महिषमर्दिनीकवचम् १ Mahishamardini Kavacham 1

अथ वक्ष्ये महेशानि कवचं सर्वकामदम् । (महादेवी)यस्य प्रसादमासाद्य भवेत् साक्षात् सदाशिवः ॥ १॥

atha vakṣye maheśāni kavacaṃ sarvakāmadam | (mahādevī)yasya prasādamāsādya bhavet sākṣāt sadāśivaḥ || 1||

ॐकारं पूर्वमुच्चार्य मन्त्री मन्त्रस्य सिद्धये ।प्रपठेत् कवचं नित्यं मन्त्रवर्णस्य सिद्धये ॥ २॥

oṃkāraṃ pūrvamuccārya mantrī mantrasya siddhaye |prapaṭhet kavacaṃ nityaṃ mantravarṇasya siddhaye || 2||

विनियोगःॐ महिषमर्दिन्याः कवचस्य भगवान्महाकालऋषिःअनुष्टुप् छन्दः, आद्याशक्तिः, महिषमर्द्दिनी देवता,चतुर्वर्गफलाप्त्यर्थे विनियोगः ॥ॐ क्लीं पातु मस्तके देवी कामिनी कामदायिनी ।मकारे पातु मां देवी चक्षुर्युग्मं महेश्वरी ॥ ३॥

viniyogaḥoṃ mahiṣamardinyāḥ kavacasya bhagavānmahākālaṛṣiḥanuṣṭup chandaḥ, ādyāśaktiḥ, mahiṣamarddinī devatā,caturvargaphalāptyarthe viniyogaḥ ||oṃ klīṃ pātu mastake devī kāminī kāmadāyinī |makāre pātu māṃ devī cakṣuryugmaṃ maheśvarī || 3||

हिकारे पातु वदने हिङ्गुलासुर नायिका ।शकारे पातु मां श्वेता जिह्वायां चापराजिता ॥ ४॥ त्वपराजिता)

hikāre pātu vadane hiṅgulāsura nāyikā |śakāre pātu māṃ śvetā jihvāyāṃ cāparājitā || 4|| tvaparājitā)

मकारे पातु मां देवी मर्दिनी सुरनायिका ।दिकारे पातु मां देवी सावित्री फलदायीनी ॥ ५॥ (सावित्री कालनाशिनी)

makāre pātu māṃ devī mardinī suranāyikā |dikāre pātu māṃ devī sāvitrī phaladāyīnī || 5|| (sāvitrī kālanāśinī)

निकारे पातु मां नित्या हृदये वासपार्श्वयोः ।नाभौ लिङ्गे गुदे कण्ठे कर्णयोस्पृष्टयोस्तथा ॥ ६॥ (कर्णयोः पार्श्वयोस्तथा)

nikāre pātu māṃ nityā hṛdaye vāsapārśvayoḥ |nābhau liṅge gude kaṇṭhe karṇayospṛṣṭayostathā || 6|| (karṇayoḥ pārśvayostathā)

शिखायां कवचे पातु मुश्वजङ्घायुगे तथा ।सर्वाङ्गे पातु मां स्वाहा सर्वशक्तिसमन्विता ॥ ७॥

śikhāyāṃ kavace pātu muśvajaṅghāyuge tathā |sarvāṅge pātu māṃ svāhā sarvaśaktisamanvitā || 7||

कामाद्या पातु मां स्वाहा सर्वाङ्गे पातु मर्दिनी ।दशाक्षरी महाविद्या सर्वाङ्गे पातु मर्दिनी ॥ ८॥

kāmādyā pātu māṃ svāhā sarvāṅge pātu mardinī |daśākṣarī mahāvidyā sarvāṅge pātu mardinī || 8||

मर्दिनी पातु सततं मर्दिनी रक्षयेत् सदा ।राजस्थाने तथा दुर्गे सिंहव्याघ्रभयादिषु ॥ ९॥

mardinī pātu satataṃ mardinī rakṣayet sadā |rājasthāne tathā durge siṃhavyāghrabhayādiṣu || 9||

श्मशाने प्रान्तरे दुर्गे नौकायां वह्निमध्यतः ।दुर्गा पातु सदा देवी आर्या पातु सदाशिवा ॥ १०॥

śmaśāne prāntare durge naukāyāṃ vahnimadhyataḥ |durgā pātu sadā devī āryā pātu sadāśivā || 10||

प्रभा पातु महेशानी गगने पातु सर्वदा । (कनका पातु)नन्दिनी पातु सततं मुद्राः पातु सदा मम ।कृत्तिका पातु सततमभया सर्वदाऽवतु ॥ ११॥

prabhā pātu maheśānī gagane pātu sarvadā | (kanakā pātu)nandinī pātu satataṃ mudrāḥ pātu sadā mama |kṛttikā pātu satatamabhayā sarvadā'vatu || 11||

प्रभा पातु महामाया माया पातु सदा मम ।नन्दिनी पातु सततं सुप्रभा सर्वदाऽवतु ॥ १२॥

prabhā pātu mahāmāyā māyā pātu sadā mama |nandinī pātu satataṃ suprabhā sarvadā'vatu || 12||

विजया पातु सर्वत्र देव्यङ्गे नवशक्तयः ।शक्तयः पातु सततं मुद्राः पातु सदा मम ॥ १३॥

vijayā pātu sarvatra devyaṅge navaśaktayaḥ |śaktayaḥ pātu satataṃ mudrāḥ pātu sadā mama || 13||

जया पातु सदा सूक्ष्मा विशुद्धा पातु सर्वदा । (सदा लक्ष्मी)डाकिन्याः पातु सततं सिद्धाः पातु सदा मम ॥ १४॥

jayā pātu sadā sūkṣmā viśuddhā pātu sarvadā | (sadā lakṣmī)ḍākinyāḥ pātu satataṃ siddhāḥ pātu sadā mama || 14||

सर्वत्र सर्वदा पातु देवी महिषमर्दिनी ।इति ते कवचं दिव्यं कथितं सर्वकामदम् ॥ १५॥

sarvatra sarvadā pātu devī mahiṣamardinī |iti te kavacaṃ divyaṃ kathitaṃ sarvakāmadam || 15||

यत्र तत्र न वक्तव्यं गोपितव्यं प्रयत्ततः ।गोपितं सर्वतन्त्रेषु विश्वसारे प्रकाशितम् ॥ १६॥

yatra tatra na vaktavyaṃ gopitavyaṃ prayattataḥ |gopitaṃ sarvatantreṣu viśvasāre prakāśitam || 16||

सर्वत्र सुलभा विद्या कवचं दुर्लभं महत् ॥शठाय भक्तिहीनाय निन्दकाय महेश्वरि ॥ १७॥

sarvatra sulabhā vidyā kavacaṃ durlabhaṃ mahat ||śaṭhāya bhaktihīnāya nindakāya maheśvari || 17||

न्यूनाङ्गे ह्यतिरिक्ताङ्गे क्रूरे मिथ्यातिभाषिणि ।न स्तवं दर्शयेद्दिव्यं कवचं सुरदुर्लभम् ॥ १८॥

nyūnāṅge hyatiriktāṅge krūre mithyātibhāṣiṇi |na stavaṃ darśayeddivyaṃ kavacaṃ suradurlabham || 18||

यत्र तत्र न वक्तव्यं शङ्करेण च भाषितम् ।दत्त्वा तेभ्यो महेशानि नश्यन्ति सिद्धयः क्रमात् ॥ १९॥

yatra tatra na vaktavyaṃ śaṅkareṇa ca bhāṣitam |dattvā tebhyo maheśāni naśyanti siddhayaḥ kramāt || 19||

मन्त्राः पराङ्मुखा यान्ति शापं दत्त्वा सुदारुणम् ।अशुभं च भवेत्तस्य तस्माद्यत्नेन गोपयेत् ॥ २०॥

mantrāḥ parāṅmukhā yānti śāpaṃ dattvā sudāruṇam |aśubhaṃ ca bhavettasya tasmādyatnena gopayet || 20||

गोरोचना कुकुमेन भूर्जपत्रे महेश्वरि ।लिखित्वा शुभयोगेन ब्राह्मैन्द्रे वैधृतौ तथा ॥ २१॥

gorocanā kukumena bhūrjapatre maheśvari |likhitvā śubhayogena brāhmaindre vaidhṛtau tathā || 21||

आयुष्मत्सिद्धियोगे च बालवे कौलवेपि वा ।वाणिजे श्रवणायां च रेवत्यां वा पुनर्वसौ ॥ २२॥

āyuṣmatsiddhiyoge ca bālave kaulavepi vā |vāṇije śravaṇāyāṃ ca revatyāṃ vā punarvasau || 22||

उत्तरात्रययोगेषु तथा पूर्वात्रयेषु च ।अश्विन्यां वाऽथ रोहिण्यां तृतीयानवमीतिथौ ॥ २३॥

uttarātrayayogeṣu tathā pūrvātrayeṣu ca |aśvinyāṃ vā'tha rohiṇyāṃ tṛtīyānavamītithau || 23||

अष्टम्यां वा चतुर्दश्यां षष्ठ्यां वा पञ्चमीतिथौ ।अमायां वा पूर्णिमायां निशायां प्रान्तरे तथा ॥ २४॥

aṣṭamyāṃ vā caturdaśyāṃ ṣaṣṭhyāṃ vā pañcamītithau |amāyāṃ vā pūrṇimāyāṃ niśāyāṃ prāntare tathā || 24||

एकलिङ्गे श्मशाने च शून्यागारे शिवालये ।गुरुणां वैष्णवैर्वापि स्वयम्भू कुसुमैस्तथा ॥ २५॥

ekaliṅge śmaśāne ca śūnyāgāre śivālaye |guruṇāṃ vaiṣṇavairvāpi svayambhū kusumaistathā || 25||

शुक्लैर्वा रक्तकुसुमैश्चन्दनै रक्तसंयुतैः । (शवाङ्गारचितावस्त्रे लिखित्वा धारयेत्पुनः ॥ २६॥

śuklairvā raktakusumaiścandanai raktasaṃyutaiḥ | (śavāṅgāracitāvastre likhitvā dhārayetpunaḥ || 26||

तस्य सर्वार्थसिद्धिः स्याच्छङ्करेणैव भाषितम् ।कुमारीं पूजयित्वा च देवीसूक्तं निवेद्य च ॥ २७॥

tasya sarvārthasiddhiḥ syācchaṅkareṇaiva bhāṣitam |kumārīṃ pūjayitvā ca devīsūktaṃ nivedya ca || 27||

पठित्वा पूजयेद्विप्रान्धनवान्वेद पारगान् ।आखेटकमुपाख्यानं कुमार्यैव दिनत्रयम् ॥ २८॥

paṭhitvā pūjayedviprāndhanavānveda pāragān |ākheṭakamupākhyānaṃ kumāryaiva dinatrayam || 28||

तदा धरेन्महारक्षां कवचं सर्वकामदम् । (तदा भवेन्)नाधयो व्याधयस्तस्य दुःखशोकैर्भयं क्वचित् ॥ २९॥

tadā dharenmahārakṣāṃ kavacaṃ sarvakāmadam | (tadā bhaven)nādhayo vyādhayastasya duḥkhaśokairbhayaṃ kvacit || 29||

वादी मूको भवेदृष्टवा राजा च सेवकायते ।मासमेकं पठेद्यस्तु प्रत्यहं नियतः शुचिः ॥ ३०॥

vādī mūko bhavedṛṣṭavā rājā ca sevakāyate |māsamekaṃ paṭhedyastu pratyahaṃ niyataḥ śuciḥ || 30||

दिवा भवेद्धविष्याशी रात्रौ शक्तिः परायणः ।षट्सहस्र प्रमाणेन प्रत्यहं प्रजपेत्सदा ॥ ३१॥

divā bhaveddhaviṣyāśī rātrau śaktiḥ parāyaṇaḥ |ṣaṭsahasra pramāṇena pratyahaṃ prajapetsadā || 31||

षण्मासैर्वा त्रिभिर्मासैर्विद्वरो भवति ध्रुवम् ।अपुत्रो लभते पुत्रं निर्धनो धनमाप्नुयात् ॥ ३२॥

ṣaṇmāsairvā tribhirmāsairvidvaro bhavati dhruvam |aputro labhate putraṃ nirdhano dhanamāpnuyāt || 32||

अरोगी बलवांश्चैव राजा ता दासतामियात् ।रजस्वलाभगे नित्यं जपेद्विद्यां समाहितः ।एवं यः कुरुते धीमान्स एवं श्रीसदाशिवः ॥ ३३॥

arogī balavāṃścaiva rājā tā dāsatāmiyāt |rajasvalābhage nityaṃ japedvidyāṃ samāhitaḥ |evaṃ yaḥ kurute dhīmānsa evaṃ śrīsadāśivaḥ || 33||

(आगमकल्पलता १५३१७)॥इति विश्वसारतन्त्रे महिषमर्दिन्यां कवचं समाप्तम् ॥

(āgamakalpalatā 15317)||iti viśvasāratantre mahiṣamardinyāṃ kavacaṃ samāptam ||