कुमारीसहस्रनामस्तोत्रम् Shri Khumari Shahasranamastotram

आनन्दभैरव उवाचवद कान्ते सदानन्दस्वरूपानन्दवल्लभे ।कुमार्या देवतामुख्याः परमानन्दवर्धनम् ॥ १॥

ānandabhairava uvācavada kānte sadānandasvarūpānandavallabhe |kumāryā devatāmukhyāḥ paramānandavardhanam || 1||

अष्टोत्तरसहस्राख्यं नाम मङ्गलमद्भुतम् ।यदि मे वर्तते विद्ये यदि स्नेहकलामला ॥ २॥

aṣṭottarasahasrākhyaṃ nāma maṅgalamadbhutam |yadi me vartate vidye yadi snehakalāmalā || 2||

तदा वदस्व कौमारीकृतकर्मफलप्रदम् ।महास्तोत्रं कोटिकोटि कन्यादानफलं भवेत् ॥ ३॥

tadā vadasva kaumārīkṛtakarmaphalapradam |mahāstotraṃ koṭikoṭi kanyādānaphalaṃ bhavet || 3||

आनन्दभैरवी उवाचमहापुण्यप्रदं नाथ शृणु सर्वेश्वरप्रिय ।अष्टोत्तरसहस्राख्यं कुमार्याः परमाद्भुतम् ॥ ४॥

ānandabhairavī uvācamahāpuṇyapradaṃ nātha śṛṇu sarveśvarapriya |aṣṭottarasahasrākhyaṃ kumāryāḥ paramādbhutam || 4||

पठित्त्वा धारयित्त्वा वा नरो मुच्येत सङ्कटात् ।सर्वत्र दुर्लभं धन्यं धन्यलोकनिषेवितम् ॥ ५॥

paṭhittvā dhārayittvā vā naro mucyeta saṅkaṭāt |sarvatra durlabhaṃ dhanyaṃ dhanyalokaniṣevitam || 5||

अणिमाद्यष्टसिद्ध्यङ्गं सर्वानन्दकरं परम् ।मायामन्त्रनिरस्ताङ्गं मन्त्रसिद्धिप्रदे नृणाम् ॥ ६॥

aṇimādyaṣṭasiddhyaṅgaṃ sarvānandakaraṃ param |māyāmantranirastāṅgaṃ mantrasiddhiprade nṛṇām || 6||

न पूजा न जपं स्नानं पुरश्चर्याविधिश्च न ।अकस्मात् सिद्धिमवाप्नोति सहस्रनामपाठतः ॥ ७॥

na pūjā na japaṃ snānaṃ puraścaryāvidhiśca na |akasmāt siddhimavāpnoti sahasranāmapāṭhataḥ || 7||

सर्वयज्ञफलं नाथ प्राप्नोति साधकः क्षणात् ।मन्त्रार्थं मन्त्रचैतन्यं योनिमुद्रास्वरूपकम् ॥ ८॥

sarvayajñaphalaṃ nātha prāpnoti sādhakaḥ kṣaṇāt |mantrārthaṃ mantracaitanyaṃ yonimudrāsvarūpakam || 8||

कोटिवर्षशतेनापि फलं वक्तुं न शक्यते ।तथापि वक्तुमिच्छामि हिताय जगतां प्रभो ॥ ९॥

koṭivarṣaśatenāpi phalaṃ vaktuṃ na śakyate |tathāpi vaktumicchāmi hitāya jagatāṃ prabho || 9||

अस्याः श्रीकुमार्याः सहस्रनामकवचस्यवटुकभैरवऋषिः । अनुष्टुप्छन्दः । कुमारीदेवता ।सर्वमन्त्रसिद्धिसमृद्धये विनियोगः ॥ १०॥

asyāḥ śrīkumāryāḥ sahasranāmakavacasyavaṭukabhairavaṛṣiḥ | anuṣṭupchandaḥ | kumārīdevatā |sarvamantrasiddhisamṛddhaye viniyogaḥ || 10||

ॐ कुमारी कौशिकी काली कुरुकुल्ला कुलेश्वरी ।कनकाभा काञ्चनाभा कमला कालकामिनी ॥ ११॥

oṃ kumārī kauśikī kālī kurukullā kuleśvarī |kanakābhā kāñcanābhā kamalā kālakāminī || 11||

कपालिनी कालरूपा कौमारी कुलपालिका ।कान्ता कुमारकान्ता च कारणा करिगामिनी ॥ १२॥

kapālinī kālarūpā kaumārī kulapālikā |kāntā kumārakāntā ca kāraṇā karigāminī || 12||

कन्धकान्ता कौलकान्ता कृतकर्मफलप्रदा ।कार्याकार्यप्रिया कक्षा कंसहन्त्री कुरुक्षया ॥ १३॥

kandhakāntā kaulakāntā kṛtakarmaphalapradā |kāryākāryapriyā kakṣā kaṃsahantrī kurukṣayā || 13||

कृष्णकान्ता कालरात्रिः कर्णेषुधारिणीकरा ।कामहा कपिला काला कालिका कुरुकामिनी ॥ १४॥

kṛṣṇakāntā kālarātriḥ karṇeṣudhāriṇīkarā |kāmahā kapilā kālā kālikā kurukāminī || 14||

कुरुक्षेत्रप्रिया कौला कुन्ती कामातुरा कचा ।कलञ्जभक्षा कैकेयी काकपुच्छध्वजा कला ॥ १५॥

kurukṣetrapriyā kaulā kuntī kāmāturā kacā |kalañjabhakṣā kaikeyī kākapucchadhvajā kalā || 15||

कमला कामलक्ष्मी च कमलाननकामिनी ।कामधेनुस्वरूपा च कामहा काममदीनी ॥ १६॥

kamalā kāmalakṣmī ca kamalānanakāminī |kāmadhenusvarūpā ca kāmahā kāmamadīnī || 16||

कामदा कामपूज्या च कामातीता कलावती ।भैरवी कारणाढ्या च कैशोरी कुशलाङ्गला ॥ १७॥

kāmadā kāmapūjyā ca kāmātītā kalāvatī |bhairavī kāraṇāḍhyā ca kaiśorī kuśalāṅgalā || 17||

कम्बुग्रीवा कृष्णनिभा कामराजप्रियाकृतिः ।कङ्कणालङ्कृता कङ्का केवला काकिनी किरा ॥ १८॥

kambugrīvā kṛṣṇanibhā kāmarājapriyākṛtiḥ |kaṅkaṇālaṅkṛtā kaṅkā kevalā kākinī kirā || 18||

किरातिनी काकभक्षा करालवदना कृशा ।केशिनी केशिहा केशा कासाम्बष्ठा करिप्रिया ॥ १९॥

kirātinī kākabhakṣā karālavadanā kṛśā |keśinī keśihā keśā kāsāmbaṣṭhā karipriyā || 19||

कविनाथस्वरूपा च कटुवाणी कटुस्थिता ।कोटरा कोटराक्षी च करनाटकवासिनी ॥ २०॥

kavināthasvarūpā ca kaṭuvāṇī kaṭusthitā |koṭarā koṭarākṣī ca karanāṭakavāsinī || 20||

कटकस्था काष्ठसंस्था कन्दर्पा केतकी प्रिया ।केलिप्रिया कम्बलस्था कालदैत्यविनाशिनी ॥ २१॥

kaṭakasthā kāṣṭhasaṃsthā kandarpā ketakī priyā |kelipriyā kambalasthā kāladaityavināśinī || 21||

केतकीपुष्पशोभाढ्या कर्पूरपूर्णजिह्विका ।कर्पूराकरकाकोला कैलासगिरिवासिनी ॥ २२॥

ketakīpuṣpaśobhāḍhyā karpūrapūrṇajihvikā |karpūrākarakākolā kailāsagirivāsinī || 22||

कुशासनस्था कादम्बा कुञ्जरेशी कुलानना ।खर्बा खड्गधरा खड्गा खलहा खलबुद्धिदा ॥ २३॥

kuśāsanasthā kādambā kuñjareśī kulānanā |kharbā khaḍgadharā khaḍgā khalahā khalabuddhidā || 23||

खञ्जना खररूपा च क्षाराम्लतिक्तमध्यगा ।खेलना खेटककरा खरवाक्या खरोत्कटा ॥ २४॥

khañjanā khararūpā ca kṣārāmlatiktamadhyagā |khelanā kheṭakakarā kharavākyā kharotkaṭā || 24||

खद्योतचञ्चला खेला खद्योता खगवाहिनी ।खेटकस्था खलाखस्था खेचरी खेचरप्रिया ॥ २५॥

khadyotacañcalā khelā khadyotā khagavāhinī |kheṭakasthā khalākhasthā khecarī khecarapriyā || 25||

खचरा खरप्रेमा खलाढ्या खचरानना ।खेचरेशी खरोग्रा च खेचरप्रियभाषिणी ॥ २६॥

khacarā kharapremā khalāḍhyā khacarānanā |khecareśī kharogrā ca khecarapriyabhāṣiṇī || 26||

खर्जूरासवसंमत्ता खर्जूरफलभोगिनी ।खातमध्यस्थिता खाता खाताम्बुपरिपूरिणी ॥ २७॥

kharjūrāsavasaṃmattā kharjūraphalabhoginī |khātamadhyasthitā khātā khātāmbuparipūriṇī || 27||

ख्यातिः ख्यातजलानन्दा खुलना खञ्जनागतिः ।खल्वा खलतरा खारी खरोद्वेगनिकृन्तनी ॥ २८॥

khyātiḥ khyātajalānandā khulanā khañjanāgatiḥ |khalvā khalatarā khārī kharodveganikṛntanī || 28||

गगनस्था च भीता च गभीरनादिनी गया ।गङ्गा गभीरा गौरी च गणनाथ प्रिया गतिः ॥ २९॥

gaganasthā ca bhītā ca gabhīranādinī gayā |gaṅgā gabhīrā gaurī ca gaṇanātha priyā gatiḥ || 29||

गुरुभक्ता ग्वालिहीना गेहिनी गोपिनी गिरा ।गोगणस्था गाणपत्या गिरिजा गिरिपूजिता ॥ ३०॥

gurubhaktā gvālihīnā gehinī gopinī girā |gogaṇasthā gāṇapatyā girijā giripūjitā || 30||

गिरिकान्ता गणस्था च गिरिकन्या गणेश्वरी ।गाधिराजसुता ग्रीवा गुर्वी गुर्व्यम्बशाङ्करी ॥ ३१॥

girikāntā gaṇasthā ca girikanyā gaṇeśvarī |gādhirājasutā grīvā gurvī gurvyambaśāṅkarī || 31||

गन्धर्व्वकामिनी गीता गायत्री गुणदा गुणा ।गुग्गुलुस्था गुरोः पूज्या गीतानन्दप्रकाशिनी ॥ ३२॥

gandharvvakāminī gītā gāyatrī guṇadā guṇā |guggulusthā guroḥ pūjyā gītānandaprakāśinī || 32||

गयासुरप्रियागेहा गवाक्षजालमध्यगा ।गुरुकन्या गुरोः पत्नी गहना गुरुनागिनी ॥ ३३॥

gayāsurapriyāgehā gavākṣajālamadhyagā |gurukanyā guroḥ patnī gahanā gurunāginī || 33||

गुल्फवायुस्थिता गुल्फा गर्द्दभा गर्द्दभप्रिया ।गुह्या गुह्यगणस्था च गरिमा गौरिका गुदा ॥ ३४॥

gulphavāyusthitā gulphā garddabhā garddabhapriyā |guhyā guhyagaṇasthā ca garimā gaurikā gudā || 34||

गुदोर्ध्वस्था च गलिता गणिका गोलका गला ।गान्धर्वी गाननगरी गन्धर्वगणपूजिता ॥ ३५॥

gudordhvasthā ca galitā gaṇikā golakā galā |gāndharvī gānanagarī gandharvagaṇapūjitā || 35||

घोरनादा घोरमुखी घोरा घर्मनिवारिणी ।घनदा घनवर्णा च घनवाहनवाहना ॥ ३६॥

ghoranādā ghoramukhī ghorā gharmanivāriṇī |ghanadā ghanavarṇā ca ghanavāhanavāhanā || 36||

घर्घरध्वनिचपला घटाघटपटाघटा ।घटिता घटना घोना घनरुप घनेश्वरी ॥ ३७॥

ghargharadhvanicapalā ghaṭāghaṭapaṭāghaṭā |ghaṭitā ghaṭanā ghonā ghanarupa ghaneśvarī || 37||

घुण्यातीता घर्घरा च घोराननविमोहिनी ।घोरनेत्रा घनरुचा घोरभैरव कन्यका ॥ ३८॥

ghuṇyātītā ghargharā ca ghorānanavimohinī |ghoranetrā ghanarucā ghorabhairava kanyakā || 38||

घाताघातकहा घात्या घ्राणाघ्राणेशवायवी ।घोरान्धकारसंस्था च घसना घस्वरा घरा ॥ ३९॥

ghātāghātakahā ghātyā ghrāṇāghrāṇeśavāyavī |ghorāndhakārasaṃsthā ca ghasanā ghasvarā gharā || 39||

घोटकेस्था घोटका च घोटकेश्वरवाहना ।घननीलमणिश्यामा घर्घरेश्वरकामिनी ॥ ४०॥

ghoṭakesthā ghoṭakā ca ghoṭakeśvaravāhanā |ghananīlamaṇiśyāmā gharghareśvarakāminī || 40||

ङकारकूटसम्पन्ना ङकारचक्रगामिनी ।ङकारी ङसंशा चैव ङीपनीता ङकारिणी ॥ ४१॥

ṅakārakūṭasampannā ṅakāracakragāminī |ṅakārī ṅasaṃśā caiva ṅīpanītā ṅakāriṇī || 41||

चन्द्रमण्डलमध्यस्था चतुरा चारुहासिनी ।चारुचन्द्रमुखी चैव चलङ्गमगतिप्रिया ॥ ४२॥

candramaṇḍalamadhyasthā caturā cāruhāsinī |cārucandramukhī caiva calaṅgamagatipriyā || 42||

चञ्चला चपला चण्डी चेकिताना चरुस्थिता ।चलिता चानना चार्व्वो चारुभ्रमरनादिनी ॥ ४३॥

cañcalā capalā caṇḍī cekitānā carusthitā |calitā cānanā cārvvo cārubhramaranādinī || 43||

चौरहा चन्द्रनिलया चैन्द्री चन्द्रपुरस्थिता ।चक्रकौला चक्ररूपा चक्रस्था चक्रसिद्धिदा ॥ ४४॥

caurahā candranilayā caindrī candrapurasthitā |cakrakaulā cakrarūpā cakrasthā cakrasiddhidā || 44||

चक्रिणी चक्रहस्ता च चक्रनाथकुलप्रिया ।चक्राभेद्या चक्रकुला चक्रमण्डलशोभिता ॥ ४५॥

cakriṇī cakrahastā ca cakranāthakulapriyā |cakrābhedyā cakrakulā cakramaṇḍalaśobhitā || 45||

चक्रेश्वरप्रिया चेला चेलाजिनकुशोत्तरा ।चतुर्वेदस्थिता चण्डा चन्द्रकोटिसुशीतला ॥ ४६॥

cakreśvarapriyā celā celājinakuśottarā |caturvedasthitā caṇḍā candrakoṭisuśītalā || 46||

चतुर्गुणा चन्द्रवर्णा चातुरी चतुरप्रिया ।चक्षुःस्था चक्षुवसतिश्चणका चणकप्रिया ॥ ४७॥

caturguṇā candravarṇā cāturī caturapriyā |cakṣuḥsthā cakṣuvasatiścaṇakā caṇakapriyā || 47||

चार्व्वङ्गी चन्द्रनिलया चलदम्बुजलोचना ।चर्व्वरीशा चारुमुखी चारुदन्ता चरस्थिता ॥ ४८॥

cārvvaṅgī candranilayā caladambujalocanā |carvvarīśā cārumukhī cārudantā carasthitā || 48||

चसकस्थासवा चेता चेतःस्था चैत्रपूजिता ।चाक्षुषी चन्द्रमलिनी चन्द्रहासमणिप्रभा ॥ ४९॥

casakasthāsavā cetā cetaḥsthā caitrapūjitā |cākṣuṣī candramalinī candrahāsamaṇiprabhā || 49||

छलस्था छुद्ररूपा च छत्रच्छायाछलस्थिता ।छलज्ञा छेश्वराछाया छाया छिन्नशिवा छला ॥ ५०॥

chalasthā chudrarūpā ca chatracchāyāchalasthitā |chalajñā cheśvarāchāyā chāyā chinnaśivā chalā || 50||