सर्वकामप्रदाविद्यास्तोत्रम् Sarvakamaprada Vidya Stotram

हरिरुवाच ।सर्वकामप्रदां विद्यां सप्तरात्रेण तां शृणु ।नमस्तुभ्यं भगवते वासुदेवाय धीमहि ॥ १, १९५\।१॥प्रद्युम्नायानिरुद्धाय नमः सङ्गर्षणाय च ।नमो विज्ञानमात्राय परमानन्दमूर्तये ॥ १, १९५\।२॥आत्मारामाय शान्ताय निवृत्तद्वैतदृष्टये ।त्वद्रूपाणि च सर्वाणि तस्मात्तुभ्यं नमो नमः ॥ १, १९५\।३॥हृषीकेशाय महते नमस्तेऽनन्तमूर्तये ।यस्मिन्निदं यतश्चैतत्तिष्ठत्यग्रेऽपि जायते ॥ १, १९५\।४॥मृण्मयीं वहसि क्षोणीं तस्मै ते ब्रह्मणे नमः ।

hariruvāca |sarvakāmapradāṃ vidyāṃ saptarātreṇa tāṃ śṛṇu |namastubhyaṃ bhagavate vāsudevāya dhīmahi || 1, 195\|1||pradyumnāyāniruddhāya namaḥ saṅgarṣaṇāya ca |namo vijñānamātrāya paramānandamūrtaye || 1, 195\|2||ātmārāmāya śāntāya nivṛttadvaitadṛṣṭaye |tvadrūpāṇi ca sarvāṇi tasmāttubhyaṃ namo namaḥ || 1, 195\|3||hṛṣīkeśāya mahate namaste'nantamūrtaye |yasminnidaṃ yataścaitattiṣṭhatyagre'pi jāyate || 1, 195\|4||mṛṇmayīṃ vahasi kṣoṇīṃ tasmai te brahmaṇe namaḥ |

यन्न स्पृशन्ति न विदुः मनोबुद्धीन्द्रियासवः ।अन्तर्बहिस्त्वं चरसि व्योमतुल्यं नमाम्यहम् ॥ १, १९५\।५॥ॐ नमो भगवते महापुराषाय महाभूतपतयेसकलसत्त्वभाविव्रीडनिकरकमलरेणूत्पलनिभधर्माख्यविद्ययाचरणारविन्दयुगल परमेष्ठिन्नमस्ते ।अवाप विद्याधरतां चित्रकेतोश्च विद्यया ॥ १, १९५\।६॥

yanna spṛśanti na viduḥ manobuddhīndriyāsavaḥ |antarbahistvaṃ carasi vyomatulyaṃ namāmyaham || 1, 195\|5||oṃ namo bhagavate mahāpurāṣāya mahābhūtapatayesakalasattvabhāvivrīḍanikarakamalareṇūtpalanibhadharmākhyavidyayācaraṇāravindayugala parameṣṭhinnamaste |avāpa vidyādharatāṃ citraketośca vidyayā || 1, 195\|6||

इति श्रीगारुडे महापुराणे पूर्वखण्डे प्रथमांशाख्ये आचारकाण्डेपञ्चनवत्यधिकशततमोऽध्यायः ।

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍepañcanavatyadhikaśatatamo'dhyāyaḥ |

गरुडपुराण । पूर्वखण्ड । अध्याय १९५/१६॥

garuḍapurāṇa | pūrvakhaṇḍa | adhyāya 195/16||

गरुडपुराण । पूर्वखण्ड । अध्याय १९५/१-६॥

garuḍapurāṇa | pūrvakhaṇḍa | adhyāya 195/1-6||