गणेशस्तुतिः शिवप्रोक्ता Ganesha Stuti by Shiva

शिव उवाच ।नमस्ते विघ्नराजाय नमस्ते विघ्नहारिणे ।विघ्नकर्त्रे गणेशाय विघ्नानां पतये नमः ॥ २०॥

śiva uvāca |namaste vighnarājāya namaste vighnahāriṇe |vighnakartre gaṇeśāya vighnānāṃ pataye namaḥ || 20||

लम्बोदराय सर्वाय वक्रतुण्डस्वरूपिणे ।त्रैगुण्येन जगद्रूपनानाभेदप्रधारिणे ॥ २१॥

lambodarāya sarvāya vakratuṇḍasvarūpiṇe |traiguṇyena jagadrūpanānābhedapradhāriṇe || 21||

नैर्गुण्येन च वै साक्षाद्ब्रह्मरूपधराय च ।नमो नमो बन्धहन्त्रे भक्तानां पालकाय ते ॥ २२॥

nairguṇyena ca vai sākṣādbrahmarūpadharāya ca |namo namo bandhahantre bhaktānāṃ pālakāya te || 22||

अभक्तेभ्यस्तमोदाय नानाभयकराय च ।हेरम्बाय नमस्तुभ्यं वेदवेद्याय शाश्वते ॥ २३॥

abhaktebhyastamodāya nānābhayakarāya ca |herambāya namastubhyaṃ vedavedyāya śāśvate || 23||

अनन्ताननरूपायानन्तबाह्वङ्घ्रिकाय ते ।अनन्तकरकर्णायानन्तोदरधराय ते ॥ २४॥

anantānanarūpāyānantabāhvaṅghrikāya te |anantakarakarṇāyānantodaradharāya te || 24||

नमो नमस्ते गणनायकाय ते अनादिपूज्याय च सर्वरूपिणे ।अखण्डलीलाकरपूर्णमूर्तये महोत्कटायास्तु नमो महात्मने ॥ २५॥

namo namaste gaṇanāyakāya te anādipūjyāya ca sarvarūpiṇe |akhaṇḍalīlākarapūrṇamūrtaye mahotkaṭāyāstu namo mahātmane || 25||

आदौ च निर्माय विधिं रजोमयं तेनैव सृष्टिं विदधासि देव ।सत्त्वात्मकं विष्णुमथो हि मध्ये निर्माय पासि त्वमखण्डविक्रम ॥ २६॥

ādau ca nirmāya vidhiṃ rajomayaṃ tenaiva sṛṣṭiṃ vidadhāsi deva |sattvātmakaṃ viṣṇumatho hi madhye nirmāya pāsi tvamakhaṇḍavikrama || 26||

अन्ते तमोरूपिणमेव सृष्ट्वा शम्भुं स्वशक्त्या हरसि त्वमाद्य ।एवंविधं त्वां प्रवदन्ति वेदाः तं वै गणेशं शरणं प्रपद्ये ॥ २७॥

ante tamorūpiṇameva sṛṣṭvā śambhuṃ svaśaktyā harasi tvamādya |evaṃvidhaṃ tvāṃ pravadanti vedāḥ taṃ vai gaṇeśaṃ śaraṇaṃ prapadye || 27||

मायामयं वै गुणपं तु सृष्ट्वा तस्मात्पुरस्त्वं गणराज चादौ ।स्वानन्दसंज्ञे नगरे विभासि सिद्।ह्ध्या च वुद्।ह्ध्या सहितः परेश ॥ २८॥

māyāmayaṃ vai guṇapaṃ tu sṛṣṭvā tasmātpurastvaṃ gaṇarāja cādau |svānandasaṃjñe nagare vibhāsi sid|hdhyā ca vud|hdhyā sahitaḥ pareśa || 28||

तं त्वां गणेशं शरणं प्रपद्ये स्थितं सदा हृत्सु च योगिनां वै ।वेदैर्न वेद्यं मनसा न लभ्यं तं वक्रतुण्डं हृदि चिन्तयामि ॥ २९॥

taṃ tvāṃ gaṇeśaṃ śaraṇaṃ prapadye sthitaṃ sadā hṛtsu ca yogināṃ vai |vedairna vedyaṃ manasā na labhyaṃ taṃ vakratuṇḍaṃ hṛdi cintayāmi || 29||

अर्धनारीश्वरत्वं यत्तद्गतं मेऽधुना प्रभो ।शक्तिहीनत्वमापन्नो नष्टवत्कर्मणा कृतः ॥ ३०॥

ardhanārīśvaratvaṃ yattadgataṃ me'dhunā prabho |śaktihīnatvamāpanno naṣṭavatkarmaṇā kṛtaḥ || 30||

नानैश्वर्ययुता देवी सा गता गणप प्रभो ।अनीश्वरपदं प्राप्तं मम वै देवदेव भोः ॥ ३१॥

nānaiśvaryayutā devī sā gatā gaṇapa prabho |anīśvarapadaṃ prāptaṃ mama vai devadeva bhoḥ || 31||

निर्गुणोऽहं सदा शम्भुः सगुणः सर्वभाववित् ।शत्त्या युक्तो यदा स्वामिन्नधुना किं करोम्यहम् ॥ ३२॥

nirguṇo'haṃ sadā śambhuḥ saguṇaḥ sarvabhāvavit |śattyā yukto yadā svāminnadhunā kiṃ karomyaham || 32||

शक्तिहीनः पदा गन्तुं न शक्नोमि गणेश्वर ।अतस्त्वं कृपया देव शक्तं मां कुरु कर्मणि ॥ ३३॥

śaktihīnaḥ padā gantuṃ na śaknomi gaṇeśvara |atastvaṃ kṛpayā deva śaktaṃ māṃ kuru karmaṇi || 33||

ततः प्रादुरभूत्तस्य पुरतः स गणाधिपः ।उवाच शङ्करं तत्र हर्षयन् श्लक्ष्णया गिरा ॥ ३४॥

tataḥ prādurabhūttasya purataḥ sa gaṇādhipaḥ |uvāca śaṅkaraṃ tatra harṣayan ślakṣṇayā girā || 34||

अहो पश्य च मां शम्भो किं शोचसि महेश्वर ।भवितासि सशक्तिस्त्वं मद्वाक्यान्नात्र संशयः ॥ ३५॥

aho paśya ca māṃ śambho kiṃ śocasi maheśvara |bhavitāsi saśaktistvaṃ madvākyānnātra saṃśayaḥ || 35||

अहमेवेश्वरो देवो ह्येको ब्रह्माण्डमण्डले ।तेन गर्वेण युक्तस्त्वं स विघ्नः सहसा कृतः ॥ ३६॥

ahameveśvaro devo hyeko brahmāṇḍamaṇḍale |tena garveṇa yuktastvaṃ sa vighnaḥ sahasā kṛtaḥ || 36||

अधुना ते गतो मोहो मदीया स्मृतिरागता ।ध्यातस्तुतश्च तेनाऽहं प्रसन्नोऽस्मि न संशयः ॥ ३७॥

adhunā te gato moho madīyā smṛtirāgatā |dhyātastutaśca tenā'haṃ prasanno'smi na saṃśayaḥ || 37||

हिमाचलसुता देवी भविष्यति न संशयः ।वृणोषि त्वं सतीं तां वै पार्वतीं च पुनःशिव ॥ ३८॥

himācalasutā devī bhaviṣyati na saṃśayaḥ |vṛṇoṣi tvaṃ satīṃ tāṃ vai pārvatīṃ ca punaḥśiva || 38||

रमसे च तया सार्धं मत्तया भावितो दृढम् ।ईश्वरः सहशक्तिस्त्वं मत्प्रसादात्सदा भव ॥ ३९॥

ramase ca tayā sārdhaṃ mattayā bhāvito dṛḍham |īśvaraḥ sahaśaktistvaṃ matprasādātsadā bhava || 39||

स्मृतमात्रस्तवाग्रेऽहं प्रत्यक्षः स्यां सदाशिव ।इति दत्त्वा वरं देवस्तत्रैवान्तरधीयत ॥ ४०॥

smṛtamātrastavāgre'haṃ pratyakṣaḥ syāṃ sadāśiva |iti dattvā varaṃ devastatraivāntaradhīyata || 40||

इति श्रीमुद्गलपुराणे प्रथमे खण्डे वक्त्रतुण्डचरितेचतुर्थाध्यायान्तर्गता शिवकृता गणेशस्तुतिः समाप्ता ॥ १\।४

iti śrīmudgalapurāṇe prathame khaṇḍe vaktratuṇḍacaritecaturthādhyāyāntargatā śivakṛtā gaṇeśastutiḥ samāptā || 1\|4