गणेशस्तोत्रम् (ब्रह्माकृतम् शम्भो तवायं) Shri Ganesha Stotram by Brahma

श्री गणेशाय नमः ।ब्रह्मोवाचशम्भो तवायं तनयस्त्वमेवायं न संशयः ।सर्वदेवाग्रपूज्योऽयं शेषे त्वञ्च महेश्वरः ॥ १॥

śrī gaṇeśāya namaḥ |brahmovācaśambho tavāyaṃ tanayastvamevāyaṃ na saṃśayaḥ |sarvadevāgrapūjyo'yaṃ śeṣe tvañca maheśvaraḥ || 1||

आदावन्ते भवानेव पूज्यो देवो महेश्वरः ।सर्वदेवगणस्यायमधिपोऽभून्महाभुजः ॥ २॥

ādāvante bhavāneva pūjyo devo maheśvaraḥ |sarvadevagaṇasyāyamadhipo'bhūnmahābhujaḥ || 2||

भवतोऽपि गणा ये तु तेषामप्यधिपोऽभवत् ।तस्माद्गणाधिपोऽस्त्वेष गजास्यत्वाद्गजाननः ॥ ३॥

bhavato'pi gaṇā ye tu teṣāmapyadhipo'bhavat |tasmādgaṇādhipo'stveṣa gajāsyatvādgajānanaḥ || 3||

इन्द्रं जित्वा गजं हत्वा भग्नदन्तं शिरो यतः ।नन्दी चाद्भूतकर्मासौ ददौ तेनैकदन्तकः ॥ ४॥

indraṃ jitvā gajaṃ hatvā bhagnadantaṃ śiro yataḥ |nandī cādbhūtakarmāsau dadau tenaikadantakaḥ || 4||

हेरम्ब इति नामास्य बीजरूपं सदास्तु ह ।लम्बोदरस्तुन्दिलत्वान्नाम्ना पुत्रोऽस्तु ते शिव ॥ ५॥

heramba iti nāmāsya bījarūpaṃ sadāstu ha |lambodarastundilatvānnāmnā putro'stu te śiva || 5||

अस्य स्मरणमात्रेण सर्वे विघ्ना भयं ययुः ।विघ्नेशोऽयमतो नाम्ना तव पुत्रोऽस्तु शङ्कर ॥ ६॥

asya smaraṇamātreṇa sarve vighnā bhayaṃ yayuḥ |vighneśo'yamato nāmnā tava putro'stu śaṅkara || 6||

यात्रायां सत्क्रियारम्भे यः स्मरेच्च गणाधिपम् ।तस्य यात्राफलं सिद्।ह्ध्येदारब्धस्यान्तदर्शनम् ॥ ७॥

yātrāyāṃ satkriyārambhe yaḥ smarecca gaṇādhipam |tasya yātrāphalaṃ sid|hdhyedārabdhasyāntadarśanam || 7||

सर्वमङ्गलकार्येषु पूजनीयो गणाधिपः ।गणेशे पूजिते देवाः पूजिताः कार्यसाधकाः ॥ ८॥

sarvamaṅgalakāryeṣu pūjanīyo gaṇādhipaḥ |gaṇeśe pūjite devāḥ pūjitāḥ kāryasādhakāḥ || 8||

इति श्रीब्रह्माकृतं श्रीगणेशस्तोत्रं सम्पूर्णम् ।

iti śrībrahmākṛtaṃ śrīgaṇeśastotraṃ sampūrṇam |