किङ्किणीस्तोत्रम् Shri Kinkini Stotram

किं किं दुःखं सकलजननि क्षीयते न स्मृतायाम् ।

kiṃ kiṃ duḥkhaṃ sakalajanani kṣīyate na smṛtāyām |

किं किं सौख्यं सुरवर नुते प्राप्यते न स्तुतायाम् ।कं कं योगन्त्वयि न तनुते चित्तमालम्बितायाम् ॥ २॥

kiṃ kiṃ saukhyaṃ suravara nute prāpyate na stutāyām |kaṃ kaṃ yogantvayi na tanute cittamālambitāyām || 2||

स्मृता भवभयध्वंसि पूजितासि शुभङ्करि ।स्तुता त्वं वाञ्छितां देवि ददासि करुणाकरे ॥ ३॥

smṛtā bhavabhayadhvaṃsi pūjitāsi śubhaṅkari |stutā tvaṃ vāñchitāṃ devi dadāsi karuṇākare || 3||

परमानन्दबोधाद्विरूपे तेजस्वरूपिणिदेववृन्दशिरोरत्न निघृष्टचरणाम्बुजे ।चिद्विश्रान्ति महासत्ता मात्रे मात्रे नमोऽस्तु ते ॥ ४॥

paramānandabodhādvirūpe tejasvarūpiṇidevavṛndaśiroratna nighṛṣṭacaraṇāmbuje |cidviśrānti mahāsattā mātre mātre namo'stu te || 4||

सृष्टिस्थित्युपसंहार हेतु भूते सनातनि ।गुणत्रयात्मिकाऽसि त्वं जगतः कारणेच्छया ॥ ५॥

sṛṣṭisthityupasaṃhāra hetu bhūte sanātani |guṇatrayātmikā'si tvaṃ jagataḥ kāraṇecchayā || 5||

अनुग्रहाय भूतानां गृहीत दिव्यविग्रहे ।भक्तस्य मे नित्यपूजा युक्तस्य परमेश्वरि ॥ ६॥

anugrahāya bhūtānāṃ gṛhīta divyavigrahe |bhaktasya me nityapūjā yuktasya parameśvari || 6||

ऐहिकामुष्मिकीसिद्धिं देहि त्रिदशवन्दिते ।तापत्रयपरिम्लान भाजनं त्राहि मां शिवे ॥ ७॥

aihikāmuṣmikīsiddhiṃ dehi tridaśavandite |tāpatrayaparimlāna bhājanaṃ trāhi māṃ śive || 7||

नान्यं वदामि न शृणोमि न चिन्तयामि ।नान्यं स्मरामि न भजामि न चाश्रयामि ।भक्त्या त्वदीयचरणाम्बुजमादरेण । (कर्णोक्तं पाण्डवगीतायाम्)मां त्राहि देवि कृपया मयि देहि सिद्धिम् ॥ ८॥

nānyaṃ vadāmi na śṛṇomi na cintayāmi |nānyaṃ smarāmi na bhajāmi na cāśrayāmi |bhaktyā tvadīyacaraṇāmbujamādareṇa | (karṇoktaṃ pāṇḍavagītāyām)māṃ trāhi devi kṛpayā mayi dehi siddhim || 8||

अज्ञानाद्वा प्रमादाद्वा वैकल्यात् साधनस्य च ।यन्न्यूनमतिरिक्तं वा तत्सर्वं क्षन्तुमर्हसि ॥ ८॥

ajñānādvā pramādādvā vaikalyāt sādhanasya ca |yannyūnamatiriktaṃ vā tatsarvaṃ kṣantumarhasi || 8||

द्रव्यहीनं क्रियाहीनं श्रद्धामन्त्रविवर्जितम् ।तत्सर्वं कृपया देवि क्षमस्व त्वं दयानिधे ॥ ९॥

dravyahīnaṃ kriyāhīnaṃ śraddhāmantravivarjitam |tatsarvaṃ kṛpayā devi kṣamasva tvaṃ dayānidhe || 9||

यन्मया क्रियते कर्म तन्महत् स्वल्पमेव वा ।तत्सर्वं च जगद्धात्रि क्षन्तव्यमयमञ्जलिः ॥ १०॥

yanmayā kriyate karma tanmahat svalpameva vā |tatsarvaṃ ca jagaddhātri kṣantavyamayamañjaliḥ || 10||

॥ इति श्रीकिङ्किणीस्तोत्रं सम्पूर्णम् ॥

|| iti śrīkiṅkiṇīstotraṃ sampūrṇam ||