नवरात्रिकीर्तनानि Navaratri Khirtanam By Maharaja Shvati Tirunal

ईन्त्रोदुच्तिओन् :

īntroduction :

डय् १: देवि जगज्जननि देवि जगज्जननि (रागं: शङ्कराभरणं, ताळं: आदि)डय् २: पाहि मां श्रीवागीश्वरि पाहि माम् श्री वागीश्वरि (रागं: कल्याणि, ताळं: आदि)डय् ३: देवि पावने देवि पावने (रागं: सावेरि, ताळं: आदि)डय् ५: जननी मामव जननी मामवा मेये (रागं: भैरवि, ताळं: त्रिपुट)डय् ७: जननि पाहि सदा जननि पाहि सदा (रागं: शुद्ध सावेरि, ताळं: त्रिपुट)डय् ८: पाहि जननि सन्ततम् पहि जननि सन्ततम् (रागं: नाटकुरञ्जि, ताळं: त्रिपुट)डय् ९: पाहि पर्वतनन्दिनि पाहि पर्वतनन्दिनि (रागं: आरभि, ताळं: आदि)

ḍay 1: devi jagajjanani devi jagajjanani (rāgaṃ: śaṅkarābharaṇaṃ, tāḷaṃ: ādi)ḍay 2: pāhi māṃ śrīvāgīśvari pāhi mām śrī vāgīśvari (rāgaṃ: kalyāṇi, tāḷaṃ: ādi)ḍay 3: devi pāvane devi pāvane (rāgaṃ: sāveri, tāḷaṃ: ādi)ḍay 5: jananī māmava jananī māmavā meye (rāgaṃ: bhairavi, tāḷaṃ: tripuṭa)ḍay 7: janani pāhi sadā janani pāhi sadā (rāgaṃ: śuddha sāveri, tāḷaṃ: tripuṭa)ḍay 8: pāhi janani santatam pahi janani santatam (rāgaṃ: nāṭakurañji, tāḷaṃ: tripuṭa)ḍay 9: pāhi parvatanandini pāhi parvatanandini (rāgaṃ: ārabhi, tāḷaṃ: ādi)

णवरात्रि उत्सवम्

ṇavarātri utsavam

या कुन्देन्दुतुषारहारधवळा या शुभ्रवस्त्रावृताया वीणावरदण्डमण्डितकरा या श्वेतपद्मासना ।या ब्रह्माच्युतशङ्करप्रभृतिभिर्देवैः सदा पूजितासा मां पातु सरस्वतीभगवती निश्शेषजाड्यापहा ॥

yā kundendutuṣārahāradhavaḷā yā śubhravastrāvṛtāyā vīṇāvaradaṇḍamaṇḍitakarā yā śvetapadmāsanā |yā brahmācyutaśaṅkaraprabhṛtibhirdevaiḥ sadā pūjitāsā māṃ pātu sarasvatībhagavatī niśśeṣajāḍyāpahā ||

महाराजा श्री स्वाति तिरुनाळ् विरचितानि नवरात्रिकीर्तनानि ॥

mahārājā śrī svāti tirunāḷ viracitāni navarātrikīrtanāni ||

रागं नाट, ताळं झम्प ।जय देवकीकिशोर ! जय कोटिस्मराकार !जय कालिन्दीतटविहार ! जय गोपिकाजार ! (जय जय) ॥ १॥

rāgaṃ nāṭa, tāḷaṃ jhampa |jaya devakīkiśora ! jaya koṭismarākāra !jaya kālindītaṭavihāra ! jaya gopikājāra ! (jaya jaya) || 1||

जय मुरळीगानलोल ! जय सुवर्णरुचिचेल !जय सलीलधृतशैल ! जय वारिदनील ! (जय जय) ॥ २॥

jaya muraḷīgānalola ! jaya suvarṇarucicela !jaya salīladhṛtaśaila ! jaya vāridanīla ! (jaya jaya) || 2||

जय चरित्रधुतपाप ! जय खण्डितासुराटोप !जय यादवकुलदीप ! जय गोपालरूप ! (जय जय) ॥ ३॥

jaya caritradhutapāpa ! jaya khaṇḍitāsurāṭopa !jaya yādavakuladīpa ! jaya gopālarūpa ! (jaya jaya) || 3||

जय कुटिलासितकेश ! जय मुनिमानसनिवेश !जय पङ्कजनाभाधीश ! जय भूमीरमेश ! (जय जय) ॥ ४॥

jaya kuṭilāsitakeśa ! jaya munimānasaniveśa !jaya paṅkajanābhādhīśa ! jaya bhūmīrameśa ! (jaya jaya) || 4||

रागं पन्तुवराळि, ताळं आदि ।पल्लवि ।मातङ्ग तनयायै मङ्गळम् ॥अनुपल्लवि ।भूयो मनसिजारिकान्तायै मङ्गळम् (मातङ्ग) ॥चरणम् ।बहलकुङ्कुमपङ्कपाटलितकुचायैमहिषासुरहारिण्यै मङ्गळम् (मातङ्ग) ॥ १॥

rāgaṃ pantuvarāḷi, tāḷaṃ ādi |pallavi |mātaṅga tanayāyai maṅgaḷam ||anupallavi |bhūyo manasijārikāntāyai maṅgaḷam (mātaṅga) ||caraṇam |bahalakuṅkumapaṅkapāṭalitakucāyaimahiṣāsurahāriṇyai maṅgaḷam (mātaṅga) || 1||

करिराजगमनायै वरतापसमञ्चयस्मरणीयचरणायै मङ्गळम् (मातङ्ग) ॥ २॥

karirājagamanāyai varatāpasamañcayasmaraṇīyacaraṇāyai maṅgaḷam (mātaṅga) || 2||

वरनदीतटगायै वनजनाभनुजायैमरकतमेचकाङ्ग्यै मङ्गळम् (मातङ्ग) ॥ ३॥

varanadītaṭagāyai vanajanābhanujāyaimarakatamecakāṅgyai maṅgaḷam (mātaṅga) || 3||

रागं सावेरि, ताळं आदि ।पल्लवि ।परिपाहि गणाधिप ! भासुरमूर्ते ! ॥अनुपल्लवि ।शरणागतभरण ! सामजोपमसुन्दरास्य ! (परिपाहि) ॥चरणम् ।हिमकिरणशकलशेखरतनुभव !शमलनिवहशमन !कमलजमुखसुरवृन्दनुतचरित !कामितपूरकपादसरोरुह ! (परिपाहि) ॥ १॥

rāgaṃ sāveri, tāḷaṃ ādi |pallavi |paripāhi gaṇādhipa ! bhāsuramūrte ! ||anupallavi |śaraṇāgatabharaṇa ! sāmajopamasundarāsya ! (paripāhi) ||caraṇam |himakiraṇaśakalaśekharatanubhava !śamalanivahaśamana !kamalajamukhasuravṛndanutacarita !kāmitapūrakapādasaroruha ! (paripāhi) || 1||

मस्तकविगळितदानजलमिलितमधुकरसमुदाय !हस्तलसितनिजदन्त ! महितसुगुणाखुवाह ! गुहसोदर ! निरुपम ! (परिपाहि) ॥ २॥

mastakavigaḷitadānajalamilitamadhukarasamudāya !hastalasitanijadanta ! mahitasuguṇākhuvāha ! guhasodara ! nirupama ! (paripāhi) || 2||

पावनपङ्कजनाभमनोहरभगिनेय ! देव !सेवकजनततिविद्यासमधिकश्रीसुखदायक ! भूरिकृपाकर ! (परिपाहि) ॥ ३॥

pāvanapaṅkajanābhamanoharabhagineya ! deva !sevakajanatatividyāsamadhikaśrīsukhadāyaka ! bhūrikṛpākara ! (paripāhi) || 3||

॥ देवि जगज्जननि ॥रागं शङ्कराभरणं, ताळं आदि (२ कळै) ।पल्लवि ।देवि ! जगज्जननि ! (अम्ब !) देहि कृपया मम तावकचरणभक्तिम् ॥अनुपल्लवि ।देवमकुटमणिदेदीप्यमानपादे ! केवलानन्दपूर्णे ! कीरसुवाणि! वाणि ! (देवि) ॥चरणम् ।वीणापुस्तकरञ्जितकरतलविहसितकञ्जवरेऽम्बिके !वेणीमञ्जिमपुञ्जविनिर्जितविततघनाघनमालिके !एणीमदविनिवारणनिपुणतरेक्षणहृतनतपातके !शाणोल्लीढमहामणिभूषणशालिनि ! बुधजनपालिके !प्रीणितमुनिगेये ! द्रुहिणजाये !परममेये ! निरपाये ! (देवि) ॥ १॥

|| devi jagajjanani ||rāgaṃ śaṅkarābharaṇaṃ, tāḷaṃ ādi (2 kaḷai) |pallavi |devi ! jagajjanani ! (amba !) dehi kṛpayā mama tāvakacaraṇabhaktim ||anupallavi |devamakuṭamaṇidedīpyamānapāde ! kevalānandapūrṇe ! kīrasuvāṇi! vāṇi ! (devi) ||caraṇam |vīṇāpustakarañjitakaratalavihasitakañjavare'mbike !veṇīmañjimapuñjavinirjitavitataghanāghanamālike !eṇīmadavinivāraṇanipuṇatarekṣaṇahṛtanatapātake !śāṇollīḍhamahāmaṇibhūṣaṇaśālini ! budhajanapālike !prīṇitamunigeye ! druhiṇajāye !paramameye ! nirapāye ! (devi) || 1||

सकलकलालयशारदहिमकरसदृशविलासयुतानने !मकरवराङ्कशरासनमौर्वीमहिततराळकमोहने !शुकसनकादिमुनीश्वरविरचितसुन्दरपदयुगपूजने !विकटजटालसितेन्दुकलापिनि ! विमलसरोजवरासने !विकचकमलपादे ! विहतभेदे !निहतखेदे ! भृतमोदे ! (देवि) ॥ २॥

sakalakalālayaśāradahimakarasadṛśavilāsayutānane !makaravarāṅkaśarāsanamaurvīmahitatarāḷakamohane !śukasanakādimunīśvaraviracitasundarapadayugapūjane !vikaṭajaṭālasitendukalāpini ! vimalasarojavarāsane !vikacakamalapāde ! vihatabhede !nihatakhede ! bhṛtamode ! (devi) || 2||

ज्योतिर्मयनवहारायितसज्ज्योतिषतन्त्रविभूषिते !मातर्मेदुरमीमांसागममांसलितोरुयुगाञ्चिते !चेतोहरतरशब्दागमकाञ्चीलतिकागुणशोभिते !पातकहरपाद्मादिपुराणपादितपाणिविराजिते !वीतशमलहृद्ये ! कलितविद्ये !त्रिजगदाद्ये ! निरवद्ये ! (देवि) ॥ ३॥

jyotirmayanavahārāyitasajjyotiṣatantravibhūṣite !mātarmeduramīmāṃsāgamamāṃsalitoruyugāñcite !cetoharataraśabdāgamakāñcīlatikāguṇaśobhite !pātakaharapādmādipurāṇapāditapāṇivirājite !vītaśamalahṛdye ! kalitavidye !trijagadādye ! niravadye ! (devi) || 3||

अरुणतराधरपरिलसदतिमृदुहसितद्युतिपटलोज्ज्वले !शरणसमागतजनपरिपालनसततोद्यतकरुणाकुले !परिजनविरचितनवरात्रोत्सवपरितोषितहृदयेऽमले !कुरु करुणामयि ! भजनपरे ! मयि कुन्दमुकुळरदनेऽतुले !भूरिशुभकराणि ! अघहराणी !नुतिवराणि ! करवाणि ! (देवि) ॥ ४॥

aruṇatarādharaparilasadatimṛduhasitadyutipaṭalojjvale !śaraṇasamāgatajanaparipālanasatatodyatakaruṇākule !parijanaviracitanavarātrotsavaparitoṣitahṛdaye'male !kuru karuṇāmayi ! bhajanapare ! mayi kundamukuḷaradane'tule !bhūriśubhakarāṇi ! aghaharāṇī !nutivarāṇi ! karavāṇi ! (devi) || 4||

॥ पाहि मां श्रीवागीश्वरि ॥रागं कल्याणि, ताळं आदि (२ कळै) ।पल्लवि ।पाहि मां श्रीवागीश्वरि पाहि भुवनेश्वरि (पाहि मां) ॥अनुपल्लवि ।देहि तावकदयामयि भारति ! देहि बोधसुखदायिकामिह ॥मोहभारतिमिरसञ्चयामृतमूर्तिममलबुधलोकविलसितमोहनीयकटकाङ्गदभूषितमुग्धगात्रि ! तुहिनांशुवतंसिनि !बाहुलालसितपुस्तकजपवटबन्धुराभयवरे ! परचिन्मयि ! (पाहि मां)चरणम् ।शारदे ! कचपाशविडम्बितरुचिरतरासितनीरदे ! निजपतिकमलजनिरुपमतरसुखकरणविशारदे ! स्फुटतरधवळिमविलसितमुकुरशकलपटलीरदे ! विनुतनारदे !दारुणाधिकरपातकावलीदारणैकनिरते ! सुभाषिणि !सारसगर्भदळायतलोचनपूरितभक्तमनोरथवल्लरि !वारणकुम्भमदापहकुचयुगभारविनम्रकृशोदरि ! मामककरपदमुखसमकरणनिकरमपिचरणयुगभजनपरमिह कुरु तव (पाहि मां) ॥ १॥

|| pāhi māṃ śrīvāgīśvari ||rāgaṃ kalyāṇi, tāḷaṃ ādi (2 kaḷai) |pallavi |pāhi māṃ śrīvāgīśvari pāhi bhuvaneśvari (pāhi māṃ) ||anupallavi |dehi tāvakadayāmayi bhārati ! dehi bodhasukhadāyikāmiha ||mohabhāratimirasañcayāmṛtamūrtimamalabudhalokavilasitamohanīyakaṭakāṅgadabhūṣitamugdhagātri ! tuhināṃśuvataṃsini !bāhulālasitapustakajapavaṭabandhurābhayavare ! paracinmayi ! (pāhi māṃ)caraṇam |śārade ! kacapāśaviḍambitaruciratarāsitanīrade ! nijapatikamalajanirupamatarasukhakaraṇaviśārade ! sphuṭataradhavaḷimavilasitamukuraśakalapaṭalīrade ! vinutanārade !dāruṇādhikarapātakāvalīdāraṇaikanirate ! subhāṣiṇi !sārasagarbhadaḷāyatalocanapūritabhaktamanorathavallari !vāraṇakumbhamadāpahakucayugabhāravinamrakṛśodari ! māmakakarapadamukhasamakaraṇanikaramapicaraṇayugabhajanaparamiha kuru tava (pāhi māṃ) || 1||

श्यामळे ! बहळागरुचन्दनमृगमदघुसृणपरीमळे ! परिहृतपदनतपरिजनसमुदयनिखिलमनोमले ! शतमखमुखसुरवरपरिणुतबहुविधचरितेऽमले ! मधुरकोमळे !सामजाधिपमराळिकागतिचारुमन्दगमने ! सुहासिनि !मामकमानसतापसमूहविराममतीव विधातुमये पदतामरसद्वयमनुकलये हृदितामसदोषविलासनिरासिनि !समुदयदविकलहिमकररुचिमदशमनकरणपटुविमलहसितमुखि ! (पाहि मां) ॥ २॥

śyāmaḷe ! bahaḷāgarucandanamṛgamadaghusṛṇaparīmaḷe ! parihṛtapadanataparijanasamudayanikhilamanomale ! śatamakhamukhasuravarapariṇutabahuvidhacarite'male ! madhurakomaḷe !sāmajādhipamarāḷikāgaticārumandagamane ! suhāsini !māmakamānasatāpasamūhavirāmamatīva vidhātumaye padatāmarasadvayamanukalaye hṛditāmasadoṣavilāsanirāsini !samudayadavikalahimakararucimadaśamanakaraṇapaṭuvimalahasitamukhi ! (pāhi māṃ) || 2||

भासिते ! शुकशौनककौशिकमुखमुनिपरिषदुपासिते ! सहृदयरसकरकविवरनिकरहृदयकमलासिते ! श्रुतियुगपथपथिकनयनपरिलसदरुणसितासिते ! कुसुमवासिते !भासमाननवरात्रिकोत्सवभावुकापचितिमोदशालिनि !भासुरसारसनाञ्चितरत्नविलासितविशेषविनिर्जितशक्रशरासरुचे ! सकलागमरूपिणि !दासमिमं कृपया शिशिरीकुरुवस मम सुखमधिरसनमनवरतमसदृशविलसितविसरमयि जननि ! (पाहि मां) ॥ ३॥

bhāsite ! śukaśaunakakauśikamukhamunipariṣadupāsite ! sahṛdayarasakarakavivaranikarahṛdayakamalāsite ! śrutiyugapathapathikanayanaparilasadaruṇasitāsite ! kusumavāsite !bhāsamānanavarātrikotsavabhāvukāpacitimodaśālini !bhāsurasārasanāñcitaratnavilāsitaviśeṣavinirjitaśakraśarāsaruce ! sakalāgamarūpiṇi !dāsamimaṃ kṛpayā śiśirīkuruvasa mama sukhamadhirasanamanavaratamasadṛśavilasitavisaramayi janani ! (pāhi māṃ) || 3||

॥ देवि पावने ॥रागं सावेरि, ताळं आदि (२ कळै ) ।पल्लवि ।देवि ! पावने ! सेवे चरणे ते बुधावने ! ॥अनुपल्लवि ।भावुकदायिकटाक्षविलासिनि ! भारति ! देहि सदा कुशलं भुवनेश्वरि ! ॥चरणम् ।सोमबिम्बमदहरसुमुखि ! भक्तजनाखिलकामितदाननिरते ! कान्तकुन्ददन्ति !भीमानन्ताज्ञानतिमिरभेदनमिहिरायिते !मामकहृदि विहर मान्यगुणावासे !सामजपुङ्गवचारुगते ! सुरसाध्यनुते ! विमले ! वरदे ! भुवनेश्वरि ! (देवि) ॥ १॥

|| devi pāvane ||rāgaṃ sāveri, tāḷaṃ ādi (2 kaḷai ) |pallavi |devi ! pāvane ! seve caraṇe te budhāvane ! ||anupallavi |bhāvukadāyikaṭākṣavilāsini ! bhārati ! dehi sadā kuśalaṃ bhuvaneśvari ! ||caraṇam |somabimbamadaharasumukhi ! bhaktajanākhilakāmitadānanirate ! kāntakundadanti !bhīmānantājñānatimirabhedanamihirāyite !māmakahṛdi vihara mānyaguṇāvāse !sāmajapuṅgavacārugate ! surasādhyanute ! vimale ! varade ! bhuvaneśvari ! (devi) || 1||

वारिदनिभचिकुरे ! वासवोपलनयने !मारशरासनरुचिचोरचिल्लिकान्ते !सारसकृतनिलये ! जाम्बूनदमयभूषे !नारदादिमुनिनुतनामसमुदाये !भूरिमनोज्ञकराञ्चितवीणापुस्तकभासिनि ! चारुहसे ! भुवनेश्वरि ! (देवि) ॥ २॥

vāridanibhacikure ! vāsavopalanayane !māraśarāsanarucicoracillikānte !sārasakṛtanilaye ! jāmbūnadamayabhūṣe !nāradādimuninutanāmasamudāye !bhūrimanojñakarāñcitavīṇāpustakabhāsini ! cāruhase ! bhuvaneśvari ! (devi) || 2||

पातितदितिसुते ! श्रीपद्मभविलासिनि !वीतपापजनगेयविभवे ! विद्यारूपे !चातको जलदमिव सादरमाश्रयामि त्वांप्रीतिं मयि कुरु लोकमातरयि नित्यंधूतमलं कुरु मां सदये ! परिपोषितसूरिगुणे ! शुभदे ! भुवनेस्वरि !(देवि) ॥ ३॥

pātitaditisute ! śrīpadmabhavilāsini !vītapāpajanageyavibhave ! vidyārūpe !cātako jaladamiva sādaramāśrayāmi tvāṃprītiṃ mayi kuru lokamātarayi nityaṃdhūtamalaṃ kuru māṃ sadaye ! paripoṣitasūriguṇe ! śubhade ! bhuvanesvari !(devi) || 3||

॥ भारति मामव ॥रागं तोडि, ताळं आदि (२ कळै ) ।पल्लवि ।भारति ! मामव कृपया नतजनार्ति भारहरणनिरतया ॥अनुपल्लवि ।शारदविधुमण्डलसदृशमनोहरमुखि ! ॥चरणम् ।वासवादिसुरविनुते ! तरणिशतभासुरभूषणलसिते !हासजितकुन्दवितते ! विमलमुक्ताहारकण्ठि ! गजेन्द्रगते !दासभूतजनविद्यादानलोले ! परदेवि !भासुरचन्दनमृगमदकुसुमसुवासितगात्रि ! सुपावनशीले ! (भारति) ॥ १॥

|| bhārati māmava ||rāgaṃ toḍi, tāḷaṃ ādi (2 kaḷai ) |pallavi |bhārati ! māmava kṛpayā natajanārti bhāraharaṇaniratayā ||anupallavi |śāradavidhumaṇḍalasadṛśamanoharamukhi ! ||caraṇam |vāsavādisuravinute ! taraṇiśatabhāsurabhūṣaṇalasite !hāsajitakundavitate ! vimalamuktāhārakaṇṭhi ! gajendragate !dāsabhūtajanavidyādānalole ! paradevi !bhāsuracandanamṛgamadakusumasuvāsitagātri ! supāvanaśīle ! (bhārati) || 1||

नारदादिमनोनिलये ! भुवनत्रयनायिके ! कृताज्ञानिलये !चारुबाहुधृतवलये ! विकचसारसाक्षि ! तोषितभूवलये !मारकार्मुखसुषमाचोरचिल्लियुगे ! वाणि !वारिजभवदयिते ! वरवीणावादनलोलकराङ्गुलिजाले ! (भारति) ॥ २॥

nāradādimanonilaye ! bhuvanatrayanāyike ! kṛtājñānilaye !cārubāhudhṛtavalaye ! vikacasārasākṣi ! toṣitabhūvalaye !mārakārmukhasuṣamācoracilliyuge ! vāṇi !vārijabhavadayite ! varavīṇāvādanalolakarāṅgulijāle ! (bhārati) || 2||

सकलागममयरूपे ! निखिललोकजननि ! सुधामधुरालापे !अकलङ्कगुणकलापे ! करुणारसहतविवशजनविलापे !सकले ! पद्मनाभपदसरसिजसेवकवरशुकसनकादिमुनीश्वरविनुते !सोमकलासदृशामलफाले ! (भरति) ॥ ३॥

sakalāgamamayarūpe ! nikhilalokajanani ! sudhāmadhurālāpe !akalaṅkaguṇakalāpe ! karuṇārasahatavivaśajanavilāpe !sakale ! padmanābhapadasarasijasevakavaraśukasanakādimunīśvaravinute !somakalāsadṛśāmalaphāle ! (bharati) || 3||

॥ जननी मामव ॥रागं भैरवि, ताळं त्रिपुट ।पल्लवि ।जननी ! मामवाऽमेये ! भारति ! जय सरसिजासनजाये ! ॥अनुपल्लवि ।अनुपमितकमलावासे ! चारु हसितकृतकुन्दनिरासे ! देवि ! मुनिवरेडितविमलचरिते ! मोहनीयगुणौघभरिते ! (जननि) ॥चरणम् ।तरुणवारिदनिभवेणि ! देवतरुकिसलयोपमपाणिकलितवरदाभीतिमुद्रे ! कल्याणि ! पूर्णशरदिन्दुसमकान्ते ! वाणी !सुरुचिरनयनजितैणि ! परमकरुणारसग्रिशिरवेणि ! देवि !चरणगतजनभरणनिपुणे !परमामृतमधुरभाषिणि ! (जननि) ॥ १॥

|| jananī māmava ||rāgaṃ bhairavi, tāḷaṃ tripuṭa |pallavi |jananī ! māmavā'meye ! bhārati ! jaya sarasijāsanajāye ! ||anupallavi |anupamitakamalāvāse ! cāru hasitakṛtakundanirāse ! devi ! munivareḍitavimalacarite ! mohanīyaguṇaughabharite ! (janani) ||caraṇam |taruṇavāridanibhaveṇi ! devatarukisalayopamapāṇikalitavaradābhītimudre ! kalyāṇi ! pūrṇaśaradindusamakānte ! vāṇī !suruciranayanajitaiṇi ! paramakaruṇārasagriśiraveṇi ! devi !caraṇagatajanabharaṇanipuṇe !paramāmṛtamadhurabhāṣiṇi ! (janani) || 1||

घनसारतिलकाङ्कितफाले ! अतिकमनीयविशददुकूले ! विनतजनविद्यावितरणलोले ! साधुस्मरणीयतमपादमूलेकनकभूषणे ! शुभशीले ! सर्वागममयि ! सुजनानुकूले ! नानामुनिमनोमयवनजनिलये !विनिहताश्रितविविधशमले ! (जननि) ॥ २॥

ghanasāratilakāṅkitaphāle ! atikamanīyaviśadadukūle ! vinatajanavidyāvitaraṇalole ! sādhusmaraṇīyatamapādamūlekanakabhūṣaṇe ! śubhaśīle ! sarvāgamamayi ! sujanānukūle ! nānāmunimanomayavanajanilaye !vinihatāśritavividhaśamale ! (janani) || 2||

परिहृतघनाज्ञानखेदे ! कृतपद्मनाभसेवकमोदे !सततपरिचितवीणानिनादे ! ममकुरु मतिमयि तव पादेसुरगणमहितविनोदे ! शीतकरपोतधरे ! गतभेदे ! सदासरसीरुहमुखि ! सपदि वदनेसरसमिह वस सकलवरदे ! (जननि) ॥ ३॥

parihṛtaghanājñānakhede ! kṛtapadmanābhasevakamode !satataparicitavīṇānināde ! mamakuru matimayi tava pādesuragaṇamahitavinode ! śītakarapotadhare ! gatabhede ! sadāsarasīruhamukhi ! sapadi vadanesarasamiha vasa sakalavarade ! (janani) || 3||

॥ सरोरुहासनजाये ॥रागं पन्तुवराळि, ताळं आदि ।पल्लवि ।सरोरुहासनजाये ! भवति ! सामोदमम्ब ! नमामि ॥पुरन्दरादिसुरोत्तमसुरुचिरअनुपल्लवि ।किरीटमणिकिरणाञ्चितचरणे ! (सरोरुहासनजा) ॥चरणम् ।यामिनीशमनोज्ञतमरुचिभूममदविनिवारणपटुसिततामरसमृदुकोटरवासिनि !सामजराजसदृशगमने !काममञ्जुशरासननिरुपमकान्तिहरचिल्लिचलननिहतभीमनिबिडाज्ञानमले ! सुललामशोभिभालतले ! वरहेमचारुभूषणलसिते ! मदहीनमौनिहृदयैकपदे ! सुरभामिनीनिवहगीतगुणे ! शशिधाममन्दहसिते ! जय भगवति ! (सरोरुहासनजा) ॥ १॥

|| saroruhāsanajāye ||rāgaṃ pantuvarāḷi, tāḷaṃ ādi |pallavi |saroruhāsanajāye ! bhavati ! sāmodamamba ! namāmi ||purandarādisurottamasuruciraanupallavi |kirīṭamaṇikiraṇāñcitacaraṇe ! (saroruhāsanajā) ||caraṇam |yāminīśamanojñatamarucibhūmamadavinivāraṇapaṭusitatāmarasamṛdukoṭaravāsini !sāmajarājasadṛśagamane !kāmamañjuśarāsananirupamakāntiharacillicalananihatabhīmanibiḍājñānamale ! sulalāmaśobhibhālatale ! varahemacārubhūṣaṇalasite ! madahīnamaunihṛdayaikapade ! surabhāminīnivahagītaguṇe ! śaśidhāmamandahasite ! jaya bhagavati ! (saroruhāsanajā) || 1||

मङ्गळावरशालिवीणासङ्गिकरमृदुलाङ्गुलिदलजिततुङ्गकल्पककिसलयनिवहे !दुरितसेवकतापभरे !भृङ्गसञ्चयवलयितसुमसुरभीकृतधम्मिल्लरचितमदभङ्गसजलाम्भोदकुले ! नवपङ्कजोपमनयनयुगे ! लसदङ्गरागघनसारहरिणमदहारभासिकुचकुम्भयुगे हरिपुङ्गवोपमितमध्यतले ! परबोधरूपिणि ! परे ! जगदीश्वरि ! (सरोरुहासनजा) ॥ २॥

maṅgaḷāvaraśālivīṇāsaṅgikaramṛdulāṅgulidalajitatuṅgakalpakakisalayanivahe !duritasevakatāpabhare !bhṛṅgasañcayavalayitasumasurabhīkṛtadhammillaracitamadabhaṅgasajalāmbhodakule ! navapaṅkajopamanayanayuge ! lasadaṅgarāgaghanasārahariṇamadahārabhāsikucakumbhayuge haripuṅgavopamitamadhyatale ! parabodharūpiṇi ! pare ! jagadīśvari ! (saroruhāsanajā) || 2||

बालचन्द्रवतंसिनि ! परिजनपालनैकपरे ! घनपातकशैलभिधुरायितचरिते ! करुणालवालायितहृदयेलोलरुचिराळकपरिवृतसुविशालरुचिनिलयायितवदने !नालमिह फणिनायकोऽपि बतालपितुमयि महिमानं तेतूलतां नय ममोद्यदविद्याजालमाशु ननु भारति ! सकलंभाललोचनमुखाखिलवन्दितपद्मनाभपदसेवकनिरते ! (सरोरुहासनजा) ॥ ३॥

bālacandravataṃsini ! parijanapālanaikapare ! ghanapātakaśailabhidhurāyitacarite ! karuṇālavālāyitahṛdayelolarucirāḷakaparivṛtasuviśālarucinilayāyitavadane !nālamiha phaṇināyako'pi batālapitumayi mahimānaṃ tetūlatāṃ naya mamodyadavidyājālamāśu nanu bhārati ! sakalaṃbhālalocanamukhākhilavanditapadmanābhapadasevakanirate ! (saroruhāsanajā) || 3||

॥ जननि पाहि सदा ॥रागं शुद्धसावेरि, ताळं त्रिपुट ।पल्लवि ।जननि ! पाहि सदा जगदीशे ! देवि ! स्मरहरवल्लभे ! ॥अनुपल्लवि ।अनवद्यतरनवहारालङ्कृते ! मञ्जुवनजायतलोचने ! वाहिनीतटवासे ! (जननि) ॥चरणम् ।शैलराजतनये ! चण्डमुण्डनाशिनि !शूलशोभितकरे ! सुन्दररूपे !भालराजितिलके ! परमकृपावति !पालितसुजनमालिके ! सुरसालकिसलयचारुनिजपादे ! (जननि) ॥ १॥

|| janani pāhi sadā ||rāgaṃ śuddhasāveri, tāḷaṃ tripuṭa |pallavi |janani ! pāhi sadā jagadīśe ! devi ! smaraharavallabhe ! ||anupallavi |anavadyataranavahārālaṅkṛte ! mañjuvanajāyatalocane ! vāhinītaṭavāse ! (janani) ||caraṇam |śailarājatanaye ! caṇḍamuṇḍanāśini !śūlaśobhitakare ! sundararūpe !bhālarājitilake ! paramakṛpāvati !pālitasujanamālike ! surasālakisalayacārunijapāde ! (janani) || 1||

महितबाहुबलमहिषासुरादिगहनदहनायिते ! गतमदसेव्ये !सुहसितजितकुन्दे ! शोणजपाधरि !विहर मम हृदि विधुसदृशमुखिबहलमलयजबन्धुरे ! लोक (जननि) ॥ २॥

mahitabāhubalamahiṣāsurādigahanadahanāyite ! gatamadasevye !suhasitajitakunde ! śoṇajapādhari !vihara mama hṛdi vidhusadṛśamukhibahalamalayajabandhure ! loka (janani) || 2||

परमपावनश्रीपद्मनाभसहोदरि !नीलचिकुरे ! केसरिवरवाहे !चरितदुरितभक्तदरनिकरे ! गौरि !कुरु कृपां मयि कुलिशधरमुखपरिणुते ! घनदुरितहृतिलोले ! (जननि) ॥ ३॥

paramapāvanaśrīpadmanābhasahodari !nīlacikure ! kesarivaravāhe !caritaduritabhaktadaranikare ! gauri !kuru kṛpāṃ mayi kuliśadharamukhapariṇute ! ghanaduritahṛtilole ! (janani) || 3||

॥ पाहि जननि सन्ततम् ॥रागं नाट्टकुरञ्जि, ताळं त्रिपुट ।पल्लवि ।पाहि जननि ! सन्ततं मामिहामल परिणतविधुवदने ! ॥अनुपल्लवि ।देवि ! सकलशुभदे ! हिमाचलकन्ये ! साहसिकदारुणचण्डमुण्डनाशिनि ! (पाहि) ॥चरणम् ।बालसोमधारिणी ! परमकृपावति !नीलवारिदनिभनेत्रे ! रुचिरशीले !भाललसितवरपाटीरतिलके ! श्रीनीलकण्ठदयिते ! निगमवनमातङ्गि! (पाहि) ॥ १॥

|| pāhi janani santatam ||rāgaṃ nāṭṭakurañji, tāḷaṃ tripuṭa |pallavi |pāhi janani ! santataṃ māmihāmala pariṇatavidhuvadane ! ||anupallavi |devi ! sakalaśubhade ! himācalakanye ! sāhasikadāruṇacaṇḍamuṇḍanāśini ! (pāhi) ||caraṇam |bālasomadhāriṇī ! paramakṛpāvati !nīlavāridanibhanetre ! ruciraśīle !bhālalasitavarapāṭīratilake ! śrīnīlakaṇṭhadayite ! nigamavanamātaṅgi! (pāhi) || 1||

सुरभिकुसुमराजिशोभितकचवृन्दे !वरदे ! वासवमुखवन्द्यमानचरणे !अरुणजपाकुसुमाधरे ! कौमुदीपरमोज्ज्वलहसिते ! भक्तकल्पवल्लिके ! (पाहि) ॥ २॥

surabhikusumarājiśobhitakacavṛnde !varade ! vāsavamukhavandyamānacaraṇe !aruṇajapākusumādhare ! kaumudīparamojjvalahasite ! bhaktakalpavallike ! (pāhi) || 2||

कमनीयतमरूपे ! कन्याकुब्जवासिनि !शमितपापनिकरे ! शान्तहृदयगेहे !अमितविमलरुचिहारे ! नीलवारिदोपमवेणि ! गौरि ! श्रीपद्मनाभसोदरि ! (पाहि) ॥ ३॥

kamanīyatamarūpe ! kanyākubjavāsini !śamitapāpanikare ! śāntahṛdayagehe !amitavimalarucihāre ! nīlavāridopamaveṇi ! gauri ! śrīpadmanābhasodari ! (pāhi) || 3||

॥ पाहि पर्वतनन्दिनि ॥रागं आरभि, ताळं आदि (१ कळै) ।पल्लवि ।पाहि पर्वतनन्दिनि ! मामयि पार्वणेन्दुसमवदने ॥अनुपल्लवि ।वाहिनीतटनिवासिनि ! केसरिवाहने ! दितिजाळिविदारणे ! ॥चरणम् ।जम्भवैरिमुखनते ! करिकुम्भपीवरकुचविनते ! वरशम्भुललाटविलोचनपावकसम्भवे ! समधिकगुणवसते ! (पाहि) ॥ १॥

|| pāhi parvatanandini ||rāgaṃ ārabhi, tāḷaṃ ādi (1 kaḷai) |pallavi |pāhi parvatanandini ! māmayi pārvaṇendusamavadane ||anupallavi |vāhinītaṭanivāsini ! kesarivāhane ! ditijāḷividāraṇe ! ||caraṇam |jambhavairimukhanate ! karikumbhapīvarakucavinate ! varaśambhulalāṭavilocanapāvakasambhave ! samadhikaguṇavasate ! (pāhi) || 1||

कञ्जदळनिभलोचने ! मधुमञ्जुतरमृदुभाषणे ! मदकुञ्जरनायकमृदुगतिमञ्जिमभञ्जनातिचणमन्थरगमने ! (पाहि) ॥ २॥

kañjadaḷanibhalocane ! madhumañjutaramṛdubhāṣaṇe ! madakuñjaranāyakamṛdugatimañjimabhañjanāticaṇamantharagamane ! (pāhi) || 2||

चञ्चदळिललिताळके ! तिलकाञ्चितशशिधरकलाळिके ! नतवञ्चिनृपालकवंशशुभोदयसञ्चयैककृतिसततगुणनिके ! (पाहि) ॥ ३॥

cañcadaḷilalitāḷake ! tilakāñcitaśaśidharakalāḷike ! natavañcinṛpālakavaṃśaśubhodayasañcayaikakṛtisatataguṇanike ! (pāhi) || 3||

॥ भुजगशायिनो ॥

|| bhujagaśāyino ||

रागं यदुकुलकाम्भोजि, ताळं रूपक ।

rāgaṃ yadukulakāmbhoji, tāḷaṃ rūpaka |

भुजगशायिनो नाम मङ्गळंपरमजानतापीह कीर्तितंदहति पाप्मनां जालमञ्जसाभुवि शिखी यथा दारु सञ्चयम् ॥

bhujagaśāyino nāma maṅgaḷaṃparamajānatāpīha kīrtitaṃdahati pāpmanāṃ jālamañjasābhuvi śikhī yathā dāru sañcayam ||