गणेशस्तोत्रम् पाशायबन्धमोक्षकरं Shri Ganesha Stotram Pashaya Bandhamokshakaram

॥ श्रीगणेशाय नमः ॥अहमुवाच ।पाशाय शस्त्रराजाय नमस्ते बन्धरूपिणे ।मोक्षरूपाय वै तुभ्यं गणेशकरभूषण ॥ १॥

|| śrīgaṇeśāya namaḥ ||ahamuvāca |pāśāya śastrarājāya namaste bandharūpiṇe |mokṣarūpāya vai tubhyaṃ gaṇeśakarabhūṣaṇa || 1||

मोहो मायामयः प्रोक्तो बन्धदः सर्वजन्तवे ।गणेशज्ञानयुक्तश्चेद् बन्धहीनो नरो भवेत् ॥ २॥

moho māyāmayaḥ prokto bandhadaḥ sarvajantave |gaṇeśajñānayuktaśced bandhahīno naro bhavet || 2||

तदेव बन्धरूपाख्यं शस्त्रं तस्य महात्मनः ।त्वमेव पाशरूपं वै बन्धमोक्षकरं महत् ॥ ३॥

tadeva bandharūpākhyaṃ śastraṃ tasya mahātmanaḥ |tvameva pāśarūpaṃ vai bandhamokṣakaraṃ mahat || 3||

ये त्वां शरणमापन्नास्तेषां ते बन्धजं भयम् ।नास्ति शस्त्र च मां पाहि शरणागतमादरात् ॥ ४॥

ye tvāṃ śaraṇamāpannāsteṣāṃ te bandhajaṃ bhayam |nāsti śastra ca māṃ pāhi śaraṇāgatamādarāt || 4||

नमस्ते तेजसां नाथ दुष्टनाशकराय ते ।पाशाय परमास्त्राय शस्त्राणां ब्रह्मणे नमः ॥ ५॥

namaste tejasāṃ nātha duṣṭanāśakarāya te |pāśāya paramāstrāya śastrāṇāṃ brahmaṇe namaḥ || 5||

एवं स्तुत्वा महापाशं प्रणनाम कृताञ्जलिः ।अहङ्कारश्च तं त्यक्त्वा पाशो विघ्नेश्वरं ययौ ॥ ६॥

evaṃ stutvā mahāpāśaṃ praṇanāma kṛtāñjaliḥ |ahaṅkāraśca taṃ tyaktvā pāśo vighneśvaraṃ yayau || 6||

(फलश्रुतिः)इदं स्तोत्रं पठेद्यस्तु तस्य बन्धो विनश्यति ।मायापाशमयः साक्षाद्गणेशे स लभेद्गतिम् ॥ ७॥

(phalaśrutiḥ)idaṃ stotraṃ paṭhedyastu tasya bandho vinaśyati |māyāpāśamayaḥ sākṣādgaṇeśe sa labhedgatim || 7||

गतं पाशं विलोक्यैवाहङ्कारो गुरुणा युतः ।धूम्रवर्णं जगामाऽसौ तं दृष्ट्वा प्रणनाम ह ॥ ८॥

gataṃ pāśaṃ vilokyaivāhaṅkāro guruṇā yutaḥ |dhūmravarṇaṃ jagāmā'sau taṃ dṛṣṭvā praṇanāma ha || 8||

इति पाशाय बन्धमोक्षकरं श्रीगणेशस्तोत्रं सम्पूर्णम् ॥॥ मुद्गलपुराणं अष्टमः खण्डः । अध्यायः ७ । ८\।७ १८॥– ॥ मुद्गलपुराणं अष्टमः खण्डः । अध्यायः ७ । ८।७ १-८॥

iti pāśāya bandhamokṣakaraṃ śrīgaṇeśastotraṃ sampūrṇam |||| mudgalapurāṇaṃ aṣṭamaḥ khaṇḍaḥ | adhyāyaḥ 7 | 8\|7 18||– || mudgalapurāṇaṃ aṣṭamaḥ khaṇḍaḥ | adhyāyaḥ 7 | 8|7 1-8||