गर्भरक्षाम्बिकास्तोत्रम् Garbharakshambika stotram

श्रीमाधवीकाननस्थे गर्भरक्षाम्बिके पाहि भक्तं स्तुवन्तम् ॥वापीतटे वामभागे वामदेवस्य देवस्य देवी स्थिता त्वम् ।मान्या वरेण्या वदान्या पाहि गर्भस्थजन्तून् तथा भक्तलोकान् ।श्रीमाधवीकाननस्थे गर्भरक्षाम्बिके पाहि भक्तं स्तुवन्तम् ॥ १॥

śrīmādhavīkānanasthe garbharakṣāmbike pāhi bhaktaṃ stuvantam ||vāpītaṭe vāmabhāge vāmadevasya devasya devī sthitā tvam |mānyā vareṇyā vadānyā pāhi garbhasthajantūn tathā bhaktalokān |śrīmādhavīkānanasthe garbharakṣāmbike pāhi bhaktaṃ stuvantam || 1||

श्रीगर्भरक्षापुरे या दिव्यसौन्दर्ययुक्ता सुमाङ्गल्यगात्री ।धात्री जनित्री जनानां दिव्यरूपां दयार्द्रां मनोज्ञां भजे त्वाम् ।श्रीमाधवीकाननस्थे गर्भरक्षाम्बिके पाहि भक्तं स्तुवन्तम् ॥ २॥

śrīgarbharakṣāpure yā divyasaundaryayuktā sumāṅgalyagātrī |dhātrī janitrī janānāṃ divyarūpāṃ dayārdrāṃ manojñāṃ bhaje tvām |śrīmādhavīkānanasthe garbharakṣāmbike pāhi bhaktaṃ stuvantam || 2||

आषाढमासे सुपुण्ये शुक्रवारे सुगन्धेन गन्धेन लिप्ता ।दिव्याम्बराकल्पवेषा वाजपेयादियागस्थभक्तैः सुदृष्टा ।श्रीमाधवीकाननस्थे गर्भरक्षाम्बिके पाहि भक्तं स्तुवन्तम् ॥ ३॥

āṣāḍhamāse supuṇye śukravāre sugandhena gandhena liptā |divyāmbarākalpaveṣā vājapeyādiyāgasthabhaktaiḥ sudṛṣṭā |śrīmādhavīkānanasthe garbharakṣāmbike pāhi bhaktaṃ stuvantam || 3||

कल्याणदात्रीं नमस्ये वेदिकाख्यस्त्रिया गर्भरक्षाकरीं त्वाम् ।बालैस्सदा सेविताङ्घ्रिं गर्भरक्षार्थमारादुपेतैरुपेताम् ।श्रीमाधवीकाननस्थे गर्भरक्षाम्बिके पाहि भक्तं स्तुवन्तम् ॥ ४॥

kalyāṇadātrīṃ namasye vedikākhyastriyā garbharakṣākarīṃ tvām |bālaissadā sevitāṅghriṃ garbharakṣārthamārādupetairupetām |śrīmādhavīkānanasthe garbharakṣāmbike pāhi bhaktaṃ stuvantam || 4||

ब्रह्मोत्सवे विप्रवीथ्यां वाद्यघोषेण तुष्टां रथे सन्निविष्टाम् ।सर्वार्थदात्रीं भजेऽहं देववृन्दैरपीड्यां जगन्मातरं त्वाम् ।श्रीमाधवीकाननस्थे गर्भरक्षाम्बिके पाहि भक्तं स्तुवन्तम् ॥ ५॥

brahmotsave vipravīthyāṃ vādyaghoṣeṇa tuṣṭāṃ rathe sanniviṣṭām |sarvārthadātrīṃ bhaje'haṃ devavṛndairapīḍyāṃ jaganmātaraṃ tvām |śrīmādhavīkānanasthe garbharakṣāmbike pāhi bhaktaṃ stuvantam || 5||

एतत् कृतं स्तोत्ररत्नं दीक्षितानन्तरामेण देव्याः सुतुष्ट्यै ।नित्यं पठेद्यस्तु भक्त्या पुत्रपौत्रादिभाग्यं भवेत्तस्य नित्यम् ॥ ६॥

etat kṛtaṃ stotraratnaṃ dīkṣitānantarāmeṇa devyāḥ sutuṣṭyai |nityaṃ paṭhedyastu bhaktyā putrapautrādibhāgyaṃ bhavettasya nityam || 6||

इति ब्रह्मश्री अनन्तरामदीक्षितवर्यविरचितंगर्भरक्षाम्बिकास्तोत्रं सम्पूर्णम् ॥

iti brahmaśrī anantarāmadīkṣitavaryaviracitaṃgarbharakṣāmbikāstotraṃ sampūrṇam ||