प्रज्ञापारमिताहृदयम् Prajnaparamita Sutra or Prajnaparamitahridayam

ॐ नमो भगवत्यै आर्यप्रज्ञापारमितायै ॥आर्यावलोकितेश्वरो बोधिसत्त्वो गम्भीरां प्रज्ञापारमिताचार्यां चरमाणोव्यवलोकयति स्म पञ्चस्कन्धान् तांश्च स्वभावशून्यान् पश्यति स्म ॥इह शारिपुत्र रूपं शून्यता शून्यतैव रूपम् ।रूपान्न पृथक् शून्यता शूनतायाः न पृथग्रूपम् ।यद्रूपं सा शून्यता या शून्यता तद्रूपम् ।एवमेव वेदनासंज्ञासंस्कारविज्ञानम् ॥इह शारिपुत्र सर्वधर्माः शून्यतालक्षणाः ।अनुत्पन्ना अनिरुद्धाः अमला अविमलाः ।अनूना अपरिपूर्णाः ॥तस्माच्छारिपुत्र शून्यतायां न रूपं न वेदना न संज्ञान संस्काराः न विज्ञानम् ।न चक्षुःश्रोत्रघ्राणजिह्वाकायमनांसि ।न रूपशब्दगन्धरसस्प्रष्टव्यधर्माः ।न चक्षुर्धातुर्यावन्न मनोविज्ञानधातुः ।न अविद्या न अविद्याक्षयो यावन्न जरामरणं न जरामरणक्षयः ।न दुःखसमुदयनिरोधमार्गाः ।न ज्ञानं न प्राप्तिर्न अप्राप्तिः ॥तस्माच्छारिपुत्र अप्राप्तित्वाद्बोधिसत्त्वस्यप्रज्ञापारमितामाश्रित्य विहरत्यचित्तावरणः ।चित्तावरणनास्तित्वादत्रस्तो विपर्यासातिक्रान्तोनिष्ठनिर्वाणप्राप्तः ॥त्र्यध्वव्यवस्थिताः सर्वबुद्धाः प्रज्ञापारमितामाश्रित्यअनुत्तरां सम्यक्सम्बोधिमभिसम्बुद्धाः ॥तस्माज्ज्ञातव्यं प्रज्ञापारमिता महामन्त्रः ।महाविद्यामन्त्रोऽनुत्तरमन्त्रः समसममन्त्रः ।सर्वदुःखप्रशमनः सत्यममिथ्यात्वात् ॥प्रज्ञापारमितायामुक्तो मन्त्रः तद्यथागते गते पारगते पारसङ्गते बोधि स्वाहा ॥

oṃ namo bhagavatyai āryaprajñāpāramitāyai ||āryāvalokiteśvaro bodhisattvo gambhīrāṃ prajñāpāramitācāryāṃ caramāṇovyavalokayati sma pañcaskandhān tāṃśca svabhāvaśūnyān paśyati sma ||iha śāriputra rūpaṃ śūnyatā śūnyataiva rūpam |rūpānna pṛthak śūnyatā śūnatāyāḥ na pṛthagrūpam |yadrūpaṃ sā śūnyatā yā śūnyatā tadrūpam |evameva vedanāsaṃjñāsaṃskāravijñānam ||iha śāriputra sarvadharmāḥ śūnyatālakṣaṇāḥ |anutpannā aniruddhāḥ amalā avimalāḥ |anūnā aparipūrṇāḥ ||tasmācchāriputra śūnyatāyāṃ na rūpaṃ na vedanā na saṃjñāna saṃskārāḥ na vijñānam |na cakṣuḥśrotraghrāṇajihvākāyamanāṃsi |na rūpaśabdagandharasaspraṣṭavyadharmāḥ |na cakṣurdhāturyāvanna manovijñānadhātuḥ |na avidyā na avidyākṣayo yāvanna jarāmaraṇaṃ na jarāmaraṇakṣayaḥ |na duḥkhasamudayanirodhamārgāḥ |na jñānaṃ na prāptirna aprāptiḥ ||tasmācchāriputra aprāptitvādbodhisattvasyaprajñāpāramitāmāśritya viharatyacittāvaraṇaḥ |cittāvaraṇanāstitvādatrasto viparyāsātikrāntoniṣṭhanirvāṇaprāptaḥ ||tryadhvavyavasthitāḥ sarvabuddhāḥ prajñāpāramitāmāśrityaanuttarāṃ samyaksambodhimabhisambuddhāḥ ||tasmājjñātavyaṃ prajñāpāramitā mahāmantraḥ |mahāvidyāmantro'nuttaramantraḥ samasamamantraḥ |sarvaduḥkhapraśamanaḥ satyamamithyātvāt ||prajñāpāramitāyāmukto mantraḥ tadyathāgate gate pāragate pārasaṅgate bodhi svāhā ||

इति प्रज्ञापारमिताहृदयं समाप्तम् ॥

iti prajñāpāramitāhṛdayaṃ samāptam ||