṇasubaddhaveṇī |mattāliguñjanmakarandaveṇī śrīmatprayāge jayati triveṇī || 1||
लोकत्रयैश्वर्यनिदानवेणी तापत्रयोच्चाटनबद्धवेणी ।धर्माऽर्थकामाकलनैकवेणी श्रीमत्प्रयागे जयति त्रिवेणी ॥ २॥
lokatrayaiśvaryanidānaveṇī tāpatrayoccāṭanabaddhaveṇī |dharmā'rthakāmākalanaikaveṇī śrīmatprayāge jayati triveṇī || 2||
मुक्ताङ्गनामोहनसिद्धवेणी भक्तान्तरानन्दसुबोधवेणी ।वृत्त्यन्तरोद्वेगविवेकवेणी श्रीमत्प्रयागे जयति त्रिवेणी ॥ ३॥
muktāṅganāmohanasiddhaveṇī bhaktāntarānandasubodhaveṇī |vṛttyantarodvegavivekaveṇī śrīmatprayāge jayati triveṇī || 3||
दुग्धोदधिस्फूर्जसुभद्रवेणी नीलाभ्रशोभाललिता च वेणी ।स्वर्णप्रभाभासुरमध्यवेणी श्रीमत्प्रयागे जयति त्रिवेणी ॥ ४॥
dugdhodadhisphūrjasubhadraveṇī nīlābhraśobhālalitā ca veṇī |svarṇaprabhābhāsuramadhyaveṇī śrīmatprayāge jayati triveṇī || 4||
विश्वेश्वरोत्तुङ्गकपर्दिवेणी विरिञ्चिविष्णुप्रणतैकवेणी ।त्रयीपुराणा सुरसार्धवेणी श्रीमत्प्रयागे जयति त्रिवेणी ॥ ५॥
viśveśvarottuṅgakapardiveṇī viriñciviṣṇupraṇataikaveṇī |trayīpurāṇā surasārdhaveṇī śrīmatprayāge jayati triveṇī || 5||
माङ्गल्यसम्पत्तिसमृद्धवेणी मात्रान्तरन्यस्तनिदानवेणी ।परम्परापातकहारिवेणी श्रीमत्प्रयागे जयति त्रिवेणी ॥ ६॥
māṅgalyasampattisamṛddhaveṇī mātrāntaranyastanidānaveṇī |paramparāpātakahāriveṇī śrīmatprayāge jayati triveṇī || 6||
निमज्जदुन्मज्जमनुष्यवेणी त्रयोदयोभाग्यविवेकवेणी ।विमुक्तजन्माविभवैकवेणी श्रीमत्प्रयागे जयति त्रिवेणी ॥ ७॥
nimajjadunmajjamanuṣyaveṇī trayodayobhāgyavivekaveṇī |vimuktajanmāvibhavaikaveṇī śrīmatprayāge jayati triveṇī || 7||
सौन्दर्यवेणी सुरसार्धवेणी माधुर्यवेणी महनीयवेणी ।रत्नैकवेणी रमणीयवेणी श्रीमत्प्रयागे जयति त्रिवेणी ॥ ८॥
saundaryaveṇī surasārdhaveṇī mādhuryaveṇī mahanīyaveṇī |ratnaikaveṇī ramaṇīyaveṇī śrīmatprayāge jayati triveṇī || 8||
सारस्वताकारविघातवेणी कालिन्दकन्यामयलक्ष्यवेणी ।भागीरथीरूपमहेशवेणी श्रीमत्प्रयागे जयति त्रिवेणी ॥ ९॥
sārasvatākāravighātaveṇī kālindakanyāmayalakṣyaveṇī |bhāgīrathīrūpamaheśaveṇī śrīmatprayāge jayati triveṇī || 9||
श्रीमद्भवानीभवनैकवेणी लक्ष्मीसरस्वत्यभिमानवेणी ।माता त्रिवेणी त्रयीरत्नवेणी श्रीमत्प्रयागे जयति त्रिवेणी ॥ १०॥
śrīmadbhavānībhavanaikaveṇī lakṣmīsarasvatyabhimānaveṇī |mātā triveṇī trayīratnaveṇī śrīmatprayāge jayati triveṇī || 10||
त्रिवेणीदशकं स्तोत्रं प्रातर्नित्यं पठेन्नरः ।तस्य वेणी प्रसन्ना स्याद् विष्णुलोकं स गच्छति ॥ ११॥
triveṇīdaśakaṃ stotraṃ prātarnityaṃ paṭhennaraḥ |tasya veṇī prasannā syād viṣṇulokaṃ sa gacchati || 11||
इति श्रीमच्छङ्कराचार्यविरचितं त्रिवेणीस्तोत्रं सम्पूर्णम् ।
iti śrīmacchaṅkarācāryaviracitaṃ triveṇīstotraṃ sampūrṇam |
॥ इति त्रिवेणीदशकस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Trivenistotram?
Trivenistotram has 12 verses on this page, each shown with its number, Devanagari text and transliteration, and meaning where available.
Can I read Trivenistotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Trivenistotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
Who composed Trivenistotram?
Shankaracharya.
