कृष्णावेणीपञ्चगङ्गास्तोत्रम् Shri Krishnaveni Pancha Ganga Stotram

शिवा शिवा शिवप्रेष्ठा शिवायास्तु हताशिवा ।सर्वदा शेरते यस्यां सद्गुणाः सर्वदा हि सा ॥ १॥

śivā śivā śivapreṣṭhā śivāyāstu hatāśivā |sarvadā śerate yasyāṃ sadguṇāḥ sarvadā hi sā || 1||

नमामि सर्वतोभद्रां सुभद्राश्ययदां नदीम् ।भद्राय सास्तु मे भद्रा सर्वाभद्रहरा वरा ॥ २॥

namāmi sarvatobhadrāṃ subhadrāśyayadāṃ nadīm |bhadrāya sāstu me bhadrā sarvābhadraharā varā || 2||

स्रोतस्वती भोगवती या सौभाग्यवती सती ।आभोगतायै सा मेऽस्तु ख्याता भोवतीह वा ॥ ३॥

srotasvatī bhogavatī yā saubhāgyavatī satī |ābhogatāyai sā me'stu khyātā bhovatīha vā || 3||

कलुषाणीह सर्वाणि या कुम्भयति सत्वरम् ।परशक्त्या स्रवन्ती सा भूयात्कुम्भी शिवाय मे ॥ ४॥

kaluṣāṇīha sarvāṇi yā kumbhayati satvaram |paraśaktyā sravantī sā bhūyātkumbhī śivāya me || 4||

स्रवन्ती सा हतापाया पापहारिसरस्वती ।पुनातु सा ह्यवाग्वासा पापहन्त्री सरस्वती ॥ ५॥

sravantī sā hatāpāyā pāpahārisarasvatī |punātu sā hyavāgvāsā pāpahantrī sarasvatī || 5||

कृष्णा विष्णुतनुः साक्षान्महापापाहारिणी ।तारिणी दुर्गसंसारात्सा कृष्णा मुक्तयेऽस्तु नः ॥ ६॥

kṛṣṇā viṣṇutanuḥ sākṣānmahāpāpāhāriṇī |tāriṇī durgasaṃsārātsā kṛṣṇā muktaye'stu naḥ || 6||

महेश्वरस्वरूपा या कृष्णया सङ्गता नदी ।सा वेणी सकलाघघ्नी तापघ्नी मुक्तयेऽस्तु नः ॥ ७॥

maheśvarasvarūpā yā kṛṣṇayā saṅgatā nadī |sā veṇī sakalāghaghnī tāpaghnī muktaye'stu naḥ || 7||

कृष्णावेणीपञ्चगङ्गास्तोत्रं सर्वीघहारि यः ।त्रिसन्ध्यं प्रपठेद्धीमान्स पवित्रो भविष्यति ॥ ८॥

kṛṣṇāveṇīpañcagaṅgāstotraṃ sarvīghahāri yaḥ |trisandhyaṃ prapaṭheddhīmānsa pavitro bhaviṣyati || 8||

इति श्रीवासुदेवानन्दसरस्वतीविरचितं कृष्णापञ्चगङ्गास्तोत्रं सम्पूर्णम् ।

iti śrīvāsudevānandasarasvatīviracitaṃ kṛṣṇāpañcagaṅgāstotraṃ sampūrṇam |