मान्धातृशैलेश्वरीस्तोत्रम् Mandhatrishaileshvari Stotra

श्री गणेशाय नमः ॥वन्दे नीलकलेवरां त्रिनयनांदंष्ट्राकरालाननां\,घण्टा मर्मशरावमुण्ड भुजगैः खट्वाङ्गशूलासिभिः ।आरूढाष्टभुजां किरीटरशनाघोषादिभिर्भूषणैराशीर्षाङ्घ्रिविटङ्कितां भगवतीम् मान्धातृशैलेश्वरीम् ॥ १॥

śrī gaṇeśāya namaḥ ||vande nīlakalevarāṃ trinayanāṃdaṃṣṭrākarālānanāṃ\,ghaṇṭā marmaśarāvamuṇḍa bhujagaiḥ khaṭvāṅgaśūlāsibhiḥ |ārūḍhāṣṭabhujāṃ kirīṭaraśanāghoṣādibhirbhūṣaṇairāśīrṣāṅghriviṭaṅkitāṃ bhagavatīm māndhātṛśaileśvarīm || 1||

मञ्जीरैर्मुखरीकृताङ्घ्रियुगलां सन्ध्याभ्रशोणांबरांचञ्चद्घोरकृपाणपाणिकमला मुज्जृम्भितभ्रूलतां ।सारंभप्रसरत्स्फुलिङ्ग नयनामुच्चाट्टहासस्वनैर्निर्धूताखिलसद्भयामनुभजे मान्धातृशैलेश्वरीम् ॥ २॥

mañjīrairmukharīkṛtāṅghriyugalāṃ sandhyābhraśoṇāṃbarāṃcañcadghorakṛpāṇapāṇikamalā mujjṛmbhitabhrūlatāṃ |sāraṃbhaprasaratsphuliṅga nayanāmuccāṭṭahāsasvanairnirdhūtākhilasadbhayāmanubhaje māndhātṛśaileśvarīm || 2||

वन्दे वक्षसिवृक्णदानवशिरो मालामयं कञ्चुकं\,कर्णे कुञ्जरकुण्डलं कटितटे भोगीन्द्रकाञ्चीगुणम् ।हस्तेदारिकरक्तपङ्किलमुखं धृत्वा खलानां भयं\,शिष्टानामभयं च या दिशति तां मान्धातृशैलेश्वरीम् ॥ ३॥

vande vakṣasivṛkṇadānavaśiro mālāmayaṃ kañcukaṃ\,karṇe kuñjarakuṇḍalaṃ kaṭitaṭe bhogīndrakāñcīguṇam |hastedārikaraktapaṅkilamukhaṃ dhṛtvā khalānāṃ bhayaṃ\,śiṣṭānāmabhayaṃ ca yā diśati tāṃ māndhātṛśaileśvarīm || 3||

स्मेरापाङ्गविलोकविभ्रमरसैः शूलादिभिश्चायुधैःसाधूनां च दुरात्मनां च हृदयग्रन्थिंसकौतूहलम् ।कृन्तन्तीम् भुवनत्रयैकजननीं वात्सल्यवारान्निधिंवन्देऽस्मत् कुलदेवतां शरणदां मान्धातृशैलेश्वरीम् ॥ ४॥

smerāpāṅgavilokavibhramarasaiḥ śūlādibhiścāyudhaiḥsādhūnāṃ ca durātmanāṃ ca hṛdayagranthiṃsakautūhalam |kṛntantīm bhuvanatrayaikajananīṃ vātsalyavārānnidhiṃvande'smat kuladevatāṃ śaraṇadāṃ māndhātṛśaileśvarīm || 4||

शुद्धान्तःकरणस्य शम्भुचरणां भोजेप्रपन्नात्मनो\,निष्कामस्य तपोधनस्य\, जगतां श्रेयोविधानार्थिनः ।मान्धातुर्हितकारिणीं गिरिसुता पुत्रीं कृपावर्षिणींवन्दे भक्तपरायणां भगवतीम् मान्धातृशैलेश्वरीम् ॥ ५॥

śuddhāntaḥkaraṇasya śambhucaraṇāṃ bhojeprapannātmano\,niṣkāmasya tapodhanasya\, jagatāṃ śreyovidhānārthinaḥ |māndhāturhitakāriṇīṃ girisutā putrīṃ kṛpāvarṣiṇīṃvande bhaktaparāyaṇāṃ bhagavatīm māndhātṛśaileśvarīm || 5||

कैलासादवतीर्यभार्गववरक्षोणीगते पावनक्षेत्रेसन्निहितांसदा हरिहरब्रह्म्यादिभिः पूजितां ।भक्तानुग्रहकातरां\, स्थिरचरप्राणिव्रजस्याम्बिकांमान्धातुर्वशवर्तिनीमनुभजे मान्धातृशैलेश्वरीम् ॥ ६॥

kailāsādavatīryabhārgavavarakṣoṇīgate pāvanakṣetresannihitāṃsadā hariharabrahmyādibhiḥ pūjitāṃ |bhaktānugrahakātarāṃ\, sthiracaraprāṇivrajasyāmbikāṃmāndhāturvaśavartinīmanubhaje māndhātṛśaileśvarīm || 6||

संख्यातीतभटैर्वृतेनरिपुणा सामूतिरिक्षोणिपेनाक्रान्तस्यनिजाङ्घ्रिमात्रशरणस्यात्यल्पसेनाभृतःप्राणंवल्लुवभूमिपस्यतिलशस्तेषांशिरच्छेदनैरक्षन्तीमनुकम्पयानुकलये मान्धातृशैलेश्वरीम् ॥ ७॥

saṃkhyātītabhaṭairvṛtenaripuṇā sāmūtirikṣoṇipenākrāntasyanijāṅghrimātraśaraṇasyātyalpasenābhṛtaḥprāṇaṃvalluvabhūmipasyatilaśasteṣāṃśiracchedanairakṣantīmanukampayānukalaye māndhātṛśaileśvarīm || 7||

तुर्यस्थानविहारिणीमशरणानुद्धर्तुमाकांक्षिणीमार्षोर्व्यामवतारिणीं भृगुवरक्षेत्रेस्थिरावासिनीम् ।भक्तानामभयङ्करीमविरलोत्सर्पत् कृपानिर्झरींवाताधीश सहोदरीं परिभजे मान्धातृशैलेश्वरीम् ॥ ८॥

turyasthānavihāriṇīmaśaraṇānuddhartumākāṃkṣiṇīmārṣorvyāmavatāriṇīṃ bhṛguvarakṣetresthirāvāsinīm |bhaktānāmabhayaṅkarīmaviralotsarpat kṛpānirjharīṃvātādhīśa sahodarīṃ paribhaje māndhātṛśaileśvarīm || 8||